Matatahk's Profile

天氣轉涼，加上聖誕來臨，疲倦嘅身心特別想得到治癒。抱住想獎勵下自己嘅心情，搵左呢間靚靚西餐廳去嘆下。入商場，離遠就見到間餐廳有好多精緻嘅燈飾，令人覺得心頭一暖。入到去，服務員好gentleman咁幫我拉凳，超級溫柔咁介紹餐單，仲問我地有冇野戒口，真係好周到體貼！首先餐前小點個番茄麵包外脆內軟好好味，搭配醬好開胃。其次個黑松露湯一攞上黎就好香！我本人麻麻地黑松露，但朋友想試就叫左，驚喜地佢個湯冇刺鼻嘅味，飲落口好滑，配埋脆脆麵包，口感好豐富。跟住我地仲叫左個牛油果藜麥沙律，好似係新品黎～d沙律菜夠曬新鮮，醋油汁比例啱啱好，同藜麥、牛油果好夾。藜麥外硬內韌，口感QQ地幾得意。我地仲叫左個紐西蘭海鑽蜆扁意粉，我超鍾意呢隻扁幼身意粉。個碟好靚，d clam好新鮮冇臭味，慢慢食好鮮甜。意粉煮得軟硬適中，配小小辣椒蒜頭，超級好味。最正都係個羊架啊啊啊！睇返d相都好回味，七成熟肉質好鮮嫩，咬落口真係有肉汁走出黎。其他配菜，酸乳酪焗薯、番茄西蘭花都好好味。個青醬同d羊超級夾，係幸福嘅味道！另外佢d雞尾酒都好正，木質嘅裝飾，昏而不暗嘅燈光，環境本身已經令人好陶醉。小酌一杯，同朋友傾下解，真係覺得時間慢下來，成身疲勞都冇曬。推薦mojito！真心推薦大家黎試下，食好西，嘆好service，對自己好d！…Read More

本來想諗住同朋友打邊爐，不過見到佢有個私房宴套餐好似幾吸引，每位都只係$348，真係勁抵食！花膠姬松茸燉雞湯好好飲，非常足料，好補身，飲完成個身都熱哂，好少喺街飲到好似啊媽煲咁足料既花膠雞湯，塊花膠好大下。金銀蒜葛絲蒸扇貝，開頭以為係傳統果d粉絲蒸扇貝，點知原來係用類似薯粉既粉伴蒸，第一次咁樣食，感覺好新鮮，幾有咬口，d粉幾入味，個扇貝蒸得啱啱好，好滑。爆脆炸生蠔，外面好脆，入面好多汁，好有鮮味。避風塘炒蟹，都好好食，d蟹啖啖肉，不枉我拆蟹拆得咁辛苦。露荀松露炒雙蚌，d珊瑚蚌同桂花蚌仲好食過酒樓，好爽口，唔會韌。龍蝦蒸荷葉飯，個龍蝦又係啖啖肉既，個荷葉飯都唔輸，個汁唔會好稀，又唔會太杰，調味又啱啱好。清蒸大海班，條魚又蒸得幾滑因為已經食到好飽，唔想浪費食物，所以個蟲松花浸時蔬減咗份量，仲打包咗個手撕雞番屋企，佢地外賣盒唔係用膠盒，幾欣賞佢地為環保出一分力。…Read More

同朋友聚會一定要搵間就腳方便大家嘅餐廳，呢間餐廳地鐵站一行出去就見到，地點好方便，所以我地二話不說就揀左佢。椰青: 味道好清甜，清涼爽口，仲可以食到椰青肉，又可以飲又可以食，配上之後上嘅泰式料理，味道好夾。肉碎生菜包: 肉碎份量非常之多，一塊生菜可以包到好多肉，食到最後仲有好多豬肉碎，就咁食都已經好好味。爽脆嘅生菜包住青檸味同胡椒味濃郁嘅豬肉碎，非常好味，好有濃濃嘅泰式風味。蜜糖烤肋骨: 有甜絲絲嘅蜜糖香烤風味，燒到金黃色，火候掌控得幾好，食落好惹味，豬肋骨一咬落去就骨肉分離，點埋個秘製醬汁更加香，呢道菜我同朋友都好鍾意，大獲好評麵包焗咖喱軟殼蟹: 軟殼蟹炸到好香脆，有埋椰香味豐富嘅咖喱，麵包經過焗過，所以皮面有少少脆嘅口感，單食麵包可能會覺得好單調，但點上咖喱，好好味，令麵包味道更加豐富。…Read More

自從係大陸食過太二酸菜魚專門店之後，一直都想再去食過。但由於最近都五係咁方便反大陸既原故，所以都一直食五到。最近同事講起香港原來都有太二班底開既酸菜魚專門店，叫做廚十三老壇，知道左依個消息既我當然即刻趁周未放假約埋幾個朋友去試一試佢！我地4個人揀左係荔枝角依間食，環境五錯，係D2 place 入面非常方便。我地揀左土豪份既小辣酸菜魚，五洗等好內就已經上菜拉，超大盤，D 魚好滑好鮮甜，不過五係好辣，仲意食辣既朋友可以叫辣D! 除左酸菜魚之外，我地仲叫左清炒窩筍絲，酥炸無臉男同埋不開心的黑木耳。清炒窩筍絲炒得好香好爽口，清一清D 麻既感覺。而不開心的黑木耳入口比較酸同辣，食得辣既朋友不坊試下。不得不提既係依個酥炸無臉男，炸得好脆，超好食！溫馨提示：記得點埋佢個粉尼食。價錢方面，4個人食左大概每人$200左右！真係好抵食！…Read More

今日出左旺角行街，行到創興見放題已經餓到不得了，一上電梯大大個飲品櫃已經好吸睛，罐裝樽裝飲品當然唔少得，連啤酒都係任飲。食物種類繁多，另有個自助區提供沙津，冷盤，甜品，雪條，糖水，飲品，梅酒。。。刺身推介:松葉蟹腳，北海道鮮帶子，極大赤蝦，赤貝，油甘魚，劍魚腩壽司細細件，一啖一件，唔會因為食得太多飯而食唔到其他野吉品鮑汁燴花膠，花膠好大舊夠淋，好滑好有鮑汁味，冬菇都入哂味，正沖繩黑糖牛仔肉，入口juice得黎又帶點黑糖甜味，值得一試芝麻雞翼必食，外皮加上芝麻香脆可口，肉嫩多汁，香口非常紫心香芋丸，外層香脆內裏粉軟，甜度適中，香芋味道非常濃郁，每次放題必點食物之一牛油炒粟米，每粒粟米都被香甜既牛油蜜糖包住…Read More

之前來到這裡吃拉麵，都覺得價錢不貴而且仲要味道不錯，今日來到附近又想在這裡吃飯，來到今次不吃拉麵而選擇吃魚的定食，魚都有幾款選擇，而見隔離的吃鯖魚好大條就決定鯖魚。等了十分鐘期待的燒鯖魚定食來到，鯖魚好大條，一人食都差點吃不完，肉質嫩又香，帶有魚香，好惹味。蒸蛋蛋味夠又帶點甜，前菜都大碟，白飯軟熟而且十分大碗。麵豉湯咸度剛好不錯。在餐牌見到三文魚刺身有五片，$48幾抵食就叫了一份，三文魚魚香不錯，厚度剛好，而底部是海帶之類，仲可以夾一起食十分好味道，在這裡又坐得舒服，待應都好快手倒茶，慢慢吃這個定食的確不錯。…Read More

我挺愛吃麻辣菜式，特別是四川風味的麻辣，久不久嚐，倒是一種過癮的味覺享受。這間小菜館還是第一次嚐，結論是家鄉風味，水準不俗，價錢實惠。最愛是水煮魚，中辣也相當惹味刺激，麻辣平衡，桂魚去了骨肉鮮帶爽同麻辣湯汁極為匹配，水煮的麻辣咪充滿層次，香，麻，辣，也做到平衡，亦能將食材提鮮，水準不錯又正宗的川菜。至於辣子雞，大辣真係非常麻，非常辣，噴火了。雞肉切細粒，完全吸收了麻辣的味道，但人是犯賤，越辣越要吃，惹味菜，來了枝啤酒才盡興。反而家常豆腐就比下去，普普通通家的味道，其實無甚特別，不是特別美味，還是川菜好吃一點。…Read More

今日去到屯門碼頭探屋企人，好耐都冇嚟過蝴蝶邨，冇諗過蝴蝶邨嘅變化都有唔少，而且都多咗好多唔同類型嘅餐廳，竟然喺呢度都可以搵到一間韓國餐廳，所以今次就同咗屋企人過咗嚟食午餐。午餐都有好多唔同嘅種類選擇 ，竟然仲有得烤肉添，不過因為屋企人想試下部隊鍋嘅關係，我哋就叫咗一個部隊鍋嚟試。嘢食等左勁耐先嚟到 ，嗰部隊鍋唔算好大，夠一兩個人食飽，入面都係個D麵煙肉，洋蔥，腸仔，午餐肉，焗豆，蘿蔔，但叫左好耐先有待應來到倒泡菜湯，煲咗一陣間，開始都滾，冇乜泡菜味，而且因為可能一路煲住啲嘢食嘅關係，所以好快就乾曬，而且味道好一般，又收得貴。完全唔值呢個價錢，服務又一般。…Read More

今日和朋友食消夜，他說有間叫尚鮮的餐廳，九點半後可以全單八折，而且交通都好方便食完回家，夾到時間就過去吃，入到去就見到桌上有不少新鮮的海鮮，來到我們就二話不說地叫了二個日本沖澠生啤飲先，之後再叫了一個雙併湯底，松茸湯配辣湯，一個辣一個不辣幾清，適合我地二個只可食到小辣的人。之後來了期待的海鮮拼盤，二人份夠食，海鮮好新鮮，魚同蝦好爽口，蠔又大隻多肉，不同蜆都好清甜。飲完啤酒就飲其他，沒想到那麼大杯，一杯可以飲到成餐飯，不太甜又夠凍。牛肉，肥牛的油脂平佈得十分好，不會太肥，濃郁牛肉味。這裡坐得舒服，今次我地可以包廂入面都空間十足，傾下計慢慢的確不錯。…Read More

之前在尖沙咀食過，朋友講原來吞pot在旺角近油麻地有間舖，十分近他工作地點，就找了一天等他收工一齊過來，這裡的裝潢都幾大而且空間感不錯又不迫的感覺。首先我地點了東西先再加飲品，調味架就來到都選擇不少，打邊爐的叫了滋補螺片花膠雞煲一隻都不用三百元，來到飲了口湯先，好清甜又有花膠的香，雞都幾滑，飲了不少飲要再加湯來打邊爐，而雞未食完就拿出來碟先。打邊爐點會不叫牛肉呢，今次就叫了特級美國肥牛，牛肉味都幾濃又肉質不錯。滑嘟嘟有三款蟹子墨魚滑，蟹子蝦滑，鯪魚滑，每款都分開而且份量都夠二人食，煮完口感十分彈牙，又新鮮足料。另外再了十全大寶丸有五款不同的手打丸，十分適合二人來一人一粒，因為手打所以口感不會好實，最後再叫了菜都幾新鮮同滑身烏冬。…Read More

終於一早8點經過到唐記 啦，嗱嗱聲諗住買包同奶茶，點知咁早奶茶沒有，只好買了期間限定流心阿華田包和飯。食落去包同白包冇分別但幾軟熟，諗住不太熱應該沒有流心感，但終於食到餡，好有阿華田味而且甜度都可接受（如果再少點甜就更好），仲有流心效果，以這價錢來講有驚喜喎。飯類都有幾款選擇，而我就比較喜歡吃章魚肉餅飯，因食過幾次都足料，反而咸蛋的咸蛋沒有味道就普通，幸好用了之前的飯券平了幾元，因為諗住之後食所以走豉油同菜，第二天再蒸就可以食，肉的質地都不錯，而且仲有不少章魚在裡面，有口感又不會太硬，白飯份量都夠食。:)…Read More

今日同同大食朋友慶祝生日，當然要满足佢嘅食慾啦，朋友提議Running 燒食韓式海鮮+烤肉。我地大约六點到達Running燒，電梯門打開，從外到內環境裝修跟韓國烤肉店一樣架，幾特別下。每樣食物都想試下，劃好菜單纸仔畀店員後，等左一陣D食物好快送到來，賣相都幾吸引，韓式炸雞，即叫即炸雞件皮脆肉滑又多肉汁，沾上柚子醬汁，酸酸甜甜帶有柚子香味，好食度馬上提升，要再encore 多次啊😄，我地叫咗泡菜，同韭菜餃子兩款，皮薄又多饀，一邊食一邊等D烤肉同海鮮熟，唔使嘥左D時間。留意到Running 燒只用了少量嘅調味醬汁，甚至不須醃制，保留食物原有嘅味道，當然係優質食材先可以啦。烤肉都食得喇！薄切西冷牛排，雪花牛仔肉，金菇肥牛卷，牛味香濃，五花腩，黑豚豬肉，辣味豬頸肉，肉質嫩滑，豬牛都好好味！生蠔同鮮蝦都好大隻而且非常鮮甜。生蠔也可選蒜蓉芝士味，但個人比較喜歡食原味多D。差不多要結帳時，侍應會比張甜品紙你架，食埋支雪條，滿足。…Read More

今日去到吃飯見到有個寫龍蝦喇沙半價，都幾平喎就叫了一個來食，來到見到龍蝦的確幾大，但肉不多，但以價錢來講還可以啦，仲有半隻蛋同豆卜，麵有點淋身，但都幾大碗下，差點吃不完，湯底有喇沙味但比較咸。這款蝦米紙卷勁失望，味道幾清新但蝦是沒有味道，都有不少米卷。另外叫了小食拼盤: 蝦餅都幾好夠彈牙，二款串燒不好吃好硬，雞翼都可以幾大隻而雞都幾香口，春卷沒有味有點油。飲品要了青檸梳打，只有青檸味但梳打沒有氣有點失望，我地二人都有叫甜品，就叫了芒果糯米飯，芒果好味又香，糯米飯都可以但椰汁好淡，完全不甜。…Read More

同D同事食飯，收咗工食呢度任叫任飲任食，成班吹下水。先嘆嘅一定係刺身，D刺身算多揀，北寄貝，櫻花蝦，甜蝦，馬刀貝，希靈魚，吞拿，北海道帶子都算好食，三文魚就普通，只叫了一轉，其他一路叫咗4，5轉，都算快出。另外也叫咗好多壽司類，我覺得火灸和刺身類壽司都幾新鮮，好好食，推介係香蒜牛油大蝦壽司!那晚勁食D重有係D串燒，翠肉瓜，大蝦，蜜醬雞翼，菠蘿，雞軟骨，羊鞍，牛舌都好食，最正係大蝦同菠蘿超正! 食串燒要飲好多嘢，出面D好多野飲揀，食串燒飲凍維他OT，Meko蕃石榴汁或者玉泉忌廉都正，食滯咗出面有熱綠茶茶包提供沖杯熱茶，又在加油食過。天婦籮有少少野揀，叫有得食下，都好，蕃薯仔，海蝦，蟹棒天婦羅都好食，又上得好快，但千祈唔好叫太多轉，否則好快飽食唔到其他料理!同事話冇D澱粉質落肚會唔惦，叫咗個叉燒拉麵，又蟹粥，我都有食，幾正。另外有食咖喱蟹，冬蔭蜆，重有D炆花膠…太多都食哂，飽到死咗，都係食咗1個鐘度咋! 結果我稍休半小時，消化咗D食物，先食沙律又狂食葡Tat，雪糕雪條，D奶凍蛋糕，重有西瓜，蜜瓜，飽到唔識講。…Read More

忽發雅興，好想食泰國菜配紅酒，享受一下。與男友來此一聚，此店有滿滿的泰國風情，柔和燈光，情調一流。點了尚好的紅酒，Doraine des Chablis 2015，配以泰式明爐魚和泰式拼盤。紅酒有專人開瓶侍酒，Doraine，是一枝很優雅的酒，酒醇厚有濃郁果香，有微微的回甘，是很好的紅酒，年份跟酒的味道很吻合。泰式明爐魚，絕非簡單泰國菜，要將平凡的烏頭魚弄得好吃，必然要靠魚湯，魚露，香茅，南薑檸檬葉和青的香味吊出魚鮮，香料不多不少，今次嚐的明爐魚，絕對有水準，香料恰如其份，魚湯十份鮮香可口，先嚐湯汁香料夾雜著香料的層次感，帶青檸的酸，好開胃又鮮美，烏頭魚肉雖然帶點鬆散，但魚味不錯，有魚的鮮和油份，湯汁起了畫龍點精的作用，非常好吃，跟尚好的紅酒，非常匹配。結尾重飲番個椰青!泰式併盤樣樣有，泰式蝦餅香脆彈牙，香葉肉碎包，十分辣但很惹味，春卷的雜菜餡倒是很好吃耶，魚餅也是，一流的佐酒美食。…Read More