RilakkumaPiggie's Profile

尋日同朋友去完迪士尼酒店玩，就揸車去東涌，睇吓有咩食😎今次就去咗位於東涌嘅大頭蝦南風海鮮酒家😈因為我哋已經好肚餓 所以就叫咗幾個小菜！第一個都可以係我最愛嘅燒味拼盤 我就揀咗叉燒拼燒鵝 佢哋嘅燒味都好出色 全部都燒得好靚 叉燒肥瘦均勻 咬落去豬肉香出晒嚟🥰🥰🥰 燒鵝都好好食 油脂出晒嚟 好肥美 咬落去又唔會太油膩 我好鍾意佢地既燒鵝 🤓🤓 第二個菜係泰式青口！估唔到青口嘅份量咁多 每一隻都好飽滿多肉 大大隻脹卜卜 視覺上真係好吸引 佢哋嘅泰式辣醬都好好食 炒到啲青口好入味😉😉😉 最後就係我最愛嘅辣子雞煲啦 雞件嘅份量就係超級多 雞煲亦都係下面有個爐燒住 所以每次咬落去都係熱的 因為加咗好多辣椒嘅緣故 所以都比較辣 但係咁樣先夠惹味😍😍😍…Read More

間唔使就想食下有香料既印度野🥘今次揀左中環雲咸街既Bombay dreams，一入門口環境燈光都好高貴優雅，浪漫拍拖或者朋友聚會都好適合🌃平日禮拜二晚黎到，9成既枱都坐滿左，真系好受歡迎哈哈上菜前佢有個小食，系外脆內香既薯仔圈，加上酸酸甜甜既醬同yogurt，香口得黎又幾freshPakal Patta Chaat下面既薯仔片好香口，加埋上面好似salsa既甜甜酸酸既醬同配料，超清新 好開胃😋！Chowk Ki Tikki 呢個薯仔波質感外脆內香，好厚實，上面有yogurt醬令到成個感覺light啲，唔會太飽太heavyTandoori Pomfret 烤原條鯧魚肉質幾嫩又厚實，同埋烤得好香 有煙熏味，加埋佢個醬或者檸檬汁真係好好味😋呢個推薦大家叫！Chicken Makhni 奶油咖喱雞Mutton Beliram 咖喱羊髀呢兩個咖啡拎黎點烤餅真係最夾既組合！奶油咖喱雞好香奶油味，咖喱又甜甜地，好岩唔食辣既人。而且個雞肉質好嫩，必點！而食辣既就好岩咖喱羊髀，辣辣地好惹味～Garlic and Butter Naan 蒜蓉和牛油烤餅烤得好香脆又好足料，蒜蓉同牛油味出哂黎，口感好多層好有誠意，都係必點！今次既晚餐真係味蕾大滿足，要提一提佢地既服務態度好好，又會主動了解下野食點，同客人傾計，呢間絕對值得再黎！…Read More

星期一晚就OT 到差唔多8點先放工，餓到等唔切屋企開飯，求其喺公司附近醫肚啦。同公司阿姐又誤打誤撞食咗餐好嘢🍴基於係星期一而且都成8點，所以入座時有三檯食客，環境清靜，啱哂我哋👍🏻睇緊menu已經有鬆軟麵包，即刻狂食幾舊醫下個肚仔，貼心地有齊vinegar/olive oil/cream cheese，啲包又熱辣辣好正🥹頭盤seared Spanish octopus 八爪魚經烤過變得香口，配搭綿綿嘅薯蓉，口感豐富。甜甜嘅柑橘醬汁提升咗八爪魚味道。意粉 Linguine Mancini artichoke scallops pecorino cheese辣辣地幾好食，意粉是Al dente 好合我心意，加分😆牛排Manzo black angus叫了medium，上檯時剛好。肉質軟腍，牛肉味好香濃！side dish 有濃濃黑蒜味嘅薯蓉，之前未食過，覺得好創新兼特別。 甜品Almomd chocolate cake食飽個肚，又到最愛甜品環節🤪 爭扎於開心果及朱古力蛋糕之間，最後朱古力蛋糕勝出🤪 …Read More

話說好耐冇去海港城, 趁今日放平日, 約朋友黎呢度hea 一個下午先~ 我實在太out, 唔知呢度開左咁多新餐廳, 精挑細選下見呢間個景咁正, menu 價錢又唔貴, 就揀佢啦  入到去環境闊落, 好光猛, 人又唔多, 好舒服! Menu 簡而精, 款式算多, 驚唔飽就食夠4個 course 都得 XD落完單後, 極速有一小籃子麵包, 熱熱的好軟熟 , 牛油好似加左粗鹽, 幾好食   同時亦好快上左兩杯咖啡給兩個未回魂的女士~ 出奇地好濃滑啡味, 唔差!!! 蟹肉餅配他他醬 -  三小塊食完唔會好飽, 蟹肉餅表面焦脆, 內裡就滿滿柔軟蟹肉, 配以他他醬令成件事冇咁漏 焦糖洋蔥法式薄撻配栗子菇、巴馬芝士及鵪鶉蛋 - 大多數用酥皮做既底都會淋pat pat, 呢個薄撻上檯時溫度微熱而且香脆。炒過既焦糖洋蔥令香氣同甜度同時增加, 金黃色賣相好吸引! 鵪鶉蛋食落冇特別味道, 但加埋巴馬芝士既咸度, 有水準!! 係本餐最愛 我地兩個都揀埋同一個main course: 香煎三文魚配塊根芹、藍青口及修龍醬 - 份量唔多, 但幾個course 加埋就剛好。三文魚唔好鞋, 唔沾佢個醬都好香, 有兩小舊brocolinni, my favourite!來到最重要既甜品啦~~~ 黑朱古力塞維亞橙慕絲, dark chocolate 好濃郁, 加返少許橙皮帶出中和效果, 味道唔會過甜/好漏。另外滑嘟嘟既mousse 加埋花生粒, 口感幾得意~反烤蘋果撻配酸奶油及焦糖醬 - 呢個都keep 到水準, 千層撻上放咗蘋果肉, 一整個酸酸甜甜 雖然每道菜都份量不多, 但所有加埋其實夠哂飽肚。最緊要每味菜都可以慢慢品嚐, 侍應態度又好, 個景又正, 成個午餐都令人好舒服 …Read More

數吓手指三年冇出國，雖然香港終於開關，又雖然好想嚟個日本快閃，但現實是….🥲 唯一可做就係去日本餐廳自我慰藉啦😆今晚同老公難得唔使湊仔女，放工去咗尖沙咀搵食，途經黑木亭門口人流不絕，再望望餐牌又幾吸引喎，就試試佢！餐廳整體充滿日本居酒屋風味，包括座位、佈置、音樂、食物等等。唔望窗外以為自己喺東京🤪洛神檸冰 🍹洛神花幫助促進消化、養顏美容，簡直非選不可啦！呢啲梳打通常有個弊病，就係有藥水味，呢杯零伏！攪勻完飲一啖，有氣梳打令口腔好爽口，洛神花檸檬就酸酸甜甜好清新。北海道芒果牛乳乳酸 🥛身為芒果狂迷嘅老公見到呢杯就雙眼發光！顏色好繽紛兼打卡able。味道亦出色，芒果牛乳口味好夾又順滑👍🏻鴛鴦翠玉瓜翠玉瓜上分別有芝士/明太子醬（應該係？），因為翠玉瓜好爽口，所以夾芝士都唔會覺得好漏。同埋燒過嘅關係，每啖都有少少火炙味，好正🤤豚肉年糕呢個串燒好易燒過火，燒得太耐豚肉會變韌，燒唔夠時間個年糕又會唔夠熟，好考師傅功夫。今晚呢串就剛到火喉，一咬豚肉就爆汁，夾埋件淡口味嘅年糕，最正係個少少濃味嘅韓式辣醬，好快KO哂兩串！黑豚荔枝卷第一次荔枝熱食，難得佢熱咗粒荔枝唔會變酸。豚肉燒後皮香肉脆，燒嘅過程仲吸收荔枝果汁，一啖咬落甜甜哋又軟綿綿，一咸一甜好特別。廚師發板壽司八件壽司，每件不同，要嘅魚都有出現，食得出好新鮮，唔點豉油都好鮮味A5 宮崎和牛小熊泡泡浴壽喜燒今晚主角- 🧸- 終於出場！見件食得多，終於可以食。首先食咗啲熱辣辣嘅蔬菜，之後幫熊仔整個泡泡浴，湯底即時變得更濃郁，再逐片加入A5 和牛，淥幾秒放入口，正到爆！佢有送到兩隻鮮雞蛋，但由於我哋好心急咁食哂啲肉先見到，最後就咁淥嚟食，一樣咁正🤤成個晚餐見到隔籬枱有其他嘢食都好正，例如日本啤酒拉麵/石板燒，一定會返轉頭試！…Read More

海哲醺蹄小食抵食既，食小小海哲酸酸甜甜做頭盤都特別開胃頭盤食完就到主菜🤤醬皇豬手叫左個例牌，係有六隻，小食就有兩隻，既然係呢到咁出名既就一定要試試啦🤩 一上枱見到咁大隻我急不及待放入口，真係好正，好入味好腍 ^__^蜜汁叉燒瀨粉覺得湯淡可以加埋呢到既辣椒油提升味道，蜜汁叉燒半肥瘦，掂!鹽焗手撕雞腸粉麻醬+甜醬加起黎真係令腸粉升華，同埋真係好滑，雞不過不失唔錯!黃金皮蛋無諗到30蚊都咁大份，皮蛋又大隻又好食!加埋特飲阿華田雪山杯芽ON TOP，又好睇，好有營養，好飲😛…Read More

聽朋友介紹係屯門紅橋過小小有間食特色漢堡飽好出名, 今日就去試下佢!!!@@夜晚8點令去到都已經好多人幫襯, 睇黎真係冇伏! 因為地理位置比較隠閉, 所以真係好食先吸引到咁多人去幫襯..我同朋友揀左2個餐SHARE食, 一個貓霸漢堡, 香炸雞翼. 貓霸漢堡好大個, 好高, 一啖咬唔哂, 內有2塊牛肉, 一片菠蘿, 蜜糖芥末醬, 牛肉大塊十分JUICY, 夾住菠蘿食唔會覺得好漏, 加埋蜜糖芥末醬甜甜地, 包皮烘到好香脆, 包面既芝士亦好香口, 真係一試難忘呀!!!香炸雞翼有5隻, 炸粉有別於連鎖店, 呢個係再脆D再金黃色D, 而且大大隻, 有肉地! 杯朱古力好濃, 中意飲朱古力既朋友要黎試下呢杯喇!…Read More

又到星期五happy lunch! 午餐時段無數次經過，都見到呢間餐廳座無虛席，今日終於第一次食，果然有水準👍🏻叫咗Jerk Chicken 的set lunch，有沙律、主菜、甜品、飲品。雖然係set lunch，但絕對冇交行貨，每樣菜式都交出水準。…Read More

朋友介紹我嚟到東涌嘅大頭蝦南風海鮮酒家，如果唔係有人介紹真係唔會嚟到東涌嘅黃泥屋村，所以今日見得閒就約埋一班朋友嚟到呢度開餐。招牌炭燒乳豬呢個真係極推介👍🏼一嚟到即刻點嘅招牌菜，外脆內軟，不過有幾舊係肥咗少少🤏口水雞點解嚟到呢度都要食口水雞呢？佢哋嘅雞超嫩滑，就算平時唔係好食得辣嘅朋友都同我哋爭住食☺️欖角骨送飯之選，甜甜地最啱送飯。份量好足，四個人食都覺得好多舊😦😦韓式泡菜烤魚加咗豆卜同芋絲喺入面，熟晒個湯底嘅味超正😬係新鮮又爽口嘅鯇魚，不過魚就有啲多骨，同埋湯底啱啱嚟到嘅時候有啲淡，係食到最後慢慢越滾越出味✅總括來講，我覺得呢間餐廳好值得嚟試，如果有揸車嘅朋友更加唔使猶豫，怕熱嘅朋友可以坐室內，但如果想體驗吓風味嘅話，就更加適合坐室外啦！…Read More

Margo 喺名單有一段時間，第五波疫情過後終於嚟試。一步入店，盡收眼內嘅粉紅色予人優雅感覺💕 餐廳分兩層，上層係飲酒地方所以午餐時段關閉，下層就有用餐及吧檯。午餐分為3道菜及4道菜連餐巾都是粉紅色💓點餐後先送上香草蒜蓉牛油，麵包及餅乾，好香好鬆軟😬開胃小食，一人有一粒🥰前菜選了Seasonal Salad ，上檯後侍應特別加上即刨芝士，感覺好高級😂 佢提醒芝士有少咸，但個人覺得還可以😌北海道帶子冷盤，帶子鮮甜及彈口，舖底的青蘋果絲令整體口感好清新😍主菜選了豬肉，只有三小片略嫌少了點。豬是經過16小時慢煮再雙面煎香，難怪肥膏部分都脆脆的而不覺油膩。伴菜的千層薯仔亦非常出色，質感100分。🤤甜品就是Apple Vanilla Tart…有點似apple crumble 的東西，份量很大所以對我很合適😂蘋果沾上焦香醬，恰到好處😍 蘋果下的千層酥有香濃牛油味，兩樣味道都非常配。…Read More

星期六帶小朋友去科學園踩單車，晚飯時間喺呢幢大樓搵食，每間都幾吸引，唯獨呢度對出有個小朋友好喜歡嘅大草地，咁就揀呢度啦👍🏻6點入座，唔洗等位（心想呢度都算隔涉，冇咩人嚟，點知大半小時後只剩一張吉檯😱）。揀咗大草地旁邊座位，心情都特別舒暢，快手點菜有好嘢食😬Mango Punch $44 - 點咗杯Mocktail，芒果汁味濃且冇乜藥水味，酸酸甜甜，飲完透心涼🥶韓式牛肉炒粉絲 $128唔想食西式pasta，轉下新口味食韓國菜，粉絲係韓國正宗粉絲，超彈牙煙韌，牛肉份量頗多，亦好爽口🤤湯品都好出色，牛味香濃，用咗硬豆腐（個人喜好），加分💯炭燒醬豬肋骨 $188有驚喜🤩兩大排豬肋骨，一班人分享最啱食！醬汁味道酸酸咁幾特別，豬肋肉部分一切脫骨，肉質鮮嫩🤤 推介⭐️⭐️⭐️⭐️伴菜嘅粗薯條同樣出色，炸到好甘脆但又唔會覺得油膩💯炸魷魚圈 $78炸粉好薄身，魷魚新鮮兼彈牙👍🏻👍🏻整個晚餐感覺清靜悠閒，食完漸漸天黑，餐廳對出仲有靚靚花燈🌷…Read More

今日午餐食自己，無料行行吓去到呢間唔洗等位直入。侍應普遍幾有禮貌，睇咗陣menu 好快決定食乜😬原來呢間主打燒物，本身想食烏冬，但得牛/雞 （賣哂），唯有揀雞肉丸丼，出面少有得食嘛！賣相💯，有沙律菜、漬物、湯、茶蒸碗、甜點…$168 嚟講算超值🤭 有嚼口嘅珍珠米加上半熱溫泉蛋，嘩正到爆😋 雞肉丸好足料，食落有雞軟骨，又唔會太濃味，而且四粒都好大粒，夠哂飽👍🏻 茶蒸碗就略嫌太水，而且得1/4 粒冬菇，冇乜口感。…Read More

公眾假期出觀塘做完gym，突然想去飲杯咖啡hea 一陣，喺OpenRice search 到呢間小店。原來仲有咖啡工場（？），有沖啡工具/咖啡豆，好專業咁🤩環境幾cozy，但唔知點解我坐咗一小時，全程都好多嘈音，包括搬櫈，跌餐具，等等🤦🏻‍♀️ egg Benedict with mixed mushroom ($90）份量對性價比中等，炒雜菇味道不過不失。但一上檯碟嘢係室溫，有少少失望。最特別係蛋下面個麵包不是坊間用嘅muffin，而係一塊麵包，但味道不錯。Caffe Mocha ($40)咖啡豆味濃，唔似出面嗰啲一般被朱古力味蓋過👍🏻👍🏻👍🏻 連鎖店一杯mocha 都賣$40，呢度仲可以坐低慢慢飲，絕對對得起個價錢。食物質素一般，但咖啡可encore，店員亦很nice 👍🏻 會返轉頭幫襯😁😁…Read More

WFH 咗差不多兩個月，每日喺屋企頹食，昨日終於忍唔住請半日假出去逛街兼me time😬每次去尖沙咀我必去espresso alchemy ，飲杯咖啡又好，lunch 又好，鍾意佢唔多人，靜靜地，坐得夠悠閑舒服❤️有散叫，但Lunch set 超抵食 👍🏻今次一個人嚟食晏，因為勁肚餓，食咗好多嘢😂首先嚟杯靚啡：honey earl grey latte口感好滑，綿綿的，每啖都好香Earl Grey Tea味，亦有微微嘅咖啡香，而蜜糖又有點點甜味😍The Alchemy All Day Breakfast份量不少，炒磨菇、煙肉（平時我唔食煙肉，但呢塊堅好食，唔會過咸）、炒蛋、香腸、薯餅呢啲基本嘢啦，但個焦糖香蕉真係超級好食！焦糖脆脆的！香煎虎蝦配蘆筍辣蕃茄汁意粉🍝蕃茄汁一般都唔會中伏，呢碟意粉硬度啱啱好，掛到番茄汁，又有微辣，正呀！虎蝦剝埋殻，一啖一隻，超爽口彈牙🤤…Read More

細個喺附近讀幼稚園，公公婆婆成日帶我嚟食嘢，到大個一直都搵唔到機會嚟，終於今日可以帶埋我個仔嚟食🥰星期日早上9:30，已經有幾個人排隊，收銀姨姨超親切。珍寶沙爹牛肉飽 即叫即整，十分鐘左右。份量比我想像中細咗（又或者只係兒時覺得個飽好大😂），麵包夾住牛肉，好易會變腍，但呢個絕對冇，個包又熱又鬆軟，啲牛肉厚且大塊，但一啲都唔韌，仲好juicy 🤤今次嚟食嘅係味道，亦都係回憶❤️❤️❤️下次試埋沙嗲牛肉西多士先。…Read More