joyjoy1016's Profile

第一次光顧既金坊,本身早兩日都打算食西餐,後來諗下不如食些熱辣辣的泰菜好過,就選擇金坊.本身訂左19：00,不過妹妹妹夫早到左,所以我地去到時大約18：00,餐廳內冇咩人,可能時間尚早,餐廳光猛,整齊整潔.本身打算叫套餐,但係只有星期一至五供應,之後睇下有咩特價,泰式生假,海南雞,咖喱軟殼蟹配蒜蓉包都有,當然就即係落單,另外再加燒豬頸肉,蝦頭膏炒飯,明爐馬友魚.龍眼冰就係我妹妹至愛.上菜速度好快,首先就係泰式生蝦同海南雞,生蝦好爽口配泰式海鮮醬,正呀.海南雞落左原隻,不過有些多,餐廳一碟半隻,兩碟原隻,海南雞好滑.咖喱軟殼蟹配蒜蓉包,包就好夠脆,配咖哩汁吾錯,不過軟殼蟹就有d覺得少.燒豬頸肉就香口,脆身.蝦頭膏炒飯就一般,冇咩特別.明爐馬友魚上枱時有火爐烘住,魚好滑,媽媽好鍾意,食到最後都仲好熱.最後有諗過想試埋芒果糯米飯,不過太飽冇食,但係餐廳送左4件椰汁糕比我地試.埋單每人都吾使$200…Read More

天寒地凍總會肚餓,突然想食辣野,想起紅磡有間沙懸特色小吃那度都係QR code 落單,左諗右諗,不如試下豬大腸,但係配咩最吸辣,不如試下薯粉都好,就叫豬大腸麻辣薯粉,再加杯凍檸茶,人生一大享受.食物來到,熱辣辣,非常好食,下次再光顧宵夜恩物…Read More

今日收工已經係下午4點,可能今日中午食吾飽,有點頭暈眼花,第一時間睇下openrice,附近有咩餐廳抵食,食個下午茶先,我係第一次來牛奶冰室,一境舒適乾淨,光線充足,入到去就見到我公司同事,即刻坐低吹水.這間冰室係用二維碼落單,隨後我點了一份黑松露炒蛋三文治同港式茶走.食物質素吾錯,三文治冇叫烘底,都吾使加錢,非常好.茶走正常,餐廳職員會在你面前落煉奶,直至客人叫停,正呀一份下午茶只係$36,都吾錯…Read More

今日係我第二次來Black Sugar,環境舒適寧靜,適合自由工作者安靜工作,情侶拍拖,甚至有毛孩既朋友到來過舒適既下午.今日來到時,餐廳比較多客,初頭安排左比較冇甘舒服既卡位,工作人員好好,非常有耐性,當餐廳安頓好,就詢問番我會否坐吧枱,我當然樂意,畢竟可以睇到咖啡師做手沖.工作人員提供二維碼,隨後我點了一份牛油多士同一杯冇冰既冰抹茶拿鐵.食物質素吾錯.冇冰既冰抹茶拿鐵可以保持口感不變,適合我飲得比較慢.…Read More

難得今日反晏D,就去搵好野食,選擇左“火夫”其實之前一直都想去試,一直都沒有機會.今次選擇左Lunch set$118虎蝦濃湯麵+$50,葡提鴨卷,芝心茄子,麥茶虎蝦濃湯麵,非常濃郁,好似食沾麵咁樣葡提鴨卷,好清新同埋一齊食吾油膩芝心茄子,冇咩特別最後飲杯麥茶可以清下腸胃唔錯唔錯…Read More

今日剛巧同朋友一齊放假,所以預約Anymomentcafe試下先我同朋友早左15分鐘到,老闆話冇問題,可以坐低先,老闆好健談,講到餐廳原來開左16年,感覺自己回到中學時代.另外成間餐廳只有老闆1個,由帶位,店員,廚師都係自己親力親為.講開先知老闆鍾意自家制食品,鍾意自家制醬汁,自家制香草...這裡原來係party room,座位好闊落,每張枱可以坐4-10人,好適合一大夥朋友來玩.朋友仔可以來吹水,玩board game我點左焦糖雞翼,芝士薯條配炸雞扒飲品就點左蜂蜜雪梨茶,檸檬利賓納焦糖雞翼 有成6隻咁多,大大隻,焦糖味好濃好香芝士薯條配炸雞扒 份量好大,另外芝士汁係老闆親自調教,好夾個薯條蜂蜜雪梨茶 用上左新鮮雪梨,好潤喉檸檬利賓納 我朋友話吾錯,可以反屋企自己整比小朋友飲…Read More

難得放假,約左朋友食餐飯,談談大家近況我到埗後,服務員先招呼我做好掃安心同針卡,之後就搵左個位座低先原來這間餐廳係有一半地方係髮型屋,另一半就係咖啡室,都幾特別,下次可以去剪髮😱😱我實在太肚餓,自已行左去counter先叫左野食先,叫左風乾豬頰肉卡邦尼意粉同咖啡二重奏卡邦尼意粉賣相吾錯,都好食,只係吾係太夠熱咖啡二重奏,特濃咖啡試到榛子口味,有點苦,另外那杯細Latte咖啡同鮮奶都幾夾,都幾好飲…Read More

佐敦純白文青cafe難得今日休息,決定食餐好,就去左佐敦自從中學畢業後,就冇再去過佐敦,佐敦變左好多,多左好多新餐廳我就選擇左 Heart Coffee#jordancoffee #heartcoffeehk 我入到去,職員好有禮貌,先招呼我坐低原來落order要去櫃台點餐咖啡奶可以另加$5轉燕麥奶/荳奶,都可以不$5多1shot 特濃咖啡我就選左牛油果風乾火腿班尼迪蛋配酸種麪包同鮮奶咖啡鮮奶咖啡有正常拉花,吾會太熱,剛剛好牛油果風乾火腿班尼迪蛋配酸種麪包賣相吾錯,蛋就流心,沙律菜不太夠油醋,火腿可以多少少整體吾錯,餐廳環境簡潔,樓面同事主動收碟,只係樓面見客人較多,沒有開齊所以冷氣,覺得有點焗…Read More

今次係我第一次寫食評，有少少緊張本身我鍾意飲飲食食，所以我就入左這行講番正題先~是日係補祝母親節，所以就遷就媽媽選擇比較近餐廳，屋企附近所有中餐廳都食過，甘我就話事，選擇最近既酒店內餐廳Moreish Malt,因為我知觀塘那間那日平時都好忙，所以選擇紅磡分店試下一行6人，我父母，細妹，細佬，細妹男朋友同我，大約1930到達餐廳我地全部人都有選擇困難症，吾知點落手，我就提議要個Family Set for 4 位，再另加食物，甘咪吾使選擇甘多~~響我地選擇好后，立即送上意大利香草包with油醋另外套餐包括左餐飲，我地叫左冬檸茶2杯，冬奶茶，熱檸茶由於我同爸爸喜歡飲酒，叫左2杯stella第一道係新鮮打爛磨菇湯，好有口感第二道係牛油果三文魚籽蟹肉多士，好脆口，又吾會太膩第三道係紐西蘭肉眼扒跟炸薯條，美國有骨雞胸跟芝士通心粉，配菜有4樣可以選擇，但係主菜就無得選，肉眼扒叫左7成，都好juicy，我就食開5成，因為我屋企人吾接受太生，所以叫7成，另外餐廳好細心，有骨雞胸幫我起左D骨，方便左我地切，雞胸好嫩滑，個mac and cheese好正，係用左貝殼粉來做，好有口感第四道係忌廉磨菇意粉同香蒜橄欖油鮮蝦🍤扁意粉，兩個都好好食，吾會太creamy同太油😋😋😋，因為有d餐廳可以炒到個碟底有成2，3更油因為覺得吾夠食，另外再加左個意大利腸卡邦尼意粉同小食拼盤，兩樣都好好食，個意粉吾會太creany，小食拼盤有水牛城雞翼，牛油果三文魚籽蟹肉多士，炒墨魚條我只係覺得另外onside牛油果醬吾夠味，可能我食得比較濃味其他都好好，尤其招呼我地光頭既外籍員工，全程好好好笑容，又問我地食得飽吾飽，好吾好食我母親好滿意餐飯，甘我就開❤母親節過左，就到父親節，又要傷腦筋😆😆…Read More

我剛剛有少少肚餓，想買個包食，就行左入加利年我行入去時係帶左耳機，不過已經關左音樂，我可能有選擇困難症，選包比較耐，甘我見到咩包合心意就買，到我比錢買完包，聽到其中1個店員話“我地放前面既包係熱d,成日都要選後面”,我心聽完好吾舒服，客人吾可以反到屋企再加熱嗎？吾明為什麼要講這些說話呢?再加上d包你明知吾熱，為何吾放置熱燈去曬呢?本人第一次post open rice,希望該店員好好反省…Read More