為為's Profile

由於疫情關係多咗食外賣，之前間燉奶佬執咗之後開咗呢間1樓冰室，一直都想試吓所以今日就去咗買外賣買咗香茅豬扒湯米線，好好食尤其是個湯清甜得來唔覺味精，另外仲加咗個紫米露，食落都香不過如果再多啲椰汁會更香甜滑就更正喇!因為太肚餓食完先醒起唔記得影相呀😂 佢哋好貼心個外賣湯麵盒係分開上下格，湯同麵係分開嘅，買外賣都唔使怕佢會林晒。依家佢哋仲做緊外賣自取九折！我真係覺得超級抵。我攞咗張外賣紙影咗放上黎先，下次再去買外賣嘅時候先至補返食物相上嚟啦hahahaha…Read More

呢間新開張成個月我都未去過，今日得閒就幾個人一齊去試新野啦！一入去見到全部大卡位好開心！最怕坐得好迫迫夾夾嗰啲下午茶時段都可以叫午餐，我哋5個人叫咗4個下午茶+1個飯。唔知點解我上來寫食評先發現下午茶餐牌同之前嘅唔同咗。開咗一個月就換餐牌？只係為咗換款定係連廚師都換咗呀？哈哈哈可惜我冇影到餐牌，不過唔理咁多，最緊要好食。除咗個牛腩最失望之外，其實其他4個下午茶都好好食不過另一失望點係嘢飲另外伙計話依家晚市有小菜，原來佢哋之前剩係得雞煲火鍋嗰啲。雖然我哋已經食飽咗，不過都叫佢攞個晚餐牌嚟睇吓，諗住下次黎試佢哋話而家新張期晚市小菜有優惠，除咗桶蠔之外其他全部一律$60。依家真係好抵食，下次一定要來試一下…Read More

我friend話佢師兄開咗間新台式飲品店，想去支持下，我就本住不妨一試嘅心態跟住去😁裝修簡單光猛，舖入面仲有少量企位，唔錯！見佢主打黑糖巨霸鮮奶，當然要一試！黑糖同奶味都幾香，飲落感覺順喉，不錯👍🏻我friend就叫咗台式奶茶，有三款唔同茶底可以揀，揀咗阿薩姆奶茶。佢話係好正統嘅阿薩姆茶味佢自己好鍾意😊我哋好搞笑，去到俾錢嘅時候先知原來第二杯有半價！即刻覺得超抵😂原來店內餐牌旁邊貼左張A4告示，細字寫住新張期內第二杯半價優惠，我哋完全睇唔到哈哈哈行開呢頭嘅朋友不妨一試👍🏻門口有醒目易拉架，位置都好容易搵到…Read More

呢度做緊榴槤香芒主題下午茶，有tea buffet 見到好多人食，我同friend想食得精緻啲，就食咗佢個tea set. 啲款當然同佢出面嘅tea buffet有啲唔同啦。一共11款鹹甜食，再加飲品，杯嘢飲認真麻麻，建議大家叫杯正常普通嘢飲就算，不過個tea set就好好食左下角個龍蝦沙律，同右下角個黑魚子榴槤凍杯勁好食其他嘅都唔差㗎！最最好食係右上角個榴槤吉士杯，真係勁好食，有啲似食緊雪糕咁！因為佢實在太好食啦，我同friend諗住俾錢加多杯嚟食，點知個部長好好人，每人送多一杯俾我哋唔使加錢！佢哋Facebook有張coupon, tea buffet有七五折，食tea set 都有八五折，想去嘅話記得download coupon 就更抵喇！…Read More

呢間野依家真係好抵食，星期一至四晚市早鳥半價，連加一每位$125 咋！雖然我唔敢講佢超好食，不過以呢個價錢有辣炒雞再加火鍋任食，真係性價比高✌🏻決定寫篇食評幫佢平反。柳氏家做咗半價之後，佢同層有幾間真係人都冇個，我哋book咗6點，未夠鐘去到門口已經有十幾廿人等枱，隔離幾間係一個人都冇...係冇人！因為我哋有book位，所以我哋係第一批入座😁一坐低先叫個招牌辣炒雞，要咗炒拉麵，加豚肉&牛肉其實食完個辣炒雞已經好飽，可能我偏細食啦😆跟住我就走左出去影相✌🏻雖然話唔係有好多靚嘢食，但基本嘅都有齊，嘢飲差咗啲得汽水同果汁機，冇咗以前啲罐裝另外仲有d甜品迷你蛋糕之類的，我太飽冇食到。Book 6pm，7:30pm前埋單就有半價 (兩位起）好滿足嘅一餐，我同friend飽到飛起，食完要去樓下shopping幫助消化同振興經濟😆…Read More

早兩日同爸媽去咗食下午茶, 阿爸最鍾意食燒味粉, 行過見到呢間新既未去過, 決定入去試吓.d位有d 迫, 好在我地入去時都唔算多人, 還可以啦. 伙記話叉燒同燒鴨粉麵都做緊下午茶特價, $18 包熱飲, 凍飲+$2.爸& 媽每人叫咗碗燒鴨河+熱奶茶. 我就叫咗叉燒米+ 凍奶茶. 諗住黎到咪可以大家share變雙拼囉! 哈哈~~~燒鴨河 - d燒鴨好正! 而且餸都唔少, 冇將貨就價. 個鴨燒得夠香有肉汁, 未至於話脆皮不過比起其他d外賣檔好食. d肉夠嫩唔會太乾/硬. 河粉夠幼入味, 湯ok熱奶茶 - 麻麻, 唔算好飲叉燒米 - 係瘦叉, 少少硬不過我鍾意食硬的. 一樣都係幾多餸. 我覺得唔錯. 不過話好食都係燒鴨好食d凍奶茶 - 熱既麻麻, 當然呢杯凍既都走唔甩... 係沖d茶唔多好飲. 我個人都算細食, 平時去下午茶食粉麵多數食剩, 但今次都食得晒! 因為真係幾好食, 反而平時鍾意飲野既我, 今次飲剩半杯.. 哈哈. 大家都知咩事啦!出門口畀錢, 問阿姐"下次幾時到切雞粉做特價呀?" 但阿姐冇答我當聽唔到. 哈! 如果有人去呢間食唔該順便再問吓佢. 唔該晒. …Read More

尋日同frd 去灣仔睇畫展, 睇完一心諗住去"得奬熱店" 試吓, 因為平時都唔多去灣仔, 一場黎到諗住搵d好食野試. 點知下晝5點幾去到, 勁多人, 每場滿坐, 仲要連最想諗既雞批都售罄! 冇辦法唯有轉地方. 不過我地食完都不忘返轉頭, 諗住試唔到雞批都試吓杯無冰奶茶. 盛惠$15 杯外賣! 有d貴. 睇住阿姐响個壺度倒d奶茶入杯, 我估係沖好咗既奶茶成壺雪凍, 所以咪冇冰囉. 本來充滿期待, 點知啜咗一啖... 哇! 好難飲! 個茶味係夠, 但唔香, 幾苦吓... 個茶底仲有少少澀...搞咩呀?! 好明顯奶唔夠, 仲要係少甜囉. 呢杯野, 講真嗰句幾難頂, 真係我飲過咁多凍奶茶以黎佢都算係頭幾位------ 難飲! 雖然無冰係一個賣點, 但味道唔ok都係死架~~~成$15杯, 我frd 唔捨得點都要飲埋佢.. 我就睬你都傻決定罷飲! 睇怕呢間都唔會有下次. 再黎灣仔既話都係搵過第二間試好d..…Read More

尋日同frd 去灣仔睇畫展, 睇完出黎諗住去金鳳食dinner, 但太多人要等位, 同埋有d 野已售罄, 唯有轉地方. 行過隔離見到呢間八方雲集, 決定入去食鍋貼. 我同frd 每人叫咗一個大腸蚵仔麵線餐, 包一碗細麵線+5隻鍋貼+飲品.要咗5隻原味+5隻韓式辣味, 好好食! 煎得香香地個底有少少脆, ok有肉汁, 個人覺得韓式辣味好食d, 幾野味又唔會太辣.大腸蚵仔麵線, 唔好味, 一入口就覺得好味精, d餸勁少, 蚵仔兩粒+大腸兩粒. 食咗半碗左右, 唔想食...放棄.frd要咗凍豆漿, 佢話冇咩豆味好淡. 我要咗冰紅茶, 個茶底唔掂, 似茶包沖得唔好苦苦澀澀嗰d咁, 淨係飲到d糖水甜味, 好古怪...又係飲咗一半放棄.基本上, 只有鍋貼好食. 下次如果再去八方雲集都係叫個淨鍋貼食飽算數.…Read More

今日下午茶, 阿媽買咗呢個返黎食: 淨雲吞未打開外賣盒已經聞到陣香味! 估唔到有成9粒咁多! $20 + $1 盒錢, 真係好抵! 個湯底同以前一樣, 仲係咁正. 一向都覺得珍苑個湯底係我食過咁多雲吞以黎做得最好最出色. 反而講個粒雲吞呢, 可能依家競爭大, 好多都做得好好食架喇, 仲要大大粒咁, 今日食番珍苑的, 反而覺得雲吞同其他店的分別唔大了. 唔係佢退步, 只係人地進步咗囉.食咗7粒好飽... 仲有兩粒畀咗阿哥食.... …Read More

上完堂3點幾, 同朋友去咗呢間成記新店食車仔麵! 以前响窄巷入面又細位又少仲好唔起眼, 依家搬咗黎呢度好好多. 地方光猛咗, 感覺好得多!下午茶時間本來諗住叫少少野食算, 但係一入到黎見到D野食又忍唔住! 最後每人叫咗一碗雜錦米, 仲要加多個小食: 韮菜豬腸豬紅 - 小食正! 我本身好鍾意食豬紅, 呢個整得好味又唔會太易散. 啱啱好. $13 抵!雜錦米粉 - 好抵食! 一個麵底+12款餸都係$27咋! 麵底有7款揀, 餸當然係每款得一兩舊, 不過都已經好大堆頭, 同埋冇邊想係唔好食既. 最好食係豬腸, 翼尖! 加$5 有餐飲, 冷熱同價. 叫咗奶茶, 味道ok店內的雜錦麵宣傳照. 咁當然碗麵黎到係冇排得咁靚啦. 哈哈~~ 但味道真係好得! 仲有好多其他野揀! 啱晒心多多鍾意左揀右揀既人雖然d位窄咗d, 不過呢個價錢同食物質素都好ok. 呢間已經變咗我既心水喇! 我得閒就會黎探你! …Read More

朋友生日, 請佢去2+2 dinner buffet 慶祝. 聽講平日都好多人, 所以我提前一星期就book定位. 6:15pm 去到, 因為朋友要遲少少, 所以我就坐住等. 期間waitor們都好有禮貌又好快幫我加水咁, 感覺幾好! :)大約6:35pm 朋友黎到, 已經有好多客喇! 果然係平日都好full呢... 急不及待去攞野食!先試 魚生 - 只有幾款, 要咗三文魚/ 吞拿, 三文魚唔錯! :) 我friend 食咗3 round, 要求要3人份/4人份都真係畀到足架. 可能師傅見我friend 成日出現, 仲越切越大舊! 抵讚! 之後試其他冷盤: 蟹腳 - 好正! 鮮甜又好肉, 我同friend 加埋食咗成20隻都有! 而且補得幾快, 基本上都唔洗點等.生蠔 - 好多人攞! 師傅開都開唔切. 我食咗6隻! 不過就嫌細隻咗d, 同埋得一款, 冇得揀.螺 - 好大隻! 可惜唔太甜, 食咗兩隻唔想食.仲有其他好多sushi , 沙律, hams, 鴨胸 etc, 不過都係一般貨色. 到熱盤, 每位包送半邊燒龍蝦仔: 普通, 係用洋蔥汁, 冇乜龍蝦味話明網燒buffet, 講真唔覺特別好食:燒牛肉 - 幾肥吓, 見到好大舊肥膏, 同埋都幾鞋. 唔好食. :(燒牛柳粒 - 呢個ok, 豈碼咬得郁, 都有少少juicy :)燒牛仔骨 - 好食! 夠香口d牛肉味又夠甜. 推介! 其他仲有燒蝦, 燒粟米嗰d, 冇咩特別. 熱盤仲牛奶蒸蛋, 咖喱牛腩包, 羊肉 etc. 不過冇邊樣覺得好正囉.食咗咁多開始飽飽地, 轉攻甜品. 款色都幾多, 賣相好好! 試咗朱古力cake, 日本cheese cake, 綠茶紅豆卷, 芒果pudding etc. 仲有朱古力噴泉玩! 最好食係... Haagen-Dazs! 仲有 Pappagallo 不過我個人就唔多鍾意.基本上熱盤唔太出色, 食咗全晚我覺得最抵可以食回本的都係冷盤囉.每位包一支汽水 / 啤酒, 另外仲有熱茶/啡自己serve. 呢晚用咗citibank, 有8折, 埋單$608 for 2. 我friend 食得好開心! 氣氛服務都好好, 佢話下次我再請客, 佢依然想黎番呢間再食過! …Read More

尋晚我friend 黎我家附近玩, 之後就去咗我家樓下的大快活醫肚. 決定打邊邊! 今晚都幾多人呀, 可能星期日晚啦, 見到好多一家大細 / 兩公婆都黎幫襯. 一人一鍋又經濟的確係幾吸引既. 我同friend 每人叫咗一個肥牛盛盒, $49/位. 包括: 皮蛋芫茜湯 - 普通, 一人一個夠方便, 其他選擇仲有 麻辣 同 冬陰公 肥牛半磅 - 好味! 最正呢個, 仲足半磅架. 淨食呢個都抵晒北京水餃 - 兩隻, 呢個都唔錯!:)金菇冬瓜南瓜蕃茄生菜 - 配菜, 我係食肉獸, 呢d覺得冇咩特別仲有好多野可以加/另叫架, 想加肥牛 / 豚肉又得 (唔同重量唔同$$) 想要多d菜呀金菇呀北京水餃又得. 我同friend就決定加個墨魚滑拼豬肉丸, $15一份. 墨魚滑 - 正! 夠咬口, 仲有好多小黑魚粒, 好味又唔會太淋豬肉丸 - 4粒普通, 似凍肉舖嗰d, 不過細粒少少啦買夠$100 送一 jar 可樂 or 酸梅湯, 啱晒打邊邊!…Read More

尋晚朋友請客同我慶祝, 我地兩個人去咗上水囍宴打邊邊, $98 /位任飲任食2.5hrs. 大約6.30pm 去到, 得小貓三兩隻. 完全唔洗等位. 因為我地得兩個人,中間位置全部都係4-10人枱, 所以安排坐响最埋邊既二人枱. 叫咗最普通既皮旦香茜湯底 (其實佢仲有其他特別湯底既, 咩醉雞窩之類, 不過我地驚太熱氣所以冇叫), 汽水橙汁五花茶自助任飲, 醬料bar都係, 有大路的生蒜熟蒜辣椒蔥花, 仲有腐乳花生醬XO醬呢d, 都好夠架喇 可能因為客仲係少啦, 招呼同上菜都快. 第一輪冇諗咁多, 就咁tick咗:肥牛, 黎到見到, 勁surprise! 成個碟得兩小片! 心諗…唔係呀嘛… 雖然味道係好既, 半肥瘦.金菇, 鮮蝦水餃, 呢個好食! 滾好耐都唔會散,仲有蝦味又好咬口.:)芝士丸, 街巿凍肉有得賣嗰d, 我都好like脆肉鯇, 真係好脆!不過可能我地滾得太耐所以有少少鞋.豬頸肉, 呢個要推介! 好味好爽脆, 滾好耐都唔會鞋! 好味! :)冬菇, 油麥菜, 鯪魚球, 普通, 不過我一向都鍾意食炸魚皮, 呢個都正! 就算唔滾吓佢都一樣咁香咁脆咁好食.:)豬潤, 我個人就唔係咁鍾意食, 不過我frd話好味咁少當然未夠喉啦, 尤其個肥牛… 到叫第二輪時, 我地把心一橫, 今次唔tick喇, 一嘢填”10”落去! 睇吓佢畀唔畀先. 心諗就算佢真係畀10碟我地, 都係得20小片啫, 我地兩個人要KO 佢一定冇問題啦. 呢個時候有個好好笑容既部長走過黎招呼幫我地入單. 佢轉身後一睇, 可能見到我地寫咗”10”, 回頭望吓我地兩個女仔, 然後見到佢响單上面改野! 吓?! 唔係吖嘛, 佢究竟想點? D野送到黎, 我地就知發生咩事喇: 肥牛, 最後黎咗6碟, 但同第一次唔同, 今次每碟有4大片! 開始有d想多謝阿部長, 如果係10碟我估我地實食唔晒. 哈哈! 半肥瘦好夠牛味, 正!黑豚肉, 有3小片,有d鞋 :(黑椒牛丸, 手打既, 好香陳皮味:) 魷魚鬚, 唔好以為係炸好既熟食, 佢係生既, 仲要d鬚係一抽咁, 冇切開架, 好搞笑! 不過味道就好一般水魷魚片, 好普通, 唔推介滑雞, 呢個朋友like, 每次同佢打邊邊佢必叫既, 不過我就唔多like魚頭, 呢個好香好滑, 膠原 呀!哈哈 :)海鮮丸, 都係凍肉舖嗰D魚腐, 唔知係畀錯咗定咩, 完全唔覺得似魚腐, 似炸魚旦多D...:(唔好意思, 前半段唔記得影相, 呢d係第二輪食緊時先記得影咗幾張.好豐富既一餐, 咁啱尋晚又開始轉涼, 真係打邊爐一流呀! 多識晒朋友請客, 我下次會再幫襯!P.S. 值得一讚既, 係有專人隨時走黎加湯, 完全唔洗叫,自動波, 仲要我地坐既位置都好入吓, 都完全冇搵唔到人理既感覺. 抵讚!…Read More