CKHKenneth's Profile

早日友人致電提議食飯, 二話不說即刻答應, 地點友人建議到旺角既“The Live House Bar & Restaurant”.The Live House Bar & Restaurant雖位處始創對面, 不過因為門面較細, 好易行過龍.原來呢度9:30pm後Cocktail半價, 食物7折, 計返一杯Cocktail都係$4X, 抵!!一行6人, 點左炸菇, 三色雞翼, Carbonara, 黑松露海鮮意粉, 白汁菠菜三文魚意粉, 龍脷柳露荀千層同吉烈羊架配紅酒汁.炸菇用上麵包糠, 口感比想像軟腍, 唔乾, 係好好既餐前小吃 三色雞翼分別係水牛城, 柚子蜜同蜜糖, 雞翼本身炸過, 再係上面加上蜜糖, 味道適中, 唔會太甜, 友人試左水牛城, 辣度都OK….龍脷柳露荀千層, 賣相好別緻, 仲有薯蓉墊底, 連埋龍脷柳食, Good!!黑松露海鮮意粉, 用料唔錯, 不過比較三個意粉, 呢個就比較油, 不過幾好味吉烈羊架配紅酒汁, 係呢度既新菜, 吉烈羊架同炸菇既感覺唔同, 比炸菇更脆口, 羊架個人覺得如果可以再羶D會更好.另外2個意粉Carbonara同白汁菠菜三文魚意粉因為有芝士, 要趁熱食, 所以無影到……..Carbonara食落算creamy, 芝士味道都OK; 另一個食落感覺比較清新, 個人比較buy白汁菠菜三文魚意粉.最後大家決定encore甜品, 點左3款share, 第一個係朱古力軟餅, 用鐵板上, 食前會再淋上朱古力醬, 視覺效果一流. 軟餅上面有雪糕, 一次過有齊冷熱既感覺, 面朱古力醬用左牛奶朱古力, 濃淡適宜第二個係Cheese Cake, 可能之前食左朱古力軟餅既關係, 呢個比較淡味, 切落尚算軟身, 唔會太硬最後係蘋果批, 佢用左班戟做批皮, 唔同一般會食到個隻硬身蘋果批, 蘋果用左糖黎煮, 加上有提子乾, 中和左甜味, 個人鍾意呢個最後埋單, 6人打折後每人百幾, 算抵食!!…Read More

曷日途經花園街, 路經此店, 突然記起這間店就係早前報導, 月中將會光榮引退既羅坤發麵店, 既然黎到, 就試試門外已有數人等候, 睇黎都係因為最後一日營業而慕名而黎, 就有如早前既祥利 / 興記由於單刀赴會, 等左唔係好耐就有得入挑選左胡椒豬肚雞腳豬骨湯配上海粗麵.胡椒豬肚湯做法看似簡單, 但店舖亦落足百二分心機.湯既胡椒味濃淡適宜, 作湯底既味道不俗; 濃稠也恰到好處, 到最後真係要將湯一飲而盡作為配料既雞腳, 長時間熬煮下好腍; 豬骨則用上脊骨, 肉就無乜, 可惜此店已走到最後, 唔係既改用筒骨會更正希望暫時唔會再有老字號引退........…Read More

食完新開既棟篤食, 準備離開之際, 發現唔少雜誌或節目都介紹過既一品齋就係隔離, 一於坐低食埋碗糖水先走可能時間尚早, 人流較少, 平時唔太食紅豆莎既我, 今次居然主動叫紅豆莎食上檯時見水左D, 以為煲得唔夠火喉, 但食落一D都唔水紅豆每粒都好飽滿完整, 入口真係即溶甜度適宜, 食完唔會太口渴價錢都十分大眾化, $12一碗, 真係唔錯…Read More

是夜途經呢度, 見有新舖開, 係門口睇睇個牌, 有麵食, 又有餃子同串燒, , 啱我呢D心大心細既人, 就入去試一試麵食可以揀撈麵或者湯麵, 餃子除左有大路既白菜豬, 仲有幾款另類既串燒炸物種類都有數款, 價錢都OK最後揀左蝦籽腰花撈同白菜豬肉, 雞軟骨餃雙併服務員上菜時漏左腰花, 好彩另一個幫我落單既服務員見到, 即時加返跟上既湯唔係其他舖頭用開既上湯, 而係東洋味既豬骨湯湯味道尚可, 適中, 味精唔轤太多說回撈麵, 以鑊仔上, 有趣, 但鑊仔底部唔平, 食時用圍郁, 有D唔方便蝦籽份量足夠, 味道雖唔及劉森記既濃, 但還可麵質亦算彈牙, 瀝得乾身腰花其實係雞腎, 似乎用左甜豉油同酒調味, 幾好餃子, 食法任君選擇, 可揀放湯/煎/炸, 或做紅油抄手, 今次就試煎既估計係即煎, 唔算太油膩雞軟骨餃餡用上紅蘿蔔同木耳, 食落清甜又不失爽脆白菜豬肉餃, 餡料比例適中, 食落似酒樓既菜苗餃, 但比酒樓既清新.…Read More

藏身於舊區車房之中, 顯得有D格格不入, 外面的靜與內裡既熱鬧有很大對比秘密花園既背後故事, 很Touching.層架上有唔同既擺設, 雖無統一感, 但每樣都有D, 就好似屋企既裝設一樣另一邊有用相砌成既大鐘, 玩味十足說回食物, 晚市有數款晚餐推介, 主食不多, 但有唔同既花茶同飲品選擇最後點左焗辣肉腸長通粉配特飲: 凍士多啤梨玫瑰花茶焗辣肉腸長通粉質素只屬一般水平, 汁醬過多, 而芝士份量亦較少, 少左一份焗既感覺而跟餐既特飲其實唔錯, 士多啤梨同玫瑰花既配搭都OK, 但犯左凍飲既通病---攪唔勻本想叫多份木糠布甸, 但因為剛剛整好, 未雪得切而打消念頭店員亦有加以解釋, 貼心既表現硬件方面, 基本上係無得挑剔, 但食物既味, 美仍要提高, 不然幾好既裝修都唔夠努力吧, 為這個盛載感情既花園給力!!…Read More

是夜來到西灣河, 看上了此店舖面唔大, 大概廿零個位, 坐落都尚可接受打開餐牌, 即見二人豪食餐, 但奈何是夜容量有限, 都係散叫為妙2個人, 點左一個意粉晚餐, 一個烤羊架意大利飯, 炒雜菌煙肉帶子同蒜蓉包當然仲有點生蠔啦, 揀左一隻澳洲同一隻南非蠔不過服務員似乎對蠔既認知唔太夠, 只係提供有咩選擇, 但就無建議食邊一款同每款既分別, 需要改善蒜蓉包烘得好食, 好脆, 上面既蒜蓉塗得均勻, 最重要係夠熱!! :)左邊為澳洲, 右邊係南非幸好友人對蠔有少少認識, 建議先食較濃味既澳洲蠔澳洲蠔入口有一股海水既鹹味, 確比南非蠔味濃少少, 感覺鹹鮮2隻蠔份量都ok, 以大約$30既價錢食到一隻的確係好~用牛油炒, 好香而且足料, 帶子好大粒, 幾甜, 羊架絕對一讚, 一上檯已經有陣好吸引既羊羶香味, 火侯唔錯, 表面微燶但內裡軟腍, 咬落去有豐富既羊羶味, 啱哂我呢個鍾意羶羊既人意大利飯硬身, 但絕非生米個種感覺, 食落飽滿, 汁醬份量適中, 唔太杰, 唔太稀, 有水準總體每一款食物都有一定水平, 況且價錢相宜, 值得試下~…Read More

是日既活動臨時取消, 一個人無事幹, 最好就搵間cafe偷閒....偷閒首要係寧靜舒服, 鬧市如銅鑼灣, 中環既cafe選擇雖多, 但不合心水, 反而旺區邊陲既大坑就有先天優勢不過原來喺大坑都唔係太多cafe, 這有D令我估唔到係大坑既橫街兜左陣, 最後搵到呢一間位於浣沙街同新村街交界既Kindergarten店內以木製品作佈置主調, 檯, 凳, 大窗框皆為木造, 從店內往外窺看, 加上對面大廈富歐洲style既牆身, 真係有如身處歐洲既民居之中座位數目唔太多, 只有一張長檯 / 圓檯同矮身茶几配sofaDrink List以木板製作, 精美度滿分, 仲有學生好怕既豬印作記不過有部份字睇得唔太清楚, 美中不足.......最後點左大路既Latte同埋芝士蘑菇火腿多士Latte, 面上無特別既Latte Art, 但有一種簡約美附上既甜曲奇唔錯, 相信應該唔係homemade, 但總算揀對款式同口味至於杯咖啡就略嫌味道較薄, 而且如果再熱返少少會比較好; 另外上面既奶泡尚可, 輕身但唔算太滑, 整體算不過不失隨咖啡附上鴛鴦糖, 白糖粒為砌圖形狀, 很別緻, 唔捨得用由於全店只有一名店員, 一腳踢之下, 呢份多士黎到已經既時間已經係杯Latte整好既幾分鐘後, 不過今日時間唔係重點, 等少少係無問題既多士烘過後幾脆口, 鋪上面既芝士同材料均勻, 每一口都有齊芝士, 蘑菇同火腿整份多士不錯, 輕食既首選, 配料既沙律菜同蕃茄很清新, 減低左芝士既油膩感對呢間舖頭整體感覺唔錯, 可以列入我心目中Like既Cafe之一, 位置相對較近大街既民聲等食肆僻靜, 如果想靜靜地同朋友傾下計, 或一個人消磨時間, 呢間絕對諗得過…Read More

盛八撈過界開埋拉麵店, 舖頭開設於時代廣場附近, 裝潢, 服務走年青人路線是夜放工經過, 就入內一試店內拉麵有3種湯底 : 味噌, 牛骨, 龍蝦, 再配以合適既食材喺試新店既心態下, 揀左最基本既黑豚味噌拉麵賣相不錯, 配料齊全先試湯底, 唔錯既, 調味適中, 試後唔會太口渴黑豚叉燒幾大塊, 油脂做到入口即溶既感覺溏沁蛋係榻個麵既亮點, 做得出色, 溏沁很捧而麵既口感軟硬度適中, 整體上整碗麵屬中上水平…Read More

受雜誌既影響, 是日午餐想食餃子, 剛好工作地點附近有呢間龍鳳餃子館, 就去左試試店子以紅色為主調, 配以矮身木檯同凳, 頗有北方風味.午市除有餃子供應外, 尚有數款客飯, 同事點左蔥爆牛肉, 而我就揀白菜豬肉配雞絲粉皮.餃子唔連湯上, 正宗北方食法, 如果餃子瀝得再乾身一D就好了橫切面, 餃子皮厚薄適中, 餡料飽滿, 但白菜切得比較碎, 爽脆既口感不足跟餐既雞絲粉皮,份量OK, 青瓜也爽脆, 但粉皮較厚面重點既汁醬方面, 呢度既麻醬夠香, 但偏甜, 如果鹹返少少就好了至於同事既蔥爆牛肉份量適中, 但略嫌"惹味度"唔夠, 蔥味比較淡…Read More

早前試過同一地點既另外一間, 印象認真麻麻 (脆到"界"咀, 又空虛)今次試另外一間, 括住"極品"二字, 就試下係唔係真係正野先即叫即製, 等左幾分鐘就有得食外表睇黎唔錯, 火喉拿捏準確咬落去, 脆口既, 有蛋味, 但有少少發粉個種嗆味, 不過尚可接受至於質感雖不及北角或者低調高手, 不過都唔錯裡面結構唔同北角 / 低調高手係一半餡, 比較緊密, 有D似天后炭爐伯伯個種雞蛋糕質地, 但食完唔會有滯既感覺有比較之下, 呢間絕對比另外一間好, 但未致於係極品, 上品了吧~…Read More

老派既港式西餐廳, 開業將近50年, 推開門就有種時光倒流三十年既感覺.滿佈歲月痕跡既卡座, 將近花甲既服務員, 仲有塊手寫既掛牆膠餐牌, 很喜歡~個人建議, 光顧這類店子, 敬希將味道及服務要求稍微下調, 否則最後只會不爽呢度既鐵板種類可謂麻雀雖小, 睇左陣就決定 點返個鐵板牛柳, 要5成熟, 仲可揀香腸/雞翼等其中一款配料, 汁醬要惹味既黑椒汁~先來餐湯同蒜蓉多士, 紅湯有一定份量, 味道好搶, 濃濃既胡椒味, 湯料尚算足夠多士蒜蓉味ok, 但其實唔脆口, 腍腍的, 一貫不講究既風格.主菜來了, 隨餐可揀啤酒/檸樂/什果冰, 點左啤酒(雖然俾新力杯你, 不過實情係ice beer)砌開, 真係大約5成, (因為鐵板本身有熱力, 塊扒會越食越熟, 所以一開始不妨點5成, 以防食到最後會過熟)牛柳表面少少脆, 似係用過大火煎過; 肉質尚可, 有少許肉汁當然, 老港風味既扒, 落鬆肉粉係必然既, 但只要唔好落得過火就OK呢一次就唔覺有過多鬆肉粉墊底既係波浪紋薯條加雜豆, 已經變得淋一淋, 都無咩需要評價食完扒, 啤酒一飲而盡, 又係一個滿足笑臉…Read More

店子於工作地點附近, 間中都會過黎食lunch, 不過小店既通病就係比較慢, 出品雖然OK, 但非食lunch既最佳選擇~是日早班, 先過黎食個早餐雖則係早餐一份, 但製作絕不馬虎, 有沙律, 香腸, 滑蛋同烘法包, 除左個法包因唔太新鮮而有D韌之外, 其他基本上係無得挑剔蛋炒得不錯, 夠滑無過火; 沙律以醋調味, 好清新重點係呢個早餐只售二十大元, 以呢個價錢食到一份有水準既早餐, 實屬難得, 太給力了!!…Read More

是夜出外睇波前, 先到呢度hea一hea先入內裝修好企理, 樓底好高, 好舒服, 一個箭步到糕餅櫃揀cake~雖已7點零, 但尚有十數款糕點揀, 一時間都揀唔落手, 最後決定食檸檬撻, 加多杯cappuccino檸檬撻面上既蛋白甜度適中, 打得都幾滑; 中間既檸檬cream味道好搶, 滿滿既檸檬, 感覺好freshCappuccino, 第一眼睇好似啤酒, 奶泡OK, 整體唔太濃, OK既堂食唔夠, 決定打包D曲奇, 最後揀左伯爵茶味同朱古力碎(黃糖)曲奇味道適中, 唔會太甜, 幾鬆化, 伯爵茶味淡淡既, 不錯…Read More

晏晝個餐翅始終爭咁D, 故晚上臨返去前要再去食多次翅今次搵到呢間呢間既出品普遍較濃味, 貼近一般酒樓個類一行五人, 四人點左石窩煲翅, 一個食鮑魚撈麵~石窩煲翅熱辣辣, 視覺上已先聲奪人濃濃既湯, 加上齊齊整整既魚翅, 撈飯一流本身仲叫左鮑汁豬腳, 可惜太好食, 唔記得影相~有比較之下, 呢間絕對要試~…Read More

離開氹仔舊城準備到大三巴前, 先到呢度食返件大菜糕~友人推介燕窩大菜糕食落清清既, 有些微既燕窩, 感覺清新出發往大三巴去~…Read More