Jericohk's Profile

今日又搵嘢食啦，喺銅鑼灣登龍街呢一間車仔麵（麵尊）。叫咗一個五餸嘅車仔麵，豬紅：無血腥味，又咬口亦軟腍，滷得入味，唔會一咬就散，正！咖喱魚蛋：係炸過嘅魚蛋，魚蛋有魚味，但有點未夠彈牙，咖喱唔算好入味，不過不失。咖喱魷魚：土魷，咖喱醬濃郁，不是醃製度變晒色嗰隻，新鮮，應該要有嘅都比到。咖喱牛柏葉：咖喱醬濃郁，完全可以滲入牛柏葉內，爽口彈牙。五香牛腩：不是以往的牛腩，夾起嘅時候比較長身，紋路奚落有點不似牛腩，但鬆軟，有口咁，算係唔錯。粗麵：爽口冇鹼水味，掂。湯低：清湯但濃郁，今次有啲貪心，味道上我揀咗，腩汁，咖喱汁，麻辣汁，綜合起所有味道都唔錯，係有一定嘅吸引到嘅車仔麵，正。但食完之後係有啲口渴嘅。…Read More

今日要介紹一間我經常食嘅米線店，喺天后金川湯秘製酸湯米線，一間店舖細細，座位唔多，老闆係酒店級廚師，老闆娘好健談。由一開始點解會選擇呢一個店舖，好簡單，因為佢嘅湯頭冇味精，冇雞粉，唔會口渴。我們每次嚟到都基本上係食同一碗麵，金川湯米線大辣，辣度唔搶喉，唔係靠辣油增加辣度，應該係以指天椒，乾辣椒及辣椒粉調配的，湯係飲得出佢又花時間去煮熬過的，好飲唔會口渴，平時係飲完酒嘅人，食碗呢個米線，飲過湯，包你舒服晒😅送菜我揀咗：蠔仔，夠新鮮，蠔肉飽滿，熟度剛剛好，魚片：新鮮，爽口，鳳尾蝦：新鮮，爽口又有咬口，豬潤：處理得好好，沒有腥味，熟度剛剛好。雖然今次冇食到佢嘅貴妃雞，但真係要一題，嫩滑，有雞味，值得一試，呢間小店真係可以成日食，因為小弟真係好多味精，食完又口渴嘅嘢食物，但聽講佢嚟緊要搬舖，希望唔好搬咁遠⋯🙏🏼…Read More

今日想又想食拉麵，一同3人就搵咗炮台山蜆殼街食喔哩間金鶴，都幾年冇食過，叫咗雞白湯，湯頭唔算濃郁，打泡可以細緻一點，低溫豚肉可以，但麵質非常腍⋯醬油，味道不是很真實，打不出任何鮮味，低溫肌肉比較有咬口，麵質同上⋯雞白蠔，湯頭有點溜喉，蠔應該是廣島蠔，這急凍的廣島蠔，應該燒過之後會更香口，但沒有，反而有點無味⋯其實真係有啲失望，但見到現在嘅餐飲業市場，咁低迷，都唔想講得太唔好，但都需要俾個總結：湯頭感覺沒有怒火牛哥，味噌，醬油及鹽份量及調教可能有點不恰當，低溫雞肉及低溫豚肉試可以的，流心蛋熟到還唔錯，但滷嘅味道就不夠，但希望明白，三碗麵的面質，真係有點過熟，始終拉麵有返一定嘅口感及咬口，會好好多，食完又和我哋傾偈，希望你哋繼續努力💪🏻💪🏻…Read More

今日麵係想食麵😅周圍行吓，見到哩間有泰國船麵喎！俾佢門口嘅相吸引咗入去，環境有d似茶記，一入到去店員就叫我搭枱，但店員服務態度係唔錯嘅，見我睇緊晚餐Menu嘅船麵，店員就好好俾個下午茶Menu我，話差唔多，重平啲添，我就叫咗個下午茶嘅泰國遊船金邊粉（豬肉丸/豬潤/肉片），賣相唔錯，但我唔記得轉鴨蛋麵（我比較喜歡鴨蛋麵），湯低：都唔錯，但唔算濃味，再濃味d會好d，豬肉丸：正常好味，彈牙，豬潤：新鮮，冇腥味，略嫌熟咗少少，金邊粉　：偏腍少少，夠索湯，正常，仲有炸豬皮：唔會太硬，可吸到湯，如果可以脆多少少更好，呢個價錢平常食，值得，另外仲叫咗杯青檸梳打，正常不過不失，一開始仲送咗一個酸湯，幾好飲👍🏻…Read More

今日嚟又嚟到銅鑼灣榮記車仔麵，16:30到依然好多客，果然係榮記，我都係長期客戶☺️，今日就叫咗個五餸麵，牛肺 ：入味，唔會太腍，完全冇內臟嘅異味，牛筋：入味，軟腍得嚟唔會冇咗咬口，只係頭呢兩道菜，已經好過好多牛雜粉麵檔，豬紅：而家越來越少呢一種豬紅，應該係新鮮豬紅，夠入味，腍滑爽口，真材實料，魚肉春卷：有魚香味，係兒時食過嘅味道，墨魚頭：新鮮，爽脆，好味，粗麵：熟到剛剛好唔會腍，冇鹼水味，湯低，超濃郁，滷水味夠，湯頭應該仲有其他嘢，總之好味，色香味俱全，果然係榮記，直得咁多人嚟食👍🏻仲有杯豆漿都好好飲☺️…Read More

今日同女朋友，嚟到銅鑼灣博勝殿日式炸豬排，因為成日係日本，所以少咗好多時間係香港食日本餐廳，今日突然好想食日式咖哩，就揀咗哩間，入到店內，感受到香港餐廳真係靜咗好多，都係得幾張枱有人，我叫咗咖哩炸豬排套餐，豬扒配炸海老，咖哩好味，係回憶嘅味道，豬扒鬆脆，炸海老夠大隻，一罐嘅味道，就係久唔久想食，其實我好鐘意食佢嘅椰菜，配埋佢個豬扒汁，一流，希望你哋可以一路做落去，宜家市場真係比較靜，叻油！我諗哩度係好多人嘅回憶味道。…Read More

今日再嚟百德新街哩間牡蠣不如帰，但今日唔係食牡蠣拉麵喇，見到有限定試，緊係試吓啦，和牛醬油拉麵，一開始飲啖水清下個口先，水可以返煲，出現咗啲異味，無再飲，麵到！賣相唔錯，湯底：稱為動物係系鮮味高湯，湯淡少少，順喉舒服，但唔算有特色，鮮和牛油脂油，唔出，麵：較為清淡爽口，應有大麥粒麵條，好食，牛肉：無乜味，只有牛味，亦比較韌，低溫慢煮鴨胸，夠軟腍，也有咬口，味道唔錯，松露醬：令成碗麵提香，幫到手，黑醋紫洋蔥：比返成個清爽度，重要一環，總結不過不失…Read More

今日再試名店，一幻剛到香港，就去試食，海港城，真係好耐無食過喇，今次就去世界貿易中心哩間，一貫大方裝修，重有海景，今日叫咗碗濃厚豚骨蝦湯拉麵，醬油/粗麵，賣相正常，湯：較為滿，唔算好熱，味道應有嘅豚骨蝦湯都有，其實唔錯，但因為叫濃厚，所以覺得可以再濃味d，已一幻哩個名可能期望大d，所以覺得略嫌普通，蛋：入味熟度適中，豚肉：比較細片，口感不錯，而放面的應該係蝦干，口感及味道無令碗拉麵好咗，總括嚟講不過不失，但絕對對得住呢個價錢，低食…Read More

好耐無食辣拉麵喇，今日扚起心肝去食吓，我嘅舊記憶食辣嘅拉麵係以前嘅別府（地獄拉麵）😅細個好鐘意食，但中式辣確係稍為勝一籌，今次叫咗碗特製麻辣味噌拉麵（高辣，高麻），賣相唔錯，地內環境跟哩碗麵，係感到地獄麵的氛圍，湯低不過不失，濃郁，但唔算辣，唔知點解有啲中式嘅味道感，麵質稍為腍一點，蛋入味，係哩個湯低仍然食到蛋嘅滷味，唔錯，腩肉就真係比較韌，亦食唔夠嘅香口，食咗兩啖就無食了😑，雖然係咁，我亦想下次試吓佢嘅鬼增辣🥳希望下次會有更好體驗👍🏻…Read More

不定時都會嚟食，今次兩個人嚟食，大家都叫咗限定醬油拉麵，店員之前招呼唔錯，細心仲怕我哋熱，幫客人選擇一啲交涼嘅位置。麵到，蛋熟咗小小，豚肉正常，雞胸較熟，可以淋返少少就好，湯低不錯但可以熱一點，但好似冇上次咁濃味，今次就不過不失啦☺️上次嚟食限定醬油拉麵，好食啲，豚肉熟度到位，雞胸嫩滑，湯低飲晒，正！！希望下次嚟食返最好嘅水準，不過今次廚師唔同咗，唔知有冇關係，不輪如何，大多時間嚟都係好食嘅，加油…Read More

每次嚟澳門，走前都去珠記買豬扒包打包返香港，終於有時間坐低食，我哋下午茶一人叫一個，牛雜撈粗，牛腩撈粗，本地澳門人話一定要落咖喱汁，我就學吓佢哋叫加雙汁，好好味啊！🤤係正嘅👍🏻…Read More

嚟咗澳門咁多年，都係第一次食哩間林記，第一道菜葡式凍蝦，開胃d洋蔥勁好味，第二道咖哩牛腩，我哋一人食咗個豬仔包點咖哩，份量勁充足，香口勁惹味又食漏口，第三道跟住係大蜆，同行人話超有驚喜，牛油香草汁底，不過呢間真係勁好食，第四道香脆乳豬小小飯，皮脆肉嫩，兩個人飽到傻咗，再加支大啤🤤性價比極高，一定會再嚟幫襯🤩…Read More

落場又揾野食，今日去了樂道見到到你(泰濃麵），一坐低二話不說叫咗美國肥牛船麵，原本想食飛驒牛船麵，但下午茶餐$48太吸引了，試下先，最多咪食兩個麵🤤湯低好飲又料多，不過唔知點解美國牛肉麵船麵，有豬紅豬皮，望落有d似豬肉船麵！叫了黃麵，但似車仔麵嘅粗麵，有點失色！跟住真係叫了多碗豚肉船麵！望落同牛肉船麵一樣樣架😱飲埋椰青水！🤤勁飽！…Read More

一見豚王兩字，情不自禁走咗入🤤下午4-5點去食無咩人，感覺非常好，地方好闊落，可以靜靜地享受一下！🤘🏻叫咗碗(黑王)，賣相很吸引喔！麵質口感爽彈，Nice!不過黑色個d肉碎就甜咗d，同食到一半，覺得口渴，通常我食拉麵都會飲晒d湯，但...今次就沒有了！😅雖然塊肉睇落好污糟，但好食，嫩口！流心蛋熟成度很好，對自己來說，味道有點偏甜了！價錢相對市場，正常啦！！總結-有點未如理想！可能因為自己年紀大咗，口味有點不同了😂幫襯了豚王很久，以往都非常支持，希望會出更多的好拉麵啦！…Read More

環風 🌬環雨☔️入咗間拉麵店！地點:炮台山店鋪:幸拉麵諗住避下雨，見到間拉麵店，咪入去坐下食d野，原全無咩希望！點知一開門，滿口🇯🇵日文的靚女姐姐，非常有恩勤招呼，見到我地濕晒，立即攞了兩張何奇大的紙巾比我地！（心諗！點解會有d咁大嘅餐巾嘅？）不過我沒有問她☺️跟住就留意到哩位，超專心嘅拉麵師父！👇🏼（型）天氣不佳，全身又濕濕！諗住求其叫兩碗麵食下啦！點知...我就食白豚拉麵，湯低濃厚，唔口渴！還食到湯低不只單一濃豬骨，還有咩？你地試下啦！本人就覺得好好味嘅，但一定要題嘅係，個筍係新鮮架！勁好味，同d肉要贊揚下，好鮮柔嫩，估計是慢煮的效果，蛋也做得好好，但我就覺得開半會靚d！最後湯都飲哂！幸福！朋友仔就食咗黑豚拉麵，蒜香做得出色，一題木耳是沒有切斷，沾湯多了，口感也不錯！但不知不覺，朋友仔食晒，也說好幸福喔！Nice!!🤤令外，拉麵師父，做麵時，他的手法很好，應該是令多餘水分迫走，落湯時不會令湯低淡咗！贊！…Read More