Mei_C's Profile

MUM Veggie cafe 喺逸東酒店地庫food court內，foot court 地方大，人流亦好多，搵左一陣先有位，呢間係素食店，飯餸仲可以自由配搭，想食得健康清淡，呢度係幾好既選擇。餸：可以$100/3項餸 或者 $120/4項餸飯：五穀飯 或者 黃薑飯        （仲可以+15 轉烏冬）另外仲送麥茶&湯今次揀左3項餸：南瓜薯餅+本菇茶杯蒸+蘿蔔冬菇關冬煮🎃南瓜薯餅薯餅唔油膩，炸得亦好脆口，內裡啖啖南瓜蓉，外脆內軟，配上沙律醬，好好味。值得推介。🍄本菇茶杯蒸平時對蒸蛋有d抗拒，怕會水份多又蒸過老。但呢度既茶杯蒸味道剛剛好，入口好滑，味道亦適中唔太鹹，仲加上本菇，簡單得黎又好滑好味。🍄蘿蔔冬菇關冬煮又係有菇，太喜歡食菇。冬菇同蘿蔔味道甜，亦煮得軟腍，味道ok。五穀飯食落軟熟又健康, 份量剛剛好, 下次要試下黃薑飯…Read More

去開荃灣行街，行到攰周圍搵野食，喺荃灣廣場附近好多有車房，當中見到一間全白既小店 .cafe店內唔算大，店旁有bar位，全白睇落好簡潔舒服。店員亦好nice好細心。叫左3個lunch set. 🐟深海龍脷柳配南瓜米形粉 $88龍脷柳肉質鬆脆，米形粉比較少喺cafe食到，南瓜味道唔算太出，混喺米形粉，軟軟腍腍口感幾特別。🦑蒜香墨魚汁海鮮意粉 $93意粉份量好足，相比落去海鮮配料感覺反而少左d，墨汁好足夠，食到咀黑掹掹。🦀牛油果醬軟殼蟹漢堡+薯條 $93不得不讚呢個漢堡包，漢堡包好鬆軟，全隻軟殼蟹，好脆口但唔油膩，再配上牛油果醬，芝士及生菜，口感好滿足。薯條應該無落鹽，食落無咩減味，反而更鍾意，而且炸得唔乾，好好。…Read More

每次經過九龍灣  都好多人排隊，今次lunch等左40分鐘，店內簡潔好寬敞，好舒服。黃金蟹肉意大利粉 $72大大隻蟹蓋做裝飾，好搶眼，份量唔算多，但都足料多蟹肉蟹膏同菇，味道鹹左少少，整體上都ok千島醬蟹棒蟹子帆立貝pizza $72芝士好厚，啖啖拉絲芝士，批底鬆脆，估唔到會多蟹少反而蟹棒少左d，加上有帆立貝，味道幾好。炸龍脷魚柳著條+辣蕃茄醬 $138龍脷魚肉質好厚，但食落唔鬆散，而且唔油膩。套餐加$25有自家製蛋糕，好靚，賣相一流，內層有mousse，唔太甜。套餐配送檸檬蜂蜜好甜，要加半杯水溝淡d味道。…Read More

 因為租約期滿做到30號就要講再見，作為街坊，當然要再支持下。舖頭內2個店員都好nice，希望將來如果再開店既話可以繼續幫襯啦。 🐷芝士豬柳漢堡蛋手抓餅 $37🐷芝士肉鬆火腿手抓餅 $30即叫即整既手抓餅，食落口時仲熱，手抓餅偏厚實，自選配料加上溶溶地既芝士同沙律醬，好足料，係手抓餅硬左少少。💛魚蛋燒賣雙拼 $12燒賣雖然普通，但都彈牙，魚蛋食落口有d辣，咖喱汁好味。💛腸粉 $4勁多醬汁腸粉，唔會乾噌噌。…Read More

 呢間小店食過幾次，最近先發現有套餐，出名軟殼蟹吐司，大大隻軟殼蟹好吸引。店內位置唔多，而且咁啱落雨，收起左店外既枱，所以選擇左拎走。脆炸軟殼蟹滑蛋吐司 + 茉莉綠茶 $60軟殼蟹好脆，食落唔覺太油，滑蛋好厚好滑有淡淡既牛奶味，厚吐司有用牛油烘過，再加上生菜，沙律醬，整個吐司都好足料。香煎雞扒法包 +茉莉綠茶 $52相比軟殼蟹吐司，比較喜歡呢款法包，每次去都必揀，但會走左芫茜同辣椒，淨返酸酸地既蘿蔔連同雞扒，好鍾意呢個味道。煙肉粒芝士脆脆薯格  套餐+配$25呢款係既熱氣又會必嗌既小食，薯格炸得有d乾偏硬左d，如果加多少少芝士醬會更好。炸蝦餅  套餐+配$25蝦餅厚身細細塊，味道一般。…Read More

聽講Gontran Cherrier 既牛角好食，連朋友話佢唔食包既都鍾意食，去到K11 musea，當然要試下呢款牛角包有幾好食啦。 去到見到店內已經好多人，有d款麵包好快清空，轉眼又見到店員補返，睇黎真無好受歡迎。實在有太多選擇，最後揀左2款牛角包。🥐Raspberry Cloud Croissant $28賣相完全被佢吸引住，紅莓cream味道唔酸，甜度剛好，連同牛角包一齊食，味道適中，唔漏。牛角包鬆脆軟熟，牛油味感唔重，好味！🥐Ham & Cheese Croissant $42好奇到底呢款牛角包點解會賣到$42，所以買左一個試下，牛角包好足料，內夾著火腿同芝士，亦有脆脆既芝士係牛角包面，食落後發現除左火腿芝士外仲有啖啖沙律醬味，整體黎講味道唔錯，但$42就有少少貴。…Read More

 喺K11 musea foodplayground，一入去就見到， 太耐無食韓國菜，於是揀左拌飯試下泡菜辣豬肉拌飯 拌飯賣相很好，泡菜豬肉配菜好足料，份量好夠，雞蛋蛋汁再加上泡菜豬肉有少許微辣（個人覺得可以再辣啲），撈勻食口感唔錯。…Read More

第一次去K11 musea 行下睇下食下野，當然都買杯果汁，起初望落，以為係買啤酒，再望到menu，原來係有咖啡果汁。青蘋果奇異果綠茶 $45青蘋果味好重，飲落去就啖啖奇異果蓉，青蘋果味道完全cover綠茶，唔算太甜，一般青蘋果汁。…Read More

宜家疫情無得去旅行 ，又想食台灣夜市小食，諗起台灣鹽水雞，去葵涌廣場必食選擇之一。位置喺葵涌廣場地下個層，無座位，有唔少人喺度等拎走，櫃枱一張一張落單紙排隊等整，所以都需要等15-20分鐘。B還半隻雞+任選3配菜+洋蔥 $77配菜有廿幾款選擇，最後揀左杏鮑菇，鳳梨，白蘿蔔，份量唔少，雞肉肉質嫩滑，唔算太油，杏鮑菇切片，口感爭左d，鳳梨同白蘿蔔唔淋，甜同爽口，半隻雞2人食好飽。…Read More

油麻地新開左一間cafe ，因為個名 Not Just coffee.好奇去試下。Cafe位置喺中華書局隔離，外觀簡約，店內唔算太大，但樓底好高，唔會有種壓迫感。🦀味增蟹醬蟹籽蟹肉扁意粉 $128味增蟹醬味道唔鹹，意粉煮得啱啱好，蟹肉菇連意粉撈均食，唔會因蟹肉而感覺會過淋，整體味道剛好。🦐乾炒大蝦蒜香意炒 $108呢款意款睇上黎好清淡，但食落蒜頭味好香，蝦大隻彈牙，都算唔錯既選擇。🍟黑松露忌廉芝士薯條 $58粗薯條係我最愛，但黑松露忌廉芝士味道有d淡。☕️Dirty coffee $40🍹柚子蜜梳打 $38…Read More

九龍灣有唔少餐廳，當中有一間較為特別既cafe 。Cafe位置喺人來人往既工廠區，對出係大馬路，舖頭唔算大，座位亦唔多，但入到去就有一種寧靜既感覺，好舒服。🥯 Chicken bagel $72 (包$35飲品）因為少食wasabi,所以揀左honey mustard ，Bagel 好足料，有好多菜，雞肉份量亦唔少，肉質有d凍但嫩滑，而且bagel 食落好煙韌，整體口感好滿足。☕️ Ice coffee mocha朱古力同咖啡味道適中，但略嫌細杯左d。…Read More

去葵芳搵食，當然要食呦呦鹿鳴布丁燒，呢間店好出名，一直都想試下。位置唔難搵，有個色彩繽紛好有特色既外牆，加上見到隻鹿，好易認得到。有7-8款味道選擇，但可惜朱古力買哂，最後揀左咖啡味，椰青味同earl grey味。布甸第一層係焦糖，第二層係布甸，第三層係輕芝士蛋糕，芝士蛋糕面印有圖案。如果需要自取帶走，仲可以加錢買冰袋，好方便。☕️回魂布丁燒（咖啡味）$38咖啡味好濃，加上面層有焦糖，苦甜適中，布甸夠滑加上底層輕芝士蛋糕，整體味道唔錯。🥥椰爺布丁燒 （椰青味）$38椰子味唔算太濃，味道清甜，仔細就會發現布甸中有一粒粒既椰子肉。🍵Earl grey味 $38布甸茶味好出，好清香，但加上芝士蛋糕及焦糖，味道感覺幾特別，幾好。仲有其他口味想食，朱古力味、綠味、豆腐味、雲尼拿味，下次一定要再試…Read More

旺角有好多好味既小店，今日揀左黑布小巷。舖頭唔算大，但位置唔難搵， 就係黑布街街頭。因為即叫即做製，所以需要等10至15分鐘。- - - - - - - - - - - - - - - - - - - - 台式肉蛋吐司 $46因為外賣自取，食既時候已經唔太熱，但烘過既吐司依然脆，豬扒唔太厚肉質鬆軟加上流心蛋漿，如果趁熱食會更好，吐司可以encore再食。地瓜球 地瓜球比想像中大粒，淋左D，口感一般。淮鹽花技丸 淮鹽味道唔重，唔太鹹，味道幾好。…Read More

周末跟朋友去中環行下街去下大館, 行上蘭桂芳見到Sodam炸雞店, 剛好Lunch時間,又想食炸雞. 於是就試下呢間~因為去到剛剛開舖,所以唔算多人, 地方亦唔太迫,感覺舒服.我地柯打左一份2人炸雞套餐: 甜酸炸雞+檸檬柚子炸雞 /芝士薯條 / 螺肉伴冷麵螺肉伴冷麵 > 螺肉有少少辣, 伴冷麵一齊食, 味道唔錯.芝士薯氣 > 薯條熱辣辣薯條很香脆, 而且灑滿芝士粉, 芝士味很濃, 食唔停口甜酸炸雞+檸檬柚子炸雞  > 無骨炸雞啖啖肉好有口感,  食落亦唔乾唔太油膩, 加上甜酸及柚子好juicy好好味, 要讚一下檸檬柚子炸雞, 比想像中好, 淋上的柚子醬很剛好份量, 唔會太少.餐飲 > 柚子梳打 , 甜味剛剛好~ …Read More