店內位置唔多，而且咁啱落雨，收起左店外既枱，所以選擇左拎走。
脆炸軟殼蟹滑蛋吐司 + 茉莉綠茶 $60
軟殼蟹好脆，食落唔覺太油，滑蛋好厚好滑有淡淡既牛奶味，厚吐司有用牛油烘過，再加上生菜，沙律醬，整個吐司都好足料。
香煎雞扒法包 +茉莉綠茶 $52
相比軟殼蟹吐司，比較喜歡呢款法包，每次去都必揀，但會走左芫茜同辣椒，淨返酸酸地既蘿蔔連同雞扒，好鍾意呢個味道。
煙肉粒芝士脆脆薯格 套餐+配$25
呢款係既熱氣又會必嗌既小食，薯格炸得有d乾偏硬左d，如果加多少少芝士醬會更好。
炸蝦餅 套餐+配$25
蝦餅厚身細細塊，味道一般。
