stevechan11's Profile

好友明哥快要移民, 雖然跟他相交不深,但頗投缘。所以一定要請他吃好一點 ! 得知他喜歡吃牛, 好友為好好保護我的錢包所以建議一起去吃烤肉放题。經多位友人推介, 選了性價比很高的中環盛八吃飯。此店位於中環, 離central MTR站 只需步行10分鐘,地點方便。地方寬敞,桌子也很大, 我多點食物也不怕! 吃得頗舒服!此店提供2小時任吃放題, 有豬、牛、雞和海鮮、麵食等30多款食材，仲可以任飲果汁和及酒, 絶對適合大胃王。前菜吃了盛八豆腐和野菜沙律, 豆腐清甜野菜也很新鲜, 我點了才知蠢。只因這店的上菜速度極快, 吃放题當然是點好吃, 貴和吃不飽的東西 !每位客人均送上 香草牛油究極龍蝦, 龍蝦很新鲜彈牙和多膏, 此蝦蝦味很濃。海鲜有活蛤和花竹蝦活蛤鲜甜多肉, 絶對冇沙要多點。花竹蝦肥厚新鲜, 只是要多點時間燒但也是值得的。以這個價, 無限任點, 怎能不多點 !放題重點當然是鹿兒島和牛, 和牛是薄切, 肉質鮮脂肪的分佈平均。燒大約30-40秒即熟, 入口即溶肉味不算濃但我吃完一碟又一碟, 結果吃了15碟 。牛肋骨有油份, 又不太油加上有點彈牙如嫌鹿兒島和牛太肥可以多點。其他豬和雞味道也不錯但不及牛吸引,所以我很重點地吃牛。甜品是 波波雪糕球。其實是 淡淡清甜的豆腐味雪糕, 豆腐味的食物是我至愛,這是一道很棒的甜品。…Read More

今晚跟韓國的客人晚飯，眾所周知韓國人對食辣比我們香港人狂熱，所以幾經搜尋下，我決定要他嘗試一次充滿特中國特式的川味菜，進入食店已被充滿中國色彩的大紅長椅吸引，再配合埋中式的古箏音樂，連韓國客人都讚中國風濃厚。先黎一個美極黑木耳，香濃的麻油配上爽口的木耳，少少酸又帶甜，絕對係非常好的前菜。再黎一個帶麻辣味的蒜泥白肉，豬肉肥瘦均勻，蒜香味濃厚，配埋青瓜入口，口感豐富，韓藉客人也大讚惹味。終於到主角泡椒酸菜魚（大）出場，湯底起辣同酸中間，非常香濃香，而魚塊肉質嫩滑又有鮮味，去骨既魚肉，入口啖啖肉，令怕魚骨的我覺得好滿足。…Read More

今晚去荔枝角見完客，沿住青山道行，自己一個人去覓食，經過呢間餐廳，見到門口的價錢牌唔係貴，而且款式有好多，就決定入去幫親吓．入到餐廳，座位唔算多，大概坐到30人，晚市都比較滿座．由於見客已經用盡我所有energy，所以我點左個意大利雲吞同埋一個牛扒．意大利雲吞，唔似出面淨係得麵粉，入面係有蟹肉，而且肉質鮮甜味美，份量仲要好大份。香煎美國安格斯西冷，牛扒我要六成熟，切開見到肉仲係嫩嫩嘅粉紅色而且冇血水滲出，證明火力同溫度剛剛好，外層完全鎖住左牛既肉汁，入口有彈性和味濃，好有咬口。我見到好多台客都有叫　tiramisu ，本來想叫一個外賣比太座，點知。已經賣哂，老闆娘見我有少少失望，就同我講，呢度Ｄ甜品好受歡迎，叫我下次一定要襯早，咁唯有下次拍拖再過黎食啦．由於我埋單走人果陣已經接近九點半，我見到員工放左一盤蟹起台面，八掛之下一問，原來係人手續隻蟹拆肉黎煮嘢，唔怪得頭先我食既意大利雲吞入面既蟹肉咁鮮甜啦．…Read More

時代廣場最近做緊高達展覽，我當然要跟友輝去大影特影一番啦，我倆決定平日來影，一來少人，二來搵食比假期易!經過個多小時的高達之旅後，我倆決定起附近搵間餐廳開餐，岩岩影完高達，當然要食日本菜啦，咁先夠夾架嘛。登龍街出名多野食，而家成橦大廈都集合左唔同既餐廳，我地今次幫襯既呢一間，出名食刺身。我倆點咗個刺身盤，入面有伊佐木，帶子同埋牡丹蝦。先講帶子，size 可以用巨型來形容，入口有鮮甜味，肉質軟而彈，回味無窮；牡丹蝦，新鮮，嫩滑，香甜，彈牙；伊佐木，薄薄一片，晶瑩剔透，白裡透紅，入口味道偏淡，但肉質非常新鮮。食完刺身，侍應收走盤子，原來伊佐木的魚身同魚頭可以炸來佐酒，炸後的伊佐木，連骨都非常鬆脆，成碟魚頭魚骨，唔駛廿分鐘就比我食清光，實在係停唔到口。之後我地叫咗個海鮮寄世鍋，入面非常多料，有好多大蜆舖滿起煲底，而且仲有香菇，大蝦，扇貝肉等，湯底非常鮮甜，鮮甜得黎又帶有少少辣，但果種辣度係會令人繼續想飲落去。…Read More

今次再食呢間米線店，但係唔再點氣鍋雞，因為上次氣鍋雞比我既印象麻麻。兩個人叫左兩碗米線，酸菜腩肉豬潤米線同埋黃蟮米線。酸菜腩肉豬潤，酸菜味濃，夏天食的確開胃，豬潤亦都好爽口。黃蟮米線，辣味剛剛好，黃蟮份量亦都好足，仲有爽口豬皮做配料，唔錯。…Read More

是日起火炭工廈做嘢，完工後，老闆話要拉大隊慶功，慶功嘅餐廳竟然就起樓下。室內空間略細，但當晚只有我哋一台客，有啲包場 feel.龍蝦湯，味道香濃，拍得住酒店水準。香煎鵝肝配多士，外脆內軟，入口即溶，老闆話，材料好就可以淨係用海鹽都提升到食物嘅味道。帶子刺身，切得唔算太厚身，入口岩岩好，有少少黏口而且鮮甜。美國 PRIME 西冷，五成熟，岩哂我口味，本身食牛都係鍾意生生地，因為牛肉味會比較濃郁，牛肉靚，少少調味已經好足夠。鵝肝油炒拉麵，唔會好油膩，但入口依舊有鵝肝嘅香味，簡直同之前食嘅鵝肝多士有前後呼應嘅效果。…Read More

同老友試完新車，去到九龍城，原本食泰菜，行到龍城道看到對聯，「欲嘗海上鮮，莫惜腰間錢。」有意思！店內如一般餐館裝潢，收銀位仲有個懷舊老爺點唱機，樓上係VIP房。兩個男人食飯梗係要啤一啤佢，再叫兩三個菜送啤酒，先至係王道。大廚剛剛經過，就問下今日有無好嘢介紹，佢就介紹左個剁椒蒸開邊龍蝦，剁椒係大廚親自從湖南地區挑選。上菜時，辣椒香味撲鼻，剁椒，香蒜加埋芫茜粒舖滿哂起龍蝦上面，淨係睇到都流哂口水，而龍蝦肉鮮甜富有彈性，非常新鲜，呢碟餸有剁椒嘅辣又有龍蝦仔嘅鮮，完全激起哂我味蕾嘅感覺。之後黎個秘制燒豬肋骨，外層燒到有少少燶睇落好似乾乾地，切開後，肉汁竟然保存到起入面，外脆內軟又有肉汁，非常野味。最後就係立體3D芥蘭配蒜蓉法包，點樣3D法，就係有豬肉粒起第一層，把肉粒放在法包一齊食，好似泰式食法。第二層係炸過嘅菜，爽口野味，最底嗰層就係芥蘭菜，口味清新，一碟菜有兩種食法真係新奇！…Read More

同事請食下午茶，買咗半打蛋撻，呢間老字號餐廳，蛋撻一直都遠近馳名，我已經好耐冇食，今次再試下，點知水準仲 keep 到，熱辣辣嘅蛋撻，酥皮非常鬆化，一咬已經跌哂落黎，而且蛋味香濃，絕對要試。…Read More

星期六見完客，時間唔三唔四，決定搵間餐廳食番個 Brunch，餐廳就位於我見客果橦工廈，入到餐廳搵個靚位坐低，室內環境舒適，用咗深色做主調，再加鏡嘅反射，令到空間感擴大。我選了I kitchen (all day) breakfast，可以自選要幾多個配搭，認真少見，我就梗係要哂全部共九樣啦，材料非常豐富，包括德國鮮肉腸、炒蛋，煙三文魚，意大利煙腩肉，茄汁豆，蒜蓉法包，薯餅，慢煮蕃茄及大傘菇，當中的牛油果蓉於其它Cafe比較少見，味道酸酸甜甜好開胃，德國鮮肉腸味道反而偏淡，意大利煙腩肉都煎得好香脆，令人最回味反而係大傘菇，外表黑黑，但內裡非常多水份，而雞蛋都炒得好香滑，呢份全日早餐絕對能令我呢個星期六添注新能量。再配埋杯熱檸茶，簡直是 Perfect Match。…Read More

高级而優質的牛肉，配合適當煮法，唔係好多地方可以做到。今次為慶祝老友新車落地，我哋專程選擇黎呢度食燒肉兼賀一賀佢。餐廳門面用直線木條設計，風格簡约，店内環境自然舒適。店員首先介绍咗三款醬汁，自家制柚子汁、自家制燒肉汁同胡麻醬，不同肉類配適當醬汁，會更能突出食物嘅味道。頭盤係日本安曇野豆腐沙律，豆腐柔軟，豆味濃郁，酱汁醒胃；之後我哋叫咗兩款北海道啤酒，第一款係知床 Draft World Heritage，顏色帶綠，酒嘅麥味較淡，女仔飲一定會覺得好容易入口，因為味道好清，有一種山溪清水吨嘅味道，感覺非常清新感覺；第二款係網走獨特讓製Abashiri Premium，呢個就黎個180度轉身，有濃郁酒香味，入口甘甜；老闆連採購啤酒都可以做到咁講究，真係一绝！主角終於出場啦～～！厚切美國Prime牛小排，肉塊中如雪花的油脂，红白分佈平均，果然係頂級食材。燒嘅時候先把牛肉放到爐中央位置，因火力較集中，店長教我哋，千祈唔好不停反黎反去，因為肉汁會流走，要睇到血水被逼出黎就可反轉燒另一面，反轉後會見到格仔纹，又等一陣再逼出血水，就可以食，咁樣時間就岩岩好，能夠將肉汁鎖住咗，我一口咬落去，口感一流，濃濃的牛味加上油脂同埋肉汁，唔沾酱汁都已經回味無窮！鹽燒豚腩肉，薄薄一片片，半肥半瘦豬腩肉，燒到尾時會搶火，有少少燶，但食落香脆味美！再來個海膽炒飯，所用的海膽是日本直送，絕對新鮮。海膽炒飯除了要有鮮甜的海膽，仲有帶子粒加入飯内，把海膽撈均，每粒飯都沾了海膽的精華，非常美味。…Read More

好友肥糖姐生日，我哋成班 fd 上佢屋企同佢慶祝，我就身負重任去買蛋糕，我見成日食黎食去都係果啲，襯今次不如齊齊試新嘢。呢間餅店蛋糕搵咗隻明星貓做代言人，同埋蛋糕款式比較新穎，我當然要買壽星女最鍾意果款草莓芝士溶心蛋糕啦，店員好細心問我路程有幾遠，幫我加乾冰，仲提醒我未食就先放雪櫃，食前10分鐘擺室溫就可以有流心效果。肥糖姐見到個蛋糕當然好鍾意啦，蛋糕面舖滿红紅的草莓，好鮮甜，下面係一層草莓啫喱，酸酸甜甜，之後就係溶心芝士，非常creamy，最底層係的朱古力蛋糕，朱古力味唔太突出，但整體都係好好味。…Read More

約左老友打波，出到太子，見時間尚早，一齊去醫左肚先，我地黎左呢到食點心，裹面裝飾幾特別，用雀籠做燈飾，地方算大，可以坐好多人。又系我最愛的鮮蝦燒賣皇，咬落去啖啖肉，用左原隻鮮蝦，有鮮味同埋好彈牙，正呀!魚肚水餃，水餃皮薄餡靚，配搭埋魚肚一流，D湯有鮮味，沒有味精，最後我都一滴不漏飲哂D湯。香滑反斗糕，迷你的反斗糕，個糕真系想跳出來，質感很鬆軟，而且又不太甜，唔錯。多汁小籠飽，皮薄又多肉汁，咬落去咇晒出來!煎蝦膠釀茄子，蝦膠同茄子是很好的配搭，蝦膠彈牙新鮮，煎得幾香脆，再配上醬汁，惹味得很!香芒沙律盞，賣相相當吸引，只系用左少少士多啤梨來點綴及香芒醬之外，其餘全部都係蘋果肉，覺得可以改善一下，如再加埋其他生果，咁仲會更加好味!古法糯米雞，真材實料，裹面有鴨胸、臘腸同雞肉等，D雞肉大件又好滑，真係頂呱呱!同老友食飽飽就出發去打波消下脂，過幾日再來過!…Read More

今日起時代開會，到走嘅時候已經係6點半，個客話一齊食飯，我當然恭敬不如從命啦!佢就話嘉路連山道一帶有間幾好嘅餐廳，如果唔係佢帶路，我都唔知有呢間餐廳，餐廳設計簡潔，紫色的牆身有一種華麗感覺，昏黃的燈光令人好放鬆自在。Set Dinner，頭盤我點左田園雜菜沙律配陳醋汁，蒜泥牛油飽配黑松露菌忌廉湯，主菜係BBQ烤辣味西班牙豬肋骨加杯Cappuccino。是日亮點當然係黑松露菌忌廉湯同豬肋骨啦!送湯時經過我個位已經聞到黑松露嘅香味，而且都食到好多菇粒，好有口感!黑松露嘅香味非常突出而且份量唔少，啖啖都有黑松露嘅味；而個BBQ烤辣味西班牙豬肋骨，烤到外面好香脆，入面嘅肉又出奇地好嫩滑保留到肉汁，配埋個少少辣嘅燒汁，非常惹味!值得一讚就系連薯條都香脆到不得了!最後嘆返杯Cappuccino，正如門口插畫所講-窩在咖啡香中，慢慢品嚐人生的苦與樂!…Read More

今晚同老婆睇完恐龍電影，老婆要食埋甜品先返屋企，於是我地就去左呢間甜品屋試下。我點咗燒菠蘿雪芭，菠蘿燒過之後好好食，我就好似戲入面隻兇王龍咁大啖大啖食落去，雪芭酸酸甜甜入口即溶，實在令我涼透心。老婆要咗杯藍莓乳酪芭菲，賣相好靚，白、黃、淡紫、深紫色相間，營造出層次感，老婆就好似隻速龍咁兩眼發光，鎖定目標，享用獵物，一層乳酪一層忌廉，甜酸交融，軟滑而不膩。…Read More

同老友出去旺角中旅附近買完汽車用品，都已經係晚飯時間，於是就起附近搵下有無好野食！老友左點右點，點左我去呢間點心店，個店名都幾得意！入去啦！地方有少少窄，不過旺角地段貴，係咁架啦，野食先至係最重要，看看點心紙上面有好多新穎點心，一般酒樓少見，當然要盡情點，起點心紙上剔、剔、剔啦!碧綠帶子腸，腸粉皮又薄又滑，帶子鮮甜加埋時菜又好爽脆，唔錯。紅魚子海皇餃，餃皮晶瑩剔透，未食已經見到入面橙黃色嘅魚子同蝦肉，咬落去係原隻大蝦，連埋紅魚子一啖咬入口，認真爽口兼彈牙，皮薄餡靚，絕對係食過番尋味。戚風班蘭馬拉糕，質感很鬆軟，入口有淡淡的班蘭葉味，食完感覺好清新。高湯魚翅灌湯餃，賣相已經好吸引，湯餃上面舖滿魚翅，忍不住咬了一口，餃入面有帶子和蝦，高湯又鮮甜，我一滴不漏將湯全部清哂。吾係老點小漢堡，蝦膠好彈牙，再配埋芥辣同沙律醬，真係正到冇朋友，唔怪得係招牌菜之一，真係要點點。芝心脆炸蝦丸，蝦丸很新鮮，外層脆口，內裡彈牙，一口入去，芝士仲會流出黎，說明係即點即做。愛心白汁芝士磨菇雞批，賣相非常別緻的雞批，曲奇餅皮加上芝士白汁雞肉，酸酸嘅芝士配上嫩雞肉，別出心裁。…Read More