christy703's Profile

每隔兩三個月，我都去"金子半之助"食佢地既天丼🍤🍚，餐廳所製作既天婦羅係即叫即炸，粉漿薄身，入口又脆，果真係日本人氣天丼專門店👍🏻雖然係開放式廚房，但入到鋪裏面完全不覺油煙味🤗💥穴子&日本牡蠣天丼✨原條穴子跟筷子一樣長炸到色澤金黃，外脆內軟。超厚魚肉，肥美軟滑，比起鰻魚肉身更結實，魚既鮮味亦較明顯，非常適合炮製天婦羅✨牡蠣口感紮實而彈牙，炸後蠔味更加濃厚，嫩滑鮮甜，一粒炸蠔真係不太夠喉，最後要追加多粒!!✨再配埋特大赤海蝦、小柱魷魚、海苔及莢豌豆的天婦羅，各款外層都酥脆蓬鬆，而且保持鮮嫩多汁，令人回味! 還有白飯吸收了天婦羅的精華，加上古早秘傳醬汁，完美融合，真係令人陶醉💥穴子迷你丼&北海道稻庭烏冬(冷)✨迷你穴子丼份量唔算多，但卻充滿咗驚喜！首先丼碗好精緻，取源於江戶時代陶瓷工藝，碗底製造成空心設計，咁可以令碗中食物保持溫度，果真細心✨穴子鋪滿燒汁，非常入味，燒過後肉質柔軟，與日本白飯一齊食，是只完美既補充💥北海道產稻庭烏冬（冷）✨烏冬拉得細緻順滑，口感煙韌，配清淡嘅醬汁，加上蔥絲及芥辣，帶來一點清新感🌟唔止炸蠔追加，連溫泉蛋都要! 食到白飯一半，就將追加既流心蛋吉破連同天婦羅醬汁一齊撈埋碗日本白飯一齊食，真係一啖一啖食晒成飯，真心惹味!!!🔥套餐加$13有果汁放題，有芒果綠茶、巨鋒烏龍茶及菠蘿雜果汁，三款不錯選擇，因為不太甜，飯後飲可消滯!每次黎都好似第一次咁有驚喜，Keep到水準!…Read More

位於銅鑼灣這個鬧市中，有間由戶外至室內都以露營⛺️主題餐廳，枱櫈、餐具都係露營所用既用品，仲有不同風格既打卡位，簡直置身於露營中⛱️戶外區都很有露營帶來的自然氣息🌸實際這間是日式居酒屋，由日本師傅主理，主打燒肉、壽司及丼飯套餐，仲會推廣優惠比顧客，而家就做緊日本清酒放題，啱晒鐘意飲清酒既朋友；呢度Weekend仲會有live music表演，環境加上氣氛，成班朋友可以Chill一晚！💐💥前菜：上盤精緻既漬物，擺盤好靚，包括金箔漬蓮藕、牛蒡絲、日式醃蘿蔔絲、雞肉明太子、中華海蜇、醃青瓜蕃茄，每款細細碟，好開胃🤩💥七彩海鮮丼 旬の和膳 (刺身及丼)✨刺身肥美大件，價錢唔算貴，勝在新鮮，每一口都鮮味十足✨刺身丼丼裡面有吞拿魚、三文魚、蟹棒、八爪魚同蟹籽，每一樣都新鮮得不得了，魚生切得厚薄適中，口感滑嫩，特別係蟹籽，咬落去卜卜聲，好清脆又好咬口，正👍🏻💥露營炙選・極上肉匯（$398）✨A4宮崎和牛薄燒豐富大理石油花、輕輕一燒，即刻聞度濃郁牛肉香氣，牛味香濃又嫩口，愛吃和牛既人士必定一試✨安格斯西冷牛扒油脂分布均勻，肉質厚實，軟嫩中帶有嚼勁✨北海道黑豚梅花肉梅花狀油脂，肥瘦均勻，肉質彈牙，肉味濃而甘香，肉嫩多汁✨北海道黑豚腩肉五花腩油脂分布平均，肉質嫩滑，而肉味亦相對地濃郁。記住唔好燒太燶，咁就可以好好品嘗嚟自日本嘅豬五花腩啦✨赤雞髀肉塩味雞肉鮮嫩，鹽味適中，增添了整體的風味層感，搭配帶有淡淡蘋果醬汁，令雞肉更加惹味除左燒肉，個Set仲有日本冬姑、蕃薯及菠蘿，燒完肉再燒蔬菜生果，一大滿足✨自家製藍苺布甸奶味香濃又不會太甜，加上藍苺酸甜味道，飯後甜品既最佳選擇🌟整體無論環境，食物，都感受到露營既氣氛，估唔到露營主題同日式居酒屋都可以連結埋一齊🤗…Read More

天后有間食滬菜既小店，可謂隱世寶藏之一! 店子不大，裝潢樸實，憑著地道風味及親民價位，能牢牢牽住街坊和識食之人既胃💥小籠包外皮很薄，輕輕咬一小口，大量湯汁湧出，湯汁顏色偏淺，油分不算太多；肉餡好鮮甜，食落味道清鮮，加上黑醋，味道濃鬱，更加相得益彰✨而家叫一客小炒，加$20就有1籠4件既小籠包，抵食🤗💥酸辣湯(小)以肉絲、雲耳、豆腐乾、冬菇等豐富嘅材料熬製而成，酸辣程度剛好；湯底不算太稀，令人齒頰留香的美味；如果與麵條進食，就更加惹味!😍💥雞絲拌粉皮雞絲鮮嫩甜美、粉皮滑順，加上青瓜絲爽脆，再用香濃的芝麻醬拌起，絕對係開胃小菜亦都適合夏季進食既一道涼拌菜💥雙併水餃(牛及羊)⚡️牛餃牛味濃郁，咬落去很多汁，聽老板講，佢地係用牛脂作調味，令牛質嫩滑香甜，果然不錯⚡️羊餃肉味較濃，但不會有過重的羶味，配合茴香，但呢種味係口中慢慢散出黎既味道，食完好暖胃✨山東水餃又大粒又扎實，而且皮薄餡料足，口味上兩款都好吃💥糖醋魚塊魚柳經過油炸後，外焦裡嫩，色澤金黃，肉質鮮美，且無腥味，再淋上酸甜的糖醋醬汁，甜酸適中，開胃美味，餸飯一流，食慾大增💥紅糖糍粑手工紅糖糍粑外脆內軟，入口有黃豆粉既香氣，帶有濃郁既紅糖味味道令人回味無窮，而且甜而不腻，十分滋味💥山渣茶及芝麻糊⚡️前者：酸甜可口，帶有獨特果酸味，消滯解膩效果一流，飲完一口接一口⚡️後者：入口油滑，芝麻香濃，絕不加生粉及防腐劑，飯後最佳甜品兩款都係自家制產品，每日賣完就無，記得要試😉🌟整體而言，食物水準相當高，絕對是「抵食夾大件」既出色代表，味道又夠地道，性價比之高，不妨前來一試，令人驚喜🤗…Read More

搵到間不錯既印度餐廳，就係尖沙咀寶勒巷(馬會對面)，相當易搵!一進入餐廳，就聞到淡淡既香料味道，增加了食慾感；店內環境寬敞舒適，牆裝修簡約帶華麗；更有戶外地方，座位充足，適合多人聚會👫👬👭主打北印度菜，適合不吃辣的朋友，提拱不同款式的印度菜餚、香料咖喱、烤餅及印度小食，價錢經濟，真的很值得一試！💥天多里爐烤肉拼盤 - 烤雞、鯖魚及羊肉以乳酪及香料醃製，再放入烤爐焗，即叫叫燒🔥✨烤雞 - 未食之前，我覺得肉質應該很紮實鞋口，食後完全諗錯晒!雞肉十分嫩滑，而且Juicy，完全無雪味而且味道濃郁，很贊✨鯖魚 - 炭烤香氣濃烈，魚皮表面烤得乾脆，魚肉質嫩滑，厚身啖啖肉，以香料醃製，加入薄荷醬有另一種風味羊肉腸 - 帶點點羶味，香料味幾重，羊肉味好濃郁，鐘意食羊既，一定要試💥瑪嘉烈特意大利PIZZA基本既Margherita使用傳統食材羅勒、芝士及蕃茄醬，三款餡料製成，再用炭火爐烤，令餅底及餅邊脆口! 食落充滿麵粉香同埋橄欖油嘅香，咬落軟熟煙韌，餅面布滿濃郁芝士，中間既蕃茄汁又唔會好乾Yummy✨北印度羊肉咖喱唔好睇佢細細碟，內裏羊肉份量十足而且有羊羶香味，肉質鬆軟加上豐富嘅奶油及印度香料，味道香濃，口感豐富，配搭薄餅或者飯，超夾！✨KULCHA芝士烤餅🫓 $32芝士烤餅即叫即製，上桌時仍熱辣辣，入口綿密煙韌，芝士味濃，富蓬鬆空氣感，沾咖喱吃一流！🌟地點方便，位於熱鬧嘅尖沙咀，推介約埋一班朋友嚟飲番杯再食下野，店舖印度菜好適合港人口味，可以再encore👍🏻…Read More

鮨燐以日式木系裝潢，座位不多，建議預先訂坐☎️！師傳會根據季節挑選時令海鮮，由沖繩至北海道嚴選新鮮食材，每日空運到港，絕對夠新鮮👍🏻Menu有三款自選壽司，今次點了中位價$1680/位，有7款刺身，6種壽司，湯及甜品，都足夠享受坐係吧枱度睇住師傳製作每件刺身/壽司🍣，睇度不止刀功了得，佢仲十分細心、花足心思去料理每款菜，由食材至烹調方法都好講究，添上唔同既調味料，明白到師傳對食材既要求同執著；而且仲會介紹每一道菜既食法，亦會拎食材比我地影相，滿足哂我地打卡既願望，絕對係視覺+味覺盛宴✨前菜： 💥甘筍蓮藕：甘筍酸甜，蓮藕爽脆，兩款都好開胃。💥明太子伴片：伴片口感好似魚蛋，彈牙煙韌，加上明太子鹹香味，非常匹配💥日本鵝肝慕絲米子：鵝肝味濃郁，口感柔軟順滑，加上米子脆口，好味💥鯛魚：白身魚肉身比較細緻彈牙，口感清淡，加上昆布醬汁帶出魚肉鮮甜💥北海道真蠔：好大隻，口感creamy又鮮甜，加上沖繩海葡萄，增添了風味，最下面加上水雲，口感滑滑，酸微微，清清味蕾✨深海池魚及北海道銀鱈魚腩💥前者：魚身介花像魷魚，口感嫩滑，肉質爽口，魚味突出💥後者：油份好重，魚香和魚油同時大爆發💥生北寄貝：味道鮮甜，比起赤貝冇咁爽，但佢嘅甜味比赤貝有過之而無不及✨秋力魚💥前者：生食，不用加Wasabi，只配上細蔥、姜蓉及少許酸汁，己經鮮味💥後者：輕輕一燒，魚油出晒黎，不用加調味，己經好味💥拖羅手卷：赤身、中拖羅及大拖羅用紫菜包住一齊食，三款吞拿魚不同部位一齊食，真係第一次，腩位滑嫩多油脂，夾上紫菜香，好完美💥天婦羅蘆筍及松茸菇：兩款先不點天婦羅汁，都食得出菇味及蘆筍味好甜，加上少少檸檬汁，兩者更加香濃💥北海道牡丹蝦：蝦肉彈牙，上面加上煮過既蝦膏，令肉質更鮮甜💥油金魚：魚上面加上柚子胡椒醬，有少少辣，但又同油金魚好夾，正💥佐世保光文魚：係呢個夏季節先有，佢油份較多，就咁食都食到魚香味💥海膽紫菜手捲：海膽非常鮮甜！配合脆口紫菜，每啖都充斥味蕾，心動不已💥昆布麵豉湯：昆布味道鮮濃，不會過鹹，再加上豆腐，解一解腻💥抺茶奶凍：濃厚既抺茶加上淡淡鮮奶，口感順滑，抺茶不苦澀帶有茶香味，大滿足🌟新鮮食材配上專業嘅服務，一個美好嘅日料體驗。無論係為咗自己享受，定係想找個好地方慶祝特別日子，呢度都係一個唔錯嘅選擇🤗…Read More

今日同妹妹去杏花村做義工，完左活動都己經好夜，去到商場見到間"天麩羅杏" - 係食日式天麩羅，為了慰勞妹妹，就同佢食好西~😋店內有多款不同款式天婦羅，不論單點或套餐，價錢都好大眾化👍🏻桌上會有5款調味料：沙律汁、天麩羅蓋汁、燒鹽、綠茶鹽及七味粉；估唔度綠茶鹽與天麩羅相當夾，帶點驚喜；而天麩羅蓋汁，帶少少甜，配上蘿蔔蓉，感覺解膩🌟單點黑虎蝦及星鰻魚💥前者：有食指咁長，外層香脆，咬落鮮嫩💥後者：手掌般大條，外面炸得酥脆唔油膩，內裏包住充滿鰻魚汁既鰻魚，好滿足~🌟天麩羅二人套餐，有9款天麩羅配蕎麥麵/鳥冬及飲品💥大虎蝦：入口超有驚喜，蝦身夠彈牙，而且極夠鮮味，必定一試💥白鱔：大大塊上碟，魚身夠滑，炸粉香脆💥紫菜天麩羅海膽：海膽味道鮮甜，脆炸既紫菜增加口感，配上綠茶鹽更香口💥梅子大葉雞肉：雞肉嫩滑，炸到微脆，配上梅子及大葉，兩者帶點酸味令味道更特出💥明太子蓮藕：爽脆可口，中間夾住鹹香既明太子，好匹配💥日本茄子及蘆筍：口感柔軟嫩滑，茄肉緊實而滑順；而蘆筍鮮嫩多汁，咬落無揸，好脆身!💥流心玉子半熟炸蛋：炸得仲保持流心蛋黃，好勁💥蝦釀苦瓜：微苦清爽，包裹住鮮甜鮮蝦，融合在一起，苦中帶甜，十分好吃✨蕎麥麵及鰹魚湯鳥冬每款各點一樣兩個SHARE💥前者：蕎麥麵條爽滑又有彈性，配上脆片及香蔥，加上流心蛋王撈埋一齊，蛋汁流入蕎麥麵，好滑而且蛋味濃郁，好正💥後者：湯底用鰹魚熬成，味道鮮甜中帶點煙燻風味，鳥冬麵條粗身有咬口，與鳥冬夾埋一齊食，真係停唔度口💥飲品：熱柚子蜜及烏龍茶作解去油膩感💫二人餐份量相當豐盛，各款炸物都很大份，而且炸得酥脆唔油膩，炸粉好輕盈，好滿足，妹妹仲好開心話要再做義工，下次再食過🤣…Read More

坐落係啟德全新的AIRSIDE購物中心，有各款各類不同既餐廳選擇，今次搵到間意大利The Cipollini Pizzeria，以手工薄餅🍕為賣點，薄脆餅皮源自於傳統意大利風味另外仲有手工意粉、肉丸、Gelato，都係每日自家製新鮮製造，飲品更有即叫即打的沙冰(Iced Frappes)，非常美味💥薄生牛肉牛肉薄片鮮味豐富，淋上橄欖油，配上沙律菜、圓形彩椒、加上檸檬汁，味道很正宗👍🏻💥香草大蒜墨魚汁蜆扁麵條🍝麵條即叫即打，係全人手即時製作，加入墨魚汁既麵，帶有淡淡既鹹香海鮮味，食落煙靭彈牙；蜆肉肥美飽滿，再用香草大蒜炒香，加入橄欖油、白酒、蒜、番茜，味道惹味，令人吃得特別津津有味💥MY HERO'S PIZZA🍕餐廳有新款PIZZA推出，應該係因父親節既節日而有呢款選擇，我見配料吸引，應該不錯，就試下12吋PIZZA 真係相當大個，有鬆脆可口既餅底，加上帕瑪火腿、義大利辣香腸、加拿大火腿及西班牙辣肉腸等，相當豐富；上面再撒上馬臣硬芝士碎，又香鹹又美味，都係一款好傳統既意式風味💥GELATO🍨甜品控不能錯過既雪糕，全是手工自家製造，有十多款不同口味，日日新鮮製造，如香蕉焦脆、冧酒提子、泰式奶茶，仲有最受歡迎既開心果味道，不過今次就點了椰子🥥菠蘿🍍，因為唔係間間店鋪有呢款味道。食得出意式雪糕係用新鮮牛奶及忌廉製成，風味純正可口。濃厚既椰子味加上香甜菠蘿，成位夢幻既甜品組合。入口夠香滑，再加椰絲混合埋一齊，口感更豐富。🌟記住點之前問問店員推介口味，佢地樂意給客人試食~~💫仲有多款口味的冰沙包括冰雪朱古力、士多啤梨旋風以及焦糖瀑布等，都係受歡迎的美食搭配選擇。大家可以一試~🤗…Read More

一早係網上訂飛係太古城睇戲4點半，點知早左去戲院，未上6樓諗住買杯咖啡飲☕️，等既期間見到間好有格調既地中海法國餐廳，環境氣氛唔錯，好有法式風情，仲有戶外座位，就決定睇完戲去試試餐廳有款Tasting Meuns $388/person，食齊4道菜式，仲送甜品，呢個餐咩都有，唔洗諗太多🌟Start💥西班牙火腿配茄薯包 火腿味咸香配上碎粒蕃茄及脆脆蒜蓉包，配得夠清新💥生牛韃韃靼 生牛肉原汁原味，牛肉味突出而且夠爽滑！配上個香口既蒜蓉包，加上陳醋汁，簡直衝擊牛既味蕾💥法國生蠔🦪蠔肉飽滿，帶有鹹鹹既海水味，入口棉棉，加上檸檬汁提高鮮味，夠新鮮🌟Warm Up💥香煎鵝肝配牛油甜包配無花果醬鵝肝煎到外脆內嫩，入口即溶加上清甜既無花果醬能減低油膩感，兩者好匹配，加埋甜包好完美~🌟Main💥鱸魚扖配香草醬平時食開既鱸魚都比較薄身，相對今次既呢塊就厚身多D，魚皮煎得好香好脆，而魚肉就好滑加上香草醬汁香濃，充滿意式風味。再有薯蓉伴碟，口感軟綿，薯味香濃，好正!💥風乾和牛腹側扖配混合蔬菜紅酒汁外皮燒到小小脆香，但質感依然嫩滑，仲帶有紅酒香味，味道就比較重同埋濃郁；伴碟選用有機菜，好脆好新鮮🌟Sweet💥Gelato (班蘭 & 開心果)✨班蘭味超濃，甜道調得剛好，不太甜✨開心果味係額外再叫，味道超濃郁，而且堅果超多，真係好鐘意食，一定要試💥紅桑子Chesses Cake好重芝士味道，又夠香滑，加上紅桑子醬酸酸甜甜，好滿足既甜品餐廳每日都有不同優惠，有青口買一送一(星期一)，買任一款主菜，即可免費獲得另一款主菜(星期二)，仲有無限量供應既熟成和牛扖及薯條(星期六及日)，呢幾款dinner specials 真係好抵食…Read More

天氣開始凍🥶，終於可以食我最愛既羊腩煲! 呢款煲係我每年都要必食之一! 今次搵到間平靚正既酒樓，就同家人一齊食順便食埋冬至飯😋💥枝竹羊腩煲-跟唐生菜羊肉🐑相當大件而且厚身，入味之餘沒有羶味，肉質腍滑多汁，再配上口感爽脆的馬蹄、枝竹、冬荀、贈送的生菜配料，非常惹味！🌟同屋企人食，選套餐就最好，唔洗諗太多，菜式包羅萬有，不洗費神點什麼菜式。四人套餐，份量十足，又有海鮮，又有燒味同小菜，仲有精美甜點。可免加一，超值之選。🌟超值套餐$768(免加一)💥高湯白灼基圍蝦🦐睇住經理係魚缸撈上拎去廚房，高湯白灼既蝦每隻都有手指咁長，剝殼就知新鮮生猛蝦身脹卜卜，咬落又爽又彈牙，蝦肉鮮甜，令人吃完一隻又一隻。而且份量多，個個食到竹*大脷。💥燒味拼盆✨叉燒: 蜜香味濃，好惹味。✨燒肉: 外皮香脆，半肥瘦帶點軟骨，啖啖肉超滋味✨燒鵝: 肉質鮮味肥美，又香又惹味，搭配梅子醬，讚口不絕💥碧綠油泡龍躉球每片龍躉都係大塊肉厚，魚肉彈牙，味鮮甜又好味，可以大啖大啖食，唔怕有骨，好滿足!💥金銀蛋蒜子浸菜香濃既蒜香味帶有油份，令莧菜夠嫩滑，加上皮蛋和鹹蛋黃，口感非常豐富💥紅酒燴牛尾煲牛尾燉得酥而且軟腍，再配上紅羅白及紫洋蔥，炆得相當入味；牛尾香氣撲鼻，搭配濃郁湯汁，美味吸引💥老火靚湯花生木瓜豬骨湯，火候十足，絶對係足料靚湯，入口濃郁，而且勁多湯渣，花生入味好諗身，飲後好保䁔💥流沙飽及椰汁紅豆糕✨前者：熱辣辣上枱，一打開流心奶黃己湧出來，奶黃夠滑溜，甜度剛好，真係不吃不厭✨後者：清甜既椰汁糕配搭濃郁既紅豆，啖啖都可以感受到椰汁糕既煙韌，加上紅豆鬆軟綿密，真係清爽誘人🌟每款餸菜個個都好滿意，全家一齊食做冬飯，特別食得好開心❤️…Read More

大坑有好多隱世美食，今次選左食越南菜；越南菜係我喜愛既菜式之一，早就聽聞浣紗街呢間餐廳質素唔錯，抵食又好味相傳以前嘅越南火車站🛤️附近先有得賣河粉，所以餐廳跟住呢個相傳把室內裝修造成舊式火車箱內既卡座，恍似置身火車當中，甚有心思；門口亦有開放式坐位，充滿越南風情🏝️，感覺上會食得更地道💥越南小食拼盤每款都充滿越南風味嘅扎肉、春卷、蒸粉包、沙嗲雞肉串同青木瓜乾牛肉沙律，相當豐富！我嘅最愛係沙嗲雞肉串同蒸粉包，雞肉非常新鮮嫩滑，沙嗲味香濃；而蒸粉包亦充滿紮實嘅食材，包括蘿蔔絲、木耳絲同埋豬肉碎，口感十足！💥沙律撈檬檬粉清爽幼滑，跟上生菜、青瓜及木瓜沙律，混合魚露甜酸汁，清新爽口；檬粉配合醬汁，酸酸甜甜，味道一流🌟一份沙律撈檬配上一盤小食拼盤，完美既一份套餐💥火車頭湯河選用傳統做法用牛骨、牛肉同多種香料熬成湯底，飲落夠清甜不油膩! 煮熟河粉後配牛丸同牛嘅唔同部位，如牛腩、牛柏葉、牛筋等臨食再加芽菜、金不換、青檸、辣椒提升味道層次。成碗湯河咁多牛，啱哂咁多位牛魔王!🌟大大碗上枱，足夠兩個人食💥椒鹽軟殼蟹鋪滿了香脆既炸蒜片和粟米脆片，帶點椒鹽，相當美味，就咁食都停不了口!!酥香鬆脆既軟殼蟹，蟹肉連殼一口咬下，濃濃嘅鮮甜蟹滋味，加上鹹香惹味，充滿越南風味，可連殼一起吃，非常過癮~不論環境、食物都包圍住越南風味，味道同CP值高，而店員都招呼殷勤，態度親切，晚餐收費好親民，完全係有喜出望外，絕對是一個不錯的開飯選擇😋…Read More

同朋友去食韓式燒肉店🔥，佢話呢間又經濟又好食! 店舖近於戲院旁，很方便就搵到!! 內裏空間寬敞開揚光亮，坐得舒服，裝潢充滿韓國風情，格調極高! 餐牌種類多：炸雞，鍋物、韓式料理，醬油蟹，醬油蝦都有供應! 今次點了一級五花肉套餐，裏面豬、牛，雞及魚都有，都真係幾抵食!一坐底，店員就主動添上爐邊燒既泡菜蛋及芝士粟米，仲話可無限加配!! 我鐘意後者，芝士味🧀濃配上超甜粟米粒🌽，仲可以拉絲添!! 前菜己經有五款，我地再叫盤生菜黎配肉，每款食幾啖，都夠食飽半個肚皮....🌟套餐有以下幾款：💥五花肉(豬)五花肉肥瘦相間，油脂豐膄，肉嫩甘香之餘不油膩，煎至微微焦脆更香口。附一個唔刺鼻的芥末醬，有助提味同解油膩💥和牛牛五花油花相對偏紮實，脂肪含量比以上低，牛肉味比較濃，適合慢烤，烤至微焦，別有一番風味💥安格斯牛外裙肉油花勁靚，紋理細緻，肉質較結實，帶少許嚼勁💥牛小排色澤紅潤，大理石油脂花紋分布綿密，沒有筋膜，肉質細嫩多汁，牛脂味濃!💥一口燒鰻魚雪魚無貨，改上鰻魚取代! 魚身非常厚肉，一放入燒中燒，魚肉即時收縮! 外層燒得香脆，散發出令人垂涎欲滴的香氣! 燒後肉質保持軟滑彈牙，鮮嫩多汁，每一口鰻魚都融化在口中，令人回味無窮💥蘋果梨汁雞肉用蘋果和梨汁醃製，令雞肉帶甜，燒出黎好嫩滑，比我想像中更加Juicy💥韓式薯仔排骨湯湯底味道濃郁，後勁辛辣! 排骨肉質不只軟淋，味道亦非常入味! 薯仔鬆鬆軟軟，入口帶有微辣，好鐘意這個湯既味道!💥荔枝梳打及青檸梳打🌟前者：感覺帶有淡淡嘅黑加倫子果香味，加上大大粒荔枝果肉，飲落清新涼快🌟後者：新鮮既青檸加上梳打，好Fresh，燒住肉飲一流，帶走埋熱氣又能解油膩!套餐每款肉都有4-5片，份量不算多，但食完都好飽。服務員招呼殷勤，態度親切，贊!🥰…Read More

每年10月都係食蟹季節🦀，即係咩蟹類都係最肥美既! 今次就選左間元祖老店食炒辣蟹!💥招牌避風塘辣蟹細蟹其實都不算太細，都斤兩十足，啱晒兩個人食! 上枱後，店員仲細心幫忙分件，將蟹鉗扑爛，以便客人方便剝殼!! 蟹鉗size大隻，拆肉後可大啖大啖咁食!!💥辣酒煮花螺花螺份量多，粒粒都飽滿，賣相相當吸引!! 花螺浸在辣酒下，香氣四溢；用竹籤輕輕一挑，螺肉就好拔出，酒香與辣味完全滲入每粒螺肉中，十分入味，同時也不覺太辣!! 真是開胃既一款小食!💥椒鹽雙拼(鮮魷及九肚魚)：✨前者：外皮上黏上一層薄生粉，酥炸得金黃色，咬落清脆，肉身彈牙，再撒上少許椒鹽提升口感，食得出係新鮮鮮魷!✨後者：同樣黏上生粉，外層依然香脆，但口感係香脆酥軟，魚身香滑，連骨一齊食，夠晒滋味!💥金銀蛋菜莧菜莧菜口感非常嫩滑甘香，浸係有炸過既蒜頭，鹹蛋和皮蛋在湯汁上，令味道更豐富，更有口感。💥瑤柱蛋白炒飯飯粒分明，粒粒飽滿，鑊氣十足，瑤柱很香，令整體味道提升，果然係經典炒飯! 我仲把呢個經典炒飯，加入避風塘既辣蒜粒混合一齊食，更加惹味!💥番薯薑水食左咁多寒涼野，好彩有碗番薯薑水，暖暖身，消滯又健康!!!🌟連蔡瀾都為喜記題字"蟹皇" 之名，就知道係值得一試!!…Read More

酒家座落於尖沙咀彌敦道，坐港鐵到尖沙咀B1出口，行1分鐘就到，非常方便! 這是一間非常出色既中菜酒樓，一直都深受影視紅星幫襯，今日竟然比我見到電視台係呢度舉行宣傳活動；酒家主打係粵菜及海鮮🦐，今次介紹以下幾款不錯的菜式：💥子薑皮蛋流心既皮蛋配合那酸甜既子薑，開胃又經典既小食💥避風塘鮑魚避風塘既香辣味十足，炒得夠惹味，入口唔算油；鮑魚鮮美彈牙，加上避風塘做法整，令美味層次提高!!💥椒鹽瀨尿蝦瀨尿蝦外殼炸得香脆而且乾身，還沾滿椒鹽，一點也不覺油膩；肥厚既蝦肉鮮嫩多汁，惹味可口!💥小火鍋-手切牛頸脊入秋就有火煱，酒家現家做緊手切牛頸脊優惠$278，份量大，而且厚切，最緊要係夠新鮮🌟一人一隻叉係咁碌碌下，又幾過癮! 💥清蒸東星斑魚皮膠質黏糯，食起來勁道彈牙，肉質雪白細嫩，味道鮮甜，加入了薑蔥，色香味俱全!💥西蘭花帶子帶子肉質夠厚又多汁，蒜蓉粒掛上西蘭花，爽口好味；這款是酒樓經典菜式，炒得相當有鑊氣，不太油膩，己經好少中菜館可以做到!!💥傳統懷舊芝麻餅及綠豆沙🌟前者鬆化香脆，芝麻味香濃，非常喜愛! 🌟後者綠豆份量超多，不算太甜，清香既嗅草味，令味道更豐富! 好滿足☄️酒家雖開業半個世紀，食物質數依然keep得住傳統味道，環境裝修保留住舊有風味，服務員有禮貌至極，應多幫䞋，咁先留得住以往回憶~😊…Read More

係世貿中心shopping完，就搵間舒服嘅餐廳食醫下肚!! 原來有間台式餐廳，見好耐無食，就入去試試!!裝修好有格調，坐位有橢圓形卡位，感覺很華麗而且舒適，啱晒三五知己👭👬，坐埋一齊傾計!!🌟明太子甜不辣呢個小食係台灣食過，念念不忘!! 表面金黃帶脆身，內裏魚肉彈牙，能食到魚肉鮮味，加上滋味既鹹香明太子醬，令味道提升，簡直係完美組合! 💥酸菜魚湯牛肉麵上枱己聞到酸菜既味道，飲落酸味比較重，好濃郁，唔似四川果款酸菜味，但令我忍唔住飲多幾口湯！🌟酸菜配上肉質細緻鮮嫩魚片，鹹中帶甘、鮮甜順口；🌟麵上更鋪上我鐘意食既松草花，第一口既感覺係脆既... 原來係炸過，口感好特別!! 🌟牛肉煮得軟嫩入味，份量都多，滷水香濃；🌟選了刀削麵，口感煙韌彈牙，跟湯底很夾!💥秘製椒麻皮蛋拌麵用特製椒麻醬配上皮蛋，醬汁很香且麻度很過癮，一入口就覺得辣度在嘴裡爆發；皮蛋又夠香，配上椒麻汁，夠惹味開胃；記住入口時麵條要都沾上醬汁，會令你百吃不厭!💥黑芝麻鮮奶麻糬雪凍既麻糬下面放了幼滑既黑芝麻粉，店員好細心介紹麻糬食法，同時兩隻筷子拉起軟滑麻糬反覆黏上芝麻，再用筷子cut成一粒粒! 口感軟糯，而且冰涼幼滑，再沾上黑麻粉，香氣四溢，令人回味無窮!…Read More

同朋友係東區海廊慢步🚶🏻‍♀️‍➡️，行到鯉景灣這個美麗而休閒既地方，呢度有多露天座位既餐廳，氣氛就好似泰國布吉島般熱鬧🎉，我地就選左間食泰菜既餐廳去享受一下🤗裝修簡單，地方優雅舒適，播放著很有情調既音樂；餐廳員大部份係泰國人，非常熱情而且有禮貌，難怪吸引不少外國人光顧，生意超好，差不多全場爆滿💥越式軟殼蟹米紙卷米紙軟綿，唔太厚，咬落煙韌! 內裡包住香口既軟殼蟹、綿密質感既牛油果及爽脆沙律菜口感層次豐富，味道清新，配上wasabi醬汁，真是不得了的美食享受💥羅望子麻辣鴨鴨肉鮮嫩，肉質彈牙；用羅望子炒香，味道似山渣，香酸有層次，帶點果香，亦食到果肉! 有少許麻辣味，叫個白飯配呢個餸，係不錯的選擇💥炭烤香茅西冷牛肉炭燒既西冷牛肉片捲住原條香茅，食落好香嫩而且多汁唔乾；仲有檬粉和生菜伴碟，加上酸辣汁，食法似生菜包包埋一齊食，酸酸甜甜，可以平衡番濃味既牛肉，真係美味既一道菜💥泰式蝦河粉伴碟相當精緻，而且大碟! 用了幼身既河粉為基底，炒得好惹味；仲有大蝦、芽菜和花生碎，增加次感；旁邊有少少辣椒粉，帶點辣口，好開胃望著海，再同朋友一齊飲飲食食，真係相當relax；餐廳食物份量相當大份，好食又抵食，咁就過左一個好chill 既一天~…Read More