siumai's Profile

星期六路過TST, 上了這間位於2樓的素食餐廳。內裡環境沒有裝潢，卻充滿人情味及善心。$39 快餐叫了素菜炒陳村粉，廚師即炒夠鑊氣。奉送例湯亦非常足料。相比一些預先備好的兩送飯形式的素食餐廳，這裡廚房的即叫即造足見其誠意非常，味道亦相當唔錯，類似大排檔即炒河粉，而且唔算油。例湯有紅菜頭，各式豆類和蔬菜，煲出黎深紅色濃濃的素菜湯，有食開素食既會懂得欣賞。$39蚊係現今物價騰貴的香港，尤其在尖沙咀遊客旺區中的星期六，性價比非常之高。場內亦見到不少鬼佬幫襯。可能是識途老馬或誤打誤撞，但他們用餐亦相當愉快，可見知音者的確無分國界。…Read More

叫了公司車仔麵，按了加底，但實質感覺份量沒有加大。河粉質素麻麻，碎上。 豬腸酸，中間肥膏有黑色物體，唔太開胃。魚旦又係麻麻，豬皮正常，豬紅可以。但腩肉只係白烚，仲有其他雞翼普普通通。湯頭一般。將d 料擺埋一齊，毫不吸引。 可能呢間野太多寫手食評，令我期望愈大，失望愈大。總括來講，麻麻地咁啦環境衛生亦一般般。油淋淋咁。但原本應該有d 裝修，係咪又係轉左手，變左經營者？ 車仔麵以料新鮮為主，如果d 料都唔掂，就好難留住顧客，除非好平 …Read More

黎親灣仔做野就會黎餃子源或者幫親呢間。 今次叫左爽腩河拎走。爽腩新鮮入口即溶。 湯甜冇未精。上次食，咁岩冇坑腩爽腩，但普通清湯牛腩都唔錯。一句講哂，一分錢一分貨。…Read More

呢間店最貴重嘅係門外幾張長凳，每次經過嘅時候都見到不少少男少女坐在那裏等候，彷彿此店為人氣熱點，非食不可。今次下午2:30經過此地，"幸運地"看到長凳空空餘額，立馬跑進店內拿位，雖然看見店內仍有位子，但店員着我於門外長凳等候，未幾便吸引不少路人進店拿位，門外幾長凳不一會便又坐得滿滿。造成常常要輪候的假象。店內選擇不多，只有牛筋麵牛腩麵，及鴨血等台式食物。我倆就叫了兩碗麵及麻辣鴨血，另外叫了兩杯台式飲品。麻辣鴨血先來，味淡，麻辣不辣且淡，相當普通，索價$48 ，不合理。接著麵亦來了，先吃一口麵，感覺奇怪，再抬頭一看開放式廚房上堆滿一個個膠兜預先盛著的麵條，便馬上明白。此麵不是人工手拉，而是廉價車仔麵的工廠造法！麵條比759 的廉價台灣麵更廉價。再喝一口湯，只有醬油色水，沒有牛味，唉。再吃牛根牛肉，是雪藏貨。連滷蛋索價$93一碗，中了大伏。食此麵時令我好生懷念荔枝角億利工廈的正宗牛肉麵，可惜工作地點已搬，平時不能常去！…Read More

餐廳裝修普通，用既杯碟都係新派既茶記用開，但走中高檔西餐路線。散 叫左個"新解空運美國安格斯肉眼"，價錢係HK$388... 牛扒來到時好細塊，而且唔係Black Angus, 只係普通Angus beef, 肉質認真麻麻 - 所以估計廚師係煮定個醬汁去遮番個食材既醜態 (靚既牛扒加少少海鹽煎係得)。 如果收我HK$128 我會覺得可以接受，但HK$388 我 expect 有Black Angus level, 即唔駛醬汁都食到牛既濃香。但呢塊扒係冇乜牛味既普通肉眼之餘仲有好多筋且肉係塌既冇彈性，即你去專賣牛肉既凍肉舖既特價貨HK$38蚊一塊個種。食水太深勒...  另外叫左香煎帶子沙律HK$88。菜既份量少得可憐，更慘情既係只得三粒好似波子咁既直俓既帶子。原本來此餐廳係因為有見佢地係請聽障人士，希望支持下，但以此做招徠收呢個價錢，請提供番應有既食物質素。…Read More

星期日一家三口去飲茶。見新開張，就試下呢間。裝修格架一般，走中下路線。部長一黎就介紹我食皇牌三寶假日$258，一睇有個"老火湯" 一款小食同埋炒粉麵飯。感覺上三個人唔係好岩，諗住亦唔平，但其實原來已經叫抵食過我叫點心... 我叫左以下點心:粉果叉燒腸棉花雞沙爹牛肚芝士奶皇包鮮竹卷鮮蝦沙律春卷茶位計2個竟然收我 HK$350 ! 仲貴過中價既明苑潮庭，價錢追到帝京軒/聘珍樓! 但好老實, 質素未追得上。埋單時12點幾1點，出面都冇乜人等 - 即係伏已中…Read More

一間開係九龍塘近浸會大學附近商場的酒吧上網查番原來呢間BAR 由商場開業時已經進佔經營，至今已經有三十幾年歷史。店內裝修古舊有味道，木制卡位舒服且私隱度高。餐牌有提供不少西式快餐甚至鐵板燒扒餐等。價位由40幾蚊至80幾，算是平易近人。Happy hour 時段至9點。酒價合理，在九龍塘區沒有開天殺價。作位九龍市中心的一間清bar黎講，絕對不可多得。而且買少見少。舖頭鄰近當年有"五台山"之稱既廣播道，想當年應該不少歌影藝傳媒人士流連。 現在顧客不多，希望多D支持，令老店能繼續經營。…Read More

朋友介紹 - 來之前上open rice, 睇落general comment 唔錯。但來去都係5-6個comment, 以為都係鱔稿泥.. 你知openrice 前排爆單野, 不得不令我有點提防。觀塘工業區，近mtr ，等貨lift 上。貨lift lobby附近有一堆垃圾筒，感覺不良好，已先扣20分。貨lift係手動的，你要大力D 至關到門。又扣10分上到去，格局一般。四正平常，其實走意法西餐，我覺得應該調暗D 燈光加燭光會氣氛好D。音樂係舊英文歌，坐左兩個幾鐘都冇重複，算舒服。點左set dinner - 9個course 不過係計埋甜品同野飲。太肚餓冇影相。但食物都唔錯:- 個包有兩隻，有隻有香草既好好食，襯佢D olive oil 同醋，正。- 帶子沙律 - 帶子OK 大隻，味道OK- 湯係蕃茄個D打碎, 都唔錯- 鵝肝雲吞。個人唔太好鵝肝, 但佢D波菜都OK - 個意粉整到好好，好香好正。- lemon sorbert, 似係自家製，整完放番落個青擰度。味道幾好。- 和牛幾好食，幾香, 入口未去到即溶但冇根。對我黎講, 味道質素中上。- 甜品我記得係好食既, 但唔記得左了.. - 野飲一壺咁上，唔係茶餐廳一杯仔，唔hea 食物個度加番80 分，價錢唔算貴加30分。overall 我覺得都有80分。整體每樣野都好食同好飽。唔係講笑， 有時我去D 半島吉地屎，felix 個D 貴一貴反而唔係道道菜都好食(有D直頭唔好食)。係環境, 主要地下等lift 個d唔掂。初相識既港女唔好帶黎勒，相反肯同你黎又唔嫌三嫌四既你就要珍惜。不過如果客lift 整好，整體感覺係會好D既...服務正常，有D係聾啞人士。社會企業，香港地好難做，但希望有人繼續做。個餐連加一4舊幾，食物質素係去到酒店以上水平，我地3個人share 2 個set, 所以我話係窮人恩物。10 9 幾年冇寫食評，但覺得依間做得唔錯。都要出山寫番篇支持下。…Read More

食物味道環境服務各方面已於其他食評有詳細提及，故在此略過不提。這次提出個人對其食物的調味添加物的少許評語和分享。個人光顧此茶樓都已7年之久。覺得其食物質素價錢方面一向不錯。近幾年更提供外賣飯盒，實為金鐘上班一族提供又一選擇。但上年中開始發覺其飯盒有點問題:就是每次食完感覺都不好... 渾身很不自在的感覺... 開始時不太在意，但數次如此後開始發覺是味精作怪... 平時食公仔麵茶餐廳, 都會有味精的，但卻都不太強烈... 但在這裡用膳或外賣飯盒, 過了一會就會口渴, 個人不舒服...真的整天都不自在... 而且 每次食完感覺一樣...個人懷疑是燒味及點心味精用量很高，而燒味當中則以薑蔥嫌疑最大，閣下自可留意。這裡所提絕對是個人數次反覆試驗後如實感覺，目的只希望如茶樓有關人仕如有見到能作出調整，畢竟味精多吃無益。P.S. 以上純粹個人真實感覺，如各位意見不同亦可提出參考。如有相同感覺更應提出加以討論。…Read More

聽ee講話大埔街市個熟食檔d野好食，講到好似好吸引咁.. 尋日晚上就專乘入大埔試下...大埔街市，外表看來幾新，但進去就同牛池灣街市沒有兩樣。上到二樓的熟食檔，看到有些檔口都關了門。另外的就坐滿客人。看見這間有位，以為都是一樣，便隨便坐下...兩個人點了鼓汁蒸蒼魚，茄子班腩煲和蒜蓉炒生菜。本以後很簡單的菜式，應該問題不大...先來的是茄子班腩煲，茄子切得很幼條。吃上沒有味道，很普通。班腩雖大和多，但每件班腩都是被麵粉包著，整件吃就好像吃面粉，而且很硬。平時也會去茶餐廳吃粟米班腩飯，但像今次般吃硬面粉團的，卻是首次。整個茄子班腩煲，除了"面粉團"班腩差勁外，醬汁也令人失望。只是面粉加鼓油，顏色呈淡啡色，看已不開胃，沒有香濃，更沒有惹味，淡淡的，怪不得最易弄的茄子也沒什味道。整體來說，除了熱之外，一無事處。點菜的時候，已表明要白飯，但上茄子面粉團煲時，卻遲遲沒有到飯來，需要再三要求。明顯落單的阿姐沒留心，服務欠佳。再來的是蒜蓉炒生菜，生菜看上去很青綠。吃下去，再看一看碟菜，心想: 我是叫了蒜蓉炒生菜還是油浸生菜呢? 雖然是普通熟食檔，但沒想到是這般水皮，連生菜都炒不好，沒有蒜香，只有油份。我想，將碟菜的油倒下來，可有一杯水的份量，什至更多... 吃下去對健康的必有影響..每樣東西吃了一些，就不想吃了，但蒸蒼魚還未到。我們停下手來，坐了一會，阿嬸阿姐們只忙著落單送菜，回避我們的目光，而且絲毫沒有理會這邊等魚的一群。(看到旁邊的一桌人也停下等魚)隔了二十多分鐘，魚才出來。鼓汁蒸蒼魚? 我想要改名為豆鼓蒼魚吧，鼓汁只得數滴(基本上是沒有鼓汁)。平時吃蒸魚，鼓汁起了關鍵性作用，任憑你魚蒸得多嫩，沒了鼓油，是不能帶起魚的鮮味。這熟食檔好像不明這道理，只顧豆鼓放得多。可惜豆鼓想是烹調的中途才放，根本不入味。故只有豆鼓跟豆鼓一起，而魚也預料中的蒸得老了。很少吃這樣差的魚...因為我們坐得很近烹調的地方(雖說君子遠庖...)，吃飯途中還發現一樣不太喜歡的事，就是這熟食檔原來慣了將大量菜餚放在不同的隔上蒸，絕大部份的都是這樣做.. 怪不得味道一般，這樣粗制濫造，想要人再來，是沒可能的。永不再來。…Read More

有次同女朋友去灣仔.. 諗住搵d好野食..行左好耐.. 點知搵唔到..女朋友仲有累..有少少埋怨...行左去一條不知名既街(事後知道叫活道)...見到有個牌-"Philosophy Cafe"..二話不說就入左去...入面都有d殘舊...不過環境都算ok...每人叫左個下午茶...價錢比出面個d略貴...我地叫左個好似係雞肉蛋白牛角飽同blue berry cheese cake..兩樣食物都整得好靚...件cheese cake 仲有d朱古力同cream係碟邊做裝飾...都頗有心思..整體食物很不錯...叫左兩杯野飲...其中一杯我叫左檸檬咖啡...其實只係放左d檸檬粉落杯咖啡度..不過都幾特別...其實間野都去過幾次...不過佢度d tea set 成日轉..有時又唔可以轉d特別既飲品...令人無所適從...不過不得不提佢地個杯士多啤梨沙冰...真係一絕...另外佢有d花茶都好得意...如果得閒既同朋友約埋係個度飲下野都幾唔錯..雖然下午茶既set 同飲品都幾出色...不過佢地既晚餐唔算唔夠特別... 我諗極都唔明..不過好可能係下午同夜晚既廚師係唔同既人...講開又講..侍應很有禮貌,態度良好...總括而言..依間餐廳都唔算錯...值得同朋友一來…Read More