新泰東南亞餐廳

Open Now

Now Closed

同朋友聚會一定要搵間就腳方便大家嘅餐廳，呢間餐廳地鐵站一行出去就見到，地點好方便，所以我地二話不說就揀左佢。椰青: 味道好清甜，清涼爽口，仲可以食到椰青肉，又可以飲又可以食，配上之後上嘅泰式料理，味道好夾。肉碎生菜包: 肉碎份量非常之多，一塊生菜可以包到好多肉，食到最後仲有好多豬肉碎，就咁食都已經好好味。爽脆嘅生菜包住青檸味同胡椒味濃郁嘅豬肉碎，非常好味，好有濃濃嘅泰式風味。蜜糖烤肋骨: 有甜絲絲嘅蜜糖香烤風味，燒到金黃色，火候掌控得幾好，食落好惹味，豬肋骨一咬落去就骨肉分離，點埋個秘製醬汁更加香，呢道菜我同朋友都好鍾意，大獲好評麵包焗咖喱軟殼蟹: 軟殼蟹炸到好香脆，有埋椰香味豐富嘅咖喱，麵包經過焗過，所以皮面有少少脆嘅口感，單食麵包可能會覺得好單調，但點上咖喱，好好味，令麵包味道更加豐富。