MattLam7234's Profile

呢晚食食日本野, 同老婆去觀塘食。見到呢間掌壽司有個二人餐好似幾抵, 就叫來試下。先來個時令沙律,沙律的菜都幾新鮮, 仲有帶子粒同蟹籽, 鮮味得來有口感。壽司盛六點,有油甘魚,帶子同香蔥拖羅蓉,魚生都係厚切, 而且都好新鮮刺身盛六點有三文魚腩, 日本蠔, 拖羅, 甜蝦, 油甘魚同螢光魷魚。全部都好新鮮肥美!拖羅更係入口即溶日本蠔好大隻! 好CREAMY! 有海水味。套餐仲有包日本燒肉200g,有美國頂級牛小排, 日本A5和牛, 仲有牛舌心, 全部肉都好靚, 更有店員幫手燒埋, 好貼心!燒完肉, 仲有個壽喜燒!湯底甜甜地, 好好食!肉方面, 今次係澳洲M9和牛, 同北海道豚肉, D油花真係靚到呢!味道當然都係一流啦!最後仲有兩杯雪糕做甜品。呢餐真係大滿足!呢個價錢, 有咁多野食, 仲要咁高質, 真心CP值極高呀!!…Read More

這天去了試一間寫明係Fine Cuisine的印度菜, 但係OPENRICE睇餐牌, 佢價錢又唔係貴啵,就試下啦。一出LIFT, 門面已覺得好grand咁。可能時間仲早, 得我一枱客, 可以包場佢除左室內座位, 仲有室外座位可以揀。仲有燭光的。忌廉蘑菇黑松露湯 $68叫左個cream of mushroom with truffle。有兩片蒜蓉多士跟。個湯菇味重, 唔錯。叫了幾款主菜配naan食。馳名牛油蕃茄咖哩雞 $128呢個butter chicken個汁真係好好食!好香蕃茄味, 個汁足夠令我撈幾碗飯食呀!d雞肉都好滑, 唔鞋口。爐烤秘製香料鯖魚柳 $148呢個呢, 香料味較重,小小辣, 唔食得辣既人都ok。魚柳好嫩滑。牛油烤餅/蒜香烤餅 $38@naan都有好幾款唔同口味可以揀，我們叫左最basic的butter naan同garlic naan。用來點汁食, 索晒d汁好味道!總括, 呢間餐廳裝修真係好靚, 坐得舒服, 價錢又唔貴。可以一試。…Read More

其實呢, 我太太自幾年前第1次食過沾麵之後, 就愛上左。奈何唔係好多店有得食, 呢晚經過呢間一生懸麵, 見到佢有沾麵啵, 就排隊試下~呢間都好多人幫襯架, 我經過開都見到門口好多人排隊~我地等左20分鐘左右啦, 就可以入去食了~排隊期間, 店員會先畀點餐紙我地, 可以睇左食咩先, 畫定先~其實呢間係小店, 所以小食, 拉麵同沾麵都係各有幾款, 唔算太多選擇。名古屋二郎系拉麵 $73我就叫左呢個, 湯拉麵來。配菜有大量芽菜, 椰菜同蒜頭。湯底同配菜好清甜。配菜上灑了不少黑椒。叉燒有3大片, 都用火灸燒過的, 油脂焦香, 好味!而且都係半肥半瘦的, 口感平均。濃香櫻蝦沾麵 $83我太太當然就揀沾麵啦, 佢揀左濃香櫻蝦沾麵。個沾麵醬真係不得了!櫻花蝦多到爆! 真係一D都唔吝嗇!蝦味濃郁好香口!就算食到最後, 都一樣仲有蝦仔!真係啖啖櫻花蝦!除了櫻花蝦, 醬料入面仲有豚肉。然後到個麵, 有半隻溏心蛋, 叉燒, 荀絲~隻溏心蛋好正! 個溏心整到剛剛好!麵質都好好, 好彈牙好掛湯。章魚燒  $28新鮮整出來, 熱辣辣, 不錯。雞軟骨棒 $28一客有2枝, 雞軟骨有咬口, 口感不錯, 幾好食!最後埋單 $212~…Read More

呢晚同朋友係附近食完飯, 意猶未盡，再搵地方食糖水!咁佢呢, 就推介我食呢間~佢話呢間潮州合成甜品好多年歷史,佢想當年學生時代回憶, HAHA一入店內, 好懷舊FEEL~睇MENU, 糖水都好特別, 好少係出面見到的~我好多都未見過, HAHA,好似有D糖水, 有柿餅! 真心特別!!同埋朋友話我知, MENU上有既野都可以任意配搭~唔一定要跟佢既配搭的~但我地最後就食我朋友推介的:馬蹄沙清心丸~我食凍的, 朋友食熱的~朋友仲加左雪耳!我第1次食清心丸同馬蹄沙的~我想講, 真係好好味!!我本身都好喜歡食馬蹄糕個D, 呢個馬蹄沙都有粒粒馬蹄有咬口, 味道好清甜~然後清心丸! 好煙UN! 口感好好!我真係好喜歡呢!我之前要再帶另一半再來食過!!…Read More

今晚去朋友家慶祝生日，雖然禁堂食，不過大家都唔擔心，外賣都好方便，而且仲有85折，好抵呀😁👍🏻我地都好鍾意食pizza，咁就點左慢煮鴨胸薄餅及明太子軟殼蟹薄餅。兩個pizza都好有特色，首先慢煮鴨胸加上藍芝士，口味好創新，pizza餅底鬆軟香脆，慢煮鴨胸肉嫩多汁，配上藍芝士獨特既氣味， 再加上pizza面鋪滿咗脆卜卜既焦糖洋蔥及金黃既焦糖洋蔥，另外仲有烤焗過既合桃，令pizza口感更加脆卜卜😋另一個pizza，軟殼蟹鹹鹹地好香脆，加上明太子醬，再鋪滿櫻花蝦，濃烈香氣，有少少辣，食落口感豐富😆怕唔夠飽，仲點埋龍蝦芝士焗通粉及意大利香腸粒烤甜椒番茄汁長通粉，兩個不同味道，但有不同層次，龍蝦芝士焗通粉，在通粉上有滿滿芝士，有拉絲效果，龍蝦肉好鮮甜。至於意大利香腸粒烤甜椒番茄汁長通粉，醬汁充滿番茄醬味道，配搭少許辣味的意大利香腸，而且長通粉的口感彈牙，是一道高質素的pasta😋😚…Read More

之前在飲食雜誌見到介紹這間主要食牛內臟串燒的居酒屋，約埋牛魔王朋友一齊去摸酒杯刷番餐。去到居酒屋當然要飲番幾杯燒酌，店員非常細心詢問我地飲酒既程度，之後就推介我地數款燒酌伴串燒。荔枝梅酒: 店長自家釀製，好清甜。蕃薯燒酌: 比較淡味壹岐麥燒酌: 麥味重少少纖月木桶燒酌: 香氣馥郁，易入口。牛魔王朋友點完幾款串燒，都非常合我口味。牛沙瓜: 只知係內藏其中一部份，燒至表面香脆，另一面就好爽。牛骨髓: 我都係第一次食，口感軟嫩，配上蔥末，好香口。牛舌: 我既至愛，厚切之外，亦都唔鞋，好爽口。萵筍牛肉卷: 濃濃的肥牛味加上清脆解膩的萵筍橫隔肌: 有4款醬汁，店員提議我地由淡味食到濃味，牛味超濃，而且配上不同醬汁，均有不同風味，亦都刺激返牛既鮮味，極力推介。…Read More

呢晚同老婆去食好西。去了漁獲浜燒食浜燒海鮮。叫了一枝清酒飲下, 是鈴鹿川。兩個人飲300ml剛剛好。呢款清酒易入口, 甜甜地, 好飲!店員仲會拎d清酒杯畀我地揀, 個個酒杯都好精緻。枱面有3款調味料, 係畀我地點浜燒海鮮的, 味道好夾。我地叫了一個特製黑松露灸燒平目魚邊沙律, 估唔到黑松露醬同沙律可以咁夾!平目魚邊灸燒過, 油香特別出, 沙律入面仲有牛油果, 好食!然後係剌身盛合6款, 呢個真係冇得頂! 6款刺身都好新鮮好好味!款款都好高質!有三文魚, 赤身, 赤貝, 拖羅, 帶子同油甘魚。款款都新鮮甜美, 仲大大塊!拖羅真係不得了! 入口即溶, 勁正!我地仲叫了二人前浜燒盛合, 店員會幫我地燒埋, 燒前會拎來畀我地影相打卡先隻鮑魚仲郁緊架!!鮑魚好大隻, 啖啖肉松葉蟹腳燒完就更甜更香大蝦都一樣, 香又啖啖肉蠔超大隻!! 燒既火侯真係超好, 夠熟又好juicy, 一d都唔乾蠔肉又一d唔腥, 超正!!!帶子都一樣燒得好好, 仲好大粒!仲起晒內臟, 只留肉同裙邊, 好貼心!有清酒燒同蒜蓉牛油燒, 兩款都好正!最後仲叫了蕃薯雪糕同柚子雪芭, 原個蕃薯同柚子上, 好eye-catching。同埋味道都一流, 蕃薯雪糕好甘甜, 柚子雪芭好清新, 好味道!!最後值得一提既係, 呢度除左食物好食之外, 店員服務仲好好!  呢餐飯真係食得好開心, 好滿意! …Read More

一個疫情，攪到人心惶惶，亦都攪到成年無得飛，真係好掛住鄉下(日本)既味道，惟有久唔久約埋朋友周圍搵好食既日本菜，呢日去左秋田浜燒，店舖裝潢好有日式居酒屋風味，很有日本風味。我地二話不說就點了一個二人套餐，套餐有頭盤，浜燒燒物，主食及甜品, 睇餐牌就覺得好豐富了。點完餐，侍應說他們有個推廣活動，LIKE左佢地 社交平台 FAN PAGE，就可以玩一手拿蝦一次，只要你拎到幾多隻蝦，都全部比晒你，我地拎到4隻，咁就燒蝦及刺身各一半。雖然只係一個推廣活動，不過完全唔吝嗇，d蝦好大隻，仲好鮮甜。首道菜就係河豚魚干，呢個質感我比較鍾意，唔乾身又夠厚身，保留了肉汁，配沙律醬吃甜甜的。跟住就開始浜燒食物，全程都有侍應幫手燒所有食材，真係服侍周到，又燒得好好味。呢盤全部都係新鮮食材，有鮮活網鮑、北寄貝、帆立貝、甲羅燒，侍應燒到恰到好處，我最愛就係甲羅燒，呢個有蟹膏蟹肉，加埋鵪鶉蛋，蟹味超濃郁，配上多士食，絕對係一流享受。另外套餐有刺身拼盤5點，即有5款不同刺身，件件都厚切，無得頂。食下食下已經飽飽地，侍應再上燒羊架，黑松露茸野菌箔燒，雖然飽飽地，不過真係好好食，我地全部清晒，飽到上心口。抖左一陣，就去到最尾有個鰻魚茶漬飯，昆布湯底，加入煎茶及鰻魚做咸昆布的茶泡飯，香味充滿了成隻碗。最後有紅豆及抺茶雪糕，呢餐飯令到我地好似去左日本一趟。…Read More

老婆話好耐冇食酸菜魚, 想食, 就同佢去淥鼎記食。門口好中式復古感覺。我們叫了B餐。揀了酸菜魚。酸菜魚大大的一碟, 賣相一流, 味道都很好。有酸菜, 魚片, 蓮藕,萵荀,寬粉, 芽菜,好豐富。完全一解食酸菜魚的心癮。食完酸菜魚, 仲可以揀湯底打邊爐, 豬骨鍋配料好足, 大大舊豬筒骨, 粟米, 羅白。 奶白色湯底夠濃郁。還有多款火鍋配料及飲品任君選擇, 蔬菜, 丸, 餃, 肉類都應有盡有,佢仲有自家製竹蔗茅根水, 打邊爐飲, 下火解渴一流!食物飲品都任拎唔嬲! 食得爽皮!…Read More

呢晚又起打邊爐癮, 就去左深水埗呢間鍋居火鍋專門店打邊爐。一入去就有各式醬料配料任君選擇, 可以跟自己喜好去拎醬料。睇完餐牌, 我地都叫左唔少食物等緊食物來時, 可以食下佢碟小食, 唔係普通花生來, 有少少麻辣。花雕雞件 $68雞既份量都唔少, 花雕酒香味濃,唔錯午餐肉 $36 ; 特製水餃皇 $52擺盤好整齊好靚, 午餐肉厚切, 打邊爐食一流!水餃皇粒粒大大隻!勁足料, 好味道!手打墨魚丸 $78 ; 鮮大魚卜 $48手打墨魚丸真係超讚, 勁推薦!手打墨魚丸我食得多, 間間都So far係彈牙的, 但唔知點解唔多唔少硬係有少少澀味。但呢隻一d都冇! 鮮, 彈牙, 真心好食!魚卜我地之前未食過, 估唔到48蚊有咁大碟!佢係用酒浸住的, 去腥。食落一d都唔腥, 似薄身花膠, 幾得意。頂級手切肥牛(大) $248嘩! 真係好大碟!兩個人食真係食到飽!D油花好靚好均勻!手切厚到剛好有咬口!牛味濃, 一流!蜂巢冰豆腐 $36呢隻豆腐, 打邊爐吸湯一流, 喜歡吸晒湯底精華的人, 叫呢個就岩晒了!總括, 價錢公道, 餸菜份量十足,味道好, 有下次! …Read More

呢日同女朋友行完街, 係厚福街附近覓食。突然好想食串燒, 因為好冇食了。但因為某D原因, 最近唔食得牛住。所以去左呢間專食豚肉的串燒店-Mokumoku Yakiton呢間店係專食豚肉的,連筷子托都係豬豬樣。好可愛。日本青椒芝士豬肉卷 話說女友平時唔喜歡食青椒, 但佢都話呢個好好食!因為佢冇乜青椒味, 只有清甜味。出面包住層豬肉, 令口感層次更豐富, 而且有肉味得來, 又有蔬菜既爽甜。最正係裡面既芝士拉絲架!!!  芝士控一定喜歡!雞翼串雞翼串係起左單骨的, 方便食。而且, 真係要讚下舍火侯, 個雞皮燒得好香好脆, 但雞肉又唔會乾。好味道!林檎紅薑豬肉卷職員話我地知, 林檎係蘋果,我地覺我呢個配搭好新奇, 所以就試一下。食落, 其實我唔係好FEEL到紅薑味。但蘋果配豬肉做串燒真係唔錯, 蘋果可以解左豬肉既油膩感。煙燻豬腩呢個真係來到呢度必食!呢個豬腩真係冇得頂!豬肉味濃, 帶有煙燻既香味,我覺得多左一份香甜。配埋個醬食, 有酒香, 解膩, 令人忍唔住一舊接一舊咁食呢!粟米最後我地兩個粟米怪仲叫左燒粟米。雖說粟米好common, 平時係屋企都好易食到, 但如果係燒粟米, 真係好少食。燒, 唔係焗,  粟米表皮的水分會少左, 口感變得煙韌d, 成件事立即變得好食左!其實呢度d豬料理真係做得幾出色, 如果喜歡食豬的人, 可以試下。…Read More

好友應該常相見，呢日就約左好友出左去銅鑼灣食好西，記得早排同事話有間居酒屋唔錯，主打係創意卷物，咁岩出到去就會一會呢間食店啦。位置好方便，地鐵站一出，不足3分鐘就行到去，呢間位於食店林立既澳門逸園中心，點樣特圍而出?聽聞佢地既創意卷物好出名，我地坐低之後，望下餐牌，都比d卷物吸引左，而且價錢唔貴，在銅鑼灣地段黎講，係好抵食。先點左個沙律，龍捲風沙律，個名好勁呀，都真係好似龍捲風一樣，份量十足,好大兜!  3-4人食都得。呢個沙律主要有生菜、蟹柳、蟹子、仲有d脆片，食落好新鮮爽脆，口感層次豐富。mix埋其他配料都好夾，作為開胃前菜好岩。好Refreshing~既然比佢地創意卷物吸引左，就叫左兩款，蜘蛛及煙花，蜘蛛卷物係特別用軟殼蟹及牛油果，砌到成隻蜘蛛一樣，軟殼蟹仲好脆口。另外煙火卷物就口感好豐富，因為卷物包著三文魚，而面層係吞拿魚，加上脆片，真係好似煙花咁正，有種幸福的感覺。食左兩款創意卷物就點埋個雜錦Tempura , 完全係即叫即整，脆漿炸得好薄，所以每件都好香脆，外脆內軟，點埋天婦羅汁，非常惹味。…Read More

突然的心血來潮, 想食雞煲於是就在九龍城找到這間<有口福>心想究竟今晚我們是不是真的有福了?發現這店的<尖椒皮蛋>是用上透明皮蛋的細心品嘗之下, 真的認為無論皮蛋的質地, 味道,都比普遍吃過的皮蛋好味道加上尖椒的微辣和酸酸的醬汁, 一流未在其他地方見過的<開胃魚皮>彈牙的魚皮和爽口的薄切青瓜配上酸酸的醬汁, 跟<尖椒皮蛋>完全是截然不同但同樣美味的前菜, 推薦選了小的香辣雞煲和水煮魚作為主菜選了香辣而不選麻辣是因為希望品嚐到四川獨特的辣味之餘,還希望可以品嚐到雞本身的味道還加了豬大腸作為香辣雞煲的配料而豬大腸都吸收了香辣雞煲的味道它提升了香辣雞煲味道的層次, 建議大家可以一試水煮魚的辣度剛剛好, 不會令你只感覺到辣味的那種死辣, 而是你會嚐到魚味, 但亦會嚐到帶勁的辣味同樣加了豬紅作為水煮魚的配料,豬紅都吸收了水煮魚的精華, 跟水煮魚簡直是絕配 整體來講都好唔錯, 價錢又唔貴, 有下次…Read More

自從上次食過一次野郎Stone的石燒牛後, 就被她的牛柳深深吸引了,因為武漢肺炎的關係, 有些分店會早一點關門, 所以選擇了在尖沙咀的這間野郎Stone回味一下牛柳,今次尖沙咀分店比起旺角分店更為好坐一點, 因為她是擺了好幾張四方桌, 而不是像旺角般的bar枱, 會坐得更為舒服一點跟之前一樣, 我都是叫了一份400g的牛柳的套餐,過了一會兒, 牛柳套餐就上枱了, 質素跟上次一樣好,沙律一樣的新鮮爽口, 味噌湯一樣的甜, 米飯依然是高質素的秋田米最重要的主菜牛柳依然是多汁嫰滑再加上今次吸收了上一次的經驗, 在控製火喉火面有比上次的進步令到燒牛時更得心應手, 就不會出現浪費嫰滑的牛柳的場面了那當我想食牛柳的時候, 我就可以在任何分店都可以食到同樣美味的牛柳了…Read More

近來疫情影響, 返少左工, 出少左街, 在家就來發霉。呢日就趁天氣都OK, 同女朋友出外走走, 去大澳行行~行到傍晚, 肚餓了, 食晚飯~上OPENRICE睇到呢間橫水渡小廚好多好評, 就決定試一下。呢間餐廳有2邊舖位, 其中一邊係臨海邊, 有一張枱係直程好似坐橫水渡在海面上的呀!因為我地得2個人, 所以只係叫左兩樣野食。咸鮮蝦乾荷葉籠仔飯 $178呢個飯真係不得了!一上枱, 勁香蝦醬味!仲要勁滿! 滿到就來瀉!材料有好多: 魚乾仔, 蝦乾, 魷魚乾, 蝦醬豬肉, 咸鮮魚肉全部都係咸香野! 勁惹味! 好送飯!食唔停口!本身我地以為都係得海鮮乾, 食食下先知有啖啖肉既咸鮮魚肉!咸咸地, 又係送飯一流香煎墨魚餅 $138一碟有8件, 件年都脹卜卜!同埋我想講! 佢件件都係真材實料!粒粒墨魚粒! 鮮味十足!爽口彈牙!真係好好食!!下次要帶屋企人來食過!多人D可以叫多幾樣野食…Read More