kitty081479's Profile

今晚想食扒餐，之前行過地下全白色走廊既食店，有幾間都是關門既，唯獨八幡平係最入但門面裝修同人流都有，今次就試試佢。𥚃面全部都係卡位，卡位夠闊坐得舒服。每個卡位旁都擺滿調味料，牙簽同紙巾。枱面已經準備左圍裙，碟仔，夾仔，小刀同叉。所有工具都好齊備。睇左餐牌就要出門口位置跟店員落單！！！注意！！！店舖只收現金同八達通。門口有部幾大既落單機但只限員工使用。比左錢返回坐位之後，就可以先去自助吧攞沙律同湯。沙律，湯同飯係任添既。所以一個餐基本已經好夠飽。食物黎既時候係碟上，而豬肉類會先煎熟部分先上，呢樣好貼心因為豬同牛唔同一定要全熟時間會等得耐。另外有塊好似黑色岩板係超熱既，用黎將肉放上煎熟。其實一邊煎一邊食住味素飯再夾舊沾左醬或岩鹽既肉入口，真係好鬼冶癒。整體黎講：無限時，坐得舒服，食物味道又唔錯，沙律/湯/飯任添，員工又隨時幫你換岩板，仲要食日本燒肉呢個價錢我覺得係接受既…Read More

因為上星期食完一間似蒸飯既所謂煲仔飯專門店，有的唔甘心所以想再食多次煲仔飯。今次我地唔需要再周圍搵邊度有專門店啦，原來係觀塘已經有間出色的小店。其實煲仔飯除左食材之外就係個飯香，飯焦。好味既煲仔飯除左餸菜既味道就係個飯可以令人手口不停。一入門口已經聞到煲仔飯香(跟之前果間簡直2個世界)呢間煲仔飯煮法正宗，睇住的蒸氣不斷噴出黎個煲仲自我滾緊，真係好吸睛，落完豉油再等幾分鐘就可以開蓋食。餸旁邊仲有幾條菜心咬下夠晒誠意。飯焦塊塊又大又脆，食完呢個煲仔飯真係好滿足！…Read More

晚上7點已滿滿人圍著店外等候，2人位大約有6張卡位，旁邊窄長枱可以坐單人或2人。4人位有大約4張，未計店外位置可擺枱。我倆等了大約45分鐘可以入內，煲仔飯等候時間約10分鐘。我點左涼拌秋葵是酸辣的，跟拍青瓜是一樣味道。椒絲腐乳通菜，腐乳汁都多的。2杯凍檸茶，檸檬都薄如紙，非常清淡的檸檬味但沒有苦澀，証明都是新鮮沒有放置太耐。主菜係鯇魚腩煲仔飯同埋榨菜田雞煲仔飯加一條臘腸。香港人食煲仔飯除左食材之外就是食飯香，飯焦，打開煲仔蓋有撲鼻而來既香味。。。魚腩正常有3舊厚肉的，田雞較瘦還可以，榨菜淡淡味的，吃得淡味的應該不錯。但臘腸就真係堅唔得，臘腸係無味，無油香。最大問題係個飯，真係無飯味，的飯焦根本唔係可以一塊出又唔燶又唔香。其實食完就好似食完個小菜客飯既感覺。所以我只覺得係。。。一試無妨。:(…Read More

今日落超大雨，剛剛去完醫院探病係坑口站落車出面又落緊雨唯有係商場搵食。原來東港城已經無咩食店可以選擇（睇水牌好似無左3份1店）。見到呢間有海南雞食又係我favour當然要試一試就知龍與鳳啦！2人套餐A，海南雞又細碟又無味（如果我叫1人份海南雞飯又會唔會再細塊的呢？）。雞飯食到淨咸味。蝦餅同柚子沙律味道可以的。馬拉箋通菜只聞其味食落無咩味。。。杯美祿本身就無甜味，的冰稍為溶左少少就好似飲緊有味既清水甘。。。價錢真心高但係商場無計。。。…Read More

其實係呢間大廈既餐廳大多名不乎實。真係無咩牛味，又煮得過熟。如果叫鐵板上應該就好的，不過都是靠汁醬提味，牛本身肉質厚但無肉味，價錢相對是貴的。飲品晚餐要加錢，洋葱湯偏咸，試過就算。…Read More

如果不是細佬極力推介，我根本唔會行既街道，因為晚上附近都比較多流鶯。聽講平時要排隊等位，因為入面非常簡陋，只有一張4人圓枱，而旁邊是面壁排櫈。如果坐出面就沒有枱，只能用椅子當枱吃飯，所以一團人最好不要多過4人。旺角自家小店地方細小簡陋，遊客及年青人生絕對不敢也不會去的地方但食評好評如潮，只因沒有落任何味精而且份量又大大碗。最好賣竟然係是日例湯。禽晚係雞骨草煲豬環脷，今晚係石頭魚花膠湯，我地連續都幫襯左2晚，另外蒸鱔，糯米飯，油渣麵，都係賣點。…Read More

有一晚成9點3左右誤打誤撞入左黎食扒餐，呢間既豬扒同埋水蜜桃西柚特飲已經令我非常驚喜。今日再有機會係旺角就想試下佢既下午茶，果然超乎意料之好好好，要即時開post 讚特飲已經好足料又好味唔多講，要讚既係混醬厚多士既花生用粗粒仲要鋪到滿晒。而普通一件西多士佢係原塊牛油放上面，中間係粗粒花生醬再選用煉奶而唔係糖漿。總結：食物質素，味道都好好，絕對會再幫襯。服務及上食物速度同樣地快。環境有上下層坐位寬敞舒服…Read More

真心覺得呢個價錢超唔值（食物質素差又無環境可言），牛肉個名好強大但食落本地仲好食過佢，餐前小食雪到冰晒，丸類好似粒陳皮蛋旦甘既size，菜得3款選擇，套餐包既都係飽肚食物。要投訴係脆鯇魚腩，點解切到擦紙膠既size唔緊要，但係啖啖骨，一粒有5份4都係骨，完全呃人。套餐最尾有碗好冰凍既芋圓雪耳紅棗龍眼糖水。要讚既係杯果茶幾好味，響鈴香脆。。。完套餐就包呢的（圖示）之後可以電子落單，大部份都係免費既不過種類同質素就。。。…Read More

我食2公1乸大閘蟹餐。先上左的前菜及芺蓉羮我都覺得好味的。跟著主角出場，先黎4隻公（每人2隻），原來呢度已經有好大分別。第一隻公：㩒下會見到的黃油係腳肉之間。但蟹膏唔香，肉質梅既身同腳（唔係一梳梳），中間最好味既膏位唔jam口，溶散既。第二隻公：蟹膏比較甘香jam口，肉質全部一梳梳既，蟹味較第1隻濃好多。蟹乸：好好味，膏又多，又甘香，蟹肉都係一梳梳既。（係呢度加番1粒星）之後送上薑茶（正常），炸蠔都尚算正常，然後上既餸就出晒事啦。黑醋霜降肉：仲差過2餸飯果的糖醋骨，真係只食到汁醬同埋大量既醃肉粉味。竹生杞子浸菜苗：竹生係絲，所以一注絲計埋應該有1條竹生，菜苗就係白菜孫，最大果塊都唔過2指芝麻湯丸：個皮完全唔煙勒，一食就知，等同於而家的麵包好似食空氣既感覺。…Read More

呢個味道，質素同價錢既all day breakfast 一的都唔值。我本身都好鍾意食薯格，既然無左薯餅變左薯格對我就應該perfect 點知個薯格好煙韌（淋左？）的菜好油，啖啖油。最貴既三文魚我都食唔落因為唔新鮮。蘑菇得一粒蕃茄又得半件。我鍾意食既焗豆連丁點誠意都無，凍既。。。…Read More

今日要去探朋友新鋪開張係太子旺角附近，就買左呢間近日超人氣既古早味蛋糕做伴手禮。門口已經有位小鮮肉落力講解（炎炎夏日下我都好聽話因為太bling bling 啦🤭），而鋪內一對couple 好專注整理蛋糕出爐。最後伴手禮：檸檬柚子味×特濃芝士古早蛋糕，再加全日賣淨5盒的琥珀合桃。自己當然要買番的黎試啦！檸檬柚子味×班蘭古早蛋糕，再加琥珀合桃＆人氣花生酥。蛋糕其實我無雪第2日食仲好軟綿綿，班蘭味仲出的添，檸檬柚子裡面的粒粒真係好fresh。我要再去買肉鬆同Oreo，仲有雙層芝士味古早蛋糕。另外花生酥係要番焯，一試難忘。…Read More

朋友幸運地打通電話，order左招牌辣爆豬柳炒飯及 瑞士汁炒豬扒烏冬。從落單直至取飯都等了3個小時，無相干至緊要有機會試。外面很多炒飯的飯粒都很鬆散，可能隔夜冷飯蒸得太耐發晒就是炒到一pat pat。軟飯王堅持用當日煲既飯，一排電飯煲全開，老板娘不時開蓋翻起白飯，好似跟白飯講（I'm watching you）辣爆豬柳炒到好香好入味，咬落啖啖肉，感覺仲正過食扒，食得辣既呢個必定推介！♡烏冬係女仕及小朋友至愛，甜甜地真係幾醒胃，不知不覺食晒真係下次叫打孖先夠。對於我這個九龍東人來說，沒有人介紹根本沒有機會試。鋪面只得果百拎呎，夫婦兩口子默默工作，男的不斷拋鑊不斷炒，女的左騰騰右騰騰，完全吃得出他們的心思。炒飯係老板起家之作，水準果然超乎想像，不過聽說老板每日炒野都有Quota，原因勞損關係，已經跟時間在競賽。老板，老板娘加油，我再黎元朗一定搵你。…Read More

最出名就是片皮鴨，真心好味，與別不同。大家可以留意一下，出面好多出名的片皮鴨店都會在片鴨皮時連帶少少肉一併切出來，但這的正宗就是只有片皮，皮跟肉是完全分開的，鴨皮油香鬆脆，薄餅比其他店較薄及黏口。…Read More

之前因為工作關係已經試過lunch set 真係好好味，所以今晚特別到來試下dinner。見到當日推介牌寫左幾條刺身魚，法國生蠔。有條叫“魴 魚弗”咪諗住試下點知一早已經賣晒，唯有叫左池魚同埋生蠔做前菜。法國生蠔真係好香甜，味淡而清而且肉厚，咩sauce 都唔駛，好新鮮。池魚刺身雖然等得耐左的（個個客都叫刺身魚，刺身及壽司。。。係甘切切切）肉甜實厚，新鮮。魚骨仲可以選擇炸食還是魚湯上，不過煮魚湯就要加少少錢。其間送左2個小食比我地，一份係鱈魚片，一份係炸魚仔。好食。叫左一個當日優惠串燒。有甜薯，雞翼同牛腩。壽司係必食環節。吞拿魚，馬糞海膽，三文魚腩，三文魚子，劍魚腩，油甘魚。真係新鮮到唔駛講野，五星級推介，難怪全場都不斷order啦。…Read More

因為近住聖誕加冬至，根本很多自助餐都滿座，由尖沙咀選擇到過港，朋友介紹呢間幾抵食，如果係酒店網站個eshop購買餐券仲平的添。我地7人選擇左食lunch buffet，入場環境寛闊，枱與枱之間空間非常足夠，食物主要圍在場中間，選擇都多。海鮮中午竟然有生蠔，生蠔細細隻淡身可做前菜，新鮮不咸可接受。小蛤蜊好鮮甜竟然好好味噃。，凍蝦好大隻鮮甜。魚生及壽司類都好大件，仲有冷麵。熱葷好多選擇，味道唔錯，我鍾意食係芝士西蘭花椰菜花，蒜蓉菜心，燒醬茄子，豬仔骨，雞翼，清蒸盧魚，豉油王炒麵，雞絲炒飯。。。有粥同湯麵可以即場煮，喇沙湯底值得試。沙律Bar就少左的，不太吸引。湯有2款，冬蔭功同埋中式湯。雪糕有牛奶公司及自家製，味道各有4款，仲有埋toppings 4~5款比你加，又有脆筒，必食之選。甜品蛋糕類都有接近10款，仲有朱古力噴泉，豆腐花，紅束桂元糖水。總結評論: 呢2個月我食左2間尖沙咀既buffet,1間旺角及呢間。以4間4粒星黎計，呢間屬於第2好味。環境舒服，食材新鮮，待應收碟有效率，呢個價錢（係酒店eshop買餐券）你絕對超值…Read More