Wild Rabbit's Profile

今日放工打算同同事食飯輕鬆下，兩條友仔就係大圍撞下有無好嘢食。遠睇見倒間嘢叫木屋大排檔，点睇都應該係食小菜掛，行去一睇SA WAS DI KA! 竟然係泰菜。餐廳用木同竹為主題，好有泰國色彩！ D relax feel 返囇黎，要入佢擦餐勁。打開個menu, 超多嘢想食 最衰我地得兩但人 最後我地叫左生蝦，細拼盤，泰式明爐酸辣大蜆，鐵板蠔仔煎蛋，鮮蝦炒金邊粉同凍青檸梳打。 先上生蝦，好特別用隻杯上，蝦大新鮮，配個汁酸辣好正。小食有魚餅，春卷同蝦丸，夠脆夠彈牙。個明爐蜆好很正，蜆新鮮大隻既，用火煲住熱辣辣，冬陰功湯同個蜆超夾。鐵板蠔蛋好多蠔又大隻，好香口，食唔停口。個泰式炒金邊粉好地度，羅望子味好重，好有係泰國食既味道。青檸梳打俾隻骷髏骨頭杯裝，打咭一流。 整體味度好食地道，份量夠大，坐得舒服又有泰國feel。食完有回味止倒癮，要約齊人再嚟。阿來Mark😍…Read More

今日要去天后做野，lunch time 要周圍去搵食，無頭緒既時候被徳利酸菜魚張banner吸引左。行到埋佢見倒超多辣野食，有酸菜魚又水煮牛，又口水雞等等，仲要好鬼香，無啦無啦，食硬你！ 五十蚊就有一個餐，我叫左一個水煮牛薯粉同一個口食雞，然後就上左樓上雅座慢慢嘆，樓上環境好好，坐得舒服，由於可能過咗食飯時間，無咩人。 打開薯粉，第一眼就係好多料，牛肉好入味好淋，湯底好惹味帶辣，係會追住食。辣度就好以譚仔小辣甘，唔係死辣，辣中帶香味，唔會冚過啲牛肉味。薯粉又係入晒味，滑得黎淋淋地易食，配料都唔簡單，有萵筍啊。 口水雞就香多過辣，少少麻少少辣，雞唔會好肥，雞肉仲好鬼嫩滑，花生我都好鐘易食，我仲見倒花生係自家炸既。 真係好開胃，好快就食倒一件不留。簡簡單單一餐甘就好好滿足倒我食辣既慾望，食完仲會好期待下次，上晒癮要帶多幾個friends 黎食多d款式。 叉完電，我仲繼續留係果度做下嘢。…Read More

幾近排天氣好潮濕，成日都想食辣野。麻辣火鍋，雞煲成日食啦，今次搵間酸菜魚黎食下。約左两個friends 去尖沙咀食烤魚，間嘢個名好特別，叫”烏蠅館”.行到好攰，六点就去到開餐，見倒巳經坐滿左七八成。間鋪算幾大，唔迫夾。烤魚有三款魚六款湯底選擇，我地揀左龍躉魚配特色泡椒湯底。個煲黎倒巳經好香，好想即刻食，但店員教我地要冚蓋煲5分鐘就最正，食完魚先再加湯食火煱配料。湯好鮮甜唔辣帶酸，好開胃。魚肉夠嫩唔腥，五分鐘真係啱啱好。湯底配菜都好正，雲耳入晒味超好食。我八掛見倒好多人都揀三刀，下次再試。火煱配料我地叫左肥牛，炸魚皮，海膽丸，貢丸同番薯粉。 全部都好新鮮好食，肥牛肥瘦均勻，炸魚皮都唔係一般貨色，但最正係個薯粉，入囇味，簡直係主角。杯冰凍桂花蜂蜜都要提下，夠清甜，配烤魚啱囇。當心癮一起，就一定會再黎食。…Read More

今日下晝去左西環探親，去度見肚餓，四圍騰去搵食，行行下俾一間舊色冰室吸引住。行到門口，大大舊香港色彩既招牌，放滿熱辣辣既麵包同蛋撻。我依個舊冰室控要入去啦。坐底叫左我係冰室必食既特餐，沙嗲牛肉麵，煎蛋，餐包同熱奶茶。野食先到，先講牛肉麵，牛肉隱藏喺麵底，麵無俾湯浸倒過諗。食前先將麵撈勻，就會聞倒香濃嘅沙嗲味，牛肉軟身入味。餐包新鮮軟熟，配合埋杯熱奶茶真係一絶，奶茶就香濃細滑。 正係我邊嘆茶邊欣賞懷舊環境既時候，蛋撻新鮮出爐，頂！蛋撻呀唔該！蛋撻係牛油皮，外皮香脆充滿牛油香，但蛋身仍然keep到軟滑。依度除咗食食物質素外，就係食懷舊環境同傳統風味。我好中意。🤗…Read More

原本只係去cafe飲下咖啡，竟然比我見到一間專食泰國船麵嘅舖頭。見門口既相同招牌就覺得唔少野，唔係好餓都要入去試下。入面裝飾係幾有泰國街頭麵鋪既特色，未食都好似去左曼谷水門甘。我叫左係泰國必食既黑湯底豬肉丸金邊粉，再加埋杯凍青檸梳打水。未食先興奮，泰國我黎啦，船河一上枱就巳經聞到好濃郁嘅肉湯味，無論顏色泰國嘅都好似，唔油，香而不膩。豬肉丸同樣出色，金邊粉足料，完顏適中。青檸梳打就冰底同樽裝梳打水分開上，仲要用埋銀色鋼杯夠地道加點足粉。總括而言，環境嘢食都夠囇地道風味又好食，依個價錢無得輸。食完更加掛住泰國，賴嘢！…Read More

今日朋友話要食放題，坦白講我對放題不一向都冇乜興趣，期望亦都唔會高，質素只有不過不失就已經好好。我個friend話依間佢之前食過，一定唔係普通料，同其它唔同喎, okok就去試下。佢係中環上樓鋪，都叫跟地鐵站，今日我地食假日下午放題，人客都有八成滿，我地有訂位。地放唔算大，居酒屋嘅design，位置寬躺。坐底侍應就幫我哋安排一個魚生拼盤，再加一個送嘅龍蝦刺身。賣相味道都好新鮮。我哋都有叫到海膽手卷，同樣先甜好食，都係任叫。種類唔算好多，但質數高，大部分想食既都巳經有。我推介有鴨肝，燒原殼凡立貝，魚生，吞拿魚他他，燒大蝦，燒羊鞍，和牛......等。Order野食，唔食畫紙同襟電話，直接同侍應，都無留單既情況，上菜時間正常。如果我再想食放題，我暫時你只係會黎依度。高質滿足又唔駛同人逼。…Read More

西環有間洗衣店Cafe，cafe 設計好有文清feel, 以木素材為主，配合埋一座一座白色既洗衣機，既簡約又有特色。Cafe以樽裝cold brew 最為出色， 我揀左以本地設計師門小雷設計既小女系列。未飲巳經諗定飲完要keep番個樽。咖啡好清淡帶微微花香，有少少甘味同酸味，入口順滑舒服，好適合炎炎夏日。飲完仲會有彩蛋。我就坐左係室外木凳，一邊飲一邊睇睇依個舊香港，好懷念，好不經意就enjoy 左大半但鐘，好治癒 唔飲咖啡既各位都可以黎架，有tea, choco, lemonades.........…Read More

今日放假，想搵間cafe hea 下，見倒西環一帶又好幾間cafe 都有人介紹，各有特色，我對兩間都好有興趣，就兩間都試囇佢。Bluebird 有出名既芝士菠菜酥同Peanut Butter Latte. 鋪細細以藍色同銅色做主色調。樓底高加埋綠葉做配襯，坐得都好舒服下。講番野食，叫左出名果兩樣。咖啡同花生原來係諗唔倒甘夾，每啖咖啡都有淡淡花生味，花生味唔會好撞，咖啡味依然香濃。菠菜酥滿滿既芝士好滿足香口，加左菠菜就唔覺得油膩。 Cafe仲有其它特色飲品同蛋糕，我下次會試埋，依家要去下一場。…Read More

MUJI係德褔廣場開左新鋪，以食做主題，增設食物市集，冷凍食品，茶米工房同手沖咖啡。好多人，我係Bakery 買左一個墨汁芝士蘑菇包🥖,再去近正門位置order 一杯手沖咖啡☕️。墨汁芝士蘑菇包口感軟熟，芝士味濃, 連埋蘑菇一齊食，好香口juicy. 同我係日本MUJI食既一樣感覺。手沖咖啡我就楝左巴西豆，咖啡師有向我講解各咖啡豆特性同沖法。咖啡偏向清淡，人口舒服無苦澀味。以後要飲一杯有質數既咖啡同食tea又多個一個選擇😊…Read More

今日放工經過太子，俾一間叫第一蠔粉麵既鋪仔吸引倒。鬼叫佢門口放囇d用蠔做既菜式既相出嚟，又蠔餅，又炸蠔，蠔湯甘，仲話d蠔係自己係流浮山經營既蠔場直送。鋪仔細細，空間尚算可以。流浮就自然諗起金蠔，我就叫左一個金蠔湯台灣麵同蠔餅試試。蠔餅香脆唔厚粉，蠔仔份糧都適中，無俾脆粉遮蓋蠔味。金蠔台灣麵就老土d都要講，金蠔好有蠔味，質感軟熟。湯底鮮甜帶有少少蠔味，有水準。下次再黎我會試埋串試金蠔，香煎金蠔同蠔湯，真係中曬蠔毒😍。…Read More

每日係火炭返工，食lunch，放工。大部份嘅時間都平平凡凡甘過。食lunch就更加沉悶，食黎食去都係果幾樣，無咩變化。今日都係甘，成班人打算去間茶記食下頹飯，我地平時就會叫鐵板漢堡餐。lunch黎記算有特色，好食又足料，漢堡有成三塊甘多。但今日個主角唔係佢，就係非洲雞套餐🍗。份量好多，一盤有六件炸雞，傳統粗薯條，車厘茄再加青瓜。炸雞係即炸，外皮好脆但唔厚粉，肉質香滑無過火，原味巳經香脆好食。話明食非州雞，當然要配埋佢個獨家辣醬，比我想象既辣，但絶對食得過癮。粗薯條都不錯，脆同有口感，青瓜果d就俾你refresh下甘。今次好有驚喜，依樣係新嘢同唔係日日有得食，食唔食倒就睇你彩數。😂…Read More

阿夫利Afuri拉面店係年前登陸尖沙咀The One商場，就係果間日本東京以柚子鹽味雞湯拉麵打出名堂既人龍店。係東京我必叫柚子沾面同碳燒曰式叉燒，今日終於可以嚟拜候下佢。The one 店係半開放形式，樓底高開陽舒適，透光度高可遠眺九龍公園景觀。以自助購票機点餐。今次我就叫左辛露沾麵同必食炙燒叉燒回味一番。沾麵率先嚟到，沾麵附上半隻流心蛋同半肥瘦叉燒。麵係屬於硬身彈牙，流心蛋味道濃厚，叉燒淋身。沾麵湯唔係好辣但有辣既香同微微柚子味，香辣清新既組合。炙燒叉燒接住黎埋，有陣陣炙燒味，肉味香濃，雖然無左日本既碳燒味，但絶對無令人失望，必食推介。好不簡單嘅一碗沾麵😚…Read More

今日下午係觀塘做完Gym，想搵間cafe食個tea. 去左工廠區附近搵食就俾我搵到一間叫’喫茶部’上樓cafe.好掛住日本d喫茶室呀！上倒cafe門口，就會見倒仿日本喫茶室既燈箱，d感覺真係返晒嚟。咖啡同toast我等唔切喇。四点多d既時間都坐滿人，室內光猛寬躺，Tea time 有pancake, toast 同小食。我就叫左有杯Ice latte 同一個雙重口味嘅Toast. 有六款口味選擇，我揀咗芝士蕃茄肉醬同草莓紅豆蜜糖。Latte 咖啡味濃郁，口感幼滑無苦澀味，絕對頂倒我d咖啡癮。Toast 見倒都巳經覺得靚，好有heart，值得幫佢影張靚相。麵包口感軟熟，芝士蕃茄肉醬好香口但又唔膩。草莓紅豆蜜糖就甜甜地，配合得好好。雙重口味真係好鬼滿足。日系既裝潢加埋美食，見倒有好多人都忍唔住影相打卡。我就靜靜聽下黑膠唱片音樂，relax下。食完再減😅…Read More