eatingguide's Profile

平時食開韓燒覺得有啲悶，同朋友食飯又想影吓靚相，行過長沙灣發現有間好吸睛嘅會長之家烤肉，而家仲要做緊一個二人餐，$498包500g 肉、兩隻阿根廷珍寶大紅蝦同兩杯飲品😍先講肉類，廚房會砌好一盤盤嘅肉上枱，未食就咁睇肉質夠鮮紅，仲可以打吓卡先開始食😆拼盤入面有五款肉，包括韓式醬汁牛五花、澳洲M6和牛小柳、美國極佳牛頸脊、西班牙豬肋條、同特級豬頸肉，試完呢五款之後個人覺得醬汁牛五花最值得encore，除咗因為有醬汁襯托比較突出牛味，肉片肥瘦均勻，食落唔會柴之餘，仲有牛油香😙除咗跟餐嘅肉類之外，因為真係好想食牛舌，所以另外加咗$88嘅牛舌芯，一共有四件，厚薄算係適中，唔係博到透光😂 食落亦都有咬口，視乎大家係咪鍾意牛舌，呢個可以一試本身跟二人餐可以叫兩款嘢飲，而且選擇都幾多，有韓國CASS啤酒亦有其他特調飲品…Read More

當年安平燒肉啱啱喺香港插旗，唔知要排幾耐隊先食到😂 雖然過咗幾年，但係人氣仍然不減，而且今次去食都仍然保持到食物質素趁午市諗住冇咁多人去食，啱啱開始新嘅一年梗係食好啲，二人叫咗澳洲M5和牛套餐，一共有104款，啱晒大胃王。首先坐低店員會送上每位兩件嘅嚴選牛舌心，食完之後好想再encore😂 食完牛舌就梗係要開始主菜澳洲M5和牛同安格斯牛小排，油脂感重得嚟仍然有牛味，相比起其他套餐嘅牛質素，當然要高一級啦☺️ 除咗燒肉一定會食嘅肉類，今次食安平燒肉比到驚喜嘅竟然係海鮮😍 虎蝦勁大隻，燒到啱啱熟爽口彈牙，另一個值得食嘅就係安平私房烤青口，青口兩大隻，好飽滿juicy🥰食得台式燒烤，一定唔少得佢嘅夜市小食，試咗幾款都覺得正正常常，鍾意香口嘅可以再放落爐加熱少少嚟食😝 話明台式就梗係唔少得一個勁大嘅雪櫃裝滿台式飲品，有最signature嘅冷泡茶，仲有可以喺點餐嘅時候揀嘅紅火冰茶同冬瓜茶，個人就幾鍾意個紅火冰茶，飲落清熱得嚟仲有啖啖火龍果肉最後嘅甜品可以揀Häagen-Dazs雪糕或者芋圓，兩個人去食一人叫一樣就可以撈埋一齊食😂 芋圓相比起甜品店食到嘅一啲都唔輸蝕，而且店員會好細心咁問一問有冇花生或者奶敏感，成個用餐體驗更加貼心。❤️…Read More

前日約咗朋友去尖沙咀食呢一間新派素菜，款式好多選擇，午市好多人，環境舒適，值得一試。香煎腐皮卷 $58腐皮卷有馬蹄粒、香菇，煎得好香，冇油膩感👍冬菇竹笙菜膽翅湯 $68 菜膽翅湯好足料，有白菜，冬菇，竹笙，圓肉，有口感的魚翅，香菇味足夠，冬天飲就啱晒。🤤琵琶豆腐 $88外脆內暖，配陳醋味道一流。😋四川擔擔麵 $68麵唔會太腍口感好好，好香花生味，亦都唔會太辣。🥰意大利香草風味酥皮pizza $138Pizza好酥脆，加上蕃茄醬同香草好夾。…Read More

上星期放假去咗西營盤行下，行到咁上下就去咗食甜品。之前都食過Tiramisu’ Lab嘅出口，今次仲開咗cafe，可以同朋友坐低慢慢食。 Dripped Tiramisu手指餅放入玻璃杯底，然後加入Mascarpone 乳酪，最後倒入熱咖啡，冷熱交融。Classic Tiramisu原味嘅Tiramisu 最好食。😋個cream好香濃綿滑，重咖啡味，蛋糕唔會淋晒，一百分。芒果椰子Tiramisu最近越黎越多蛋糕係芒果 +椰子嘅組合，呢款tiramisu 都好有驚喜 ٩(˃̶͈̀௰˂̶͈́)و 芒果同椰子味互相平衡，恰到好處。…Read More

最近見ALTO出咗新嘅午市semi lunch buffet 就同另一半去試下。 Lunch Buffet Adult 218 | Child 128 (Under 12 years old)前菜有好多選擇，當中有人氣beef tartare，牛肉他他好新鮮，店員refill 嘅速度都好快。另外仲有好多salad，potato salad 同 burrata 都唔錯。另一個corner 就有麵包同餐湯，番茄湯幾濃郁，可以配麵包。T-BONE +298主菜就叫咗T-BONE，medium 肉質粉嫩，好重炭燒味。另外配咗兩隻太陽蛋同炸薯角，兩個人share都好飽。BEEF WELLINGTON +358另一款叫咗威靈頓牛柳，酥皮香脆，牛柳好大件，medium rare 肉味香濃，配上Parma ham同菇醬好惹味。甜品區有朱古力噴泉同蛋糕，試咗carrot cake 味道都好好。…Read More

天氣開始涼前幾日同朋友encore多次觀塘米走雞。今次得兩個人就叫咗個細嘅火焰麻辣雞煲，店員即席點火煮雞煲，雞脾肉大大件，好嫩滑。食晒雞煲就可以加湯打邊爐，我地就揀咗清湯。牛肉方面推介手切霜降牛頸脊，細份已經夠2-3人食。牛頸脊雪花好靚，肉質嫩滑，重牛味。 配料就叫咗手打鮮墨丸，墨丸中間有好多墨魚粒，好足料。每次黎打邊爐都要食佢嘅響鈴。今次叫咗半份，有三大條。響鈴炸得好脆，加埋麻辣雞煲汁食香辣惹味。 …Read More

今日又去元朗食好出名嘅天龍咖哩，2:30去到都要等位就知質素有保證。咖喱生煎肉餅飯 見到好多人食生煎肉餅飯就叫黎試下。生煎肉餅有四塊，啖啖肉。咖喱有好多洋蔥同薯仔，一啲都唔辣，想食辣啲可以加辣。金牌牛魔王咖喱牛大四喜飯 另一半就叫咗牛魔王咖喱牛大四喜飯，呢個飯份量十足，有飯加兩塊酥餅，男仔食一定夠飽。咖喱有一大塊牛脷、滑牛、牛腩同牛筋，好好送飯。酥炸花枝丸花枝丸有四粒，即炸熱辣辣，點埋泰式辣醬好惹味。…Read More

上星期同朋友去咗荔枝角新開嘅餐廳，入邊嘅裝修好似真係去咗去日本咁🇯🇵超多打卡位😍椒鹽日本魷魚鬚 $68小食叫咗炸魷魚鬚，炸粉好落，魷魚鬚大條香口，送酒一流。甲羅燒薄餅 $248呢個差唔多每枱都叫，好啱打卡，成個甲羅燒放喺個Pizza上面，好多蟹肉同蟹籽，加埋甲羅燒嘅蟹膏將成個pizza昇華咗。炸軟殼蟹明太子手工意粉 $188呢個意粉好足料，炸軟殼蟹大大隻，外脆內軟。另外仲有好多蜆肉同海鮮，值得一試。Asahi 烏龍茶 $30第一次見到日本限定玻璃樽烏龍茶，玻璃樽好靚，好特別。…Read More

牛頭角附近好少cafe，但係最近俾我搵到一間日式家庭風嘅cafe，午市仲成日爆場，想食嘅朋友仔記得預早少少時間等位。餐廳主打日式定食同便當，另外都有手作漢堡等等。韓式辣醬豬肋骨定食 $118一共有4款一汁三菜定食，款式會定期轉。每份定食選用日本國產米，配有味噌湯、漬物、1款冷菜加1杯熱飲。我就揀咗韓式辣醬豬肋骨，一碟有七件豬肋骨，每件都啖啖肉，入口滑嫩。醬汁少少辣，送飯一流。吉列珍寶蠔及竹莢魚定食 $130同事就叫咗吉列珍寶蠔及竹莢魚。珍寶蠔好大隻，炸得香脆金黃，唔錯。…Read More

觀塘廣場最近開咗間小食店，原來係旺角肥姐新抱開嘅。下午一點就開始有各式鹵味，又有港式小食。仲可以WhatsApp提早落單，咁就唔使等咁耐。大紅牌 $40墨魚 + 大生腸 + 紅腸最鐘意墨魚同埋生腸。佢哋嘅生腸處理得好好，食落去唔會有異味，墨魚好彈牙。撈埋芥辣同甜醬更好食。鮑魚仔 $23/串鮑魚仔一串有四粒，每粒都彈牙有嚼勁，唔錯。雙拼燒賣 + 魚蛋 $20 呢個雙拼好抵食，有9粒魚蛋加7粒燒賣，仲可以加麻辣汁同咖哩汁。…Read More

前幾日同朋友encore多次芝士雞煲。今次得兩個人就叫咗個細嘅黃金芝士雞煲，揀咗激量芝士碎。雞煲用咗雞脾肉，大大件好嫩滑。食晒雞煲就可以加湯打邊爐，我地就揀咗芝士湯。打邊爐又點少得牛肉，特別推介手切霜降牛頸脊，細份夠2-3人食。牛頸脊雪花好靚，肉質嫩滑，重牛味。 配料就叫咗手打鮮墨丸同哈哈蝦中寶，墨丸中間有好多墨魚粒，好足料。哈哈蝦中寶有原隻鮮蝦，加咗芹菜粒同蟹籽增加口感。上次食過佢嘅響鈴已經好想食多次。今次叫咗半份有三條。響鈴炸得好脆，加埋芝士汁食好惹味。 …Read More

琴日同老婆去咗銅鑼灣食鐵板燒慶祝紀念日，見到好多人推介呢間鐵板燒就試下。揀咗午市套餐，$328一位，先上沙律同茶碗蒸，味道唔錯。主食係大蝦、帶子、南非鮑魚同銀鱈魚四選一，我就揀咗銀鱈魚。銀鱈魚魚皮煎得好香脆，銀鱈魚魚肉好嫩滑，油脂豐富，好好食。 和牛可以厚燒或者薄燒，厚燒嘅方式係蒜香牛仔粒，牛柳入口香口，厚燒燒到少少焦香，上面有好多蒜粒，好惹味。食完肉類就食返清淡啲嘅野，炒野菜好爽脆，加上菇片一齊炒層次幾豐富。之後仲有凍烏冬，好大碗，烏冬彈牙，幾好食。…Read More

因為朋友就黎生日所以就同佢食餐好，見到呢間omakase 有懷石料理食就試下。$1380 set 有更多刺身同懷石料理，我地就叫咗兩個set試下。師傅先上第一道菜— 蛋黃醬焗青森縣蘋果。外型好得意，第一次食蘋果配蛋黃醬呢個組合，估唔到都幾夾。蘋果入面係蟹肉，加埋海膽食好特別。刺身有日本九肚魚配酸汁啫喱。第一次食九肚魚刺身，佢嘅肉質比我想像中爽口，配上醋橘酸酸地幾開胃。之後就到薑蔥煮蠔，蠔肉大隻，加上薑蔥僻走腥味，幾鮮味。熟食就有西京麵豉燒帆立貝同岩手縣鮑魚昆布高湯。帆立貝好大隻，西京麵豉鹹香十足。岩手縣鮑魚加上昆布同真醬煮成清湯，入口清甜，鮑魚爽口彈牙。壽司方面就試咗七款，分別有金目鯛、墨魚、野生鯖魚、牡丹蝦、北寄貝、大拖羅同白海膽牡丹蝦杯。每款都好新鮮，特別鍾意火炙咗嘅金目鯛同野生鯖魚。甜品就有赤肉蜜瓜、意大利奶酪同焦糖燉蛋。三款都好好食，最鍾意食焦糖燉蛋。…Read More

前排朋友搬完屋就同佢食餐好，揀咗觀塘the wave 食雞煲，嗰晚仲有live band 雙重享受。黃金芝士雞煲 (大) $268開頭驚唔夠食，最後三個人食啱啱好。雞件大約有廿幾舊。我地揀咗激量芝士碎，雞件索晒啲芝士汁好好味。配料有洋蔥、乾蔥、中芹同芫茜，令到個雞煲更惹味。食完雞之後仲可以加湯打邊爐，有多款火鍋配料選擇。澳洲頂級M7和牛片 小 $298M7和牛片雪花好靚，牛肉味都好重。淥一淥就食得，入口嫩滑。蜂巢冰豆腐 半份 $28蜂巢冰豆腐好索湯，食嘅時候要小心湯汁，豆腐好軟嫩。涼拌五香牛肉 $68呢個涼拌小食都幾大碟，牛肉份量夠多，香辣惹味。奶蓋草莓鮮奶 $48朋友叫咗奶蓋草莓鮮奶，唔會好甜，好多奶蓋同士多啤梨，值得一試。…Read More

前幾日經過天后呢間麵包店好多人買，咁啱有我至愛嘅麻糬波波同曲奇，一於買嚟做早餐。拉絲芝士波波 呢個拉絲芝士波波好大個，一袋有5個，入面有好多芝士粒，幾重芝士味，好似芝士包，如果再煙韌啲就好。軟心麻糬曲奇 佢地嘅麻糬曲奇都係一盒盒pack好，一盒有5件，每盒都有唔同口味。我就揀咗有抹茶、黑芝麻同朱古力口味。抹茶味唔錯，朱古力味好濃郁，麻糬都夠煙韌，買盒做下午茶都唔錯。原味手工蛋卷蛋卷好脆，重蛋香，一盒有十幾條，值得一試。…Read More