Jasmine19's Profile

呢日行完葵廣肚餓，但對個到啲小食店都無乜興趣了，所以就去左新都會行街同覓食見到開左一間話係首間以精米做主題既日本嘢，所以就試下入面啲卡位可以睇到出面啲裝飾~呢啲米名都好似係電視見過介紹咁Menu除左米飯類都有好多其他嘢食，天婦羅串燒鐵板燒炸物，應有盡有首先試呢個個名好特別既sushi donut其實就係將啲壽司飯堆到冬甩既形狀，再加啲料係上面，左邊係蟹肉同三文魚子，非常好食!!!配左啲芝麻醬同好似明太子醬，好夾右邊係帶子同三文魚刺身~推薦大家試下跟住係一個炸軟殻蟹漢堡，手機食先!個漢堡係米漢堡黎，好特別跟住係兩個唔同既卷物(彩虹卷同吉列蠔卷)入面啲飯同其他壽司店既質感好唔同，果然係精米專門店，兩個都唔錯另外，都試左其他既料理，雞既串燒拼盤，都好有水準，尤其係雞皮同軟骨連肉！最後仲有一個又係可以手機食先既係咪唔知咩黎呢，上面個塊係濕紙巾黎一揭開就有一堆煙湧出黎，瞬間煙燻入面既三文魚海膽同牛油果~頭幾淡可能會覺得煙燻味好重，但係食落慣左都幾好食，同埋個海膽好鮮甜以後去完葵廣都可以黎呢到醫肚…Read More

一直都有聽麻布茶房既火鍋優惠，:)今晚終於特登黎淘大試下！我地6點幾已經到左所以無咩人。但七點後就要等位啦。呢到環境算闊落，唔會同隔離枱太逼。餐牌有寫優惠-50%大割引！我叫左一個火鍋再加10蚊烏冬，朋友叫左個熊本西冷間餐廳可能唔太著重火鍋賣相？不過味道先最緊要。煲滾左好似賣相仲好。我欣賞既係佢一個鍋有好多菜，感覺會健康啲，而且成個鍋都算豐富。跟住朋友既西冷終於上場成個set配左白飯、面豉湯、沙律同飲品。最特別係右下角既綠茶鹽配西冷？朋友話唔錯幾特別Close up西冷 睇落唔錯可惜既係我地叫medium...但俾左well done我如果生啲應該會更好食:)最後招牌甜品：芒果窩夫surprisingly好味！冷熱交融的芒果！蕃薯雪糕 係呢到既特色甜品 朋友話幾好食 兩樣加埋幾特別…Read More

星期五收工同男朋友Happy Friday就去左呢間，已經有好多人排隊既日本餐廳90分鐘放題，真係人山人海等左陣，終於到我地啦！我地兩個都叫左日本產黑毛和牛放題套餐$289。另外仲有5款湯底，我地叫左美肌鍋（即係雞湯）同千夜鍋（即鰹魚湯）等湯黎既時間就即刻去拎配菜除左有常見既配料，依到最surprise我係竟然有響鈴呀！即刻拎多幾件呀蔬菜既款式都幾多架，食多啲菜感覺都無咁熱氣飲品既種類都好多，有雜果賓治、竹蔗水同橙汁等等，另外仲有罐裝飲品例如可樂、烏龍茶湯底終於上場，首先係美肌鍋。佢用豬骨同雞肉淆製而成，再加上杞子可以潤肺止咳、明目養神，睇落已經覺得好補。我先飲湯，感覺真係好潤好補，不覺得肥膩千夜鍋係一個好清既湯，適合追求食物原汁原味既朋友主角來了！我地叫既日本黑毛和牛，肉質好靚，油脂分布得好平均另外仲有碟豚肉，亦非常高質我前面所講既響鈴好正呀，脆得黎唔會散哂。最後仲有四款haagen-dazs雪糕任食。成間餐廳既裝修都好時尚清新，唯一缺點係空間有點小，雖然佢會有塊板每張枱隔開，但感覺就焗促左啲:(有時行出去拎野食會唔小心郁到隔離枱既野…Read More

收工黎到apm附近嘅一個商場食晚餐，平日晏晝樓下既餐廳會排哂大隊! 但夜晚就冇乜人了呢間Season plus搬左黎無耐，平時晏晝經過見幾高級就收工同男朋友黎試下餐廳主要食生蠔同海鮮~我本身不食蠔，所以男友淨係叫左兩隻南非no1蠔，佢話都好新鮮肥美~煙三文魚沙律個汁酸酸甜甜，挺開胃~冷盤後就叫左個小食芝士焗元貝，好多芝士!粒帶子亦焗得剛剛好，不會太老主菜分別叫左一個千層麵同一塊熊本霜降西冷，兩個主菜份量都較少~個擺碟很有趣，肉醬味道不俗，麵仍留有口感，不會焗得太多。西冷叫左五成熟，煎得剛剛好，外脆內嫩，肥瘦平均，值得一叫!最後叫左杯葡萄梳打來完結呢一餐~幾好飲…Read More

星期六經過尖沙咀 見佢有中文名 彌敦左岸 咁得意就入去試下餐廳入面裝潢得有格調，牆邊放有不少酒瓶，另有Live Band 表演地方，不過9點先開始，9點前餐廳就落projector播足球賽我們七點半入座，人不算多，到8點半後LiveBand就表演時就滿座了。食物種類很多，好多張Menu，另外仲有Drinks List我同男朋友叫左一個Snack 焗薯皮、一個Big Bite-白豆釀燒春雞伴薯條同一碟蟹肉墨魚汁闊條麵伴蟹籽，再係Drinks list選了兩杯Mocktail -BC Punch (Mixed berries, classic syrup, plum, lime juice and soda water)Left Ice(Mixed berries puree, rapsberry, blueberry, milk)焗薯皮啲料好足，釀滿芝士，煙肉煎得好脆我地叫既Big Bite-燒春雞！呢碟要等25分鐘架。雞入面係釀滿白豆，白豆吸收哂雞既精華😍雞肉都幾嫩自家製墨魚汁闊條麵，麵煮得未夠有點硬，如果鐘意一啲咬口既人就好合適。蟹肉蟹粉份量好多，有好濃郁既蟹肉香。食完坐到9點就有live band啦…Read More

今日去紅館睇演唱會，記得之前行黃埔見到開左個九號水產，所以就早啲去食左晚飯先。入到去都有四五間餐廳選擇，六點人流不算多，最後揀左食拉麵～呢間豚道樂唔係開放式廚房，所以睇唔到拉麵師傅嘅即場製作。左右兩排吧台，而一個就有個空間畀侍應上菜～每兩個位有凍水，調味料，仲可以自己磨芝麻每一碗拉麵都可以各自選九州系直麵或札榥系曲麵，另外有部份特上拉麵係逢星期五六日限定，特上拉麵會有哂兩塊豬肩肉同豬腩肉，仲有兩塊紫菜同半粒糖心蛋～我就叫左五六日限定既特上海老湯拉麵，麵就揀左曲麵，貪佢夠彈牙同掛湯。湯底非常濃郁，裏面有好多櫻花蝦，每飲一啖湯都會食到。叫得豚道樂就緊係要試下啲豚肉，豬肩肉較瘦而切得夠薄，而豬腩肉就肥瘦均勻，燒得好香。我男朋友就試左特上日本芥末拉麵，一上黎就見到成碗青bb嘅湯，望到都覺得攻鼻。佢要左直麵因為想無咁掛湯，但啲麵都已經煮到全部變左青色！個湯一食落其實無想像就咁攻鼻，香得黎又有少量嗆鼻感，都幾夾。但係食多左就一路keep住攻鼻，我男友都有啲頂唔住，好刺激～糖心蛋既流心感不俗，味道可以中和一下芥末啲刺激感～另外叫左個炸軟殼蟹，新鮮炸出，好脆口～最後見唔少人都叫左呢種梳打，所以都叫左黎飲，兩杯都好甜好好飲!…Read More

2017 last working day 要好好慶祝下 平時lunch都會見到呢間火鍋店 但晏晝實在唔夠時間食 所以說呢一晚決定黎試下！搭幾層電梯已到 見到門口都擺左好多餐牌 好多款唔同價錢既餐:)最吸引我既當然係恋する美鍋！$329位濃雞湯湯底 加 各種牛任食 仲有蔬菜盤 同水信玄餅做甜品！咁多野食其實都幾抵 仲可以同其他餐一樣拎出面既野食同雪糕我地已決定要呢個餐Staff會建議我地既食法 因為入面有雞肉 所以個湯一定要全滾先飲得同放得野 仲推薦我地飲左頭淡雞湯先等佢滾等佢滾～～滾左我地試飲左雞湯 咁凍既天氣飲到咁補同好飲既雞湯真係幸せ！陸續都黎左啲配菜 特別既有油揚蔥卷同雞滑主角之一 美人和牛！肉色澤好靚呀 油脂分佈都唔錯 職員建議我地涮5-10秒即可！好好味呀另外都上左碟豬肉同牛舌我地再叫左碟黑毛和牛 因為餐包埋嘛 就咩都試下 好靚我地仲拎左出面啲配菜 太多選擇 已經食到好飽 同有任飲罐裝飲品職員見我地得返15分鐘就為我地送上甜品 - 水信玄餅 配黑蜜加黃豆粉 我成日聽呢種甜品但第一次食 感覺很得意 都好好味我地再出去斟左啲乳酪雪糕！好正！同出面賣幾廿蚊杯既一樣好味！最後值得一讚既係職員都好主動幫忙 主動加湯同執野 又會建議食法係咁 令我地成餐都食得好滿足呀…Read More

收工去左呢間新既餐廳食晚飯 一行入去就俾呢兩個將軍嚇親，高過個人我地被安排到都幾入面去坐，發現有個包廂，好岩一大班人聚會，好有私人空間咁岩個晚有人向入面用餐就廢事影了menu好多款式，仲有set dinner、蠔、又有啲串燒咁 選擇好豐富！蒜蓉包好香！佢未黎到陣味已經傳到我地個位了。南瓜湯唔錯，不過我唔係好鐘意薑陣味所以麻麻。鐘意薑既朋友就好適合:)我地叫左啲串燒 - 雞翼 同 雞軟骨呢到既雞翼串燒無出面個啲咁咸同濃味，而且燒完肉質都好幼嫩，食多幾隻都唔覺熱氣雞軟骨就不嬲係我既至愛，佢都係無咁咸易入口 好味！海膽醬燒蠔好高質既一碟餸！好濃既海膽味而蠔都好新鮮，兩隻味好夾!食完成個口都海膽味跟住係軟殼蟹天婦羅咸蛋黃扁意粉軟殼蟹睇相都見到佢有幾脆 賣相精緻 炸得岩岩好 配搭埋豐富咸蛋黃既味道 成碟菜都好特別西班牙風乾火腿波蛋野菌闊條麵波蛋煮得好靚 風乾火腿既少少咸味點綴左野菌闊條麵 加上波蛋既蛋漿 味道好有層次…Read More

今次呢間餐廳係男朋友介紹的，佢細細個逢親節日就會係呢間餐廳食，適逢佢岩岩裝修完，所以就叫埋我一齊試下佢裝修後水準如何。裝修完光猛左好多，依家仲好有聖誕氣氛添佢個蒜蓉包好大舊，一邊有芝麻，幾香囗個湯就好大碗，入面好多菇，不過飲完已經有點飽晚餐Menu其中兩頁，有好多選擇叫左個薯條配黑松露醬，炸得不錯，份量十足，可惜個黑松露醬比較稀～我叫既黑松露雞肉意大利特色飯，第一次見咁大碟既意大利飯，有淡淡既黑松露味，啲雞都幾:)男朋友既萄式燒BB豬，等左比較耐，個皮烤得好脆，啲肉非常幼嫩，好容易折開啲肉同骨。個醬應該可以解一解肥膩既感覺。不過個炒飯就一般了。最後叫左個特飲綿花糖朱古力，好多綿花糖啊整體每樣嘢既份量都好多，兩個人都食到行唔到了…Read More

近排返工黎黎去去都食個幾間餐廳，所以今次就試下一間幾新下嘅餐廳～間餐廳係一個頗殘舊既大廈入面，架升降機又細又壞壞地，搭親都有點驚呢個舖位既上手Fat Fat restaurant 我之前都食過幾次，呢間餐廳啲裝修都keep返差唔多咁，唔知兩間其實係咪有關係呢~1點後開始好多人食，似乎幾適合公司既聚餐～繼續keep返同上手一樣，有桌球同飛鏢玩呢間餐廳係半自助形式，沙律、包、甜品，甚至係紅白酒都係隨便自取午餐就拎少點餐牌我同男朋友分別叫左E.鮮茄煙胸意大利粉同K.澳洲肉眼扒配野菌燒。啲鴨胸好多好大舊～遮住哂啲麵，肉質都唔錯。個鮮茄意粉都有不錯既水準。男友嘅澳洲肉眼扒配野菌燒，不過好似無左啲野菌，食個陣都無留意到。牛扒本身叫五成熟，但出黎似乎生左少少，可能三成左右，不過都無阻我男友"鋸扒"既興致，肉質好嫩，肥瘦都平均。薯角剛炸起，外脆內軟，入面好辣口，不過每粉都略嫌細粒左少少。食完仲可以篤下波掟下鏢輕鬆下（如果唔係好似我咁要趕住返公司既話)…Read More

今日屋企唔煮飯, 所以終於都有藉口同阿媽家姐黎呢度食飯喇! 樂天係新加坡集團既餐廳, 呢間食既係上海菜, 而且幾出名, 可惜屋企人足不出戶, 所以一直都無試過。樂天開係青衣城真係青衣島民既福, 唔洗出到旺角銅鑼灣, 舒舒服服就食到。而且青衣城人流無其他兩間分店咁多, 所以唔洗排到傻先有得食,。不過穩陣起見我都係BOOK左台, 佢限時一個半鐘, 都有少少驚唔夠時間食。我地點左原味小籠包, 醋醬海蛪頭, 木樨肉炒拉麵, 李白醉雞, 鮮蝦雲吞豬骨湯*原味小籠包先到, 我地點左6隻, 入面好多湯啊, 舊餡都好大, 幾juicy!之後醋醬海蜇頭, 呢個好正, 夠凍, 酸酸甜甜勁開胃, 海蜇又勁彈牙, 好好食!!!之後黎既係李白醉雞, 李白真係飲酒飲到.. 後世關於酒既菜式都要用佢黎命名..哈哈哈. 呢個又係冷盆, 酒味有, 但唔澀, 好難得!! 而且D 肉好嫩滑, 我阿媽係咁食, 睇黎佢好中意!!之後係鮮蝦雲吞豬骨湯, 呢個係可以飲埋D 湯架, 但係天氣太熱喇, 我地淨係食左雲吞, 飲左少少湯. 佢個雲吞皮都幾薄, 個餡好出, 因為D 蝦好彈牙, D 料幾新鮮, 而且都幾多肉汁, 呢碟都唔錯呀~最後主食係木樨肉炒拉麵, 呢一碟個樣似普通一碟炒麵, 但係係今晚我最難忘既菜式, 因為佢真係好有獲氣! 就咁醬油炒麵都爆到好好食!!! 我自己清哂成碟咁濟! 強烈推介呢碟比大家呀!最後埋單都唔貴, 平過係酒樓食~~ 服務都幾好, 坐得幾舒服, 阿媽都幾中意~…Read More

去完科學館睇木乃伊經過呢間fusion餐廳，見唔洗等位就入左去食。 環境寧靜， 裝修都好有氣氛首先叫左個梅酒杞子藜麥麻醬沙律沙律，一開始食覺得啲味有點濃，啲杞子好重酒味點知習慣左就愈食愈好味，酸酸地好開胃跟住男友叫左小食炸蓮藕片，配蛋黃醬..同上面既黑松露!我最鍾意既醬組合雖然我本身唔係點食蓮藕，但佢炸得好脆好薄，好似薯片咁，好正再來就黎左日式主菜 壽司八件，都幾新鮮唔錯跟住試左個創意壽司，芒果醬三文魚押壽司，擺盤幾靚。壽司飯入面有啲木魚咁，幾得意~不過個醬略嫌酸左點食埋西式主菜~呢個慢煮48小時雪花牛小排好正!!!可能第一次食慢煮牛，第一次食啲肉質咁tender既牛扒牛扒下面仲有薯蓉，應該配左燒汁，好好食。自製一人擺盤最後叫多個溫泉蛋黑松露意粉一撈埋成碟意粉，啲黑松露味就湧出黎個意粉係扁意粉黎，口感不錯之餘仲啖啖黑松露味仲有一粒粒既小藜麥，口感好豐富最後有個抹茶雪糕配咖啡既甜品，侍應姐姐教我地倒小小咖啡到個雪糕到食，竟然又幾夾:)豐富左抹茶本身既有層次既味道…Read More

每個月都要食返餐好既慰勞下自己同男友今次去左Sogo隔離既一座大廈食日本嘢!之前上網見岩浪好似唔太多位，所以提早book定先~一出Lift就去到岩浪既門口～右面係吧台，我地坐左面既正常和食枱～本身Menu有好多選擇，唔係好想諗食咩，所以就想試下廚師發辦首先黎既係前菜同冷物，由左至右食起，侍應話左係粟米豆腐，好特別既口感，好似食緊粟米味既Jelly咁;中間係炸魚蛋；最右係米茄子，上面有啲碎咁。成個前菜有由淡至濃既感覺～前菜後黎左個蟹肉腐皮，啲蟹肉幾鮮甜，啲腐皮好滑！跟住開始黎戲肉，首先有刺身三點，有伊佐木(右)，深海池魚(後)同間八(左)。三件都好有鮮味！一啲腥味都無～伊佐木肉質彈牙，另外兩件就入口即溶，好正第二輪就野生拖羅，池魚同石垣貝(左至右)，拖羅好肥美但比較多根，池魚一樣咁新鮮，石垣貝以為會有貝類個啲腥味，點知一啲都無！食完剌魚就有個湯隔一隔～松茸湯，非常清甜。跟住係熱既和食，上面係無花果，下面係蒸魚，煮得岩岩好，肉質嫩滑，不過唔知咩魚黎。天婦羅三點，有幾種調味可以選，有蝦、魚同紫蘇芝士天婦羅。個蝦配海鹽好爽口；個魚有啲似多春魚咁細細條，配咖喱粉好惹味；最驚喜係個芝士，以前個紫蘇葉會搶哂啲味，點知岩岩好～外脆內軟！跟住係壽司，不過其實已經有啲飽侍應無講係咩，不過左面個壽司好正，上面啲絲好夾，海膽飯就好鮮甜。最後就有綠茶同甜品為我地呢餐畫上完美句號。…Read More

之前午餐黎食過覺得好好食，所以今次晚餐先會再黎，究竟晚餐係咪另一間餐廳黎？我真係好後悔！.成間餐廳就好大既。夜晚佢會有一半位用黎做雞煲生意，我去到18:30到好早，個陣得3枱客，係要帶我去個冷氣風口位，兼同側邊枱勁逼個隻，好唔舒服。真係需要咁慳位嗎？ 到食完個陣仲有好多吉位個喎:(因為真係太大風想調位。staff話不如較細啲冷氣啦？OK無問題...點知佢好似唔記得左？！問多幾次連隔離枱都話凍啦先去熄，仲要來回禁左好多次，先熄到部冷氣。我地叫左香草雞肉意粉同龍蝦汁海鮮意大利飯set，仲有一個松露醬薯條。:)佢既湯同包係無問題既。幾好食，薯條個醬都ok。但係主菜就唔掂...香草雞肉意粉：香草味濃到我以為自己直接隊緊啲香草！！！雞肉咸到食唔落！！！救命，發生咩事？輪到Risotto 呢個就比意粉好少少 但係啲飯勁硬 好難咬睇相都見到啲碟好大，但係張枱勁細，放唔到野，食途中要係咁張啲野調黎調去好麻煩。其實平日無乜人係咪可以劃兩張連枱俾人呢？到野飲又黎料啦！本身係叫一杯少冰一杯正常，staff以為自己記得好醒，覆左一次就走。結果...黎既係另一杯少冰，完全調轉左好心唔記得就寫低啦到埋單啦。初初佢就計七折就錯左，原來今個星期係正價，staff搞錯左，我地都比返多錢，仲要唔收信用卡既，一定要cash，好咁比啦。..點知等左好耐.....呢間餐廳乜原來係：博你少少錢唔找錢既。.雖然唔係找好多，但你加左一，禮貌上係咪都要找返黎同俾返張單我呢？？？？.--------200蚊咁既質素，你都係做返七折算啦.最後，佢張menu 話送甜品一客。咦！？我寫到依家都無見過甜品實物。隔離枱都無，真係好勁呀！staff記得俾正價唔記得俾甜品選擇性失憶.各位，我到呢刻都好期待個甜品呀…Read More

之前行過登龍街，見到有間食釜飯既餐廳，諗起早兩年係奈良食過好多人排隊既志津香釜飯，就搵日book位黎試下呢間奈良上釜～依家做緊蟹盛，見好多人都有叫，所以都試下另外叫左個蕎麥麵。佢個杯都幾靚～一開始就黎左個凍蟹腳，本身已經剪開左一邊，可以好易括哂成舊肉出黎，好鮮甜跟住再黎就係天婦羅蟹腳，薄脆既天婦羅衣包住淡淡肉既蟹腳，口感畀上一個更好食完前菜，首先黎既係我叫既蝦天婦羅蕎麥麵，個天婦羅同蟹腳一樣，炸得不錯。個汁有粒生鵪鶉蛋，撈埋啲麵更加滑同加左啲蛋香。跟住黎既就係男友叫既蟹盛主菜，有飯、湯、茶碗蒸、漬物同生果，真係好盛。一開～嚇親，得個蓋既？！再揭開個蓋～嘩　使唔使咁多蟹膏同蟹肉...撈哂真係每啖都係食到蟹肉的...我男友用返奈良食既食法，食左啲就蓋返住去整飯焦！但個飯焦就無志津香咁好味啦，啲焦仲有少少爐味咁茶碗蒸close up~今次係蟹鉗～個蛋都蒸得幾滑～食完我地覺得暫時都唔想食蟹住...…Read More