Kuen Kee Roast Meat Restaurant (Closed)

早兩日同爸媽去咗食下午茶, 阿爸最鍾意食燒味粉, 行過見到呢間新既未去過, 決定入去試吓.
d位有d 迫, 好在我地入去時都唔算多人, 還可以啦. 伙記話叉燒同燒鴨粉麵都做緊下午茶特價, $18 包熱飲, 凍飲+$2.
爸& 媽每人叫咗碗燒鴨河+熱奶茶. 我就叫咗叉燒米+ 凍奶茶. 諗住黎到咪可以大家share變雙拼囉! 哈哈~~~
燒鴨河 - d燒鴨好正! 而且餸都唔少, 冇將貨就價. 個鴨燒得夠香有肉汁, 未至於話脆皮不過比起其他d外賣檔好食. d肉夠嫩唔會太乾/硬. 河粉夠幼入味, 湯ok

熱奶茶 - 麻麻, 唔算好飲

麻麻, 有少少苦

叉燒米 - 係瘦叉, 少少硬不過我鍾意食硬的. 一樣都係幾多餸. 我覺得唔錯. 不過話好食都係燒鴨好食d

凍奶茶 - 熱既麻麻, 當然呢杯凍既都走唔甩... 係沖d茶唔多好飲.

都係麻麻, 可接受咁啦.

我個人都算細食, 平時去下午茶食粉麵多數食剩, 但今次都食得晒! 因為真係幾好食, 反而平時鍾意飲野既我, 今次飲剩半杯.. 哈哈. 大家都知咩事啦!
出門口畀錢, 問阿姐"下次幾時到切雞粉做特價呀?" 但阿姐冇答我當聽唔到. 哈! 如果有人去呢間食唔該順便再問吓佢. 唔該晒.