店內如一般餐館裝潢，收銀位仲有個懷舊老爺點唱機，樓上係VIP房。
兩個男人食飯梗係要啤一啤佢，再叫兩三個菜送啤酒，先至係王道。
大廚剛剛經過，就問下今日有無好嘢介紹，佢就介紹左個剁椒蒸開邊龍蝦，剁椒係大廚親自從湖南地區挑選。上菜時，辣椒香味撲鼻，剁椒，香蒜加埋芫茜粒舖滿哂起龍蝦上面，淨係睇到都流哂口水，而龍蝦肉鮮甜富有彈性，非常新鲜，呢碟餸有剁椒嘅辣又有龍蝦仔嘅鮮，完全激起哂我味蕾嘅感覺。
之後黎個秘制燒豬肋骨，外層燒到有少少燶睇落好似乾乾地，切開後，肉汁竟然保存到起入面，外脆內軟又有肉汁，非常野味。
最後就係立體3D芥蘭配蒜蓉法包，點樣3D法，就係有豬肉粒起第一層，把肉粒放在法包一齊食，好似泰式食法。第二層係炸過嘅菜，爽口野味，最底嗰層就係芥蘭菜，口味清新，一碟菜有兩種食法真係新奇！
