TCJING's Profile

酒吧送酒之選Hans bar and restaurant 近排喺尖沙咀上Yoga堂，發現到都有條酒吧街，試下探下路。位於赫得道，人流唔算太多，都係開揚位置，適合吸煙人士。餐牌剛剛轉左未更新，食到款新既烏冬。1.雞翼配炸一口芝士$78因為有醉過酒就知道芝士對於打底係幾唔錯。呢款芝士外脆內軟，幾高質。雞翼就類似家常小菜一點。2.明太子忌廉蟹肉烏冬$108蟹肉係真拆骨，明太子不辣，岩小編口味，整體夠哂creamy. 唯一想講既係隻碗出事，可以用隻大啲或者剛好包住既碗，賣相會再吸引啲。3.避風塘暑條 $58香味好夠，好惹味。暑條相信都係自家切的。4.牛舌$118應該係MVP. 每簽頭果兩塊都好Juicy同香。但食得3塊似乎過左火小小。5/6 Shiso/ Suntory MaltShiso 係好香紫穌葉+檸檬+GinSuntory 正常發揮…Read More

今日又突然想食酸菜魚，就近近地去附近金百利一間樓上食店食。.大約7點左右上到去，唔需要等位就入得，一入到去見到地方都唔細，而且乾淨企理，每個位都好寬落。.職員都好熱心介紹餐廳唔同的拿手小菜，咁我地就要左個細的酸菜魚同埋水煮牛肉。.酸菜魚 (細) $238唔好以為真係好細，一上枱即刻wow一聲，好大盤，同埋仲有埋個魚頭。魚片份量唔少，仲有一d配菜同埋寬粉，兩個人食都夠飽，但3人以上就建議要個大的酸菜魚。另外，佢地的酸菜魚係少油，仲加左花椒，食落唔重味精，我地直頭飲左幾碗湯，飲落酸酸辣辣，好易入口。我地今次叫左小辣，辣度大概係譚仔10小辣，如果嚐辣之人可以叫中辣，應該會更惹味。.水煮牛 $138水煮牛上枱時連埋個小蠟燭，可以確保唔會凍左，呢味餸比起酸菜魚多油，但如果送飯就一流。牛肉夠嫩滑，而且夠麻夠辣，重口味人士一定會好鐘意。.後記果日食飯見到有2位客人由點餐到離開時都對職員好苛刻，響職員面前不停貶低餐廳，又抬舉另一間大型連鎖地舖酸菜魚餐廳，職員都好耐心同禮貌回應佢地，點知去到結帳時果2位客人見到要收取加一服務費時就勃然大怒，話竟然咁都要收佢地服務費，之後仲話以後都唔再食。.其實而家好多小店都難做，加上仲要係樓上餐廳，用大型連鎖地舖餐廳的規模同小店相比，絕對不公平。不過，經過呢件事，更加睇得出呢間餐廳的職員個個都好專業，即使遇到西客，都依然維持好好的態度，真係好難得。…Read More

再次黎到呢間西餐廳，感覺少人左，但其實CP值都高。我地最鍾意飲佢個goose island 同埋据扒。.另外，佢地有打碟位架，相信係疫情關係冇左表演，希望快快回復啦，我地再去！..水牛城雞翼1/2 打$98..適合香港人辣度既水牛城雞翼，肉質嫩，感覺到有忌廉味。.Australian Grass Fed Rib Eye Steak 10oz$288叫左Medium, 有見紅，下次可以挑戰三成。今次選取左草飼澳牛，感覺會勁少脂肪，如果想減肥既朋友可能岩食，但小Pi很喜歡肥野，所以會選擇雜食牛多啲。二人食10oz 好夠食了。.Cheese Ravioli with Tomato$118軟滑既意大利雲吞，都算正宗。.Camomile Tea$28主要係Pipi想飲番杯暖茶準備明天上班。.Goose island Duck Duck Goose$68呢隻啤幾清幾滑，感覺有啲蜜糖咁。適合女士飲用。.地址銅鑼灣駱克道459-461號 The L Square 8/f…Read More

見呢間夜晚好似少人啲，又想飲番杯啤，就決定夜晚食番餐。相信介紹比我地聽果位係老闆，好熱情咁介紹佢地既前菜及主菜，仲有唔少得既Tap。佢地最想見到顧客係飲住佢地既Tap同三五知己食住小食吹下水。見佢舖個格局就知唔少野，Bar枱正望就係幾廿個Tap頭，不得了。我地去既時候有13枝craft既選擇。我地㨂左其中兩隻：S02 U.G. Hazy IPA和S11 Duchesse De Bourgogne..散叫，晚市冇餐。見有lunch set，同埋happy hour 由14:30-19:00.S02 U.G. Hazy IPA$88(small)來自台灣既Taps，一入口就有fruity 既香味，最後回甘。送水牛城雞翼正呀。.S11 Duchesse De Bourgogne.$98(small)來自比利時既啤酒。與其話係啤酒，GuGu更覺得係紅酒同白酒既互配，有紅酒既酸，有白酒既刺激。問完老闆先知係浸完啤酒筒再轉入紅酒筒，所以會似紅酒感覺。先聞一聞，有紅莓既味道，嘗一小口，小甜。跟著就係小刺激既感覺。個人認為岩配牛肉Tataki。.Buffalo Wings$88比起香港一般既水牛城會辣一啲，但問過老闆，佢比較想忠於原著，可以一試。炸完再上汁，唔太多醬，剛剛好就掛住哂隻雞翼。.Beef Tataki$168生牛肉肉質夠淋，唔會有多餘既根位。牛肉旁既椒鹽亦相當惹味。Gugu個人認為洋蔥係呢碟既mvp，佢係浸過上湯，唔係生洋蒽，感覺更加吊到牛味出黎。.Spanish red prawn linguine$218西班牙紅蝦偏意粉！Pipi表示係佢食過最好食既扁意粉！蝦既肉質岩岩熟透，但佢唔係好彈牙果種，係介乎彈牙與入口即融之間，個頭既膏一咬就噴入口，真係不得了。重點係個sauce，感覺有啲似好濃既龍蝦汁，紅蝦呢款值得試。.座位數內部約30座外部兩枱，每枱2-3位.地址中環荷李活道26-28號永寧大廈地舖…Read More

伊甸💛被封為良心小店（？）今日食完個午餐去觀塘拎蛋榚，蛋榚係5:30拎，中間仲有成大段時間點算？按下良心地圖見到有間叫做小伊甸但結左業，原來已經重開番，但改左名叫做伊甸，依舊有聖經金句，依舊有休閒風格，依舊係良心小店。閒日去，工廠區，所以人流不是太多，所以很想幫佢地宣傳一下。有餐食區，飲品區，適合腦閉塞人士、想Chill下既人士。我地㨂左個下午茶鹽酥大雞排配飲品$55+15+4=74滋鹽粉味一埋黎就聞到，睇落都十分香口。味道冇想像中咁濃烈，脆炸感亦冇想像中咁勁！唔想熱氣又想過下口癮適用😂冬瓜仙草+蘆薈清熱氣加口感之選。佢係賞茶既舖出既，兩個似係合伙？冇叫少甜之類，但都已經係不太甜，可以不用少甜。花枝丸 台灣腸 鹽酥暑條 配飲品$55花枝丸不太特別，台灣腸充滿黑椒及鹽，肉質亦較實，幾唔錯。暑條都係新鮮，粗暑條。熱柚子蜜正常發揮。地址觀塘官塘道436-446號官塘工業中心第四期1樓C室…Read More

為於中環平山的一間玩味濃的腐皮壽司店，每隔一排就會想過黎食。當年由銅鑼灣小店做到可以進駐中環，就知佢有幾多回頭客啦。最欣賞係食物質素keep住好高質，而且會花好多心血去裝修佈置，等食客有種去左外國的感覺。食物方面每次都會叫腐皮壽司其實每款都好鐘意，不過特別喜歡炙燒左的左口魚邊，食落充滿魚的油脂，但有腐皮的甜度可以中和到，所以唔會覺得好油膩。另外試左雞軟骨棒，配埋蛋黃同醬油，每一啖都好juicy。最後有燒飯糰配蟹膏同魚子，軟滑香濃的蟹膏同燒焦的飯糰係一流的配搭，再加上卜卜脆的魚子，口感好豐富。總括而言，食物質素好高，而且擺盤賣相都好用心，呢度d器皿都保持日式風情，坦白講價錢唔平，但都會keep住黎食。…Read More

呢間餐廳的大廈入口係一條巷仔入面，如果唔係有人響道行出黎，完全唔會知果道係入口。餐廳裝潢簡約為主，地方唔大，枱同枱中間都有少少逼，大概可以坐到20人。我地預約左當日星期六夜晚8點半，凖時上到去都要等15分鐘左右。樓面只有1位職員一腳踢，不過佢就算好忙態度都好好。火魔醉蜆 $88一上菜的時候職員就幫我地倒左酒，然後點火，火焰大概維持1分鐘左右，好適合打卡。蜆肉比較細，味道都一般，尤其有d蜆痴住左個盤底，燒完之後黑哂，食落都一陣燶味。法式甜酒西班牙杜洛克豬肉眼扒配南瓜醬 $198豬扒的質素好不錯，食落彈牙爽口，配上甜甜的南瓜醬可以中和到油膩的感覺。薯條都炸到好香脆，即使塊豬扒放響薯條上面都唔會令佢淋哂。魚子白汁煙三文魚燴意大利扁麵 $128呢款扁麵的醬汁比較濃稠同偏濃味，食多2啖都已經有飽的感覺，可幸的係份煙三文魚唔會好咸。迷迭香芒果菠蘿沙冰 $58職員會點火燒條迷迭香，飲落會有陣淡淡的煙燻味，可惜水果味道似落了香精，有點artificial，比較失望。…Read More

2月嘅時候曾經黎過留家廚房食午市，當時人唔多，2個人都可以安排到4人枱。果陣覺得留家廚房樓底夠高，透光度不錯，食物質素又可以，所以一直都想再試。今次專登約埋男朋友媽媽星期六下午黎食生日飯，可惜當時book枱時無特別要求，去到時職員就帶左我地去一間細房，同出面相比就會陰暗d，旁邊仲放滿雜物箱。至於食物質素，燻雞的雞皮夠入味，亦都食到淡淡的煙燻味，而雞肉都嫩滑。其他點心的味道就不過不失，不過有樣好就係唔一定要叫一籠，可按喜好點唔同的數量，最少2件起。點心大約$40-$55一籠。總括黎講，呢道都係唔錯，職員態度都好友善，但如果係想要有好的環境，一定要book枱時講明坐出面，唔坐房。…Read More

地舖直上一樓就係整層居酒屋所在地。從踏上樓梯時會發現佈置會有日本的歌舞技町/居酒屋的佈置，先先讓食客入局呀！一埋到位會有兩隻小杯，一壼真空不鏽鋼壼的熱茶，相信係綠茶，貼心。我地點左一個料理、一道揚物、一碟壽司、一個本月推介、兩杯飲品。本月推介 海產細味六杯子$239拖羅油醋沙律2杯、日本生蠔2杯、海膽玉子飯2杯。上枱時真心驚喜，好似人地去酒吧飲6shoots龍舌咁，幻彩燈勁適合打卡。唔知係咪耐冇食蠔，佢呢個蠔食落係蠔既肉味好濃郁，加上調配過既Tabasco係非常之出色；然後海膽+飯+玉子呢個配搭完全係中和到一個點，海膽味濃郁，感覺有啲似北海道既海膽（如錯請指出），加上玉子，係連僅餘既海水味都消除埋；拖羅小杯唔似以前丼上咁硬淨，有滑嫩口感。A5宮崎和牛後腿肉壽司-2件$156A5和牛喎，仲要都幾大片，加埋海膽，呢個價其實都差唔多。肉質係有啲啲彈牙但又未去到豬頸肉咁。果度大概係三成熟，不韌不膩，係正架！濃煮鮑魚豚角$128可以睇成係醬油的豚角煮，同埋新鮮鮑魚的料理。豚角煮上有幾顆羅白，已吸好醬油味道，GuGu感覺還好，豐富的醬油味，吃清淡的話可能會感覺偏咸。鮑魚真係連殼的新鮮鮑魚，鍾意食新鮮鮑一定喜歡。天婦羅茄子田樂燒$58茄子質感嫩，極似燒烤到熟既感覺。飲品 蜜桃烏龍熊茶 $58 頭頂熊仔真係好Cute, 都係岩打卡系列。不過過左一陣佢就會溶番落去潛水。據聞佢係茶冰黎，而蜜桃味都幾唔錯，PiPi唔吃甜野都表示甜度適中。飲品 北海道士多啤梨牛乳乳酸$48味道不會似藥水，裝飾幾特別，但如果可以叫少甜會更佳。後記食材同煮法都係有心思的，下次可能會試下好大型既酒架！…Read More

平時多數都響旺角食飯，好少行到大角咀，今日難得早放工就過黎行下，經過就見到呢間樓底高又有格調的餐廳。呢道採用開放式廚房，但都唔會好大油煙，抽風做得好好，而且環境好chill，全部都係sofa位，7點幾黎到已經有好多客人。餐牌都有好多選擇👍🏼前菜 西班牙炸薯仔 $88呢個薯仔加左沙律醬同埋辣醬，炸到外脆內軟，唔好睇少佢的份量，食左一半已經感覺飽了。前菜 金槍魚凍盤 $148聽職員講，佢地最近轉左呢個凍盤，而家呢個菜式將呑拿魚同青瓜切粒，堆砌成一個小塔，最頂放左d魚子醬，旁邊配上2塊剛剛烘好的包。好欣賞呢道菜的調味，食到呑拿魚的鮮味，再配合埋清新的青瓜，同埋酸酸辣辣的秘製醬料，好有地中海菜的風味。呢個價錢食到呢個質素的呑拿魚他他係超值！主菜 香煎黑木鯛 $168點菜的時候職員推介呢款special dish，上碟有一塊手掌size咁大的魚，魚皮煎到好香，配菜有烤過的茄子、翠肉瓜、蕃茄仔、露荀。廚師響魚上加了芒果蕃茄粒粒，另外旁邊塊配左由唔多香料混合而成的醬料，味道同黑木鯛好夾。甜品 西班牙脆條 $58每次去西班牙餐廳都要試，呢間的水凖非常高，剛剛炸好的脆條一d都唔油，每一條都沾滿了糖，一咬落去好脆身，食落又好煙韌。飲品 Grapefruit Collins $68, Apple Blossom $68我地各自點了一杯cocktail，絕對唔伏，2杯都甜甜地好易入口，Apple Blossom就再清新一d，影出黎都好靚 後記特別需要表揚當日招待的女職員，雖然餐廳得佢一個，但依然好有禮貌同耐性逐枱同客人介紹菜式，又會問下大家意見，好難得會遇到咁有心的職員💓…Read More

🍌香蕉仔-泰式香蕉煎餅⚠️請在一分鐘內動手！否則後果自負！一分鐘內食真係正好多人架🥹🍌店主勁有禮貌勁好人，我地有份走左練奶，店主話如果唔夠甜就可以返黎加番！❤️位於元朗良心小店💛16:00正式開門，未開前已經有人排緊隊，預一張單大約5分鐘左右，大約一塊。PiPi同GuGu 好好彩排第8位🤭華田味/榛子醬味香蕉煎餅$35可以雙拼架！建議一張單一塊，咁就唔洗等齊先比你。明顯呢份係第一份，不過仍然無阻榛子醬既吸引！😂榛子配香蕉本身已經係甜品界既老大哥，配埋個果肉+煎餅，人間極品。但華田相對冇咁好，華田味比蕉味搶左。花生醬香蕉煎餅(走奶)$351分鐘內開始食，我唔講啦，試啦！當然都係榛子醬世一🤭味道：🦙🦙🦙🦙🦙/5衛生：🦙🦙🦙🦙🦙/5價錢：🦙🦙🦙🦙/5地址🚸元朗大陂頭徑14-24號福星樓地下6號鋪#Pipixgugu黃店精選#Pipixgugu元朗黃店#元朗黃店#黃色經濟圈 #yellowfoodie…Read More

沖繩漁民食堂🎐離開大街大概有5分鐘距離，離開繁華鬧市有時候也有種寧靜感覺。價錢方面算是經濟價。小舖位置約20個位。🍛雞扒丼套餐+凍檸茶$52+2:雞扒用照燒汁上，脆皮不會太熱氣，但做到香口效果，感覺新鮮。有沙律菜伴碟。餐牌都有好多其他日式食品選擇，如果下次經過都會想試下！另外，老闆幾和善☺️味道：🦙🦙🦙🦙/5環境：🦙🦙🦙🦙/5推薦：🦙🦙🦙🦙/5抵食：🦙🦙🦙🦙🦙/5…Read More

🦞港滋味🐟慶祝紀念日點可以馬虎呢？搵到間港島幾有特色的小菜。聽聞係由新加坡廚師主理。東大街差不多街尾位置。老闆好好人，有介紹到小菜的用料同招呼我地☺️點左個二人餐B加多個小菜，仲有兩碗油飯。🐥新加坡式海南雞:醬係豉油醬同埋有點辣果款，都算正宗。肉質OK。🦞蒜蓉開邊蒸龍蝦:蒜蓉味夠，肉質OK。因為開左邊，岩哂兩個人食。只要反轉隻龍蝦，肉都輕易跌出黎，唔洗扯開啲肉。🐟台式豆酥蒸黃花魚：呢個有驚喜，連PiPi平時唔食有骨魚都食左半條。魚係見到有骨，但幼到可以咬斷。豆酥味出眾，魚質幼嫩，仲有魚籽架。🍙海菜豆腐：問左店主，係由海菜苗切碎再有雞蛋等等材料整成既豆腐。食落係有啲香既蛋黃味。佢分左兩層，頂層似海菜苗，底層似豆腐。以上$388🍆梅菜扣肉茄子扇$88:本身意為係扇貝，不過誤打誤撞都有驚喜，真係未試過蒸都有燒茄子既口感，Creamy! 梅菜扣肉又係煲到好淋，講緊肥膏果Part。油飯2碗各$12：夠哂香味，不會太油但夠味。總計$500味道：🦙🦙🦙🦙🦙/5環境：🦙🦙🦙🦙/5推薦：🦙🦙🦙🦙🦙/5抵食：🦙🦙🦙🦙/5…Read More

🐟見見面🐟位於天后的一間酸菜魚、烤魚、雞煲、火鍋於一身的四川店舖。走進去後便會發現有種似層熟悉的感覺，如果你之前也有試過在內地去一些酒家吃過小菜，就是那種感覺！衞生不錯，有茶水供洗碗碟。亦都用左QR code點餐，咁就唔怕同餐牌有接觸啦。餐廳選擇幾多，但見到食評推介一般都係酸菜魚、辣子雞，所以都試試佢，另外再叫左炸曼頭和紅糖糍粑：🐟酸菜魚（生魚）$188:點菜時見到可選少油少鹽，即刻試試，又真係少油少咸喎！魚款有兩種（生魚、桂花魚），因為桂花魚要+100所以食左個生魚。佢絕對唔係包裝魚，有兩、三件背骨比你睇下，其他魚塊亦食得出魚的口感，唔會太滑捋捋。🐥飄香辣子雞$143:辣子雞分左兩款，一款有骨，一款無骨。平時少食無骨又試試佢。的確叫小辣係同譚記的五小差不多，重點係個麻都幾出色，食到麻味，但唔會維持到你食完返屋企。女生可能幾喜歡！🥖炸饅頭6件$38；平時街食既饅頭要食4-5啖先搞掂，呢間1-2啖就ko, 方便之餘可以等你解解辣。紅糖糍粑$38:暫時食過最solid，最煙韌的。可能紅糖不算太有特色，但糍粑的確出色。有青島，藍妹等等酒水。味道：🦙🦙🦙🦙🦙/5環境：🦙🦙🦙🦙/5推薦：🦙🦙🦙🦙/5抵食：🦙🦙🦙🦙/5…Read More

🥬車仔檔兩餸飯🍖又係OT時間，去睇下有冇兩餸飯試下。見到間門面細細但餸菜幾唔錯既選擇。位於荔枝角，D2 2期對面。二話不說叫四個餸諗住同同事開心Share。點之分享到唔記得一開始影張相，希望大家唔好介意🤭🐥鼓油雞扒:雞扒都幾大塊，要分半份食。🥩古魯骨:個味勁唔錯，甜比酸的比例大概係7:3，仲有脆面加芝麻👍🏻🥩椒鹽豬扒；做到茶餐廳水準，但感覺有些少過咸。🍆茄子:淋身，Juicy.總計43+8=$51 （走飯）味道：🦙🦙🦙🦙/5位置：🦙🦙🦙🦙🦙/5推薦：🦙🦙🦙🦙/5抵食：🦙🦙🦙🦙/5…Read More