一黎就梗係要叫雞翼，一盤12隻單骨雞翼，第一輪已經叫3盤，之後再追加，最後叫左9盤，所有雞翼都係炸嘅，但炸粉份量好好，唔會太厚，但又夠晒脆。個雞翼本身無乜味，全靠點醬，佢有3隻醬，一隻蛋黃醬，哩隻最穩陣，無得輸。一隻紅色嘅應該係辣醬，但無乜味亦唔太辣。最驚喜係綠色嘅泰式醬，係一食就覺得泰國口味，同埋係勁好食，我地一枱7個人一致認同哩個綠色醬最正，瘋狂追加個醬黎點!
除左雞翼，佢宵夜時段嘅其他特價小食都有驚喜，個蜆雖然細份啲，但佢個汁好好味。
另外啤酒任飲又係另一賣點，可以就自己時間，想任飲2，3，5個鐘都得，價錢又抵，2個鐘飲到2杯己經抵過平時散叫2杯
最抵讚係服務好好，我地走左之後以為自己漏左野係餐廳，即刻打番去問有冇發現漏野，佢現場唔見，但之後第二日再幫我搵，搵唔到都不忘打番俾我話我知，真係好窩心
1
