babesiuwing's Profile

- 好食服務好~每道小炒都勁有鑊氣。- 平日夜晚去好在唔駛等位, 日頭去勁多人~不過大家記得日頭同夜晚供應既野係唔同～- 日頭係提供茶餐廳既～有生炸雞髀同西多等等- 而夜晚係食小菜～會有少許海鮮選擇～如果係weekend 夜晚嚟既話記得打電話預約下會好少少～- 超級推薦魚香茄子煲，係沙鍋上- 另外個黑胡椒大蝦粉絲煲都係鐵鍋上，同個魚香茄子煲一樣，上枱係"芝～芝～"聲，睇到都流口水。- 完全係細個去大排檔既味道，真心推薦~…Read More

其實冇必要再來，服務態度真係差到你頂唔順，可能佢啱啱又拎左2023推介餐廳。食物味道很一般。本身叫外賣，櫃檯嗰位男老闆非常唔高興直頭唔比你講嘢，問左一句想叫左外賣拎走因為趕時間，即刻大聲鬧你"等陣啦！到你啦！"跟住要你坐低食。好，唔緊要，咁照你意思坐低食囉，但係我唔明白為什麼要強迫消費，坐櫃檯的老闆一見到你多人佢又覺得你消費唔夠人均MOB100佢會立即狂推銷大水蟹粥 ，如果你唔要，佢就勁大聲講你嚟唔係食岀名野架咩？總之令你感覺非常唔舒服。都不得止，sell埋你懷舊雲吞，又唔知自己整得難食你咪sell主打菜啦係咪？你態度再唔好，我點都會寫番句好食，但真心街邊菜，咁又平心而論佢唔貴。鯪魚球味道係可以既。蝦子麵冇特別，不過要改善嘅地方就係剪短d麵會好啲。…Read More

食物水準還可以，不過好似太多味精因為食完冇耐已經口渴。都真係維持到不過周邊既海洋酒家開始後來車上。我哋點左個三人餐(可能因為咁而睇唔起我哋) 每逢我哋食淨一兩舊餸佢走過來問我哋仲要唔要。。停下都唔得。。其實我睇返時間我哋只係食咗45分鐘。。所以係時候比教訓呢一間餐廳…Read More

今日lunch時間去食飯，本身諗住可以好舒服咁坐喺度食，一日然後要量度體溫，個男餐廳職員要檢查有冇手帶確認我係檢疫人事，由一位男職員由下掃上去觸碰我双手檢查，所以提醒各位可以提議下自己show 比佢睇以免有咩誤會👍🏻食物方面一般，量係多既，不過只係好似某一個咖喱專門店嘅水平，咖啡仲要聲明係3合1:(如果係既應該價格方應該條低至茶餐廳水平。食咗大概半個鐘，不斷行嚟行去想盡快收走我哋嘅嘢，所以食得都唔太自在。…Read More

Lunch去一間比較安靜嘅餐廳食飯，價格唔算太平$128 再加一。呢度嘅食物主要比較重口味，偏鹹嘅。我點左一個set lunch 有一個炒飯一個口水雞同埋一個豆腐花，都不過不失，不過份量超級少，所以如果肚餓嘅話建議額外再點一樣嘢食。…Read More

食物都幾好味環境又舒適，最緊要好難得依家有一間餐廳係好安靜同埋佢唔會講你走。價錢都尚算合理。只係個菠菜意大利飯就普通，好似淡味左少少。跟餐會有一杯免費檸檬蜂蜜或者黑糖薑，如果要轉熱朱古力就要加錢咁就唔化算啦。。…Read More

環境相信我都不用再說因為確實是一流的，因為這裏的環境所以我每次一有朋友來香港都會帶他來這裏吃飯。唯一越來越差嘅地方(我個人覺得令到2011年開始佢冇咗米之蓮一星嘅原因)你坐低唔夠5秒鐘就有7個唔同嘅服務員你問你開酒定係飲蔗汁！我已經同佢哋幾個講左我朋友已經上緊黎，應該幾分鐘嚟到。但係服務員態度都係堅持而且不禮貌！食物質素及衛生環境都是可以接受的。只是有時候太嘈，因為佢每到夜晚9點開始就會播放勁嘈嘅音樂來講找你。最有特色嘅食物係叉燒啦,湯泡飯，而海蜇頭今次食有啲過鹹。最後埋單其實我知道自己一定過佢嘅最低消費，不過最不滿意嘅地方就係服務員好似茶餐廳咁張單一野隊左去我朋友度好大聲講咗句”先生埋左張單佢先”。。好尷尬我要企響身我去搶咗張單(幸運地我朋友係唔識聽講廣東話嘅)。。其實嗰個服務員一開始已經知道我由頭帶到落尾係點菜嘅..點解係一個茶餐廳服務員嘅水平，其實我想知帶一個外國返黎嘅朋友嚟佢哋都已經係咁。。點知今次再俾多次機會佢佢又係冇改善。。我嚟呢間餐廳嘅原因係因為七年前我老公響度同我求婚嘅感覺非常好但亦不及以前了。。。…Read More

今日放lunch time 比同事帶左我去左呢間日本料理度。而午市佢地有大概8款選擇，我叫左呢個燒汁豬扒飯。。我覺得。。有點兒名過其實:(碗飯一來果是確實係好香燒汁味，影相都”好似好” juicy...不過。。失望。。真係d豬扒又鞋又硬，汁就普普通通啦，唔夠多。攪到好dry個set 只係一碗飯再送一粒梅子糯米糍，埋單加埋一已經$174. 所以。。好似有點兒不值得再去喇。如果要追下女仔就ok…Read More

誤打誤撞去咗呢間餐廳度食lunch. 食物質素等同置身於意大利一樣非常好。意大利飯硬度非常適中，唔會因為迎合香港人口味而搞到飯嘅硬度軟綿綿，有好濃烈龍蝦味。去過香港咁多間意大利菜呢間係最正宗而價錢都係最迎合大眾。意大利特色飲品aperol sprit 都調校得精準非！唯一真係可以挑剔嘅係,我哋響門口等左幾分鐘，啲人行行企企一路打左手勢好耐先有人出嚟理我地，終於catch 到一個manager 既attention ,佢又話我哋有同事幫你。。(個moment 禁似去左獅子銀行嘅!)然後有一個waitress 帶位,嗰位女孩強調左三次我哋係walk in 沒訂位，一路行入去坐底唯止講左三次”小姐，你地係walk in 既” , 而我。。都答左佢三次”係”...到而家我都唔明點解~ 坐底左同自己真係去咗意大利一樣，佢一定會問到你究竟你係要sparkling Water定tape water 唯止佢先至唔會黑你面，冇錯佢係會比面色嘅~ 不過唔緊要啦原諒佢啦既然咁好食. …Read More

Weekend 同左媽媽行完街之後諗住坐底食啲嘢補充下體力再戰，見到入面都沒乜人就入左呢間。野食當中，我相信佢既多士同薯條係最岀色既😂其他就好似沒乜特別咁，我意思係自己響屋企都整到既野。而個甜品方面只係一般，不過勝在份量夠多！最不滿係杯aperol (圖片橙色果杯)我相信係全港最少份量。。都唔知有沒1.5cm 高。。就收$78. 本人都甚少challenge 餐廳野飲，不過實在不能容忍，味道都唔太好，一杯意大利特色飲料可以搞成咁。。難得。。而餐廳除咗食物要改善方面裝修都要，因為 餐椅已經很多污穢，而menu 又殘又污糟…Read More

今日晚餐有兩個大人兩個小朋友去食左呢間餐廳，總數埋單$995。我地叫左一個壽喜燒，一個蕎麥面，一個漢堡牛肉飯，一個士多啤梨巴飛及一個綠茶雪糕球。埋單貴到嚇死人，唉又唔太好味，壽司既米又唔一粒粒好糯米糍咁，紫菜又唔脆不特止，其實等既時間超長，壽喜燒只有既塊牛肉，一上枱d牛肉就黑色，其實好明顯就唔新鮮，壽喜燒本身個味道又一般。最好食係$65既士多啤梨巴飛同埋價值$25 蚊既綠茶雪糕了。。確實不值得一去。…Read More

食物上菜速度其實算快，質素都可以，今日食個lunch, 點左一個泰式雞肉意大利麵(雞肉完全沒咸味)，雞肉沙嗲串最好食，冬陰公米粉味道一盤而且份量少過一個拳頭，只是份量差點意思。。。似係兒童餐份量…Read More

中午諗住去食碗麵。。間舖其實只係得3個客人，我等左半個鐘佢先記得落單，最好笑係我等左20分鐘問點解我碗拉麵禁奈既？個女仔好似訓醒咁話” 呀係喎，而家幫你落單。仲要唔好食。。。…Read More