fmly's Profile

去到黃金海岸食開個間冇開，咁就試試新野啦。因為我係星期六日去既，呢間越南野要另外+$10，但見佢環境唔錯又有套餐就揀佢啦。凍奶茶： 完全唔好飲，唔知自己飲緊咩，冇奶味冇茶味，相信睇隻顏色都估得到。越式蛋包飯：因為佢個menu冇圖，我就試下啦諗住蛋包飯點差都有個譜既，但原來真係可以離晒譜。$108 （未計$10）你比呢堆野我？芽菜炒蛋白飯撈豉油？一粒肉碎都冇架唔係講笑，同埋味道係非常咸，就算冇落豉油d蛋已經好咸，好似食成樽鹽咁，但又唔可以唔落豉油食，因為太乾。總括而言，除左環境之外冇一樣野係ok…Read More

之前係網上面見到呢間雪糕店，咁岩同朋友去西貢就決定搵黎試下店內位置唔多，咁岩我去既時段冇乜人可以坐低食，環境唔錯佢有乳酪，乳酪雪糕同其他飲品選擇，咁我係為左乳酪雪糕而去，所以冇考慮其他款式。欣賞呢間有好多toppings可以揀，剩係揀toppings都用左好多時間最後登登登登$58乳酪雪糕，toppings係香蕉，芒果，海鹽焦糖餅加蜜糖醬非常好食，乳酪味岩岩好，唔會好酸唔會好甜，質地又滑，配埋蜜糖簡直係一流，$58好似好貴，但份量非常多，如果比較細食既人可以同朋友share一杯呀好食既程度係我已經同朋友講定下次會因為想再幫襯呢間店而去西貢…Read More

因為到到都要排隊，見佢新開張冇咩人排就試下啦入去叫左個set，價錢唔平但有湯有飲品加碗飯，係尖沙咀黎講個價錢都算fair既。首先到既係湯對呢個湯好失望，以為係羅宋/蔬菜湯，但個湯甜到不得了，唔係好岩本人品味。之後黎既係飲品-凍檸樂杯就大啦，但份量極小，差唔多成杯都係冰，飲大啖d都已經冇晒最後係咖哩慢煮肉飯味道算唔錯既，肉都夠嫩，份量望落小但食落都岩岩好夠飽，不過如果可以多小小汁就好，撥開d肉中間係成舊白飯，小小汁都冇:(…Read More

之前食過一次叫焗飯，個兜就大啦不過份量好小，咁第2次去就試湯麵啦。叫左個清湯豬頸肉金邊粉，菜另加$4，總共$44連熱飲，但呢個份量會唔會太小？得兩塊薄薄豬頸肉，加$4就得2條菜芯忍唔住叫waitress過黎問呢個係咪貴餐廳既standard. 佢答係呀每人都係兩塊，一直都比開兩塊既，咁我都無謂再講落去啦。味道真係清湯，但本人都鐘諗啖口味既食物所以算ok，但湯既量都好小，接近比粉吸晒，整體黎講$30都嫌貴…Read More

見佢評分都幾高而星期日出奇地又唔洗排隊，咁就試試啦。咁第一次當然要食佢招牌既生雞蛋拌飯，天氣熱唔係好餓，份量小小地岩晒三文魚生雞蛋拌飯因為評價幾高，對佢既奇望都幾高，結果食完都唔知自己食緊咩，蛋白起泡好creamy，但一d蛋味都冇，好彩個飯會配咸豉油同飯素，完全係靠飯素既味道救番成個飯，不過如果係為左食飯素就唔洗比$65食呢碗冇蛋味既生雞蛋飯主菜唔得就試埋飲品，叫左杯鮮奶抹茶，如果中意偏苦澀既朋友就千祈唔試，佢鮮奶同抹茶既ratio係1:1，而且好甜，似比小朋友飲既味道，因為黎到見佢太多奶都心知不妙，冇影相…Read More

入親西貢都見佢排長龍，決定要試一次！排左接近半個鐘中途真係想放棄（因為我好怕排隊），但差唔多到你既時候waitress會一直同你講就有枱，又會update仲有幾多張到你，所以堅持落去排個陣見幾多人order三文魚同班尼迪，我地就跟啦！Smoked salmon on sourdough rye ($102)賣相唔錯，而且好足料，三文魚望落好小，但佢係摺埋再摺，所以最後係食完個包都未食晒d三文魚。白色既sauce微酸，同個包好夾又蓋到火箭菜既味（本人平時極討厭火箭菜，但有呢個sauce就食晒），絕對值呢個價。Pulled pork benedict ($120)蛋汁加埋佢原本既sauce，一流！豬肉既量又係食晒個包都仲有堆手撕肉剩低，唯一美中不足就係得一隻蛋。Beef Rage Papardelle ($120)或者其他太突出，又或者呢款太普通，冇驚喜，唔建議order。佢既味道係正常既，但牛肉既量就真係小得可憐，加埋都唔知有冇5粒飲品方面，極推薦凍Mocha，夠香又唔甜，不過相對細杯d。另外鐘意偏澀既greentea latte既人都可以order，不錯…Read More

限聚令既情況下，2個人去呢間食野揀到既菜式都比較小，所以加埋只揀到4款。四川擔擔麵 - 本人怕辣就揀左小辣，但個人認為唔洗揀小辣，因為碗麵變左完全唔辣🤣味道，湯底同份量整體而言係唔錯，未到好好味，但對得住$44。蔥油拌麵同擔擔麵評價一樣，唔會太過突出，但都唔會令人失望。（$38）涼拌海蜇皮 - 由於本人極討厭芫茜，黎到既時間都嚇左下，但又因為太愛海蜇皮，頂住上試左啖。好彩海蜇完全唔吸味，唔食芫茜既朋友只要挑開佢地就得，而且麻油味好香濃，連青瓜蘿蔔絲一齊食好夾。（$64）京燒羊肉 - 驚喜！我好中意食騷味十足既羊，配埋孜然粉就100分。而呢碟羊肉完全meet到我既要求，每塊有肥有瘦，個皮仲要係脆架！下次去一定會再點（$128）至於服務方面，各方面都唔錯，入到去waitress都幾熱情咁帶位，交帶完要點點餐，擺好晒碗碟先會行開，唔洗成日舉高隻手叫人幫助🤣…Read More

男友本身好中意食餃子，去邊見到有餃子店都會衝入去，咁見到有芝士煎餃，好啦就比個機會佢啦我地total有3個人去，入到去佢要我地坐門口既2人位，咁都算啦佢本身環境都好逼，坐邊都應該一樣，我地就照坐啦。坐底叫完野，3個人加埋叫左15隻餃加碗粉，咁因爲會share所以叫佢比隻碗仔，我相信係任何餐廳呢個都係好合理既要求，佢竟然同我講每隻碗要加$1餐廳唔提供碗係咩玩法？到湯餃子黎啦，但waitress好似唔識湯唔可以裝太滿，黎到將d滾湯淋左d落我條褲同男友隻腳到。。。好彩唔係太熱同埋知道佢冇心，即刻講晒sorry，但佢之後剩係比張乾紙巾我抹，係1張，佢淋落2個人到比1張，我條仲要係褲黎，點樣用乾紙巾抹入左褲既湯？？？？？椰菜湯餃子餃子：正常味道，有菇，可以接受湯底：好好好好好咸，入左餃子到會咸到有小小「那」喉，每食一粒都要飲好多水好啦之後芝士煎餃加銀針粉到啦，本身以為係餃子皮裡面芝士同肉撈埋一齊，外皮會煎到啡色左右，點知黎到。。。。就咁加塊總統牌芝士片上去就叫芝士煎餃銀針粉就屬於正常，唯獨湯底太太太咸，同湯餃一樣，湯底應該要改善下。總括黎講味道：好差，好失望，咁樣收我接近$100，真係食完會想貼張紙叫大家小心中伏環境：鋪位太細，建議每次2個人食就好服務：完全令人摸不著頭腦，餐廳要碗加$1我到而家都唔敢相信，最基本裝滾湯唔可以太滿都唔識，事後處理既手法令人驚奇…Read More

既然咁多人話好食 今日突登入元朗去試下啦但一開始已經令人失望，其實唔係個個都老顧客，亦都唔會做晒資料搜集先入黎食既，排完一大輪先話3:30後先有甜品供應，咁點解餐廳唔貼係門口提醒大家呢？個個waiter都好清楚知道好多人為甜品而黎，咁點解見多人排隊既時候又唔講呢？要有位入座先同人講冇甜品，前面total 8個人排完曬完熱到流晒汗先知冇甜品，白排！咁我覺得既然排左咁耐，試下lunch set都ok既。咁就叫左個E餐名太子意粉，朋友叫F餐墨汁長通粉加杯極光。1. 餐湯唔好意思呢碗係熱蔥水！非常難飲，仲要隻木匙係發霉，有3達綠色霉菌，餐廳仲要自己帶走用過既紙巾，所以通通用黎抹發霉既紙巾我都要自己帶走！？2.極光姐係桃茶加lemon，味道正正常常，甜甜地帶酸，lemon juice係根自己喜好落多或小既，但個杯已經極細，仲要有3分2隻杯都係冰跟餐要+$18， 唔值3.主菜明太子意粉$88除左個名有「明太子」呢3隻字，成碟意粉係冇明太子味既墨汁長通粉$78如果唔係有蟹籽，成碟意粉會好甜，應該適合愛甜人士食，但我地食得墨汁都係偏咸味，覺得一般。4.抹茶餅我自己中意偏澀抹茶，但佢隻抹茶餅係青青大草原既味道最後比左$184埋單，但要去第2間餐廳再醫肚，因為每樣野都擺唔落口！…Read More

屋企有3人差唔多時間生日，就決定食餐放題慶祝一下。咁我即日book話8點有位，去到就8:16先有得入座，咁等16分鐘都唔算太耐，可以接受既。我地揀左$168普通牛餐，加$50包炸物、刺身、壽司同串燒。點知坐低先話吞拿魚、甜蝦、油甘魚，雞翼串燒同豬肉串燒冇晒咁叫放題咩？但都算啦一場黎到又有老人家，廢事坐低又走就繼續食啦。坐底湯底未到，就去沙律吧拎野食先！我入去既時候冇菜，到我走既時候都冇refill過，剩係食左螺肉同中華沙律。。。:(上圖既湯底係雞湯，味道淡到鹽都冇落咁。佢係一人揀一個湯底，除左魚湯之外，其他都冇味，佢可以做到連壽喜燒都冇味，真係十分難到做！至於壽司舊飯太大，格硬塞飽你。三文魚同海膽蝦味道唔錯，帶子完全冇味，但我地坐底5分鐘黎，廚房話刺身壽司要停20分鐘先會再出，大老我得90分鐘食，你仲要停20分鐘，咁我食咩好？最後要追單追4次先黎到小小壽司同埋補番鐘數比我地。至於肥牛係必點架啦，牛既味道正常，但$168餐肥牛真係肥肥肥牛，如果想食瘦小小既朋友可能要揀其他貴d既套餐啦。而且比既牛6人份量得2碟，每次加牛都要三催四請先到。好似比完錢都要求佢比碟牛我地咁。回應番上面佢收放題價錢，但乜都冇，出前一丁公仔面呢個兜又係由頭空到落尾，最後忍唔住問waitress點解可以連公仔面都冇，佢仲好理直氣壯咁話因為佢地d貨未到，發番我地脾氣。身為一間放題店，冇一樣貨自然要搵另一種replace或者拎走個兜唔好比人知有呢樣食物provide架啦，服務已經唔好，仲要味道都唔好，唔知佢到底想點做生意。番到屋企有4個人肚痛，可能存在衛生問題永久blacklist…Read More

平時見到成日排長龍，趁lunch time冇乜人食就試試啦因為我對食冇乜要求，係牛都會塞入口，咁我就叫最平既澳洲西冷，朋友就叫澳洲肉眼。我地都有加$29轉set，值得一讚既係汽水真係成罐，唔係一杯細細杯既，沙律係泰式醬，不過不失。薯條就要靠運氣，我個份好硬又凍，朋友既就脆卜卜，諗番起係我個份黎先，所以應該係炸完擺係到個d。上圖係200g既澳洲西冷，黎到既時候係4成熟，但切開都已經7-8成。但西冷有好多筋，真正食到既都唔知有冇80g。朋友既肉眼比較軟，所以如果想去試既朋友記得叫肉眼排。但總括黎講，肉汁唔多，洋蔥又太大塊，牛味又冇乜，唔值得排隊。…Read More

係黃埔行街，呢區小店多就試下甜品，咁岩search到呢間就試下。。。結果係可一不可再見餐牌價錢都合理，就叫左佢所謂既雙皮奶同DIY雙拼試下啦雙皮奶，故名思義，應該係有皮架啦？點知單皮都冇，以為等既時間唔夠，決定等10分鐘凍小小，都係冇皮。。。呢碗只可以叫好稀既蛋白燉奶朋友叫左椰汁西米冰配芒果，加海鹽雪糕，可能配搭怪，味道都怪，而個雪糕等到天荒地老都係硬過琺瑯質呢張係等左15分鐘既雪糕圖，用匙都整唔爛，最後朋友成舊食服務方面更加差，完全唔憂做咁，問可唔可以唔要椰汁轉花奶，佢咬住野食答我所以講唔清楚，我問多次佢都嫌我煩，反晒白眼咁…Read More

天氣涼涼地，決定4人去食雞煲我地太約7:30到，店裡面得三四枱客，但大家覺得可能其他人未有咁早收工，所以照食唔怕伏。因為掛住開餐唔記得影低芝士雞煲同麻辣雞煲既容貌。麻辣雞煲有得揀bb、大中小辣，我地唔食得辣就揀左bb辣，辣度係岩晒我地，但味道略淡。芝士雞煲值得推薦，芝士同洋蔥份量都足夠。趁未打得邊爐，就叫個蛋黃炸魚皮試試先！點解會係橙色架！而且魚皮已經「林」晒，小小蛋黃味都冇，唔知自己食緊咩！到真正打邊爐啦：如果轉湯底要加$28（有皮蛋湯，沙嗲湯同蕃茄湯），免費既只有佢既豬骨湯，健康到同清水冇乜分別，只係叫做白白地既清水（本人食吉野家都要叫清湯，唔中意太濃）食完雞煲成個煲都係油，如果換煲要收$20，建議大家倒走小小油先加湯。上圖就係加完湯係麻辣係到，大家可以聯想到到底有幾淡。打邊爐首選當然係肥牛同羊肉，牛冇牛味羊冇羊味，唔知自己食左咩丸類就正常味道，周街都一樣既。最誇張係豬皮，成塊都係毛完全唔乾淨，食一啖同食毛冇分別，唔知點解會擺得上枱比客人食。海鮮類有魚片同蝦，但食完其他野覺得唔新鮮，所以冇叫蝦，至於魚片就不過不失啦。唯一好食既就係菜囉，娃娃菜同王帝菜都可以既，蓮藕同粟米都異常難食😰上圖就係顯示食飯最旺既時間，間鋪都可以好小人，除左卡位其他都係空置既，呢間店除左芝士煲同服務態度，食物係完全fail😓…Read More

去完大阪對綠茶雪糕念念不忘番到香港係咁搵多人推薦既綠茶雪糕終於係朋友既介紹下黎食呢間星期五晚大約9點食，好好彩唔洗排隊我地total 5人，4個都點綠茶或焙茶組合既雪糕。平均價錢係$48，都算大份，綠茶味超級香濃帶小小苦澀味，絕對比得上係日本食既焙茶味就差小小，感覺茶味唔夠突出，但可能我食左綠茶先食焙茶，變左焙茶口味更加淡。如果叫兩溝既朋友建議食左焙茶先，如果咪陣咪會比綠茶蓋過。配料個人覺得糯米滋好食過白玉，比較chewy。至於黑芝麻味係十個推薦呀！！！但唔好意思我唔記得影相因爲嗅到陣香味就即刻開動！佢配料有白玉，有芝麻脆餅（好食到我想單買），仲有一層似cream既野，除左層cream既比較甜，其他都非常好食！綠茶迷千萬不要錯過！！！…Read More

係尖沙咀食個甜品$40唔算貴，所以決定一試。試左2款甜品第1款係芒果小丸子我預期中既小丸子係要「殷殷韌韌」，但佢整到完全唔彈牙😓咬落去似一堆煮熟既面粉。小丸子配芒果沙冰底，沙冰底不過不失，但水份略多，變左有d淡。紅豆雪米奶凍好食過小丸子，紅豆、雪米滋同牛奶布丁都乎合預期，不會太甜或太淡。紅豆既量都岩岩好，每啖布丁都有紅豆。建議去幫襯既人盡量揀布丁類既甜品。整體黎講會比6/10除非其他地方冇位，如果咪未必要揀呢間…Read More