首先叫左個梅酒杞子藜麥麻醬沙律沙律，一開始食覺得啲味有點濃，啲杞子好重酒味
點知習慣左就愈食愈好味，酸酸地好開胃
跟住男友叫左小食炸蓮藕片，配蛋黃醬..同上面既黑松露!我最鍾意既醬組合
雖然我本身唔係點食蓮藕，但佢炸得好脆好薄，好似薯片咁，好正
再來就黎左日式主菜 壽司八件，都幾新鮮唔錯
跟住試左個創意壽司，芒果醬三文魚押壽司，擺盤幾靚。壽司飯入面有啲木魚咁，幾得意~不過個醬略嫌酸左點
食埋西式主菜~
呢個慢煮48小時雪花牛小排好正!!!
可能第一次食慢煮牛，第一次食啲肉質咁tender既牛扒
牛扒下面仲有薯蓉，應該配左燒汁，好好食。
自製一人擺盤
最後叫多個溫泉蛋黑松露意粉
一撈埋成碟意粉，啲黑松露味就湧出黎
個意粉係扁意粉黎，口感不錯之餘仲啖啖黑松露味
仲有一粒粒既小藜麥，口感好豐富
最後有個抹茶雪糕配咖啡既甜品，侍應姐姐教我地倒小小咖啡到個雪糕到食，竟然又幾夾
豐富左抹茶本身既有層次既味道
