nickw623's Profile

最近喺中環食左一餐令人相當印象深刻既德國菜，老闆兼主理人係曾任多家5星酒店行政總廚既Peter Find，朋友一早講明冇豬手、冇香腸、冇啤酒，Peter做既喺傳統德國菜，我哋點左6道料理既餐單，唔熟悉德國菜既我真係非常期待Frankfurter Grüne Sauce － 藍龍蝦加上溫泉蛋既組合，我諗唔洗多介紹啦Frühlings Erbsensuppe － 碗豆湯配上煙熏紅鱒魚－服務人員介紹呢個湯係完全無加任何忌廉同牛奶落去，卻相當順柔，清爽之餘，亦無個種草青味，我嘗試整碎個鱒魚，有一種提鮮既滿足感Koenigsberger Klopse－ 一道著名既德國地方菜，以昔日普魯士國首都為名，有人話佢係獅子頭，食落感覺唔太似，個人幾喜歡佢個紅菜頭汁，微甜，清爽Seebarseh － 我最簡單既形容係香煎鱸魚，不過呢道菜最驚喜係佢個牛汁，無諗過會用呢個汁去配，但又冇個種霸道唔協調既感覺喎 Zwiebelrostbraten－ 全晚重頭戲，牛味香濃，肉質軟滑，烹調亦恰到好處，最深印象係佢3款洋蔥口味，我最鍾意個洋蔥硊片，非常香口，另外加上一道蛋香非常重既麵食Spätzle ，服務人員解釋其實都係非常傳統既德國名物，第一次試，感覺都唔錯甜品我比較小接觸，不過就想講下熊仔餐車既軟糖，一定要試下辣椒味，有趣刺激既晚餐結尾…Read More

星期日去完台灣返香港，食左幾日夜市同牛肉麵，女友提議食泰國菜攞返啲新鮮感，上網搵下屋企附近新餐廳，發現係大中華附近有間新泰菜岩岩開檔，抱住有新試新既冒險精神，拖埋個朋友落水，即刻開波黎到餐廳門口，感覺就係泰國個種一家人經營既小店，雖非光鮮，但絕對係乾淨企理，店內坐位唔多，個晚咁岩有班相信係泰國鄉理過黎試菜，而老闆娘同幾位工作人員又係泰籍人士，相信今晚應該有收穫啦，好，點菜呢度菜式都係港人喜愛熱門，今晚就以生蝦做前菜，生蝦舖係冰面上枱，每隻都伴有一生蒜片同辣椒，另外仲有一碟泰式酸辣汁，鮮蝦肉清爽彈牙，食材新鮮，汁醬方面，酸辣控制得相當平均，不會偏甜過辣，開胃十足，蝦頭炸好伴碟，有誠意第二度係本人全力推介，生菜包，有雞肉同豬肉供選擇，我地以今次就先試豬，由於舖面唔大，廚房制作既時候我地已經聞到香味相當吸引，乾葱，紅葱頭，蒜容既威力非同小可，配上檸檬葉，黑胡椒香味，一路炒，我地三個已經眼望望，好期待，上枱啦，先試一口肉，冇炒過火，魚露同檸檬汁配合得好均衡，就算唔加上生菜都冇過咸難入口，實在係難得高水準，份量方面，肉餡比較多，所以我地追加左一份生菜，即洗即上碟，食用感好好，要試再黎要左半隻海南雞，本人係非常鍾意食雞，浸熟既雞肉入口一定感覺到，特別嫩滑，雞味亦夠，我個人評價係唔輸各大名牌食店，鐘意泰式海南雞既朋友，相信唔會失望今晚仲點左一個炒椰菜苗，同泰式炒金邊粉，其實都係水準之作，鑊氣同味道都唔錯，加埋呢兩度，三個人已經相當夠食，加上飲品，埋單六百蚊左右，剛岩老闆娘整起左椰汁西米糕，仲醒左我地一人一件，泰國人既熱情好客，大家都食得好盡興，行經長沙灣，值得過黎試下。由於本身並非寫手，冇特別影相，只有一張生菜包既，留返大家親身體驗…Read More