e芝仔e's Profile

首先講咗地點真係好方便尖沙咀a2出口行兩步就到喇 雖然係樓上舖唔多起眼 但唔難搵我哋今晚有 七個人食飯腦細勁好人畀咗間大房我哋 間房應該可以容納到10至12人QR code落單 我地亂咁叫咗啲串燒 幾個飯麵share, 另外就每人叫左個刈包冰火刈包真係必試另外飲酒嘅人真係要free flow啦 $300 3個鐘free flow 多款sake, 梅酒腦細都推介左3隻sake俾我地試 唔同口味試到啱飲為止間餐廳好多打卡位嫁 鍾意打卡就啱晒…Read More

見佢做左優惠有平雞翼食，已經想黎試好耐，終於有機會黎試，未夠鐘已經有人龍排係門口，基本上入滿客都唔洗再等位，有排都唔會有位一黎就梗係要叫雞翼，一盤12隻單骨雞翼，第一輪已經叫3盤，之後再追加，最後叫左9盤，所有雞翼都係炸嘅，但炸粉份量好好，唔會太厚，但又夠晒脆。個雞翼本身無乜味，全靠點醬，佢有3隻醬，一隻蛋黃醬，哩隻最穩陣，無得輸。一隻紅色嘅應該係辣醬，但無乜味亦唔太辣。最驚喜係綠色嘅泰式醬，係一食就覺得泰國口味，同埋係勁好食，我地一枱7個人一致認同哩個綠色醬最正，瘋狂追加個醬黎點!除左雞翼，佢宵夜時段嘅其他特價小食都有驚喜，個蜆雖然細份啲，但佢個汁好好味。另外啤酒任飲又係另一賣點，可以就自己時間，想任飲2，3，5個鐘都得，價錢又抵，2個鐘飲到2杯己經抵過平時散叫2杯最抵讚係服務好好，我地走左之後以為自己漏左野係餐廳，即刻打番去問有冇發現漏野，佢現場唔見，但之後第二日再幫我搵，搵唔到都不忘打番俾我話我知，真係好窩心…Read More

叫9碟餸，但2碟都俾我地退左。首先炒蜆，又腥又多沙，即退。跟住叫個酸菜門鱔，得一舊魚，佢話賣剩最後一碟，所以多菜少魚，但完全無問過我地就咁放低，再退。蠔仔粥成口蠔殼。生腸果陣 尿壓味一放低都已經聞到。食完都仲勁肚餓。。。一定唔會再黎…Read More

之前朋友介紹話哩間放題有生蠔食，加埋一300蚊有找，所以去試，第一次去試，真係好正，生蠔都ok, 只係每次嗌有限隻數，其他食物都好好食，但係份量大左啲見上次咁正，梗係食過番尋味，點知第二次去就瀨野。坐低左，諗住叫生蠔，侍應先同我講無生蠔，但入坐時完全無提過，問佢點解入坐無講，佢話：我地係唔會主動講嫁，你可以睇番樓下有寫（之後番落樓下，淨係見到佢係樓梯口有張紙寫左無生蠔，但一般都係搭唔會行樓梯，根本唔會經過佢果張告示），當時已經想企番起身出去，但諗諗下佢啲野食都好正，就算啦。今次食物水準明顯比第一次差左，魚生細塊左，又唔肥美，翡翠螺成口殼碎。燉湯仲差過佢烏冬嘅湯底。但串燒嘅牛柳仍然好好食。到食完番落樓下，見到佢門口有塊黑皮寫住話顧客如果身份証上有3字就減50蚊，又係完全唔顯眼，咁咪番上去問佢點解又無講，佢又係果句：我地係唔會主動講嫁，下次再用囉，我地優惠去到月底（你啲優惠又咁鬼鼠，無生蠔又咁鬼鼠，只怪我on居咁樣都上去俾錢你賺，只能話無下次囉）…Read More

之前有朋友介紹話哩間餐廳幾好食, 但因為冇訂位, 入唔到去食, 所以冇食到, 之後一直都掛住哩間餐廳, 就同左屋企人黎食, 3個人, 食左5百幾, 貴係幾貴, 但對絕值得先講服務, 餐廳雖小, 坐位唔多, 但服務好好, 好照顧到每一個客人, 收碟夠快, 又會推介俾客人有咩好食, 但係上菜慢, 但就算慢, 都值得等, 因為睇得出係精心炮制!!見到佢d三文魚, 果d脂肪同埋用既紋非常平均, 同埋唔係平面一塊, 係好似有坑紋咁, 見到已經覺得好靚, 再食埋落去, 好食到不得了, 本人最愛火炙三文魚壽司, 其他好多地方, 火炙會比普通貴, 但哩度一樣價錢, 仲要超級好食, 自己一個人都食2碟!!咁岩當日, 本來想叫油金魚, 但咁岩冇貨, 經理介紹左個鱆紅魚, 其實我之前食開既鱆紅魚都覺得麻麻地, 所以冇乜特別鐘意, 但佢推介左一個鱆紅薄切, 食到唔停得口, 肉質爽口, 又夠新鮮, 食完都想再叫~~ 跟住再叫左個鱆紅魚壽司, 即刻比下去, 籌司上面既鱆紅魚, 比薄切厚差唔多3倍, 但唔好以為厚就好食, 因為太厚, 冇左果個爽口既感覺, 同埋魚鯹味會重好多, 所以冇咁好食, 經理話d魚係新鮮運黎, 可能咁岩果日冇貨就冇得食, 所以極力推介鱆紅薄切!!!可能第一次去到, 見到個餐牌, 樣樣都平平無奇, 我去過2次, 都覺得果度既刺身同壽司, 出色過佢既熱食好多, 所以第一次去既, 我推介大家食多d佢既刺身!!…Read More