牛熊王子's Profile

生日飯梗係去玄海食刺身啦，師傅堅持食材由日本直送，每日都有飛機貨，新鮮無比靚魚，時令靚魚都有廣島生蠔---鮮甜軟滑活赤貝---爽脆新鮮，上枱時還有陏動系撚鯛---又名金線鯛，咪就係紅衫魚囉，魚味濃帶甜味有油香，果然唔同海域生長，肉質肉味都有分別真鯛及牡丹蝦---福神抱住嗰條魚，肉質結實味淡清甜，牡丹蝦好大隻，肉質彈牙，最正之後炸蝦頭，脆香無比，佐酒一流在這店訂時令魚就最掋食，如果要食喜知次就更加無懈可擊，記得訂座時預留心水魚刺身。…Read More

這小店從紅磡轉到荃灣， 小弟都張這小店作為私房料理，想食好嘢最好早啲預訂， 今次提前兩日訂定條喜知次，魚王味道真係一試難忘，魚骨燒後鮮甜不減，驚喜仲有新鮮北寄貝刺身，鮮甜爽口味道一流，最後再來三卵軍艦壽司，飛魚子非常爽脆，三文魚子油香四溢，松葉蟹膏軟滑甘香。…Read More

9:10排到10:20才坐下來，這相攝於10:38，如果排半小時內仲可接受，味道整體算是唔錯，湯...豬骨味濃偏鹹，好在可以選擇油膩度:);麵...夠彈力有麵香，但似中式麵的彈、意粉的香，而且拉麵中算幼身;叉燒...味道一般但唔肥，雖然日式叉燒係汁煮非燒，不過很多拉麵店的叉燒偏肥:);蛋...味道不差但凍，應該蛋黃原本流心，但整定所以形固(我都識整)，最重要飲晒碗湯無肚痾，因我食完其他日本正宗拉麵後，一小時內就會痾，原因湯底太濃太油，這店可以再去但在不需排隊時。…Read More

今次係第四次食，首先講講坐位安排，頭一次因剛開張，所以多人要搭枱，第二次有細枱空出都要去同其他人搭枱 ，第三次開始時都係搭枱，但當我食到中途，因為張五人枱得番我倆，要我倆轉細枱而留空張五人枱 ，今次都係搭枱，好彩我倆唔需要轉枱，但隔離枱就有人同樣要轉細枱。今晚叫了兩隻蒸聖子皇、海味雜菜煲、花雕蛋白蒸蟹，聖子皇一般沒有問題，海味雜菜煲啲菜好油，應該係抄熟才放進煲內 ，最離譜係花雕蛋白蒸蟹，竟然用凍蟹番蒸，蟹肉完全係入口變成粉狀  ，埋單時向老闆講，用凍蟹番蒸不如取消這個菜色，因番蒸啲蟹肉會散，食客係食得出，他只是敷衍回答：「會叫師傅留意一下」，這樣食店唔食都無損失。 …Read More

這天太太突然想食刺身，在6:00左右打去問有什麼魚及訂位，老闆話有條今日到的目張魚，因未食過，所以叫老闆留俾我。這魚魚味濃，不太油潤，之後魚頭及魚骨拿去燒，孰食魚肉多了份甜味，另外在黑板上見日本厚岩蠔，蠔好大隻，味道非常清新鮮甜，海水味及金屬味唔重，好適合唔喜歡濃味蠔的我。…Read More

好耐無寫食評，但番看手機內相片，不得不發這美食。玄海這店，老闆係好有心機做日本料理，由開舖不久朋友介紹下嘗試，到現在已經與老闆成為朋友，當中幫襯過多次，但每次我都叫黑板上的食品，亦沒有令我失望。現在去這店，我都會早一兩日前訂位及訂魚，這尾喜知次係一天前訂，是為慶祝結婚週年紀念，也是第二次食這魚，喜知次魚味甘香油潤，一試難忙，係刺身中嘅極品，雖然這尾喜知次唔平，但紀念日食一次也好值得。…Read More

28/11/08天氣轉涼，想同家人去一間太耐無食過的至尊豬骨煲，當晚要久等就正常，等了接近一個鐘(已過了9:00)，她們開始再叫號碼，竟然在叫9:00後的號碼，我問她我還要等多久，她竟說:「如果你當食9:00前，我可以立刻俾位你，但9:00後就要再攞過新號碼。」，我之後同她理論不久，她就俾位我們，在飲食中她們的服務人手不足、態度惡劣，埋單4位在9:00後特價時段還要$560，但我們不是叫了很多貴價食物，這樣也罷，最過份是食食吓，在個煱內有個煙頭，叫她們來處理，她們無人理會，當叫她們埋單，那個部長只說一聲:「個菜無計你錢，多謝$560。」，最後我說:「咁貴!算罷，以後都絕對不會再來。」。…Read More