睇佢既裝修就好平民化 諗住平平地食完就算
先叫咗個基本野河內軟殼蟹米紙卷食食先 一咬落口食到好香好鬆脆既軟殼蟹絕對唔會淋曬呢個有驚喜
之後再黎個炸雞翼撈蒙呢個我一定會加甜酸醋襯返個撈蒙簡直一流
酸酸甜甜好醒胃 雞翼好香好脆
再嚟叫咗個火車頭湯金邊粉 我最欣賞係個湯底我最欣賞係個湯底 個湯底有好濃郁嘅牛味一定熬左好耐先有咁香嘅湯底我鍾意加小小辣椒咁樣會令到個湯更加入味而且飲完唔會口渴
成碗湯麵好足料一啲都唔馬虎 我同我朋友飽到嘔🤣🤣
朋友叫咗個青檸梳打而我就叫咗鹹檸七 原本冇諗過會咁飽嘅而家飲埋呢一個鹹檸七可以幫助消化真係冇揀錯
我哋兩個人食咗咁多野就可以$200落樓真係好抵
