eatwithoutguilt的個人專頁

之前食完dinner已經心思思想試埋lunch🙂‍↕️中午時段性價比好高，週末仲有半自助午餐，加$98就可以享用任食沙律吧，當日去到一共有五款沙律提供，仲有炸雞塊薯條、吞拿魚迷你多士、柚子蛋糕同scone🍽️ 就算唔加主食就咁食沙律吧都飽。佢哋嘅scone有驚喜！牛油味濃郁口感勁鬆化，好食過普通包店，不過就偏油少少，見到有人成個碟都淨係攞佢主食嗌咗牛板腱 (+$158)同香草蕃茄醬青口扁意粉 (+$58)，兩者相較更推介牛板腱，呢間餐廳嘅牛排一向表現穩定，牛味濃肉質軟腍無筋，底部配上南瓜蓉而非薯蓉，有新鮮感且味道不俗; 而蕃茄醬青口扁意粉就正常，想食意粉都可以嗌…查看更多

今次二訪嗌咗啲上次無食到嘅菜式，整體味道同樣令人滿意，雖然餐廳位置偏僻，但平日晚市依然幾乎全滿。廚房人手應該唔算多，要預食物等候時間較長，所以最好一次過落單~▫️千層脆窩夫油封鴨脾 | $298呢道菜令我諗起結業已久嘅duck&waffle，同樣係鴨脾配窩夫，而呢間就使用咗牛角包窩夫，將傳統餐點同新元素結合。牛角包窩夫香脆，好濃牛油香; 鴨脾肉酥香嫩滑，如果外皮可以保持脆身更佳▫️ 冬蔭功大蝦意粉 | $198唔少地方都有得食冬蔭功意粉，但呢份嘅冬蔭功濃郁程度真係數一數二。唔係行香辣路線，而係更偏向重鹹同酸，濃之餘唔會太over，一啖接一啖好快清哂，會想encore！▫️ 港式鹹蛋黃凱撒沙律 | $138正常凱撒沙律配鹹蛋黃，expect到嘅味道，但兩者確實幾夾。…查看更多

隔一排就好想食台灣菜，今次揀咗間無試過嘅，overall都無令我失望！一共嗌咗兩款小食、兩碗麵同兩杯飲品，埋單都係2百頭，銅鑼灣嚟講真係幾抵食🥢食物上最推介花雕醉雞卷！花雕味濃烈但唔會太over變苦，肉質嫩滑，雞皮仲有薄薄嘅啫喱🙂‍↕️兩款主食都揀咗麵，麵嘅質感幾好，尤其係乾拌麵口感更有韌勁掛滿醬汁。而牛肉麵嘅配菜好豐富，配上青菜同白蘿蔔，蘿蔔好入味，好似食緊台式滷味。蛋餅內餡份量足，略嫌外皮夠厚同欠缺拉扯感。▫️ 花雕醉雞 | $48▫️玉米起司蛋餅 | $36▫️ 眷村牛肉麵 | $70▫️ 香蔥油嫩雞乾拌麵 | $50▫️檸檬紅茶 | $24▫️珍珠奶茶 | $26…查看更多

成日經過呢間梳乎厘班戟，今次去尖沙咀終於試咗~餐廳雖然鹹甜班戟都有提供，但我絕對係甜派擁護者🙌🏻 嗌咗士多啤梨味同石板街，個人更推薦士多啤梨！兩款班戟口感完全唔同，士多啤梨味係梳乎厘班戟，口感更輕盈鬆軟，空氣感十足; 而石板街偏向似傳統班戟，麵粉味重口感扎實，飽肚感勁強。無諗過士多啤梨味班戟內有乾坤！除咗面頭嘅流漿忌廉，中間仲夾住忌廉芝士醬，成個層次同味道即刻level up (｡･ω･｡)ﾉ ▫️ 士多啤梨流漿班戟 | $118▫️ 石板街班戟 | $118…查看更多

以前喺西環返學嘅時候已經聽過彩aya沾麵但讀書四年期間竟然都冇去(´･ω･`)最近發現佢哋開咗一間雞白湯拉麵專門店舖頭位於石塘咀小巷 hku 地鐵站一出5分鐘就到一食完已經覺得要encore 下次去埋隔離試沾面！▫️ 雙湯頭 雞白湯x櫻花蝦鰹魚 ($95)配上瀨戶內海廣島蠔及豚叉燒湯底充滿骨膠原感 一上枱已經見到面頭有一浸薄膜入口會微微黏嘴 海鮮味濃郁而鹹淡適中湯嘅口感有啲似豆乳雞湯店員好熱情咁介紹入邊嘅配料 話呢款牛奶蠔好甜果然冇介紹錯 蠔隻飽滿仲要好鮮甜！蜆隻size唔大 但同樣鮮味好出麵條使用小麥面 雖然係幼面但好掛湯成碗麵配搭勁豐富都唔使$100 性價比十足▫️ 雞白湯 配慢煮雞胸及豚叉燒 ($90)呢個湯同座銀有異曲同工之妙同樣係將雞白湯打成幼細泡沫 湯底入口順滑似飲緊忌廉湯 味道對比另一款清淡碗邊放上柚子蓉 配上麵食更加清新慢煮雞胸有煙燻味 肉質以雞胸嚟講幾滑兩碗麵同樣配上溏心蛋 啱啱好煮至半分熟💯Revisit? Yes👌🏻…查看更多

店舖位於觀塘工業區 幾鍾意整體環境✨餐廳空間感十足 位與位之間好寬敞仲設有桌球、飛鏢同戶外空間好啱一大班人gathering👌🏻DINNER SET | $308 per person〰️ 前菜 〰️▫️烤慢煮嫩雞胸凱撒沙律▫️烤鐵板吞拿魚沙律試哂兩款前菜 沙律菜新鮮爽口個人更鍾意吞拿魚沙律 吞拿魚外圍裹滿芝麻好香口〰️ 主菜 〰️▫️美國頂級肉眼 10oz (+$78)▫️香煎紅石斑柳配帶子主菜份量十足 肉眼扒調味好夠 唔洗再額外蘸汁 牛肉幾濃而紅石斑柳肉質嫩滑無腥味 但油感偏重兩份主菜都配有一份配菜 配搭更豐富〰️ 是日甜品 〰️▫️ TiramisuRevisit? Maybe …查看更多

沾麵麵底可以選擇熱食或冷食麵條係我偏愛嘅粗身麵 冷食口感好彈牙(｡･ω･｡)ﾉ魚介湯底鹹鮮味夠 質感唔算好稠杰較一般沾麵湯稀身少少 食完唔口渴額外加咗竹荀 以為只會有幾條加喺碗麵點知嚟咗成兜😹 竹荀自由不是夢！溏心蛋愛好者表示一定要加蛋食完兩隻好滿足o(≧v≦)o▫️ 特製低溫慢煮叉燒沾麵 | $125▫️薯仔沙律 | $28▫️涼拌菠菜 | $28▫️炸雞軟骨 | $48▫️額外配料: 溏心蛋 $15 竹荀 $10Revisit? Maybe …查看更多

平時食星馬菜多數都係喇沙同海南雞，有好多都未試過，今次特登試平時少見嘅菜式😋 記憶最深刻嘅係叄岜小炒皇，食材同一般小炒皇相差無幾，加入叄岜醬後更加濃味，味道偏甜辣，小魚乾令到海鮮味勁出，一定要配白飯！第一次食海鮮板面同媽密雞，前者口感似刀削面，配上肉丸同海鮮，味道好家常; 後者係甜口炸雞，灑上芝麻幾香口。三道菜加埋都係$400左右，兩個人食最後仲要打包，銅鑼灣地段而言cp值幾高🥢▫️ 叄岜小炒皇 | $148▫️ 海鮮板面 | $138▫️ 媽密雞 | $108…查看更多

之前一直唔知尖沙咀有呢間餐廳，位於瑞生酒店入面， 環境偏暗行暗黑風，仲有戶外位置，無論係收工過嚟happy hour定係食晚飯都幾有feel~ 和風醬油大蝦意粉幾有驚喜，甜甜地有啲似壽喜燒醬汁，蝦肉彈牙煎到好香🦐 吞拿魚他他好新鮮，唔會有腥味，同牛油果好夾，調味啱啱好🫶🏻▫️ Parma ham沙律 | $98▫️ 吞拿魚牛油果他他配羅勒油 | $108▫️ 和風醬油意大利煙肉扁意粉 | $168▫️ 香煎牛封門柳 | $178…查看更多

Revisit? Yes✔️冬天就係想食啲暖笠笠嘅嘢，已經數唔到自己一個月食咗幾多次米線，呢間食完就plan緊幾時再去~ 試咗招牌花膠雞同姬松茸竹笙花膠雞，兩款雖然都係雞湯，但前者較濃郁同厚身，後者較清甜，菇菌味比較明顯，兩款都好推薦！點餐時可以選擇跟爐上，但米線煮太耐會太腍，影張相就好熄咗佢😹 強烈建議加$10轉雞髀，肉質好滑仲要啖啖肉！小食揀咗雲耳豬肚絲，好惹味份量多，但唔食得辣就唔好叫▫️ 招牌花膠雞薯粉 | $68▫ 姬松茸竹笙花膠雞米線 | $78▫️ 雲耳豬肚絲 | $38…查看更多

I would say it offers an authentic Korean dining experience as the food here makes me feel like I’m in Korea🇰🇷The braised pork knuckle is a standout dish. The massive portion is tender and flavorful, as the meat has absorbed all the rich soy sauce marinade.The seafood stew is perfect for the winter, and my favorite part is the tofu, which has soaked up all the delicious flavors of the seafood broth. The stew is slightly spicy and brimming with a variety of fresh seafood like octopus and clams. Flavors are well-balanced, and the tofu adds an extra layer of richness and depth.…查看更多

Revisit: Maybe 聽過呢間泡芙店好耐，自從喺附近返工之後每次經過都會去睇吓，但次次都冇開😬 今次終於成功買到！食完覺得順路可以去買，但如果本身住得遠就唔使特登去👌🏻 每日只有兩個出爐時段 - 1315同1715，同埋淨係開平日，難怪好難買到▫️ 濃香豆漿麻糬泡芙 | $30泡芙皮偏實淨，即食但外皮都唔脆，個人唔鍾意太高身嘅泡芙，好難一啖食到晒全部餡，口感方面我就覺得一般; 豆漿忌廉內餡甜度偏低，豆味好濃郁，而成個泡芙嘅重點就係麻糬！大大嚿而且好煙韌，拉扯感十足，prefer裏面嘅cream 唔係室溫，而係雪凍咗，咁應該會更好食~…查看更多

人少少想食韓國嘢最好就係揀韓式定食，喺尖沙咀韓國街都試過唔少間韓國餐廳，覺得呢間性價比最高！人均都只係一百左右，有多款套餐可以選擇，再配送4款小菜，上次7點去食，食到一半就見到開始排隊，唔想等記得早啲去~▫️純海鮮豆腐湯 | $99配料份量唔少，海鮮主要有魷魚、蜆肉同青口，豆腐嫩滑，湯底雖然好紅但唔算好辣，仲幾重海鮮味~▫️人蔘雞湯 | $168一份大概有半隻雞，就算係雞胸部位都唔會乾爭爭，而且肉質好厚實，唔會係得骨，鍾意食清燉雞嘅一定會鍾意呢個🐥 人蔘味唔算好濃，湯底行清淡路線，飲晒都唔會口乾，雞隻裏面釀咗糯米，撈埋一齊食就好似雞粥…查看更多

Revisit? Yes✔️朋友生日想食打冷，指明係要食紅伶飯店，5個人嗌咗9嗰餸，最後竟然清哂😹 菜式選擇多，定價親民，不過要預咗坐得迫同嘈吵，但成班朋友食幾開心~ 重點推介煎蠔餅、韮菜豬紅同冰震芥辣墨魚片！蠔餅一份有兩大塊，幾乎每啖都有蠔仔，唔係得粉漿，炸衣仲好酥脆，仲要$100有找！豬紅嫩滑唔會腥，同埋勁多韮菜🫶🏻 墨魚片面頭淋上麻油，配上芥辣好開胃，口感爽脆。反而最出名嘅滷水就覺得一般，叫咗滷水什錦，但就無記憶點⭐️馳名煎蠔餅| $86⭐️韮菜豬紅| $80⭐️冰震芥辣墨魚片 | $109⭐️辣酒煮花螺 | $129西蘭花炒帶子 | $169 蜜椒薯仔牛仔粒 | $139滷水什錦 | $139椒鹽黄金豆腐| $89石窩馬拉盞通菜| $119…查看更多

第一次喺cafe食叉燒飯😂Revisit? High chance 西班牙黑毛豬叉燒飯 | $148呢碟叉燒飯可以話係叉燒飯界LV，價值$148，自然用料都有返咁上下啦，採用西班牙黑毛豬，油脂分布平均，肉味好濃，半肥瘦燶邊厚切叉無得輸！不過米飯偏硬，食完感覺有啲難消化🤰🏻 雖然對比一般叉燒飯貴好多，但諗到cafe意粉都係呢個價，咁我可能會揀返呢個…查看更多