lau.kathy's Profile

早前來過法國餐廳La Parole，得知旗下也有間日本餐廳，同樣也是社企形式營運，來幫助有言語障礙的小朋友，所以今日特地再來上環。一坐下經理就禮貌地介紹是日精選，是餐牌內沒有的菜式，不過最終都不想想太多，點了$468 Dinner set，包括前菜、刺身、湯、烏冬、天婦羅等等，非常豐富。前菜首先是一set五款的前菜，經理亦逐一介紹每款前菜，有冰頭漬、山葵八爪魚、魚肉凍、鮮魚他他及蝦釀冬菇。左邊的冰頭漬，問到經理是什麼來，原來是三文魚頭鼻位嘅一塊半透明狀軟骨，口感好特別。至於山葵八爪魚好新鮮，超爽口。五款前菜之中，我最喜愛的是魚肉凍，質感有點似jelly，原以為味道會好腥，但咀嚼落凍凍地好鮮美，食完還想再吃!鮮魚他他也不錯，好鮮味。另還有肥厚的蝦釀冬菇，內夾著手打蝦膠，吃過後還留有香香鮮蝦味。最期待的深海池魚刺身終於來了!!! 感覺到師傅好有心思，每片都切到好薄身，透出粉粉地白色，非常新鮮，非常甘香!具東瀛味的海鮮茶壺湯，味道有點像海鮮味的麵鼓湯，好好味!海蝦雜菜天婦羅，炸漿好薄身，明顯見到入面的海蝦，入口鬆脆亦啖啖肉。我最怕的是咬落滿咀油的茄子天婦羅，不過這裡的茄子炸得不錯，不覺油膩，而且非常脆。安格斯牛肉稻庭烏冬，一放上枱就能聞到好香好香的牛肉味，烏冬滑一滑及彈牙，牛肉每塊都好肥美， 而湯底好入味，值得推介。最後甜品是十勝紅豆焦糖燉蛋，燉蛋好滑，與十勝紅豆好夾，甜甜地作完美總結。餐廳食物水準的確不錯，而最欣賞是服務態度，各侍應一叫即來，而且面帶笑容，服務頂級好，今晚真是好滿足!…Read More

跟朋友二人到山頭火晚餐，雖然人不算多，但被帶到牆角的二人位。由於朋友帶了一大個背包，但幾乎沒有空間放，而放到卡位那裡又很逼，坐得不太舒服。打開Menu，望見定食好像很吸引，便點了刺身定食，包括一碗迷你拉麵及一碟刺身。其中拉麵就選了鹽味湯底。迷你拉麵內有2塊豚肉，麵身比較硬身，湯底幾惹味，惟有點鹹。前菜是熟雞蛋，但味道好鹹，麻麻地。刺身有三文魚、八爪魚、熟蝦、帶子。最欣賞是帶子刺身，雖然得一塊，但好大舊，啖啖肉，好新鮮。三文魚亦尚算OK，不夠肥美，而八爪魚好爽口，蝦就麻麻地，質感比較又鞋。味道不算太突出，但又不太差，個人認為不算太抵食，如果下次再來，會選其他食物。…Read More

中午與同事在女人街覓食，經過撈面店，望望門外水牌和相片，亦吸引，就進去。大部份撈面4X元配飲品，配搭種類多。一坐下餐牌也未望清，店員就行來問吃什麼了，再想一想後就點了芝心丸拼雞肉串撈麵+蜂蜜綠茶。賣相其實不太美，不過食落味道OK，但嫌不夠熱。雞肉串好美味，充滿醬汁。芝心丸亦好吃，但太凍了。公仔麵都算彈牙，但撈面醬汁比較鹹。另蜂蜜綠茶，蜜糖味好重，好似蜜糖水，好好味。整體而言，食物尚算OK，我倆食完後，坐了一會兒，因就近LUNCH開始多人，雖店員行來問我們可否讓坐位給下一輪客，但店員好有禮貌態，不停說不好意思呢，服務算OK。…Read More

半年也沒有來吃美道佳的串燒了! 回想起真是非常好吃，但燒得太耐及見過不少小強出沒，非常恐怖，就決定不再光顧。不過今次路經這裡，衛生情況明顯改善了好多，比較清潔，亦不見小強蹤影，所以便再一嚐。其實今次不用等位，但等了近45分鐘食物才到，先來必點的燒雞翼，雞翼一叫3串有特價，1串2隻雞翼。燒得不太燶，剛剛好，上面配辣味粉，好好味!燒韭菜也是每次必點，雖然韭菜掃上一層油，外身比較油，但燶燶地，好好味，加上帶有辣味粉，好惹味!燒燒賣燒到外皮好脆，不過就比較燶，帶有陣燶味的皮。牛舌就不錯，雖然有少少韌，咀嚼時內層不會太乾，還有牛汁，正。原以為司華力腸是一大條過燒，但來到時是一片片，有少少失望。不過腸仔脆卜卜，帶有點辣味及小許蜜糖味，味道亦佳。雖然等食物到的時間太耐，有點心急，但為了好吃的食物，等又何妨呢? 不過衛生問題真的要再加以改善。  …Read More

聽說La Parole將收入扣除開支後，全數營運庭恩兒童中心，以善心幫助語言障礙低收入家庭的小朋友，而今天與朋友中午特意前來支持一下! 入到去個環境不錯，雖然沒有一般法式餐廳的豪華裝修，但我十分喜歡這種平實的感覺。Lunch Menu共3個Courses，包括前菜、主菜和甜品，而店員先講解每道菜式的賣點，再給我們選擇。3 Courses前先上了龍眼包及法式麵包，其中最欣賞是龍眼包，麵包外脆內軟，帶有豐富的合桃及龍眼肉乾果味，非常特別。前菜選了Premium Spanish Ham With Figs And Green Salad。24個月風乾的西班牙火腿，煙韌得來亦不會太乾，無花果非常香甜，剛好中和鹹鹹地的火腿。Lunch的收費是用主菜來介定，視乎選的菜式作收費，除了牛扒外，一般$200以下，價錢算抵食。普遍法國餐以精緻為主，細細碟，由於不知份量幾大，驚不吃飽的我，就選了Seafood Risotto。原來主菜亦比想像中不算太細份，海鮮亦足料，蜆、帶子、蝦等，而意大利飯軟身，同時吸收海鮮的味道，味道濃郁!最後選了Heart Of Fresh Fruit With Strawberry Sorbet作甜品，心心形餅乾底下是士多啤梨雪芭，比較酸，不過配合旁邊的水果粒粒，甜甜酸酸亦不錯。整體環境、服務、食物也不錯，而原來餐廳為求客人新鮮感，每個星期也轉Menu，有空一定再來!…Read More

到紅磡找朋友，一同中午來到三河屋午餐。店鋪設計彷似舊的日式居酒屋，白色牆身，門以趟門設計，日式風味濃，坐位空間亦尚算寬敞。望望餐牌，點了最愛的蟹子沙律及豚肉蕎麥麵。來個前菜的蟹子沙律，雖然蟹子不夠多，但沙律醬好足，混合青瓜、蟹柳，好新鮮，好爽口，味道一流，是午餐的好開始!不過當來到豚肉蕎麥麵，就有少少失望。豚肉好硬，好難咬開，硬到已經感覺到一落胃就好難消化。蕎麥麵完全無味，只靠湯底吊味，但湯底又太鹹。真的有少少失望，但蟹子沙律不錯，且店員服務不錯，如果有下次，或會為沙律再來吧!…Read More

到將軍澳找朋友，剛好三點三係時候下午茶，經過2期商場中庭位置附近，見到Leonidas Cafe就入去食少少野。呢次係第1次來，行到櫥窗見到好多款Cake都好好味咁~來到朱古力店開的Cafe，當然要選朱古力蛋糕啦! 不過有多款朱古力蛋糕呢><~ 在猶豫之際，服務員提議:「如果鍾意朱古力蛋糕，不如試試剛新推出的咖啡朱古力或松露朱古力蛋糕!」最後見咖啡朱古力只賣剩一件，應該唔錯掛? 所以叫咗件試試而朋友則選咗她至愛的芝士蛋糕。咖啡朱古力蛋糕味道不錯，蛋糕質感好鬆軟，濃郁的朱古力帶有苦苦地的咖啡味，服務員果然無介紹錯~先借朋友的紐約芝士蛋糕拍個照，再試幾口^^~ 芝士雖然挺身，但質感軟軟滑滑，還帶有香滑的奶味，不會太膩，而我最欣賞係底層的脆脆餅底，令成個蛋糕更完美。食完蛋糕後，朋友提議叫件比利時窩夫Share食，所以再行到櫥窗位置買窩夫。窩夫係套餐來，配飲品$52，價錢算合理，有兩款味，今次係雲呢拿同芒果，而我們叫咗芒果味雪糕的窩夫+凍檸茶。比利時窩夫賣相好好，配香蕉、士多啤梨再加一球芒果雪糕。剛整好窩夫熱熱地，好脆口，咬落蛋味好香，生果份量都算多，有好多片香蕉，好足料!服務員好親切，面帶笑容，食物、環境都不錯，最重要係卡位闊落，坐得好舒服又乾淨，而食完野後，閒談咗成近2個鐘，但服務員都無趕我地走，呢到下午茶真係不失為一個好選擇^^…Read More

德發牛丸係我以前成日都會幾嘅食店, 不過有成幾年冇黎到, 唔知水準有冇差到呢?今日同朋友黎到, 我地兩個人都唔係好肚餓, 所以就只係叫左一碗麵同多士去share黎食. 招牌牛丸麵好快就送到, 今次叫嘅係雙拼, 牛腩同牛丸. 呢度雙拼幾特別, 因為係同單拼賣一樣價錢嘅, 客人就唔會覺得雙拼太貴而止步了. 牛丸係呢度嘅名物, 出名夠彈牙, 爽口. 冇食咁耐, 口感方面都keep到準, 但係牛味就比起以前少左啲. 至於牛腩都唔錯, 炆左好耐, 肉質鬆化, 但就稍嫌過肥了一點.另外仲叫左杯紅豆冰, 有成三分二杯紅豆, 十分足料! 紅豆煮得香甜軟腍, 配上碎冰同吃真係夠晒消暑!鮮油奶多亦都係德發必試嘅食物. 鮮油奶多其實就只係喺多士中間夾著冰凍嘅牛油同香濃嘅煉奶. 但就正正係呢幾樣咁簡單嘅材料配搭起黎就足以令人食完後有幸福的感覺. 唔怕肥嘅我仲加左少少砂糖上去, 砂糖嘅甜味同沙沙嘅口感簡直係令幸福感覺倍加!!!至於西多士就唔係太討好喇, 炸得唔夠脆, 食落去腍滋滋, 好油, 唔推薦.…Read More

近年來DOMON札幌拉麵嘅分店真係越開越多，而家全港已經有１０間分店！都好耐冇食拉麵，拉麵癮又起喇，就去左最新嘅奧海城分店試試先！一行三人晏畫黎到DOMON，梗係每人叫個lunch special啦. 我地一共叫左兩碗拉麵一碗飯. 我揀嘅係做緊promotion嘅極上豚肉拉麵. 湯底濃郁杰身. 麵豉味好香, 亦都有豬骨味但就俾麵豉味蓋過左啲啲喇.麵身係中等闊度, 彈牙, 有蛋香, 亦唔會好快就變腍, 值得一讚. 豚肉方面我就覺得有啲普通喇, 仲有少少豬嘅騷味. 至於溏心蛋呢, 又做得唔錯喎! 蛋黃個色水好靚, 而且鹵得夠耐, 好夠味.至於朋友點嘅辣麵就冇咁好食喇, 辣味同咸味完全遮蓋左豬骨湯底嘅香味. 不過我都幾鍾意佢啲紫菜份量夠晒多, 啖啖拉麵都可以同紫菜同吃, 夠晒惹味!豚肉丼賣相同吉野家牛肉飯差唔多, 豚肉都係用上同極上豚肉拉麵嘅同一款豚肉, 所以都係有騷味…..不過好彩個飯都落得夠汁, 唔會乾身, 都唔錯.跟餐加左三份餃子, 每人兩隻. 餃子應該係交黎嘅貨, 不過就算係交黎都算喇, 仲要唔好食先係致命傷! 入面啲肉好”梅”, 仲有少少雪味….希望呢間domon嘅食物質素會有所改善啦, 如果唔係就會步札幌拉麵屋嘅後塵…. …Read More

今日晏晝喺海港城搵左好耐都搵唔到有餐廳有位, 心灰意冷之下行到去牛涮鍋, 平時排晒隊嘅佢竟然可以即刻walk in!! 等都唔駛等, 真係好好彩!!因為一個鐘時限實在太趕, 所以我地人都未坐定就去左攞野食lu~~~ D料好新鮮,尤其是係D菜, 生菜同油墨菜都好爽脆! 睇唔睇到果D黑色一粒粒嘅丸?  果D係墨汁墨魚丸! 唔好見佢去其貌不揚, 其實都幾好食嫁, 仲有一粒粒墨魚粒TIM! 因為唔想咁肥, 所以主要都係攞菇同菜食左先, 佢地真係好新鮮, 我地只係嗌左清湯湯底, 但食落去都好鮮甜叫左最平果隻牛同豬, 估唔到佢唔係好瘦, D油花分佈得仲要唔錯TIM!! 飲品同雪糕都係任飲任食!!!! 不過個雪糕機有少少難控制, 所以我都係用杯裝算, 同事就唧左落個筒度, 佢話個筒都幾脆 個雪糕係牛奶味, 食落有少少似富豪雪糕, 不過實少少, 但都已經好香好滑!…Read More

晏畫一點幾黎到味佳居，食飯時間真係好多人，等左差唔多半個鐘先有位．店外貼滿報紙雜誌的介紹，仲有好大張好搶眼嘅“蔡瀾推介”嘅報導，話味佳居嘅牛肉河食全港最好食！咁誇張？！真係要試過先知！雖然等位等左好耐，不過好彩啲野食黎得好快，嗌完５分鐘後就有得食．牛河賣相尚算對辦，如果牛肉再生少少就更好了．先飲一啖湯，湯頭清香，有牛味，唔會太淡，唔錯唔錯！本來以為牛肉會韌，但原來唔係！食落十分軟滑，一啲都唔嚡！好味！河粉方面就冇咩特別喇，唔係太滑，而且份量有啲少．跟餐加１４蚊就有春卷小食．加１４蚊聽落好似好貴咁，不過條春卷做得好好食，夠脆身，筍絲木耳絲等餡料切得夠幼，令到春卷保持乾爽．再用生菜包住黎食去減低油膩感，一流呀！野飲要左珍多冰，味道就普普通通啦，不過就用左紅西米，食落其實同普通西米冇咩分別，不過睇落係靚啲嘅！…Read More

今晚一行三人黎到九龍城, 醒起呢度有間潮州野都開左幾耐下, 而且啲野食唔錯, 所以就去左試下. 喺門口就見到有個好似幾抵食嘅”二人套餐”, 話就話二人套餐, 但其實有成六個餸!!! 所以我地兩男一女就入左去食打冷了~潮州鹹雞肉質實淨, 但唔嚡口, 有好香雞味, 呢啲就係新鮮雞優勝之處喇! 鵝片份量就比較少, 每人食得果3-4塊, 但味道幾好, 唔好睇佢咁嘅樣, 其實係入晒味的, 而且夠肥夠滑, 如果個size大番少少就perfect喇! 至於豆腐就冇咩特別.方魚蠔仔泡飯亦都唔錯, 個湯夠晒魚香味, 應該係落足料去煲. 大大粒嘅蠔仔加埋口感煙韌, 帶少少鹹香嘅大地魚乾, 令我地幾個都食唔停口! 不過之後黎嘅鹹菜胡椒豬肚湯就唔好係幾好飲喇, 煲得太耐, 所有料都淋晒, 冇咩味.:(但估佢唔到嘅係成餐最好食嘅竟然係椒鹽九肚魚!!! 夠厚肉, 炸得香脆, 食落去外脆內嫩, 一流!  不過我最鍾意就係墊底嘅紫蘇葉, 因為而家已經唔係度度都有得食! …Read More

Wired Café 之前有為期一個月的Wired to Okinawa活動，近排好多朋友都去沖繩，我都唔執輸去左wired一試佢地嘅okinawa special menu！～　仲要一叫就叫晒佢幾款熱食！素食沖繩ｔａｃｏ　ｒｉｃｅ，之前食過牛肉ｔａｃｏ　ｒｉｃｅ，估唔到素食嘅版本仲好食！佢用左豆乾粒去代替牛肉，煙煙韌韌，口感一流呀．加埋溫泉蛋一齊食就當然更加好味！！明太子意大利麵配海葡萄．本來都對呢個意粉有幾大期望，可惜一上枱就見到佢水汪汪咁．．加埋隻溫泉蛋就更加水．．不過其實明太子都落得好夠，幾香．意粉亦都煮得岩岩好，如果個汁杰ｄ就ｐｅｒｆｅｃｔ喇！海葡萄就第一次食，食落有ｄ似蟹子，不過都有ｄ腥．．．　:(沖繩蕃薯黑糖ｐａｎｃａｋｅ甜品就要左紫薯ｐａｎｃａｋｅ，ｗｉｒｅｄ　ｃａｆｅ嘅ｐａｎｃａｋｅ一向都係用鐵枝上，又夠熱又夠吸引！食落件ｐａｎｃａｋｅ唔會太甜，加埋紫薯獨特嘅香甜味，食完好滿足！…Read More

趕住同老細開會，快快趣趣去椰林閣食個午飯，我叫左焗龍利柳飯，d飯勁多，汁好少，龍利柳都好少，好似淨係食白飯咁….. 同事既海鮮炒烏冬，海鮮少都預左架啦，個烏冬仲要勁油同冇咩味…. 咖喱飯最正常，不過味道非常一般…. 不嬲都對椰林閣冇咩要求，不過咁既食物質素真係唔係好掂囉….…Read More

經過柏廷坊見7樓新開左間食日本菜嘅餐廳就俾佢吸引左上去一入到去環境都幾優雅, 坐落幾舒服我叫左個燒銀雪魚定食, 一黎到見個賣相好得個蛋真係好滑, 食到最底有粒白果, 果然係正宗日本菜而主角銀雪魚食落有麵豉味, 好香好特別細問之下先知原來銀雪魚係用麵豉醃過先再燒第一次咁食, 個味道好難忘, 唔錯唔錯!! 友人叫左個雜錦刺身定食好多款刺身, 個樣好靚, 而味道友人就話幾好, 唔怪得佢咁快就KO左成個餐! 總括而言, 呢度幾有正宗日式風味, 一定會再黎!!…Read More