麵之神車仔麵 (Closed)

這間車仔麵，食過好幾次，味道其實不錯，各款餸水準平均。但今次唔好彩，食到有塑膠碎，真心失望，廚房實在太唔小心，加上侍應冷淡的回應，令到我如果考慮再次幫襯會卻步。膠角少少尖，其實都有少少𠝹口。侍應見到無理會，我主動叫咗3次侍應先回應我，一句不好意思，完！我只想表達發現有塑膠碎，敬請他們留意。最後我都有食晒碗車仔麵，以免造成浪費。豬軟骨+菜心+油麵，豬軟骨好腍，菜心苦苦地，油麵份量足夠。炸魚片頭，熱辣辣上枱，彈牙，好味！豬腸+雞翼+菜心+岀前一丁菜脯，好辣。