Binge Eating's Profile

餐前薄餅+麵包微熱上枱，麵包軟熟，配芝士醬好味半燒薄切吞拿魚柳配橘子沙律吞拿魚脆邊，半燒的口感好豐富，加上調味不錯黑松露菌忌廉湯濃濃的黑松露味道，但飲落又唔太膩。煙三文魚明太子蟹籽忌廉汁闊條麵蟹籽明太子份量與闊條麵的比例平均，每啖都食到蟹籽明太子，闊條麵口感爽，整體好味。12oz 西冷牛扒配黑松露菌汁牛扒厚度適中，份量十足，7成熟剛剛好，脆面裡面嫩，肉汁多，好有牛味，好好味啊！餐廳好貼心，在甜品上寫字，慶祝紀念日。特濃朱古力心太軟伴雪糕心太軟是流心的，柚子雪糕清甜。…Read More

一去到門口，嘩係雲石紋樓梯好有氣派！入到去，環境都好靚，樓底高，花主題坐得都幾舒服。首先，開咗支sparkling water飲！橄欖油及黑醋的壺好特別！點餐後即上麵包享用麵包盤又係好特別的器皿！Deep Fried Crab Cake外面脆口，裡面啖啖蟹肉，用料十足！真係好多蟹肉！Omaha Prime Grade Beef Rib Eye Steak (10oz)有三款調味料，分別係鹽、芥末、燒汁其實唔使配搭調味，本身塊扒都已經好味，我叫7成熟，塊扒熟度剛剛好！Lobster Tail Risotto 好有驚喜！龍蝦彈牙，Risotto 味道濃郁，亮點係有Lemon Caviar 食落好似爆珠，豐富了整體的口感及味道！…Read More

第一次食！一入門口準備就坐時，店員好貼心問怕唔怕凍，我真係怕凍，結果店員揀咗適合的位置俾我地坐，加上店員唔該前唔該後，不時主動加水，服務態度一流醬油分別有兩款，一款係用於剌身，另一款係用於壽司/魚生飯，店員清晰講解用法。可自行寫單/店員落單都得厚燒玉子，熱辣辣上枱。芝麻雞翼都係熱辣辣上枱，皮脆肉嫩，仲有張吸油紙吸下油，不錯！火炙壽司拼盤好食！口感入口即融！！燒過下d魚油突岀！加上半溶芝士，味道好豐富！個人喜愛火炙左口魚邊壽司海膽軍艦，海膽份量足夠！軟殼蟹反卷 + 藍鰭吞拿魚四式盛拖羅油脂正啊，食落滿口魚油的香味最後仲有甜品…Read More

這間車仔麵，食過好幾次，味道其實不錯，各款餸水準平均。但今次唔好彩，食到有塑膠碎，真心失望，廚房實在太唔小心，加上侍應冷淡的回應，令到我如果考慮再次幫襯會卻步。膠角少少尖，其實都有少少𠝹口。侍應見到無理會，我主動叫咗3次侍應先回應我，一句不好意思，完！我只想表達發現有塑膠碎，敬請他們留意。最後我都有食晒碗車仔麵，以免造成浪費。豬軟骨+菜心+油麵，豬軟骨好腍，菜心苦苦地，油麵份量足夠。炸魚片頭，熱辣辣上枱，彈牙，好味！豬腸+雞翼+菜心+岀前一丁菜脯，好辣。…Read More

每次行過見到都想試下，今日機會嚟啦！第一次試，買咗冰糖木瓜雪梨茶+地瓜小芋圓店員表示這款飲品本身已經一早煲好雪藏，所以固定糖度，無得選擇甜度。因為我要求常温，店員話佢地的做法都係煲返暖俾我，仲問我熱度想要幾多。好欣賞店員清楚表明，講清楚係可以接受的。木瓜雪梨茶飲落不太甜，雪梨好夠味，都幾好飲，口感不錯，有少粒渣食下。地瓜小芋圓好煙韌，份量都算多，每飲一啖都食到好幾粒小芋圓，飲哂d茶都仲有剩不少小芋圓。…Read More

今日一家人決定岀街食飯，媽媽話事食泰國菜，每次行過這間泰國餐廳都見到門口等候的人十分多，問過鋪頭的人話8位以上先可以訂位，咁我地就選擇早點食晚飯，下午6時到達，不用等位，walk in就可以。生菜包的肉碎只有辣味，除了辣無特別，稱不上好味道，可取的是生菜係爽脆的。泰式炒金邊粉味道甜甜地，大粒蝦，整體一般。串燒，雞牛豬各2串串燒醬好味，燒的熟度剛剛好，肉質腍。黃咖哩牛腩真係麻麻地，黃咖哩偏淡且稀，牛腩有點韌，雖然黃咖哩汁算多，牛腩份量正常，但味道好一般。蒜蓉包香脆可口個人喜好，薄餅係今餐最啱口味。…Read More

屋企人想食台灣麵，所以午餐就去食！我地一行6人，入座時先安排張4人枱俾我地，勁逼！之後有枱，轉返張6人枱俾我地！雖然落單侍應寫單時混亂，佢覆單又吾太清晰，但最後上枱的麵都沒有錯，好彩😅我地入座時間咁啱係早餐尾午餐頭時段，又可以叫早餐又可以叫午餐。早餐雞扒麵配多士午餐紅燒牛肉麵椒鹽排骨麵排骨肉質比較硬，味道亦不似椒鹽。香脆雞扒麵熱辣辣上枱，似乎係即炸，等的時間比較耐。香酥雞扒乾伴麵伴麵汁不錯！酥炸花枝丸…Read More

有日行過見到有新鋪開張，係專門食餃子的小店，今晚得一個人食飯，決定去試下，店裡十分細，如果一個人食應該要搭枱，所以決定外賣自取回家慢慢食。只點了8隻白菜豬肉餃！嘩！餃子粒粒都好大隻，皮的厚度正常，稱不上十分薄，又不是好厚。餡非常多，多菜少肉，菜係爽口，咬落有口感，味道亦好味，啱我口味😋最驚喜的係湯底，花膠淮山煲豬骨湯，好甜好夠味，好飲的老火湯啊，仲有一粒紅蘿蔔食下。外賣會附送辣椒油及辣菜脯。…Read More

好朋友邀請去食飯，當然要去！仲要知道係有仼食薯條，薯條控的我一定更加要去我地點咗一個可以仼食薯條的餐，再加個意粉。一坐底就有麵包食！鍾意餅乾條脆卜卜我最期待的薯條，好大兜，熱辣辣上枱，粗薯條粗薯條粗薯條！！！正啊😋😋😋薯條配黑松露沙律醬都好食！第一兜薯條，一嚟份量多，二嚟係粗薯條，到最後我地竟然食唔哂，根本就無需要再refill😆豬鞍好腍，味道好好食，配蕃薯條👍🏻👍🏻👍🏻配菜有一大片菠蘿真係要加分！意粉爽口完全掛汁，食落好creamy，黑松露忌廉汁好味，菇的份量多。…Read More

經常見到匡樂都要排隊，今日午市walk in就得。羅宋湯好味，蔬菜甜，仲有一大舊肉食，足料煮好夠味。雞脾味道不錯，瑞士汁入味，略嫌肉質有點乾不夠滑，火腿十分大塊，飯的份量多到只食到一半就好飽，下次一定要叫少飯。我個人喜好撈汁食飯，同侍應講話想要汁，佢竟然俾咗一大碗汁我撈飯食！好開心香茅豬扒好味，夠腍，有多塊豬扒，份量好夠，炒公仔麵的麵質係爽，值得一讚！餐飲叫咗杯熱奶茶+熱華田，熱飲用大杯，真好！整體味道好食，正常價錢，但份量多，確係抵食！…Read More

親友推介的私房菜，預訂了兩圍枱與家人慶祝生日，由新界西山長水遠去到藍田，由車站行過去要至少十分鐘，附近有露天停車場，位置偏僻，晚餐時間到達，附近的鋪都已經關門，鄰近係住宅。第一次嘗試這間海鮮私房菜，環境殘舊多蚊，店內更有小貓，雖然只能夠容納三圍枱，但並不陝窄，枱與枱之間有一定的空間。今晚品嚐了十道菜+合時生果🍉海鮮新鮮，大隻啖啖肉，每位計錢，份量十足，海鮮餐係抵食！酒水另計！味道不錯，鮮味，不妨一試！適合一大班人聚會，私房菜必須預訂。…Read More