meowlui00's Profile

今晚同屋企人慶祝生日，佢朋友介紹去鯉魚門食，話仲抵過去西貢食海鮮喎！本身都驚中伏，話晒鯉魚門唔知會唔會俾人劏，但佢朋友話食過好多次，啲嘢大碟又好食，既然佢咁講，就不妨試一次啦。好耐未去過鯉魚門，由油塘地鐵站行落去，其實10分鐘就到。我哋直接去到妹記海鮮揀海鮮，之後老闆娘就搵人帶我哋去到龍騰海鮮酒家。先嚟豉油王煎蝦，啲蝦又肥又大隻，脆口又彈牙，真心要讚吓。姪仔本身唔鍾意食海鮮，都食咗七八隻。之後就上咗龍蝦米粉底，本身菜單係上湯焗龍蝦伊麵底，但係事頭婆話煎米粉底仲香口。好彩一上菜就影低張相，好快碟龍蝦就已經掃晒，個米粉吸晒龍蝦嘅精華真係好入味，要特別推介🤟🏻🤟🏻再嚟蒸鮑魚。未影得切相就俾人夾晒😓再有大班兩味、炒蟶子同蒜蓉粉絲蒸元貝。 碟碟都好有鑊氣，十分野味😋最後埋單每人5百幾，其實真係抵食過好多西餐同西貢。今次落嚟鯉魚門食海鮮徹底令我對鯉魚門改觀，下轉到我生日一定會嗌埋啲friends儲夠一圍落嚟食。…Read More

平日非繁忙時間九龍站較清靜，入到去叫嘢飲得兩個人，幫我落單嘅係trainee。未試過幫襯呢間，所以就叫開平時飲嘅珍珠奶茶。點知道普遍出面叫嘅珍珠奶茶响呢度係黃金珍珠，所以當我見到一位戴眼鏡嘅女仔幫我準備杯奶茶時嘅黃色珍珠，我就同佢講，點解唔係平時深啡色嘅珍珠。眼鏡服務員聽完就好晦氣咁講，你喺我哋呢度叫珍珠奶茶就會係呢隻黃金珍珠，如果你要出面街隻深啡色珍珠就叫另一款！跟住就將兩杯黃金珍珠倒返入個container度！其實外面叫珍珠奶茶，普遍都係用深啡色台灣嗰隻珍珠，未幫襯過你呢間又點會知道响呢度叫珍珠奶茶就會變咗你哋嘅黃金珍珠呢？而且眼鏡女仔又由杯度倒返D黃色珍珠入返container度，唔多衞生😰最後呢杯珍珠奶茶味道超甜，似糖水多過奶茶，十分一般。加上服務態度差，就算住樓上咁近都唔會再幫襯。…Read More

難得响尖沙咀搵到一間中菜坐得舒服，座位之間空間夠大，裝修設計亦有品味。星期五晚亦未坐滿，可能因為價錢較貴，同埋食物較為細碟，如果一枱多男仕就要叫多幾碟餸。服務員態度禮貌殷勤，介紹咗幾碟特色嘅食物俾我哋。其中紅粉西施鰈魚柳蝦味濃郁，脆皮和牛配柚子醬入口鬆脆好食，而花蜜咕嚕肉、陳皮香草焗豚肉、炸子雞同豆漿杞子千層浸時蔬賣相吸引但味道一般，最後仲叫咗我最鍾意嘅海鮮泡飯。5個人最後埋單每人大約$480，未算抵食，不過加埋裝潢、座位舒適度同服務質素，都會返嚟再食！…Read More

這間buffet大大話話已經幫襯咗很多年，一直覺得這裏的食物款式較多，無論係長者或者小朋友，嚟到都可以滿足到。所以一直係捧場客，尤其甜品，如果喜歡食榴槤嘅朋友應該會有驚喜，無論係榴槤pancake、榴槤撻、味道都拍得住五星級酒店嘅質素。其實食buffet實在唔要求有service，但係呢度有d staff可以話係冇service可言。由門口嘅reception至甜品部嘅廚師，他們的態度實在不佩是酒店級的服務態度。之前的不太過份的都算了，今日實在不得不講一下其中一位甜品嘅男廚師。今日係5月25號，星期三夜晚，甜品部目測有三位着白色制服嘅廚師，唔算太忙，亦唔會太多人排隊。當中有一位較為矮細、戴眼鏡嘅男廚師係負責做即整pancake，當時大約4個客人排隊，唔會太忙。但這位廚師嘅態度就非常之惡劣，同佢講咗幾次說話，佢都不瞅不睬，亦不點頭示意，只是做自己嘢，行開去再行返嚟，同佢再講唔需要加cream，佢仍然唔睬人，亦唔點頭示意明白，黑面之餘更實在令人十分難受。客人嚟食buffet，並唔係乞食，要等候排隊，大家都有唔該前唔該後，但這位廚師態度就係唔睬你。之後我示意請他拿疏乎厘，並遞上空的點心碟，他就偏偏放在他前面的碟子上。為什麼要這種態度對待客人呢？相反值得一讚的就是上一層樓梯，招呼和埋單的那位侍應/經理。他的態度相反地就非常之有善和有禮貌，他可以真正代表一間4星酒店應有的服務態度。…Read More

睇完展覽8點幾响灣仔搵素食，本身諗住唔好有expectation，點知响一間樓上素食搵到驚喜！由日本廚師發板的omakase $330 或$380。 朋友同我都揀咗天婦羅set。餐廳設計簡潔，枱與枱之間有足夠空間，坐得舒服。頭盤係2款豆腐，再嚟幾種壽司，其中牛油果天婦羅壽司鮮甜好味。櫻花壽司美感十足。主菜係野菜天婦羅和蕎麥麵，麵用上清新酸湯，特別開胃。整體omakase用上簡單食材而造出美味食物，比較一般中西式素食，絕對給客人一個更特別的選擇。…Read More

今日經過iSquare，上去試咗上海婆婆嘅$238放題。首先嚟嘅頭盤係雲吞雞湯，份量非常大，三個女人我哋只食得一半，再嚟韭菜帶子加甜酸蝦，呢個真心好食同埋有誠意。之後冷盤可以行出去攞，唯一係小龍蝦較為細隻，同埋麻辣。之後我哋再點咗黑松露小籠包、蜜汁火方、回鍋肉和甜品。感覺今次的放題比起上年更有誠意，而且各食品較精緻，小籠包更是即叫即整。自己個人較為喜歡貴精不貴多，所以對今次上海菜放題十分滿意。…Read More

喜歡士多啤梨的女生應該會心心眼。整體的士多啤梨tea set色香味俱全。第一層scone，第二層是咸點，最有驚喜。最底的一層是甜點和蛋糕，意外地不太甜。唯獨頭盤的smoke salmon不啱口味。如果book枱，建議balcony位置，影相效果好。下次會再試午餐！…Read More

上星期六海港城開始有返7成人流，自然好多餐廳都爆哂。連一d平日較少人去嘅餐廳都大排長龍，去咗呢間日式餐廳walk-in排咗約40分鐘先有bar枱坐。食物唔係太多選擇，但叫咗美人壽司set都算幾好味，份量以一位女士嚟講亦足夠有餘。朋友就叫咗豚肉飯，送飯亦一流。唯一缺點係餐廳8成係bar枱，餐枱只有少量。一個午餐約消費$200-$300，但只能坐bar 枱，而和隔離坐位又近，坐得實在唔舒服，我覺得感覺爭D。所以如果想去食飯，就要預早book定枱。…Read More

保持水準的上海菜雖然唔係上海人，亦唔了解正宗上海菜係咪唔一樣，不過一直都有去開上海婆婆食上海菜。疫情有一段時間冇嚟到，前日過嚟依然爆場要等位。今日就因為紅雨，靜D。叫咗蟹肉小籠包、酸棘雲吞、黃金四季豆、雲吞雞、蜜汁火方。食物好快送到，蜜汁火方同雲吞雞都細心幫我哋分好。食到一半亦有換碟同換熱茶，十分細心，讃👍🏻蟹肉小籠包仍然肉甜多汁簿皮，蟹肉份量亦好多，真心比起某d出名上海菜嘅小籠包好味！唯一失望嘅某d餸菜暫時冇做，大餐牌有好幾款食開嘅都未有得食，希望下次返嚟有得食啦！…Read More

今次已是第三次食，頭一二次都因為比較急，所以未能好好試清楚食物或影相。今次終於可以慢慢食。餐廳環境一流，尤其窗邊位。不過疫情前，座位離座位太近，反而依家疫情需要隔位，距離就剛剛好。建議早點預訂枱。很喜歡他們的牛油，香滑加上松露，沾上軟熟麵包，值得一讚！頭盤係松露牛油果蟹肉Tartare同鵝肝，牛油果較生。鵝肝加上梨，味道濃厚，有清甜梨味中和油膩感。主菜係豬扒和鴨髀，鴨髀肉汁香甜，外脆內軟，唯獨是太咸，再加上松露，要一邊飲水一邊食。反而豬扒厚肉但非常軟熟，肉質鮮嫩多汁，值得推介！價錢方面晚餐每人平均消費$650，不過不失。喜歡松露的你可以一試！…Read More

本身諗住疫情會影響生意，但Whisk仍要預先一星期前訂位。當然，等待係值得嘅。午餐分別有3道菜和4道菜可選擇，以米芝連推介餐廳來講，set lunch價錢非常合理。餐廳枱與枱相隔有一定距離，可放心用餐。Set lunch加錢可揀帶子做頭盤和龍蝦主菜。我會特別推介龍蝦，煮得剛剛好，肉甜彈牙，另外仲有一杯龍蝦粒煮菇，美味可口，有驚喜。開始時以為每碟菜份量較少，怕唔夠食，但其實對普通一位女士來講，份量絶對足夠。如以後餐單有新菜式，一定會再試。…Read More