kinho108's Profile

今期發掘左間有質素的韓燒店任飲任食都係230有找，梗係搵埋朋友去試啦好正宗的韓國燒肉店的特色，圓形椅子收藏箱，高高掛住的抽煙神器吸走曬D油煙，空間都好D餐前的小菜都好值得推介，黑豆甜甜地同芽菜爽口仲提供埋個大蘿蔔，俾你可以清潔個爐，乾淨呀~~~肉類都有好多種，真係食肉王的至愛除左肉類仲有個海鮮類架~~~蝦非常新鮮，一點都不痴殼，元貝好有海水味，不用專登調味仲有好少提供的水冷麵，麵質好Q彈，食完咁多油膩野，好清腸胃不期然地encore左碗，好食到好似去左轉韓國食左餐水冷麵專門店…Read More

好耐之前同朋友一齊去睇戲，睇完戲之後覺得餓餓地想食D野，但係夜晚好多餐廳都LAST ORDER。咁我地無謂阻住人收工啦，好似好衰咁(畢竟我都係打工仔)。上網睇下有無咩餐廳收得晏D，可以食下野飲下野吹多陣水先返屋企。就發現呢間餐廳收凌晨兩點，食日式野都幾岩我地心水。所以我地就去左呢間餐廳食少少野吹吹水啦!我地叫既野食主要黎講都係輕食類，例如芝士玉子燒，軟殼蟹沙律等等。價錢黎講唔算便宜，但係味道幾好(因為我地都唔想夜麻麻食咁重口味又難消化)下次去夜街都可以黎呢間餐廳醫醫肚XD…Read More

難得復活節終於完結，公司終於可以補返紅日假日比我，當然要約班老死出黎食飯聚聚啦！但係放題韓燒都成日都食，佢地都唔多願食，所以我地簡左泰菜食，貪佢酸酸甜甜夠開胃，食完都精神D呀！我地入到餐廳，地方唔算大，但算坐得幾舒服，唔會太逼食都食得唔安落！我地叫左冬陰公湯，生蝦刺身，炒金邊粉，飛天通菜同埋雜錦併盤五樣野食。冬陰湯唔好睇好似好細碗，都係夠我地三個人飲之外料都好足，最緊要呢個冬陰公湯唔會太多香料，調節返香港人口味又不失泰國風味！另外，炒金邊粉同通菜都係好正宗，我地三個最鍾意個金邊粉，金邊粉味道酸酸甜甜配埋蝦仁同芽菜，口感味道一流！雜錦併盤同生蝦刺身就係口痕之選，因為我地唔想食太多主食！我地三個人食完埋單都係＄５５０，價錢算適中唔算話太貴，老細仲話憑三張收據下次黎食有８５折！一於下次再同朋友一齊再黎食！…Read More

本身約朋友去廟街食煲仔飯蠔餅，點知朋友話覺得污糟唔肯去，所以我地係附近搵左呢間幾新淨既柏拉圖Cafe。佢唔似普通cafe燈光咁暗，所以一入去都幾醒神，對呢間餐廳加分，自然對佢地食物會有信心。因為我朋友仔都唔係好大食，所以都係叫左明太子海蝦意粉套餐同肉眼扒，仲叫左薯條，雞翼，沙律等等。我自從去完日本九州之後，就愛上左明太子既食品，呢個明太子意粉味道濃郁，每一啖都充滿明太子既味道，但係佢食完唔會好滯，有時好怕d廚師加多d cream去煮，影響哂明太子原本既味道。朋友叫西冷牛扒就屬正正常常，我對牛扒要求唔高，唔好咬落去鞋口就得，呢個西冷牛扒都算係合格水平架啦。其他食物:例如薯條呀，雞翼，沙律都唔錯，因為食得出食材幾新鮮，由其是沙律，食材唔新鮮加幾多醬汁都無用！不過呢間餐廳份量唔算太多，但味道算係中上級數，係油麻地呢講都算高質架啦！…Read More

最近呢幾日阿媽成日嘈住話冬天緊係要打邊爐啦，但係我阿媽都唔算太新潮既人，所以唔知依家後生仔唔興剩打邊爐，食雞煲邊爐先係皇道。餐廳位置幾近地鐵站同葵涌廣場，所以同呀媽去完食雞煲仲可以行下街買野一舉兩得。因為阿媽第一次食雞煲，所以我地叫左個極品雞煲(少辣)，廢事一陣叫得太辣食唔到哂錢。因為雞煲要煮成15分鐘先OK，所以店員都叫我地拎野飲或者食熟食慢慢等主角。熟食方面有雞腳呀，薯角呀，咖哩角呀，雞翼等等 有小食起碼可以醫下肚餓先。之後飲品都幾多選擇有啤酒有韓國芒果汁等等 隔左一陣，雞煲終於到啦！雖然我地叫左唔辣但係雞煲味道都好濃郁，岩哂鍾意重口味既我雞肉都幾嫩口，好快就比我同阿媽食哂啦！之後就出去前面兩個冰櫃拎菜呀肉呀黎打邊爐。價錢我同阿媽兩個食左＄２６０蚊　呢個價錢算係幾抵！比起旺角平Ｄ！下次可以再黎ＥＮＣＯＲＥ！…Read More

平時好少會行深水埗，以為深水埗剩係買電話卡呀，點知朋友約我行深水埗，行下就發現餐廳都幾多喎。我地睇地圖見到福榮街64號，點知去到唔見間餐廳，以為間餐廳執左，點知發現原來福榮街同福榮街地下係兩條街。我地真係好傻仔囉。去到餐廳已經好肚餓啦！好彩餐廳唔算多人，等一陣就有位比我地坐低，我就叫左龍蝦牛柳套餐＄１３８。套餐包餐飲，餐包仲有餐湯添。餐包：牛角包幾香口，起碼有誠意幫你加熱左先比你。餐飲：土耳其蘋果茶唔會太甜，味道幾清新有淡淡蘋果香，唔夠仲可以叫店員加熱水沖多次飲。餐湯：可能我唔鍾意飲龍蝦湯，所以飲左兩三啖就ｓｋｉｐ左佢！　但係朋友仔話幾好飲囉。主菜：我要左牛柳７成熟，但係出到黎好似５成熟咁，但係唔會有好多血汁，食落牛味濃郁值得一讚。龍蝦味道唔錯，但係覺得略為細隻，但係我明白將貨就價呢個道理，算佢合格啦！…Read More

喜愛韓國都知道韓國烤肉非常好食，我同朋友實在太想念係韓國的日子。所以周圍搵食韓燒既餐廳，上網見到佢任食韓燒$198加1。價錢唔算太貴，所以同朋友仔就決定食呢間BBQ 7080啦六點幾左右去到餐廳，人流唔算多，餐廳職員安排座位之後就可以準備叫野食啦。我地就點左五花腩、牛仔骨同魷魚等等。五花腩-油脂同肉分佈均衡 烤完同係韓國食差唔多 真係食到停唔到口牛仔骨-牛仔骨烤完之後縮到勁細塊，不過味道唔差，所以要叫多幾碟先夠喉豬大腸-豬大腸烤完都幾香口，配搭埋韓國啤酒簡直一流，反正係餐廳飲韓國啤酒唔洗加錢爐邊蛋-因為我無另外再叫職員加，但其實再加都唔需要錢，不過黎到當然狂食豬架啦。總結-黎到呢間BBQ 7080 首選一定係五花腩，因為真係堅好食，食完都諗返起係韓國日子。果然係一間好正統既韓燒餐廳。…Read More

落左班就去到朋友屋企樓下既漁民火鍋聚一聚，朋友說就算平日都會坐滿人，所以叫我預先BOOK定，19:00入到去，慢慢人就不斷湧入，還好BOOK左啦!朋友見到個芝士雞煲就兩眼發光，話自己食過好好食，係咁推介我! 那好吧，我也很耐無食，間唔中放肆一下兩個人少少，就叫左個半隻雞，芝士漿勁到呢! 仲要唔黐底，我地只要慢慢等佢燒起!由於我地無諗過半隻雞係有6大隻、啖啖肉的炸雞，我地還真是落左好多配料單! 炸雞的皮炸得脆，撈埋芝士食，雖然沾上芝士會有膩，但食入到尾會被雞肉的肉汁覆蓋!無論芝士雞煲定配菜上菜都好快! 食曬芝士炸雞後就落湯料開大火煮!由於芝士汁珍貴，所以叫左好幾款吸湯汁既，如：金針菇、響鈴、生菜……加左湯後，芝士味唔會太出，只餘下的就是香味，所以食到的配菜都沾上了，比起辣雞煲更加溫和，不過卻有點飽肚!…Read More

我自己一直都好鍾意食泰國菜，因為酸酸甜甜又開胃食完人都開心D。今日因為朋友住元朗，只好就下佢去佢屋企樓下既泰國餐廳食飯。因為我地三個人食晚餐，我地叫左個$388既二人晚餐，再加個秘汁黑毛豬同金邊粉頭盤:鮮蝦柚子沙律-柚子同蝦幾新鮮 食落幾好味主:檸檬魚-魚肉酸酸甜甜，非常開胃 餐廳仲幫手切好 值得加分主:牛肋骨-一盤六塊 牛肋骨幾香同埋唔多筋 食落都有牛肉味主:金邊粉-金邊粉外圍有層雞蛋包住 造型100分 有辣椒砂糖調味料比你自己調配自己岩口味既金邊粉主:黑毛豬-如果$118黎講 黑毛豬真係太細塊 雖然都幾好食菜:炒通菜-算係幾大碟 味道唔會太濃 正常炒菜一碟…Read More

荃灣係我心目中係一個天堂，除左多商場可以行之外，另外一個優勝之處就係好多時有新餐廳開張。今日同朋友仔行街個陣見到有間開張無耐既放題餐廳，當然去嘗鮮試下新餐廳啦。新餐廳人流不算太多，所以不用等位便可以入座，餐廳環境幾舒服，可能新餐廳唔多人幫襯住，所以坐得幾舒服。但係餐廳最重要都係食物質素，放題最主要就係刺身同埋肉類掂唔掂!我地點左鮑片、三文魚、北寄貝、甜蝦、牡丹蝦刺身等等三文魚刺身-都幾厚身 油脂均勻 非常美味牡丹蝦-好鬼大隻 幾新鮮 食多幾隻都好飽帶子-唔算太大粒 但都算新鮮 總體黎講 刺身算係合格 起碼基本盤三文魚、甜蝦都唔失禮幾好食，可以叫多幾次食。熟食串燒-我覺得牛舌係幾入味 最重要係牛有牛味丫嘛壽司卷物- 卷物太細件 根本食唔到入面食材既味道 可以唔洗叫都得。飲品種類-種類算係幾多 汽水、茶、啤酒、蔗汁、什果賓治等等。甜品-甜品櫃裡面只有芝士餅好食，其他啫喱確實普通。雪糕-每人一杯Movenpick雪糕，有草莓、朱古力、香草如果唔夠食出面有獨立雪糕波波比大家拎黎食，薑味雪糕波波可以試下唔算太重薑味，可以試試。總體黎講$238加1  我覺得都值得一試 因為刺身真係幾好味 壽司卷物就遜色少少啦…Read More

每次經過茶木都很想念它的多士盒，所以今次係荃灣行街經過就跟朋友仔去茶木Tea下先。我地叫左松露煙肉手工麵，三杯雞仲有重頭戲芒果多士盒松露煙肉手工麵:手工麵幾彈牙 松露幾夠味 份量適中三杯雞:幾香口惹味  不過太少雞塊 唔夠食呀芒果多士盒:唔需要多提啦 招牌甜品 飽肚美味美中不足就係無下午茶Menu 要散點 價錢略貴…Read More

跟懶朋友聚餐必定選雞煲，因為是需要放食材放進煲裡便可以安心跟友人聊天吹水。今日朋友來名川苑吃飯，他們有很多不同的雞煲選擇，我們選擇韓式風味的芝士雞鍋。我們叫了半隻雞加一點配菜，芝士雞煲需要25-35分鐘烹煮時間，幸好我們早就在旺角吃了點小食，所以便喝喝飲料慢慢等。芝士雞煲差不多30分鐘才出現，雞煲的芝士配加香草很惹味，我們都沒有後悔等了這麼久。但是我們怕芝士煮太久會糊掉，只好趕快吃完雞塊，半隻雞火鍋需要$118 我覺得下次來可以點全隻。因為他們是煮好才給我們，吃的時候很入味，雞肉很快就給我們吃完。吃了雞煲還點了其他配料當芝士火鍋吃，點了四色丸，紅薯粉等等。 但加了湯的火鍋的芝味不及雞肉這麼濃啊!但總體來說是還是不錯啦，下次來可以點全隻雞跟一些配菜就足夠。…Read More

跟友人聚會最苦惱一定是找餐廳，因為我們喜歡餐廳食物好吃又便宜。這個餐廳專門是吃牛的，偶爾做一下吃肉獸也不錯。我們去的時間，這個餐廳有半價優惠，不論吃西冷扒還是肉眼扒還是其他選擇都會有五折優惠。友人點了西冷扒200G，我則點了肉眼扒200G。我覺得200G就很足夠了 不用吃太多了店員把肉扒端上後，牛肉的香味很濃，配上香草調製的醬汁，酸酸甜甜很對胃口。他們的肉眼扒，肉質不錯，很有質感。配搭白飯一起進食很滿足。…Read More

跟朋友想食糖水便進去這餐廳。餐牌上寫著芒果水月流，根據好奇心殺死貓的定律，我還是點了芒果水月流試一下龍與鳳。看見水月流的成品，賣相覺得還好，跟普通的芒果糖水差不多。 我跟友人在討論水月流到底是什麼的時候，友人已經率先成為白老鼠嘗試這個水月流。水月流這型好像一條條河粉，但吃下去不像河粉這樣爽滑，它充滿椰子味，但質感好像吃豆腐雪糕差不多。但覺得這個水月流還是偏甜，不能吃太甜的朋友還是不要點。…Read More

下班後跟同事們一起晚餐，去到又一城找餐廳，看見PIZZA EXPRESS等候的客人不算多，決定在這吃晚餐。我們四人柯打一個四人套餐 兩款頭盤 一款沙律 兩款PIZZA 一款意粉 四杯汽水 總數$499+1頭盤的兩款都是麵包頭 跟PIZZA餅底的材料一樣 只是醬料不同 芝士蘑菇醬還不錯 但麵包太多吃第三個的時候都覺得太單調意粉方面 卡邦尼煙肉意粉還是不錯 香濃好味 一盤還不夠我們吃 這個值得推介PIZZA方面 我們叫了辣肉腸PIZZA跟四色芝士兩款 歡迎吃肉的朋友可能會失望 因為肉真的不多 但味道還算不錯 芝士味濃郁 …Read More