AkiChen7860's Profile

今日同朋友喺寶琳睇完戲想嚟食藥膳一人邊爐，特登搭車一行五人過嚟食，我哋係冇訂枱，只係撳飛，大約6:30開始等到7:20終於到我地啦，喺入去之前已經諗好晒想食乜，好開心諗住可以入去食啦，跟住門口嗰個女職員同我哋講冇訂枱要分開坐，係必❗️須❗️要❗️分❗️枱❗️坐我哋想一齊，佢話如果唔係要等到8:30之後先可以入去。咁好啦，我哋都想讓步，問分開坐大家距離會係幾遠，佢話會隔兩張四人枱，之後佢就話「冇計啦，你哋冇book枱係要咁樣分開坐㗎喇」、「我咁忙邊得閒同你哋講」、「其實你唔食可以去其他餐廳囉」。咁點解當初唔一早講，我哋咪去第二間囉！又話自己好多嘢做唔會咁得閒同我哋講，但明明我哋一路等佢一路坐喺度禁電話，有幾忙呢請問？附上精美圖片，想俾人問候同受氣既可以嚟呢間唔會再黎，完。…Read More

約咗朋友去食飯 佢就喺大角咀約咗夜晚睇醫生睇完都差唔多八點想喺附近搵間餐廳食 好多餐廳都閂晒 行行吓見到有間餐廳着左燈 外觀青綠色成個森林咁好吸引 見佢仲未閂門所以就入去食飯入到去都好似森林佈置咁成個餐廳好似熱帶雨林餐廳設計真係好有心思嘢食好多選擇 我哋都睇咗一陣諗緊食咩好睇返啲餐牌價錢其實一啲都唔貴 下次如果多啲人黎嘅話再叫多啲嘢食先黑松露雜菌配意大利飯63°c溫泉蛋$88唔使講我見到溫泉蛋已經決定要食呢個意大利飯 溫泉蛋雖然易整 但係整到好食就一啲都唔容易 你有冇留意連餐具都係呢間餐廳個名嚟㗎成個設計襯晒間餐廳我特登整穿個溫泉蛋然後撈意大利飯食 口感簡直一流 淡淡嘅溫泉蛋再加上黑松露嘅飯香 一啲都唔膩 而且非常之咁配搭 我都係第一次咁食法傳統卡邦尼意大利麵配63°c溫泉蛋$88而我朋友最鍾意就係食卡邦尼佢話想知嗰間餐廳好唔好食食卡邦尼就啱㗎啦😂其實佢真係好鍾意食呢個麵🤣果然呢個麵冇令到佢失望而且讚不絕口香濃嘅芝士再配搭溫泉蛋又係另一種新嘅體驗我朋友話食太飽有啲口乾要飲杯嘢所以叫咗杯青檸梳打 連嘢飲都好足料㗎唔係求其俾一舊青檸仲加咗好多香葉其實我哋兩個都已經食到好飽啦雖然好想食呢個雪糕都係等下次叫多啲人先至食啦…Read More

放工又約咗朋友出去食飯 今次試新野朋友話要帶我去食漢堡包 🍔其實我個人就唔鍾意食包㗎 不過佢話好食咁就賞面即管去試吓希望唔好令我失望啦呢間餐廳喺美麗華商場入邊 位置尚算方便 一入到去俾佢街頭design嘅設計吸引忍唔住影咗幾張相打卡我哋兩個坐低好快決定咗食啲乜嘢之後出去俾錢叫嘢食 等咗冇耐啲嘢食話咁快就到鵝肝沙律$128我同朋友最鍾意就係食鵝肝㗎喇一見到鵝肝沙律即刻發晒癲鵝肝入口即溶 再加上清新嘅柚子醋沙律菜一啲都唔肥膩 做頭盤就啱晒啦黑松露芝士薯條$68本身我對呢個薯條冇乜期望😂又咪係普通嘅黑松露芝士薯條有咩特別點知我拎起第一條薯條嘅時候啲芝士好似拉絲咁即刻O嘴😮熱辣辣嘅芝士非常濃厚而且軟綿綿加上黑松露嘅味配搭得啱啱好唔會太Over 正呀香辣單骨雞翼配蜜糖芥末醬$60呢碟雞翼非常有驚喜香辣嘅雞翼即時炸起熱辣辣 而且雞肉非常滑嫩一啲都唔鞋唔煙韌 唔似雪藏雞幫啲食物影張全家福先咁靚嘅環境打卡真係一流襯到飛起大香菇鱈魚柳漢堡$110我都話咗唔鍾意食包㗎喇朋友話點都要試吓喎一場嚟到我又唔食牛嘅咁所以就嗌咗呢個魚柳漢堡包🍔🤦🏻‍♀️上菜嘅時候因為侍應姐姐知道我哋兩個人都會食包所以好細心咁幫我哋切開咗兩份值得讚揚朋友一食入口就嗌晒救命話好食呀人間美食 我心諗有冇咁誇你唔好作大啲😥當我食嘅時候原來我都有同樣嘅感覺不過就冇大叫出聲🤫魚柳炸既時候控制得啱啱好外脆內軟再加上大香菇非常Juice唔會太乾影響口感兩個食落加埋就唔會太Heavy啦仲有啊你有冇留意漢堡包切口乾淨俐落一睇就知個包輕輕烘過鎖住水份唔會影響成個包過濕 值得一讚今次呢一餐係非常好評我終於對漢堡包改觀啊 果然冇介紹錯…Read More

疫情同埋限聚令搞到我好耐冇同朋友去餐廳食個一餐晚飯啦依家終於可以去到10點感覺好似放監嘅我即刻約朋友去餐廳食餐晚飯先約咗朋友放工去佢屋企附近度食呢一間法國餐廳但佢話住咗咁耐都唔知有間咁隱蔽嘅餐廳所以一定要嚟試吓喺衛生方面餐廳做得好足入門口量體溫之外仲好細心俾咗個紙袋我哋放口罩坐低冇耐就俾咗個小食俾我哋麵包好鬆軟再加埋個醬汁酸酸地加埋橄欖油非常開胃睇返餐牌嘅價錢其實一啲都唔貴唔鍾意飲咖啡嘅我叫咗一杯偽Mocha 點解要咁叫😂因為成杯都係特濃朱古力🍫頂頭嘅冰磚先至係咖啡☕️我朋友就叫咗一杯偽Mocha既tiramisu口味法式香煎鵝肝伴黑醋汁配焦糖菠蘿及紅酒蘋果蓉$148朋友同我對呢一個頭盤讚不絕口 我哋由遠處已經聞到侍應姐姐送緊過嚟嘅鵝肝頭盤 香到不得了 我哋嗱嗱聲切開煎香左熱辣辣嘅鵝肝放喺鬆脆嘅麵包上面入口即溶叫晒救命🆘 點解咁好食㗎 唔好睇小嗰啲配菜啊 食完鵝肝個口仲有一浸味 隔離嘅配菜沙律🥗就係可以清一清舌頭嘅時候啦 之後再食埋菠蘿味道非常之夾 油膩感瞬間清空因為以下落嚟我哋就要食今日嘅主菜啦炭燒美國天然極黑厚切豬鞍扒$258朋友同我覺得呢個豬鞍扒極似用慢煮製法而成 唔好以為豬鞍咁大塊就一定好煙銀好似食緊擦子膠咁呢塊豬鞍其實好輕易用餐刀就可以切開 豬鞍唔可以話入口鬆軟或者即溶但一定容易咀嚼入口而且食落好Juicy又係嗰句食主菜都要留意吓佢嘅配菜嘅拌碟嘅西蘭花同埋蘆筍都係呢碟菜嘅一大賣點 如果一直食肉一定好口寡寡 呢個時候就要食佢嘅拌菜啦波士頓龍蝦藍青口及海鑽蜆龍蝦汁燴意大利飯$268最後就係食意大利飯本身叫呢個飯嘅時候都已經考慮會唔會太肥膩太飽頭先又食咗個豬鞍 最後都決定叫呢一個海鮮意大利飯 係冇決定錯㗎龍蝦肉質鮮美好爽口一啲都唔似雪藏貨 而青口仲有鮮甜味添仲有個飯一定要讚下 話明意大利飯個汁定會好飽 加咗橄欖油 但係你有冇留意到佢加咗火箭菜 濃郁嘅意大利飯加上少少火箭菜擺入口即時覺得一啲都唔肥膩同埋滯 仲有啲清新嘅香味成碟飯差啲比我食晒😂…Read More

最近少咗好多出街因為疫情嘅問題 但咁啱朋友生日所以我都揀咗屋企附近嘅餐廳同佢慶祝我哋去咗西灣河蘇豪區嘅一間海邊日式高級餐廳食生日飯望住個無敵大海景心情都靚晒餐廳設計好高級令我覺得好似去咗日本銀座我哋叫咗兩碟開胃菜呢個係牛蒡醬油漬入口好Juicy酸酸地用嚟開胃簡直一流之後再叫咗個煙燻鮭魚乾呢個就係鹹鹹地嘅如果送飯一定食到幾碗啊 好正我就係個飯桶嚟嘅一定要食飯先至會飽所以就叫咗個御飯盛黎食 （飯·湯·茶漬）我平時呢就好少食雞翼嘅 但見到隔離枱點左雞翼 又見佢擺喺個爐頭上面幾有趣 我同朋友當然叫咗兩隻啦 我唔食猶自可一食完全停唔到 好香脆 咬落去勁Juice啲汁流晒出嚟 隔離枱都聞到佢嘅香味真係唔好講笑呀叫完我哋再叫多咗兩隻生日呢我就冇買蛋糕啦不過就叫咗個柚子雪葩俾我朋友嘆下愛陳去用咗真嘅柚子 入面嘅雪葩酸酸地勁開胃囉雖然冬天好凍但都要食完全停唔到口…Read More

最近去咗呢一間餐廳食我覺得好好味其實我好鍾意貓嘅見到餐廳入邊有好多貓嘅設計我問老闆點解會有咁多貓嘅間餐廳又叫做Catee老闆話因為個個都係貓住咁走 真係笑咗😂😂 明太子蟹肉蟹籽忌廉汁燴意大利麵 $198口感豐富蟹籽食落去好脆口加上天使麵好彈牙忌廉汁嘅味道啱啱好唔會太濃味黑松露野菌燴扁意粉$188意粉味道偏淡 咁樣就唔會蓋過黑松露嘅味道 濃情朱古力每次食飯一定要叫一杯朱古力飲🍫 超級朱古力控🥰好欣賞呢度嘅濃情朱古力 好濃郁嘅味道極力推介👍🏻因為我次次叫朱古力都要同侍應講一定要小冰但呢到既朱古力係一粒冰都無如果加咗冰成杯朱古力就會淡好多呢個係我對朱古力嘅執着😌 甜品叫心太軟 又係賣飛佛💜一切開朱古力醬山泥傾瀉 好似火山爆發🌋😆製作時間啱啱好 太熟嘅話入邊個心就會實晒唔好食心太軟雖然易整 但唔係個個都可以做到流心 呢個真係要睇師傅嘅功力👨🏻‍🍳…Read More

最近我朋友成日話想食放題但係因為太多選擇我哋都唔知食邊間好所以就上網搵於是就搵左呢一間極尚大喜屋點解我決定會搵呢間呢就因為我哋兩個女仔胃口唔係話好大但又想試吓新野喎所以就揀咗呢間啊雪櫃嘅嘢飲仲可以任攞想飲啲咩可以自己揀沙律都係自助嘅估唔到連糖都可以自助其實我哋另外揀佢仲有另外一個原因㗎就係鍾意佢唔嘥野好環保點餐都可以電腦化唔會浪費紙張餐牌嘅食物一目了然又有圖可以俾你揀既方便又快捷當然頭盤一定係會叫咗刺身先啦醒下個位嗎再嚟就係壽司每件壽司都做得好精緻好靚當然仲好好食啦話佢放題都唔信啦直情好似壽司專門店咁超好味放題都可以做到專門店嘅水準真係好用心其實食放題就唔一定全部都係要食生冷野或者壽司嘅仲有其他嘅燉品、燉湯、熟食可以點架又可以暖下個肚又可以養顏呢個就係我所講嘅特別菜式…Read More

話說早兩日朋友約我去食韓國野🇰🇷聽完本身都reject佢叫佢選過第二間 因為之前去韓國間間野都得個辣字 不愉快既經歷對韓國野有啲偏見🙄唉 佢又話好掛住韓國有啲思鄉咁我就陪下佢食我哋去咗呢一間BBQ 新麻蒲度食韓國菜當然就由我朋友發板啦😌啦啦啦以上嘅小菜我都冇叫架吓全部都係一嚟到就上菜 啲小菜多到不得了淨係食呢度都夠飽囉之後我仲叫咗個冷麵食呢個冷麵真係不得了超級好食又彈牙同我之前去韓國食過嘅冷麵直情一模一樣好掛住韓國添突然間嗱講到明今次係要叫燒肉㗎嘛所以我哋都唔少得叫咗個豬肉嚟燒 豬肉厚切燒完之後一啲都唔乾仲好Juicy 添包埋生菜一齊食簡直一流仲有一定要講埋杯嘢飲呀真係好似飲極都仲有咁呀超抵我呢就幾鍾意食辣野嘅所以就叫咗呢一個大醬湯黎飲酸酸辣辣咁好醒胃…Read More

上星期放工回家又唔想煮飯 剛好經過這間餐廳外觀及裝修好似北歐風好靚 好簡潔 心諗可能都唔平 但又好肚餓所以就入去餐廳食飯唔諗太多我先叫咗一杯凍奶茶因為十分口渴 奶茶好香好濃 系好濃滑既奶茶香 飲落唔會太甜又或者太苦澀味道剛好系香港奶茶嘅味道再嚟我叫咗個蜜汁叉燒滑蛋蓋飯 叉燒食落好特別咬落有啲似臘腸但其實系好香好滑嘅蜜汁味叉燒我好鐘意 滑蛋亦都整得啱啱好雞蛋唔會太老唔會太鞋食落真系好滑之後我叫咗個蟲草花湯浸芥蘭 蟲草花湯好香好甜 我平時煲湯都好鐘意加蟲草花所以今次個湯我飲曬其實買單都唔系好貴$200有找服務又好而且裝修又靚唔似一般嘅茶餐廳 絕對推介…Read More

最近搬咗黎港島區 朋友話想上黎我到坐下飲下酒 所以去屋企附近食完野先再上黎 我地去咗呢間越南野都食飯睇佢既裝修就好平民化 諗住平平地食完就算先叫咗個基本野河內軟殼蟹米紙卷食食先 一咬落口食到好香好鬆脆既軟殼蟹絕對唔會淋曬呢個有驚喜之後再黎個炸雞翼撈蒙呢個我一定會加甜酸醋襯返個撈蒙簡直一流酸酸甜甜好醒胃 雞翼好香好脆 再嚟叫咗個火車頭湯金邊粉 我最欣賞係個湯底我最欣賞係個湯底 個湯底有好濃郁嘅牛味一定熬左好耐先有咁香嘅湯底我鍾意加小小辣椒咁樣會令到個湯更加入味而且飲完唔會口渴成碗湯麵好足料一啲都唔馬虎 我同我朋友飽到嘔🤣🤣朋友叫咗個青檸梳打而我就叫咗鹹檸七 原本冇諗過會咁飽嘅而家飲埋呢一個鹹檸七可以幫助消化真係冇揀錯我哋兩個人食咗咁多野就可以$200落樓真係好抵…Read More

前排入觀塘搵朋友食飯佢介紹我食呢間Little Tipsy聽呢個名就醒起之前係大坑原來同佢食過又會咁啱觀塘都開咗😂呢到既裝修好有北歐風 好舒服既感覺 我地鍾意靜靜地就揀咗卡位坐可以Girls Talk先黎咗個蕃茄濃湯開咗個胃先 一陣再食好野24月巴馬火腿配無花果醬多士 $108無花果醬好特別 有少少酸酸甜甜加上火箭菜既甘味夾埋巴馬火腿味道幾特別慢煮西班牙黑毛豬配大蒜伴洋薏米$258用慢火既煮法慢慢將黑毛豬整熱 黑毛豬既肉唔會太硬同太乾咬口好軟綿綿 所以脂肪都好均勻配上洋薏米口感特別又係軟綿綿有似淋咗既米咁我比較鍾意最後我又點咗最愛既朱古力 唔洗諗揀朱古力就冇錯成餐飯就簡直無得彈…Read More

早幾日放工又唔想返屋企煮飯又唔想落街食就去咗屋企附近買外賣行行吓見到有間買海南雞飯咁我就去試吓啦我就叫咗個無骨海南雞飯初時諗外賣都唔會俾多飯點知呢盒飯勁大盒而且海南雞都幾多我即刻試咗第一啖海南雞雞肉比我想像中好嫩滑 擺入口好似入口即溶因為出邊好出名嘅海南雞啲肉都係好硬好似雪櫃雪完即攞去煮咁佢嘅配料都唔少架雞肉下邊放左啲白蘿蔔等啲雞肉唔會長期浸住汁 啲雞肉唔會過鹹而且白蘿蔔浸住雞汁同雞肉 仲有海南雞嘅鮮味其實盒飯真係好大盒我一個人都分開咗兩次黎食真係食唔晒🤣我初時以為盒飯好細盒所以我另外帶多咗個黑椒雞扒又係心諗應該都係好硬啦啲雞肉 出面炸過嘅皮都林晒點知原來出邊個皮好脆 雞肉都好棉外脆內嫩再加上有黑椒辣辣地好好味雞扒又係好大塊 真係大過我塊面呀今次買外賣都發現有意外嘅驚喜真係又飽又滿足呀食完飯就梗係要飲個湯啦 好嘢永遠都係留喺最後呢個冬瓜雞腳湯非常之清甜而且仲可以中和返頭先食海南雞嘅濃味入口好清甜再加上出左冬瓜可以消暑 真係夏日必飲湯推介…Read More

平時喺調景嶺返學都冇乜太多好野食，食嚟食去都係啲集團店😟今日意外地係街市入面發現左間平靚正西餐 👍🏻 鋪頭名同啲嘢食真係名副其實一樣！平得嚟又有賣相又好食 👅鋪頭位置勁易搵，行入街市多幾步就見到，有得揀堂食或者外賣先睇睇餐牌 ， 價錢真系好平。午餐一個意粉都系$50內有交易。至於下午茶就仲激！除咗意粉仲可以揀兩款小食，之後仲包嘢飲添😍依家就睇埋啲食物賣相如何～黑松露雜菌扁意粉（$48）食物份量比想像中大碟 碟野一嚟到就已經好大陣黑松露味 驟眼睇啲菇真係有好多下😋由於午餐吾包飲品 ， 所以叧外加左$7 要杯蜂蜜綠茶😗味道都唔錯 唔會剩係得茶味，個蜂蜜味都幾重至於一齊去試既朋友就叫左份下午茶餐😙$32有吞拿魚芝士蛋餅，炸魚柳，同柚子雞翼仲有杯豆漿蛋餅有一條 小食就每樣兩件個蛋餅幾出色🤩爆曬餡真係有係台灣食嘅嗰個味道！個三星蒽餡餅真係爆多蔥！叧外因爲覺得啲小食都唔錯，所以另外再encore 分別有黑松露薯條，柚子雞翼，香脆雞翼同炸魚柳柚子雞翼真係好好食，想不斷叫！！整體餐廳性價比幾高～應該過幾日會再幫襯～…Read More

今日同男朋友，就行街啦，無野做又周圍去，就去到杏花村啦，又肚餓喎就見到呢間餐廳幾特別，又有旋轉木馬，就入咗去呢間餐廳，原本坐係一張連住嘅4人枱，但因為我地兩個人，所以調咗去坐一張二人枱，佢每日都會有唔同嘅蛋糕可以叫，係menu上面係寫住是日蛋糕，嗰蛋糕係千層蛋糕，芝士味唔錯，仲叫咗杯咖啡同橙汁梳打，咖啡拉花幾靚仲叫多咗一個香脆豬手配蜜糖燒汁，豬手好脆，脆扑扑嘅口感，但又多汁，真係幾好食，再點埋嗰蜜糖燒汁，真係想叫多嗰黎食，但我男朋友又比較細食，所以就無，應該會再去多一次呢到食，下次會試羊架…Read More

好寫意既文青餐廳📖尖沙咀發現一間好有文青氣氛既cafe 牆上有好多post card令我諗起朋友每逢去旅行都不忘寫明信片俾我再加上我有集郵既習慣好似返咗去讀書時代🔖真心我係有郵票架好似冇咩人信😢蒜香三文魚多士沙律$68這個比較欣賞三文魚輕輕灼燒加上芝士同埋麥包味道一流All Day Breakfast $88All day breakfast 一向係最穩陣既餐基本上碟上既材料都好易handle 可憐煙肉咸咗少少同埋炒滑蛋比較淡味過敏的心太軟$68心太軟上面加入雲尼拿雪糕 熱流心朱古力加凍冰冰既雪糕同時入口即溶口感豐富🍵茉莉玫瑰花茶$58市面上一般只有單一味道花茶這個玫瑰花加上茉莉可以更加帶出玫瑰花花香味道…Read More