今晚打老虎's Profile

好耐無寫食評喇！今日都係時候upload返多啲資料先😆首先同大家分享同update吓呢間嘅喺葵興店。係openrice嘅出口資料唔啱嘅！應該係由“A”出口再經葵興邨穿過去就去到㗎喇！如果跟openrice出口資料係去唔到嘅！敬請留意。好回歸正题！今早先去試吓佢哋嘅吉列豬扒早餐都唔錯喎！啲食物嚟得都幾快，豬扒都鬆脆都厚嘅！唔太乾。嗰片蒜蓉多士都幾好味！（似係自製新鮮蒜蓉牛油）唯一係隻煎双蛋唔夠膿邊同穿咗！熱奶茶都滑嘅！我見對面位姐姐食嗰份蝦米雪菜肉絲米都好似幾好味🤤（哈隔離飯香）有機會下次試吓。整體都可以試吓！另人想試埋佢其他食物質素（檸檬雞翼）…Read More

好耐無寫食評喇，今日忽然想評價一下豚勝嘅吉列豚。睇到啲雜誌介紹豚勝喺香港開舖咪試下啦。之前喺openrice睇過有啲食評話佢哋嘅服務差。我昨天一行三人去試，公平啲講由於係新舖啲員工唔算太熟手但招呼都可以嘅，我睇佢哋都有改善到服務問題。但食物質素就有點名過其實喇，一來豚肉皮炸得略位燶（比較黑）不是金黃色，二來佢嘅粉䊢混咗少許肉桂粉。有啲肉桂味。還有豬扒嘅肉質比較嚡咬落去有啲韌，同另一間炸豚肉名點Tonkichi真係差幾班，勝博殿質素都比佢好。以咁嘅價錢我寧願去幫襯返Tonkichi喇。…Read More

其實經過呢間舖幾次！每次見到貼喺門口腸粉啲相都有衝動想入去試食！好喇今日卒之的起心肝入去試食😤點知……腸粉喺係早餐時段提供😔我過咗早餐時段才去，所以錯過了！😭既然錯過了咪試吓佢哋嘅粉麵喇！我點了魚旦/牛筋丸河+煎餃子+豆漿老實講:魚旦/牛筋丸河係看似普通，但又係要有啲要求嘅！首先魚蛋真係普通到極，牛筋丸唔香口😑豆漿就係交嚟嘅行貨即一般又有防腐劑嗰啲！至於煎餃子以為佢哋自家炮製，點之喺"思念，"嘅餃子承惠$30盤！(點解知？因為見佢哋張啲紙盒掉喺門前嘅垃圾筒旁！)唉！😔佢哋真係要改下入貨喇！等我以為"潮洲仔"啲牛丸應該好正！點知有啲失望！唯有寄望下次早啲去試吓佢哋嘅腸粉睇吓喺咪真係咁差！…Read More

相信成日去日本嘅人都有幫襯食過天丼！當然如果唔係太多預算去天丼開餐都係唔錯嘅選擇有幸佢終於嚟香港開店重要喺青衣落户😚由於新店關係排長龍呢類指定動作一定唔少得！😙所以各位食家耐心等候吓喇。睇完餐牌後，我點了上天丼另追加雞排一塊！其待已久嘅上天丼已來！炸蝦🍤唔錯鬆脆、南瓜鮮甜、飯有飯味麵豉湯一般！至於追加雞塊juice!(有驚喜)總括嚟講以咁嘅價錢！重要要求咩質素吖！都已經唔錯！服務都尚算勤快👌…Read More

原本一班同事晚上打算去食海鮮，基於一啲原因取消再約去食！咁唯有同幾位同事去食其他嘢早前上openrice見呢間cafe風評唔錯咪試吓，人多可試多幾樣食品一入到去地方雖小，但雅緻乾淨，又有露天枱，但我哋選擇室內卡位坐！我哋點了黑松露醬薯條🍟，蜜糖雞翼，西班牙海鮮飯，煙三文魚pizza，芝士醬薯條，Parma ham pizza😆，冬蔭功蝦意粉🌶🌶👍好喇！開始品評吓啲食物先😋黑松露醬/芝士醬薯條-粗薯條鬆脆松露醬同芝士醬🤔個人比較喜歡松露醬好味啲！😁蜜糖雞翼無乜特別！西班牙海鮮飯唔錯🥘冬蔭功蝦意粉-🌶🌶少少辣唔錯！Parma ham pizza🍕薄脆好味煙三文魚pizza🍕都唔錯！至於飲品總類繁多！下次要試多幾款！😆總括嚟講:食物水準俗，食品唔錯！服務不温不火！環境一流！三五知已談心一流！😁…Read More

一直都想幫襯孖沙嘅名物:三眼仔叉燒煎蛋飯(連OL都唔怕胆固醇超標)今日終於有時間去會一會佢！去到嘅時候都差不多係放飯時間，但見到入面都坐無虛席，咁梗係喺門口排隊等入坐啦！😆好在今日天氣清爽，如果喺夏天我一定唔等費事熱死！🤯(我最怕太曬😎太熱)又好彩喎我唔使等太耐😚入坐後就急不及待即叫名物📣叉燒煎蛋飯啦！再加杯凍奶茶同一塊煎豬扒🤤落咗order後呀姐千叮萬囑話名物需要等15分鐘🤔唔使等幾耐件煎豬扒嚟咗(留意返喺淨喺件豬扒，叉都無俾我唔通我要用隻手攞住食咩！)🙄。奶茶都到埋！🤩⭐⭐😊飯嚟喇！👏👏👏果然名不虛傳👍三隻煎蛋煎得好靚有燶邊得嚟又見到啲蛋黃震滕滕！好juicy！叉燒就瘦咗啲(交嚟嘅貨、係咁尚吓啦！唔太其待)蛋上面嘅甜黑豉油先至係靈魂🤤當蛋黃液同黑油+叉燒+飯呢四樣嘢撈埋一齊！嘩！簡直不得了！奶茶都冲得唔錯！豬扒都ok嘅！超標就超標啦🤔有時間可再去試多次！😁👍…Read More

為咗響應“大台”東X西望”嘅廣告效應！我哋一行7人浩浩蕩蕩咁有目的哋去食“梳平厘”！😄明知太平館中午時段都幾多人排隊，我呢啲識途老馬梗知道要訂位先為上策！😆由其係我哋重係7個大人，重唔速速訂位咩😤我哋先頭部隊喺12:30到達，侍應,哥哥就帶我哋入座，(其實我幫襯咁耐，佢哋嘅服務態度都唔係咁差！反而重覺得佢哋招呼得好勤快吖！😊👍)好喇！我點了：黑椒豬扒併牛舌(大熱勝出我哋大部份都點呢個餐，/粟米忌廉湯！)先嚟熱辣辣嘅餐包配忌廉湯😊(忌廉湯都好大碗，其實佢哋嘅羅宋湯都唔差架)跟住飯到喇！我和同事都差不多食完飯！當然等戲肉~梳乎厘“到”！大家不約而同呼叫：嘩嘩嘩啦😂個梳乎厘大到呢！相機唔少得食先啦😜梳乎厘鬆軟有蛋香！甜度適中，食到大家都欲罷不能！大家講笑話下次每人叫一個食添！😂太平館除咗瑞士雞翼、梳乎厘、燒豬脾肉出名外！其實我個人都喜歡焗芝士蝦球飯(之前起碼有7隻大蝦😊現在約5隻啦)砵酒牛舌(牛舌軟淋，砵酒汁香濃帶少少苦味！)💥其實太平館啲服務真係唔差喎！啲侍應哥哥醒目勤快，見我哋好似有啲餐未嚟都即刻幫我哋跟進，出餐又快！😊…Read More

美味廚迄立喺銅鑼灣都好耐！都算係老舖☺。我由初中開始都幫襯了唔短嘅日子喇😤，每逢想食排骨菜飯、菜肉雲吞、酸辣湯、炒三鮮、回鍋肉…………😏都第一時間壤著要去食！加上當時香港都未有咁多選擇，同家住銅鑼灣必然係幫襯嘅首選之一啦！😉美味廚當年最出名算係“排骨菜飯”！排骨香酥甜甜鬆軟，菜飯濕潤又多菜，一流👍但隨時間流逝呢味名物都有段時間出品差了不少😧飯硬無味，肉硬，嘩簡直😦可能同師父自已去咗天后開舖有關，師父仔又未掌握得到！今日中午我再去光顧，今次叫午市餐-排骨菜飯+豆漿☺排骨比我上次叫外買時鬆軟有肉(但就少咗甜甜味道，菜飯勉強ok(但就比較淡同菜少咗！)總括水準都好返啲！😉…Read More

🍮布丁係comfort food😊嘅一種！所以當喺葵涌廣場開咗呢檔布丁店！當然要試一試佢啦！佢重要係每日新鮮即做嘅甜品添！😚其實佢第一日開幕時都想試，但每次經過碰啱都幾多人排隊，所以都未有食過！咪唯有買住超市貨色頂住檔先囉！😛今日早咗飲完茶，咪又係去葵涌廣場巡視業務(he😉買衫！)經過今日竟然無乜人排隊喎！(可能早啩)即刻買個試吓先！原本想試原味布丁嘅，但冇就試吓豆腐布丁先！一來豆腐無咁搶，一定無咁難食，二來豆腐淡淡地同原味相近！一定唔會出事。😉老闆娘問我堂食定外帶！哈我諗佢見到我個為食樣都知我急不及侍堂食啦！(盛為$38蚊，睇吓係咪物超所值先！)不過布丁面上嘅小鹿圖案好“卡哇兒”呢！重唔即刻相機食先咩！由於係堂食，老闆娘要張佢反轉放落碟度，當你見到布丁喺碟上震滕滕咁！應該幾鬆軟嘅，再試一口，都唔錯，甜度適中(此時聽見廚房喺度打蛋聲此起彼落)跟住發現唔記得影相😢好在老闆娘見我咁，即刻攞杯未食嘅俾我影相，真鍋心！😙👍💖總括嚟講布丁味道不俗(下次試埋其他味先)買相“卡哇兒”老闆娘親切可恭！會再光顧！…Read More

估唔到酒店內嘅中菜館都有點心放题！當然唔會放過機會！😘一於攞假訂位去試😸我哋入到去地方都寛敞！招呼都ok嘅(唯以酒店嘅標準，店員嘅招待略為差同笑容欠奉)食呢個放題好處喺可以試唔同嘅點心，每樣都可以點一兩件試唔會浪費！☺點心嚟嘅速度都好快！但温度有啲低(暖暖咁，唔係熱辣辣嗰種)嘩！春卷(炸得好脆，好味)蛋撻(唔錯，呢個熱啲)蝦餃都係咁啦！帶子餃唔錯！燒賣一般啦！腐皮卷都好味(但芫荽多咗啲啲😣)雞肉煎餃都好味！每位贈送嘅灌湯餃(皮薄涵靚，湯都ok)叉燒酥(酥皮鬆軟)嘩！蝦腸，叉燒腸，樱花蝦腸(推介一定要叫腸粉！👍啲粉皮(米槳)做得唔錯，軟熟有米香)灌湯餃普通，咸水角唔錯！合桃糊普通！芝麻流心煎堆唔錯！總括嚟講點心水準不錯，最出色嘅係腸粉，炸物都不俗😀可以再嚟飲茶！(呢個放題promotion做到8月底咋！逢星期一至四)唯招待方面有待改進！…Read More

今日終於等到無咁多人流嘅時間，不得不入去試吓佢主打之一嘅“黯然銷魂飯”先😊！入到去都係一般嘅茶餐廳格局啦！餐牌都係賣嗰啲食物，無乜特別，除咗“黯然銷魂”飯。好！重使乜諗咁多吖😊一於點佢再加杯“雜果賓治”先！侍應嘅服務都算勤快醒目，落order都好快😃等咗一陣嗰飯嘅真身終於來！老實講都有啲失望😯望吓張相對比吓有啲求其嘅感覺！叉燒得個3大嚿又俾啲蛋冚住(可能啲叉燒怕凍要用蛋被冚住)，菜都無2條！一啲都唔吸引！既然做得主打喺賣相方面應該改進吓囉！做到色，香，味俱全(咪唯有自已執返啲叉燒出嚟再post出嚟)好喇！到試味喇，叉燒都烤得焦香同鬆軟👍但切得略為厚咗啲(女仕食嘅話要咬得好大啖喇！)，啲白飯個人就唔太鍾意“金鳳米"太硬，唔夠香軟。同啲飯比例太少(好食飯嘅一定唔夠食)，汁太多顯得略為咸！至於杯雜果賓治都係咁啦！(果汁先生出品！又係茶餐廳飲重相點吖！)…Read More

喺銅鑼灣區珍珠奶茶氾濫之下，都差不多飲咗好多間😆今日終於輪到Mr.Tea喇！好在同事不用排長龍！原本點了"紫薯"據同事話售罄😦唯有轉芝，桃桃！哈都唔錯喎！杯頂上嘅芝士泡泡咸香幼滑口感豐盛，配埋桃嘅清新，重要有粒粒嘅桃肉喺裡面。哇！揀直絕配！喺盛夏入面帶點清新嘅感覺👍下次重要試埋芝，火火(火龍果)同芝，芒芒先！抹茶都好似唔錯，哇！咁搞發肯定又要肥兩磅！😨！😁同埋下次可以先致電落order先！…Read More

今日一行五人嚟試吓呢間滿屋，唉！點知啲服務咁甩漏嘅！都係嗰句人多幫襯都唔知點算何況今日都唔多人幫襯(我環顧成個塲都唔知有無二十枱客呀，中午Lunch hrs喺銅鑼灣區咁都唔爆，就自已想吓喇！)好喇！話說我有三位同事先到同落咗3個相同order(都係"雪花肥牛鍋定食+3片三文魚刺身)我同另一位同事約五分鐘後緊隨後到！我就點咗吉豬定食，另一位同事都係點咗肥牛鍋。我哋另追加4串燒牛舌同1串芝麻雞翼！好喇！先叫嘅嗰3客嘅同事就好快咁分別先上咗刺身、沙律、湯！跟住後加個位同事刺身都到埋。但我同嗰位同事嘅沙律同湯就未有！終於我碟雜菜先到！(沙律同湯仍未有喎！叫極侍應都係話跟緊)最後4個牛鍋嚟埋！甜品同飲品都到埋(又係趕收工咁！)我嘅吉豬千呼萬喚至出來！但還有兩個沙律、湯同追加小食未到！唉……吹到都無晒癮啦！終於2客沙律同凍湯到咗！又到追加小食未到！最後跟本漏咗落單:(哇！即時火都嚟埋啦！初落單時都同我哋確認咗，最後又漏單有無搞錯呀？？？就算啲嘢幾好食咁嘅服務真係不感恭維呀(最慘係又唔爆場喎咁都甩漏！何況食物質素一般！)未必有下次！…Read More

搜尋之下聞說呢間片皮鴨不俗，咪即刻約腳去食！片皮鴨果然唔錯(因人少重可以叫半隻片皮鴨)除咗皮脆，鴨肉醃得都好有味！師父先片咗非常珍貴(得幾片仔)嘅鴨皮俾我哋！然,後戲肉來喇！連皮帶肉嘅鴨！哇！啲皮卜卜脆鴨肉又唔騷，再加用上熱辣辣嘅麼麼皮、沾上片皮鴨醬同蜜瓜！(係！無睇錯，係蜜瓜)哇！個種清甜係可以中和鴨嘅油膩感！個人認為比起用青瓜更適合.嚟呢度唔食片皮鴨不如唔好嚟！我哋另外再點埋4小碟！(不過不失！)清炒時菜。不得不提一定要點荔枝茶！記住喺度食喺有時間限制架！夠鐘就要還枱！…Read More

友人J先生推介嚟打邊爐敍會，話呢度啲牛都唔錯價錢都抵嘅，咪成班人一於試吓呢間616囉(he!都知我喺牛魔王)訂咗枱八點半，友人N小姐已到，我就好肚餓！未人齊就急不及待先叫啲小食試試佢先串燒(好味呀)呀、炸牛肉雲吞(無特別)、青瓜呀(爽)！戲肉嚟喇！咩牛陀鋒、安格斯、牛鍵、牛滑…………正！咁嘅價錢$40-$68都唔錯喇！飲品就無特別！最後位位$240都ok！總括嚟講牛肉唔錯！燒牛舌好味！服務一般啦(嗰日都無乜客，服務員等收工啩)…Read More