lokwyeung's Profile

樓下大食代終於都裝修完。裝修完好多新餐廳，成個裝修好靚，比起以前真係舒服得多，尤其係就到夏天夠冷氣精神當堂返晒嚟。之前食過嘅沖繩餐廳估唔到係到都開左，一段時間無遇到，點都要入去回味佢個不得了嘅冬甩以一個套餐黎講真係好豐富有齊前菜主食同甜品，唔講仲以為食緊大餐廳啲set lunch，今次因為係食lunch我揀咗啲飽肚啲嘅野食明太子飯配鯖魚明太子飯我諗大家返開鄉下都食唔少，最怕係一味得個鹹，食得多又怕膩，但佢地呢到真係拿捏得好好，明太子醬混埋啲飯，比例岩岩好，又夠味又平衡，加埋櫻花蝦做點綴，真係食得岀佢地岀之前有認真咁試味，雖然鯖魚同一般嘅分別不大，但係當你食完明太子呢類型嘅醃製食物，飲返個鯖魚湯，成個味蕾當堂relax哂焦糖Donut 我最期待嘅終於岀現，之前都講過煙靭唔黐牙，食嘅時候岩岩整起熱辣辣，配埋個雪糕真係無得頂 ，鍾意食甜品嘅朋友，記得好好保護自己啲牙，如果唔係有敏感牙齒就食唔到呢啲咁完美嘅冰火配搭…Read More

好耐都無寫食後感，今日做完野經過見到間鋪頭幾得意，入去食下午茶。揀左個冬甩餐，諗住平平地hea時間。點知有有有有驚喜。啲冬甩上枱嘅時候仲熱，煙煙韌韌。朱古力醬有溶溶地，食落唔膩。焦糖醬甜得黎有少少咸，睇番先知原來唔係普通焦糖係而係海鹽焦糖，平時食開甜品都知，少少鹽更加可以突出甜味，加埋個雪糕真係不得了加埋個乳酪布甸，令成件事好滿足！甜酸鹹三個層次係一個餐到食到都幾唔簡單最緊要嘅係可能因為新開無耐，人唔算多都坐得幾舒服…Read More

今日放假同女朋友落左去行屋企附近嘅donki大家行過donki都知係精神時光屋 行都唔知時間過哂飯鐘 見到有間日本料理餐廳試業連紅紙都未撕點可以唔入去試下佢地嘅裝修真係好雅致一入門口成陣日本味飄埋黎對無得岀國嘅我真係一大吸引餐牌選擇真係好多我地睇左好耐先落到決定 我地簡左兩個套餐 首先第一個係葱呑拿魚腩丼一上枱我嘅第一個反應係 嘩！真係好豐富唔單止有我預期嘅主食同麵豉湯 竟然會有埋茶碗蒸我係日本都生活過一段時間 佢地嘅茶碗蒸係我係香港食過同日本味最近似嘅 佢個蛋真係滑到不得了 而且佢地嘅高湯真係無得頂再講返個主餐 佢地個呑拿魚嘅肉質又鮮又綿密 加埋少少豉油帶起個味 食到真係停唔到口第二個係上壽司定食8貫一上枱又係嘩！外表相當精緻 而且份量夠哂多岩岩講到嘅茶碗蒸當然都包括係到而你係壽司都睇得岀佢地相當有誠意 種類多不在話下 而且飯同魚生比例恰到好處炙壽司上枱依然夠熱 證明師傅有好好安排處理嘅次序 食開炙壽司都知如果燒完放一陣先上枱魚嘅油花會凝結影響最佳味道 佢地完成無呢個問題 質素比得上中環岀名嘅omakase 試業緊佢地仲送左個小甜品🤣~~~~~~~~~~~~~~~~~~~~~~~~~~~~~~我好肯定同自己講呢到會係我想食日本料理嘅首選性價比高就不在話下 最重要係近我屋企…Read More

睇過我之前食評嘅都知我真係好鍾意打邊爐今日又同友人去銅鑼灣行街 行完想揾個地方坐下就上左去碼頭故事食下久違嘅麻辣火鍋睇到鍋底都知道不得了 佢地主打正宗嘅麻辣鍋底當然就唔少得 麻同辣兼備 唔會有死辣嘅情況 食落十分惹味 為左照顧友人都叫左個豬骨湯底 做返個口味嘅緩衝打邊爐點可以少左肉 肉先係火鍋嘅靈魂 我地今次都叫左唔少肉 先講牛肉 肉味香而濃 而且厚薄適中焯返幾十秒就食得 加上因為肥瘦均衡 我個人十分推薦 另外我見佢仲有牛舌 我真係未試過牛舌打邊爐下次再試下肉全部都係肉 又係一道肉 今次係五花肉 睇相都睇到層層分明 入鍋後保持住豬肉應有嘅爽口 愈食愈想食 而且價錢唔貴性價比好高講咗牛肉同豬肉點少得羊肉 秋天冬天就要食返啲羊肉補補身 佢哋啲羊肉食落一啲都唔羶 對於本身就鍾意食羊肉嘅我 真係少有地可以令我滿意墨魚滑一上枱我地第一個反應就係 嘩 份量真係多 佢地嘅墨魚滑食落爽口 比你食到新鮮嘅感覺 而且對比起一大舊咁上 一管管咁上黎得更方便對火鍋黎講有可以將湯汁鎖住嘅野食好重要 佢地可以將之前嘢食留係湯底嘅精華 好好吸入裏面所以我哋就叫咗響鈴同埋豆腐 打開邊爐都知呢兩樣野相當吸味 食落真係不負眾望 正作收尾我地仲叫咗個紅糖糍粑 炸得相當焦脆 食落可以保持住脆脆嘅口感 而且佢哋嘅紅糖唔會話太甜 對於啱啱食完火鍋嘅我哋來講 口味可以話係啱啱好 推薦比一眾喜歡中式甜品嘅朋友~~~~~~~~~~~~~~~~~~~~~~~~~~~~~~推薦一眾喜歡打邊爐又去開銅鑼灣嘅朋友可以上去一試佢哋嘅嘢真係又新鮮又好食令我可以食到一餐好好食嘅晚餐…Read More

自從疫情開始都少左好多岀去食飯嘅機會 可以食串燒嘅機會更加係少之又少 而食到好食串燒店嘅機會更加係絕無僅有 今日咁岩比我遇到間新開質素又好嘅串燒一於分享比大家黎到咁好環境又有戶外餐枱嘅地方無理由唔叫杯啤酒配合一下因為佢地係即燒所以都要等一陣，不過嘩咁快就上菜啦，呢到分別有豬肉、牛肉、牛舌、雞肉、雞腎同雞軟骨一睇賣相都唔錯豬肉唔會話韌而且肥瘦均勻食落唔會話因為燒而太乾身牛肉嘅香茅味好勁 未食就已經香噴噴 咬落一啲都唔老雞肉一個字滑 食落仲滿滿嘅肉汁牛舌係我當中最推嘅因為佢真係可以代表外脆內軟令我食完即刻再加叫雞腎除左爽我都唔知點形容 都係我第二輪加點嘅目標茄子作為串燒店嘅靈魂點可以少左佢 佢地嘅蒜蓉一啲都唔同你慳 每啖都係滿滿嘅蒜香 配啤酒真係無得頂佢地嘅海鮮都有好多種類 不過已經食到開始飽飽地就淨係叫左條蟶子黎食 爽得黎之餘仲要夠哂大隻最後我地叫左個炒烏東黎食飽少少 點都要有啲飯麵落肚先得嘅佢地嘅辣度岩岩好 惹味之餘唔會太辣最後嘅最後我地仲叫左一碗雞軟骨黎配埋杯酒~~~~~~~~~~~~~~~~~~~~~~~~~~~~~~佢地嘅串燒店真係可以作為市區消夜好去處 下次再去…Read More

係香港大大話話都生活左廿幾年 今日係我第一次踏足啟業村 對我黎講都有一定新鮮感 正直中午少不免要覓食 村嘅餐廳都幾集中 圍繞到街市旁邊今日想食越菜一於入去睇下有無 點知又真係比我揾到 晏晝咁大太陽入到餐廳點都叫杯野飲解下熱再諗食咩野飲我叫左個菠蘿沙冰 真係透心涼 而且菠蘿味好重 睇黎都幾足料 比左我對呢間餐廳一個好大嘅信心 所以一於叫多啲首先食越南野點少得嘅就梗係火車頭啦 火車頭乜料都有啲 可以滿足我呢啲乜都想試下嘅人 佢地嘅牛腩炆得夠哂淋 食落一絲絲 配埋佢地嘅牛丸令到個火車頭生色不少 而且作為火車頭嘅靈魂生牛肉 又大塊又滑睇過我嘅食評都知 我最鍾意就係叫小食 小食好食真係會令成餐飯加好多分今次我叫左兩個小食分別係炸春卷同炸蝦餅先講春卷炸得相當乾身 食落唔會成口油 如果一碗可以多幾舊就好之後就係我今日想同大家大力推薦嘅蝦餅平日嘅蝦餅都係以蝦滑去打 而佢地嘅蝦餅竟然係鮮蝦食落個口感當堂升左幾個層次 已而岩岩上枱熱辣辣 一上枱就比我食哂…Read More

日本作為香港人嘅第二故鄉，過往每年都少不免去返一次半次，但大家都明白現時環境情況，香港人短時期要回到故鄉似乎係不可能的任務。今日過開香港仔少不免要去香港仔中心覓食，見到新開一間日本餐廳一於去一解思鄉情佢地嘅午餐選擇相當之多，基本上你諗得岀嘅都有，我地兩個人因為真係好餓，所以都叫左唔少野食。第一道———三文魚海膽丼佢地嘅三文魚真係肥到不得了，油花分佈又多又平均，唔講真係以為食緊三文魚腩，而且佢地嘅海膽一啲都唔吝嗇，我真係認真數過有成足足十瓣。真係好足料而且價位唔高，物超所值！！第二道———雜錦刺身丼上面講過三文魚，所以都唔多講，集中精力講下其他。不得不提嘅係佢地嘅油甘魚，又肥又爽同係白本食開果啲有過之而無不及。而上面嘅赤蝦食落滿滿嘅鮮味，食完兩隻感覺完全唔夠，真係好想一食再食第三道———火炙左口魚邊基本上有睇過我之前去其他餐廳嘅食評都知左口魚或者魚背基本上係我必點嘅。首先左口魚本身嘅油花豐富，經過火炙之後油香會提升一個層次，但唔係間間餐廳都做得好，因為燒嘅時間好難拿捏，燒唔夠油脂未溶化就上枱，燒太耐魚就會過熟無左魚嘅鮮味，而佢地令我真係喜出望外，油脂香而不膩第四道———火炙鰻魚卷佢地嘅鰻魚卷上枱仲保持住熱辣辣，而且因為燒嘅火候控制得好，大家都知鰻魚有好多細小嘅魚骨，只要燒得夠好，就連魚骨都可以食埋，而佢地就係將呢個鰻魚卷發揮得咁好。第五道———芝士雞翼餃子食得多主食都想食返啲小食緩衝一下，我地就叫左個釀雞翼試下。一般聽到芝士大家第一個感覺一定係又咸又膩。佢地個雞翼真係會比到你驚喜，雞肉嫩滑都不在話下，更利害嘅係佢地仲可以保持住滿滿嘅肉汁，而且我一絲膩都感受唔到！信我呢款小食必點最後一道———土佐豆腐土佐豆腐比我嘅感覺都係細細粒一啖一件，而佢地嘅地腐一反傳統，大件之餘水準仲要唔錯。上面嘅柴魚片加埋獨家調製嘅醬油高湯，真係水準之作。食完兩款小食感覺到佢地嘅一絲不苟，每款野食都相當高質！~~~~~~~~~~~~~~~~~~~~~~~~~~~~~~今次黎香港仔真係大收穫，比我呢個以日本為故鄉嘅香港人一解思鄉情！…Read More

好耐之前我仲係大學讀緊書嘅時候 大學飯堂就一直都有間做Kebab嘅餐廳 我一直都好想去試下 眨吓眼四年過去 到我畢業嘅時候我都仲未去食過今日偶爾經過天后見到有一間餐廳野食賣相唔錯嘅餐廳 我就走入去彌補返大學時無食到嘅失落感今次我點左牛肉餡嘅Kebab 未食嘅時候我對佢嘅第一個感覺係啲料真係超多 之後我食落去我食到啖啖都係肉 而且佢地辣辣地嘅醬汁都相當惹味 配埋可樂真係無得頂 而且中東菜有一個好大嘅特點 就係佢地對香料一啲都唔吝嗇 未食就聞到香噴噴~~~~~~~~~~~~~~~~~~~~~~~~~~~~~~推薦比平日喜歡食唔同國家菜嘅朋友 佢地嘅kebab作為宵夜真係無得頂…Read More

最近天氣真係唔多好 一係就落大雨 一係就熱辣辣今日咁岩就係熱辣辣 所以坐低第一件事就係叫返支可樂消消暑再慢慢睇食咩 黎食車仔麵三個餸梗係唔少得 但佢地竟然可以用三個餸嘅價錢食到四個餸 真係好抵食我四個餸分別叫咗豬腸牛腩魚蛋同埋雞腎先講豬腸佢哋嘅豬腸滷得好入味 而且十分有咬口份量都算幾多再講雞腎佢哋嘅雞腎相當爽口食落仲有脆脆嘅感覺而佢哋嘅牛腩真係不得不講 入味之餘仲非常嫩同出邊嘅魚蛋唔同佢哋嘅魚蛋都相當彈牙食得出唔係街邊魚蛋嘅質素最後我仲叫咗兩個小食分別係唐揚雞同埋炸墨魚卷佢哋嘅炸物都炸得好出色 外表酥脆之餘 內裏仲好似多汁 而且仍然可以保持乾身 食落唔會覺得油膩~~~~~~~~~~~~~~~~~~~~~~~~~~~~~~偶然經過都可以食到一間咁好食嘅車仔麵 我知道佢哋旺角仲有間分店下次去旺角再食過…Read More

係尖沙咀食完飯唔少人都會去諾士佛台飲返杯放鬆下傾下計 今日我都唔例外 同另一半係尖沙咀行完街食完飯就過去諾士佛台 見到一間新面孔嘅酒吧招牌就上去坐下 上到去第一個印象就係嘩！真係好岩打卡 事後我返頭先發現我無影底佢地別出心裁嘅裝修先黎一杯Long Island 一間酒吧好唔好 Long Island好重要 因為long island作為酒吧嘅標配 做就好多人都識 做得好就唔係好多間做到 而佢地嘅Long island 各種酒嘅調和比例岩岩好 非常順口 唔會話有某種酒嘅味道特別突出 從而搶咗個焦點而第二杯我地叫左Martini 呢杯比我地嘅感覺好清新 飲落有淡淡的苦澀 香氣濃郁 作為經典調酒 佢哋真係做得好出色而最後一杯相當特別 以金光閃閃嘅酒作為基底 淨係睇到個視覺效果都值回票價 而且飲落甜度適中 非常適合女士打卡以及小酌另外我地都叫左啲小食 等我地一邊傾計一邊食而佢地嘅炸物真係做得岀色 上枱熱辣辣之餘仲保持住乾身 唔會話有油膩嘅感覺~~~~~~~~~~~~~~~~~~~~~~~~~~~~~~今次食飽先遇到佢地感覺有啲浪費 下次一定要再嚟係佢地到食晚餐 我見到佢地啲牛扒都流晒口水…Read More

Home office耐左都想岀去呼吸下新鮮空氣岀得去點少得食返啲好野慰勞下自己今日突然想飲椰汁冰諗起佢地嘅椰汁冰唔錯就山長水遠咁走去食飯一入去點少得叫個小食拼盤開下胃 小食拼盤就最岩我呢啲咩都想食又咩都食唔多嘅人 呢個小食拼盤平均水準都唔錯 不過最值得點名嘅係佢地嘅炸春卷 炸到外皮相當脆口就不在話下 而且仲保持到入面蔬菜絲嘅爽口 真係之後又叫左幾串串燒過下口癮 佢地咩串燒用特別香料醃製 未食已經聞到好香 而食落真係無令我失望 肉質多汁口感鮮嫩 真係想食多幾串 奈何胃口有限下次先最後叫左個滑滑雞嘅叻沙食 食開嘅啲滑雞嘅朋友都知點睇啲雞新唔新鮮就係睇下雞有無皮下嘅透明膏狀物 佢地嘅雞真係唔講笑每舊都有之餘仲非常之咁嫩滑 完全唔會令你有韌嘅感覺~~~~~~~~~~~~~~~~~~~~~~~~~~~~~~結果我話黎飲椰汁冰唔記得影低佢地個椰汁冰 唔緊要下次再去再補返…Read More

今日係旺角行完好耐無行過嘅信和竟然比我見到一間以B.Duck作為主題嘅餐廳見到咁得意 走上去試一試上到去已經比B.Duck包圍 而佢地嘅枱面裝飾都相當有心機 所有碗碗碟碟只要係你諗到嘅野都有B.Duck係上面 而食嘅野同平日飲茶無咩分別 不過呢到仲有車仔麵 下次行過先再試佢地嘅炸野水準都唔錯 脆口之餘仲完全無油膩感真係食幾多都唔怕肥👻而佢地嘅包點同蝦都有可愛嘅特色公仔係上面 雖然食落好似有啲殘忍🤣但係味道唔錯 一於放哂落個肚到最後飲茶點少得鳳爪排骨飯 佢地嘅排骨好滑 而且骨肉分離 加埋個豉油真係完美配搭~~~~~~~~~~~~~~~~~~~~~~~~~~~~~~呢到真係平靚正 而且作為打卡熱點真係無得頂…Read More

香港人真係好幸福只要想各國美食都擺在眼前今日又去食印度菜 因為我一直都鍾情印度菜對香料嘅運用 因為今日兩個人食叫唔到好多 我地就黎個全羊宴先黎個烤羊肉配飯 佢地嘅羊肉烤得好岀色 外面有少少焦脆 裡面依然充滿肉汁 加埋啲醬汁嘅點綴 令我胃口大開印度菜點少得印度薄餅 今日我地叫嘅都係羊 話明全羊嘛 食落一啲都唔油 而且用料充足而豐富 加埋啲小蕃茄同蕃茄醬食落清新開胃 好有飽足感~~~~~~~~~~~~~~~~~~~~~~~~~~~~~~兩個人叫兩個菜都食到飽哂咁走 證明佢地啲份量都幾多 鍾意印菜嘅朋友不妨去試下…Read More

香港人一直都對日本菜情有獨鍾 好多時都會約埋三五知己去食番餐日本菜慰勞一下每日辛苦工作嘅自己 今日放工同另一半相約係尖沙咀嘅居酒屋食番餐好嘅先黎頭盤 我地叫左三文魚同油甘魚刺身 佢地嘅三文魚油厚肉嫩都不在話下 更重要你食得岀佢解凍時間岩岩好 唔會有過硬或太淋嘅情況而佢地嘅甘金魚直頭係水準之作 肥美已經好難形容 一咬落去魚香同油脂香涌哂岀黎 食完等下個菜嘅時候都仲依稀感覺到口有餘香食日本野壽司都當然少不免 首先海膽量多味濃入口後成個口都充滿海膽嘅鮮味火炙壽司未必係好多人嘅首選但一定係我嘅首選火炙壽司要選就要簡啲高油脂分布嘅魚種例如三文魚同左口魚 燒過後油更香魚口感更豐富最後就係呢個重量級嘅鰻魚飯 你淨係見到條鰻魚都知有幾正 食落啖啖肉 啖啖都有鰻魚香~~~~~~~~~~~~~~~~~~~~~~~~~~~~~~ 下次再黎一定要試下佢地嘅原個海膽壽司🥰比成個海膽充滿諗起都幸福…Read More

打冷我諗好多香港人都唔多唔少都會一個月有一次勝在方便做好哂自己咩都唔駛搞 今月做完野經過九龍城就自己一個走左去打冷食得潮州菜真係點少得凍蟹 今次呢隻凍蟹真係無得頂 肉質結實 食得岀佢嘅新鮮 而且食落啲蟹膏充滿成個口 一個小炒王就試得岀一間餐廳嘅功夫 因為小炒王有好多唔同嘅材料 要樣樣炒到岩岩好相當困難 而佢地嘅小炒王不但做到呢一點 而且好好鑊氣 上到枱仲係岀哂煙 真係熱辣辣最後點少得鹵水野呀 我就叫左鵝片同埋鵝腸 一睇就知無得彈 佢地嘅鵝片厚薄岩岩好 有咬口之餘又唔會韌 加上鹵得好入味 配埋佢地自家製辣醬 送酒食真係一流 同埋佢地嘅鵝腸爽口之餘 仲相當之肥 食落有種獨特嘅油香~~~~~~~~~~~~~~~~~~~~~~~~~~~~~~今次偶意黎到呢間店 真係無入錯去 下次帶埋朋友一齊黎食多幾個餸…Read More