Gremlin928's Profile

最近經常經過呢條街，比呢間自稱主打喇沙既＂阿蝦＂同＂隔離＂阿蟹＂吸引左諗住試，可惜每次都收左，今日星期日特登揸車去試。一坐低見到隔離枱碗喇沙湯米賣相不錯幾吸引，見佢主打＂蝦＂，所以立即決定嗌個蝦湯浸菜苗同一碗大既喇沙湯米試下。落單唔夠5分鐘個蝦湯浸菜苗黎左，一試個湯⋯⋯＂嗱＂喉的，成$40得幾條un之之既芥蘭同一篤un之之既芽菜仔，D芥蘭仲要超苦，我形容個蝦湯係蝦水，冇味的，靠落左D蝦粉，所以一飲＂嗱＂喉嚨的。轉頭到個喇沙湯米黎，見個湯咁深色，以為會好香好濃，再試一試個湯，又係冇蝦味既，只係飲到佢落到好重手果pat醬既味，而且最最最離譜既係⋯⋯我第一次食到何謂湯同餸同米粉既味道完全分開的，湯係冇味的！米粉都完全冇吸到湯既任何味，似白烚米粉！連魚旦豆卜都係冇味的！本身食開淡味野，但都覺得呢碗野所有野味道都係分開的，仲要係冇味道的！！仲有最最最失望既係⋯⋯一間主打蝦既餐廳，D蝦係＂梅＂的，想點？！係咁多隻都係＂梅＂得好厲害的！！🔥🤬呢間餐廳真係冇下次，食左2啖已經好想走，奈何唔想浪費食物所以夾硬食，但真心難食，唔明讚佢好食既人，對食物既要求係點，好唔好食好個人，但唔新鮮真係唔掂🙅🏻‍♀️⚠️…Read More

第一次係幾個星期前Lunch time黎食拉麵，嘩⋯⋯一百蚊左右，大大碗拉麵＋一串足料串燒+茶蒸碗+一碗細炒飯，份量相信男士都未必食得唒，價錢超值，味道都非常好，又足料，特別係服務員超好service又有禮貌，得閒會行埋黎同你傾下計又介紹下D食物👍🏻今晚係第二次黎，上次經理推介我試Omaksase Set，五百幾蚊有成8個course，有鮑魚、刺身、海膽、壽司、天婦羅、和牛、相僕火鍋同甜品，食到抱住個肚走，一貫服務非常好，食物賣相味道都不錯，只略嫌和牛配茄子墊底有點過油，同經理推介既拖羅較失望，有根難咬開，但其他食物都會非常好味道😋一定會再光顧😝…Read More

每次行入呢間舖D員工既態度都差到爆，當D客好似乞丐咁，食物質素又普通過普通，鋪入面又好似長期冇冷氣冇空氣，焗到暈叫佢開少少風就西哂面，有說話聽！以前未咁出名已經開始食，見住D員工態度同食物質素越黎越差！唔會再食！垃圾食市！…Read More

第一次光顧呢間餐廳，一行入餐廳店員就用手指一指遠遠嘅一張枱示意自己坐低，ok⋯⋯咁坐低之後店員埋黎放低餐牌，喺睇緊食咩途中，店員又一次行埋黎，之後45度角咁企喺枱邊用一種好兇嘅態度問：＂之前有冇黎過？！係咪第一食？！＂心諗普通上樓餐廳食餐飯啫⋯⋯以為黎過同未黎有D咩分別，但答完第一次之後，佢又用好好兇嘅口吻話：咁同你地講返聲先！個湯xxx，個沙律xxxx，呢個呢個冇得叫⋯⋯。之後終於落單，想開口叫之制，店員又用果種口吻話：＂咪住先！你諗住share食，定各有各食呢？！＂其實個態度係咪可以唔好咁爛仔呢？！所以未食已經影響心情！至於食物，個粟米湯同香蒜帶子意粉，的確唔錯，但個Angus beef叫midium依然又硬又鞋，個cheese cake係超難食！ 所以呢種待客語氣態度，我唔會考慮再幫襯⋯⋯…Read More