flabby.phoebe's Profile

今次是和家人慶生～餐廳位於大坑Little Tai Hang呢棟建築, 第一次去都幾大機會會行錯在大街方向轉個彎入去小巷, 右手邊先係電梯口,上一層就會搵到店面design好有情調 感覺幾適合情侶去平日不算多人, 裡面有間房已被人包場, 亦有戶外位,不過太凍我地就當然係坐室內當初都係睇中佢有10蚊生蠔, 家人中意食黎到就即刻叫返一打先~不過佢唔係任食每個人頭限5隻,我覺得都合理既, 因為會叫其他野食如果唔夠皮最多都係食正價($48) 公道的同埋D蠔都算肥美, 偏向係海水味多D前菜叫左個好吸引的Pama Ham Mozzarella Truffle toast勁香口 卜卜脆 非常推介黑松露愛好者蜆(Manila Clams)亦比平時食的大隻, 鮮甜, 個汁底都幾有酒味, 附上了麵包俾人沾黎食另外叫左兩客PASTA分別係海膽(sea Urchin Pasta with Flying Fish Roe and Fennel Foam)同蝦意粉海膽果一堆泡泡, 我地試左單獨咁食覺得勁奇怪lol但撈晒成份食的話, 又幾好食, 海膽肉唔算多但個醬味幾濃但我地就中意個蝦意粉多D!真係勁香!每一啖既意粉都好掛汁一開始叫左個牛 (Charcoal Grilled Wagyu M6 Ribeye) 就煎得比較耐可能因為炭燒 但係燒得非常好食 肉質好林 又有烤香味煙薰雞就係另一個比較特別的 佢係煙薰所以用盒上 俾你打卡之後先再上碟 黑松露片既味唔算好突出 但隻雞就幾滑 而個皮就脆的肉就唔算好多喇 因為唔大隻雞 但味道係幾好既我地再叫多左一打生蠔 甜品就無試因為本身自己帶左蛋糕餐廳會收切餅費100~ 但佢地服務好好 我覺得都好合理整體體驗都唔錯 雖然上菜慢(但因為大部分都係要慢煮) 但每道菜都有水準 幾驚喜 價錢算中高 但一家人開心下係值得的如果有節日都會想再黎食下~…Read More

原本已提早慶祝左情人節免得正日同人逼又難book點知收工難得可一齊食 即興搵左呢間情人節當日只有節日限定套餐但套餐都有好多道菜唔擔心唔飽嘅我哋揀左一個牛一個羊做主食前菜係一個類似港女tea的set店員仲特登喺枱上放上花同花瓣🤣由高食到底 有幾款唔同嘅小吃蝦沙律 幾好食！底有牛油果又係幾靚嘅🤣🤣🤣有個煙三文魚薄餅仔同parma ham包左蜜瓜係入面味道都唔錯 又唔會話太濟無花果配類似鵝肝呢個幾有新鮮感 口味清新 無花果解膩主餐 呢個無記錯係羊脾嚟好多肉呢牛排都幾唔錯 不過我哋叫medium好似熟感少少🤏🏻值得留意係伴茶嘅薯泥 勁好食!!!!蓉得嚟好多粒粒有咬口 同又香唔知用左咩調味😂還有情人節甜品原本限定的cake沒了心太軟都非常合格 好耐無食了甜度恰到好處 雪糕好味最搞笑係走之前店員送左枝氣球花上嚟好有趣😂我帶左返屋企整體嘢食質素都幾滿意睇落唔多食下食下都好飽 8-9道菜又有送香檳（每人一杯）唔飲酒可揀無酒精飲品服務態度都唔錯 係上甜品有少少遲左性價比都不俗 有機會平日再嚟…Read More

為家人慶生私心睇中咗呢間和牛好想試398放題式食和牛好爽一開始會俾晒咁多個部位你食先如果唔多人食或者唔大食真係可能第一輪都夠皮🐮每個部位都係淥佢4-5秒食得入口即化又有 彈牙的都有一致認為最好食係千本筋！好似係牛的後大腿 肉多脂肪少 有咬口重牛味第二名係玉子後腰肉兩種口感 較為腍身 加了蛋很滑海鮮都係一開始有亦可另加錢放題食但我就覺得食和牛夠晒！港女鳥籠set都係basic,隻豚肉都相當唔錯不過無問返個名就加左單只知唔係梅花肉另有甜品同瓶裝自家茶類飲品都係任飲任食🤘🏻個雪糕球都唔錯總括嚟講呢個價可以喪食和牛絕對抵食大小員工服務態度亦唔錯回頭率💯P.S:當日生日，蛋糕不另收切餅費店員仲好好whatsapp覆我叫我可以暗地俾指示佢先上雖然屋企人最後都係直接叫左人上蛋糕🤣如果大家想俾驚喜朋友可以同佢哋溝通好先！另外因倒瀉過嘢地滑，而大家係會出出入入拎下嘢飲，店員抹好後都特別放左牌同凳阻一阻條通道，同話返俾客人聽提醒佢哋要小心個地示乾會跣同有張凳係度，都幾細心…Read More

朋友問TST有咩PIZZA好食...真係唔係識得好多間不過THE POINT係我記憶中唔錯既其中一間原本想話單叫 點知揀完D野都同個餐好似結果都係叫左個二人餐$398有main pasta/pizza 又有湯又有野飲都幾抵食鴨胸藍芝士PIZZA用鴨胸做pizza配菜比較少見朋友好想試就叫左我覺得幾有驚喜好中意果種北京填鴨味加埋焦糖 又咸又甜好正但又唔會同PIZZA既芝士味唔夾紅酒和牛肋蜆殼粉一向幾中意紅酒燉牛既味道佢個汁幾好 牛肋肉亦都好稔身好少食蜆殼粉呢~係一個唔會好漏既PASTA牛油炒雜菇為左懶健康揀的餐頭盤小食無乜特別叫左杯cocktail試下唔記得佢叫咩名了士多啤梨味的 有少少梳打係入面入口幾清爽 甜酸度都好岩口味不過唔小心用飲管篤左幾下杯底搞到倒瀉左少少由於我地揀果幾道菜都係要加錢所以大約係五百幾埋單但每樣都幾高質 值得呀…Read More

朋友介紹我黎呢間地道韓國菜真係好耐無去旅行了!係香港食到既味道始終覺得同當地有差但呢家就幾做到韓國味道去到朋友講先知佢原來係韓國人主理的居酒屋帶位時聽老闆的口音 佢既廣東話都係有種韓國味道哈哈朋友食過一次 今次見到有醬油蟹要叫返隻食下 好掛住阿蜆洞的醬油蟹...唔算好大隻, 但兩個人夠晒二百幾一份, 加多幾十可以要個拌飯店員會用蟹膏幫你拌 (佢見我地掛住影相唔拌就主動過黎話幫手)好惹味~~拌飯有蟹膏加蛋真係一流, 不過多D蟹膏更正蟹肉都好好味, 不過生蟹真係唔敢食太多始終都要處理得好好先無菌仲叫左一碟泡菜豬腩肉都幾辣 但係係幾爽的辣感覺都係有配飯會更好食而佢地既餐前小菜係任添可以食完再叫店員refill波菜同埋小魚都幾好食 配埋米酒可以食到好多中意呢度既包廂位好有特色好似真係去左韓國咁~仲有人係度慶祝生日下次希望可以叫多人D坐卡位影多D相我地飲住酒食小菜, 發現去到夜晚宵夜時段打後, 基本上黎幫襯既都係韓國人黎, 個個都講韓文,原來香港都真係好多韓國人, 食野飲酒吹下水又一晚雖然佢單點每道菜價錢都偏貴~2xx但佢份量的確好多 都係想俾人飲住酒食好耐咁味道亦都唔錯 都會再回頭試多啲佢嘅嘢食…Read More

行完西九龍想搵個地方一個人休息下飲下野上網search到呢間近美荷樓的cafe仔就行左黎坐下大概4,5點既時間 都算係坐滿左人剛好遇到有人走就入座了一個人又唔係好肚餓就決定只叫杯野飲下裝修都幾靚既一間小CAFE唔大, 但幾清幽又唔近SSP中心點, 都可以清靜D咁休息下見到都有唔少人兩三個朋友坐係度傾下計 幾寫意而且係一間寵物友好餐廳好多人帶狗仔落黎不過佢地都好乖 唔會亂吠叫左杯伯爵茶朱古力奶見到伯爵茶就想試下聽落好似都有少少肥杯面擺左支朱古力果仁百力支~非常岩打卡當然都好好食 可以沾少少個奶食伯爵茶味幾濃郁反而我以為佢會幾杰身 因為有朱古力奶但兩樣野個比例又幾恰到好處唔會話成杯都好奶飲到好濟似茶底有少少朱古力奶味咁都特別同好飲~ 飲晒都唔會覺得好heavy (可能因為我無食野)價錢ssp嚟講算偏貴的不過cafe大部分都差唔多呢至少整體感覺俾人好舒服 幾適合休息坐下chill下如果有狗仔實會帶埋佢黎…Read More

記得以前成日同朋友仔嚟食佢嘅原味奶奶雞雞肉好味 醬汁好香寬粉直頭要加底咁食隔左好一段日子再嚟食質素差左好多🥲星期日諗住都會好多人但一開始入嚟已經係唔使等位以前樓上都坐爆呢～今次同家人食佢哋揀左個有蠔仔的奶奶雞叫左半隻三個人食 諗住可以叫下小食一上到枱 有少少貨不對辦佢餐牌上的蠔係正常size嚟到就真係變左蠔仔⋯肉碎粥嗰種蠔仔同個樣不是太靚然後半隻雞本身都expect唔會好多但個份量比想像中更少⋯就係眼見咁多同好多都係骨 無乜肉肉身亦都唔係好滑配料又唔多 下面啲粉可能只夠一個人食雖然我知可以加底 但無謂啦食下其他小食開頭叫左個玉子燒食完隻雞之後好耐都仲都未嚟 叫waiter催 又話整緊見佢小食咁慢 就拿拿聲加多個飯卷結果飯卷最不過不失三催四請先出嚟的玉子燒都一般🥲有少少失望就係印象中真係好好食老闆樓上又會播晒歌食得好開心但今次嚟waiter又hea 嘢又差左希望佢會努力啲 唔係呢個時勢好難做得住呢…Read More

聽講出咗我至愛嘅焙茶味點可以唔試下🥹今日等得唔算耐沙田分店相對係易等位嘅本身只想食下焙茶男友話坐得入嚟就叫多啲結果叫左三個蛋糕🙂千層方面有兩粒黑色嘅焙茶（好似係黑糖）同伯爵茶味焙茶無伯爵茶咁甜！恰到好處黑糖嗰粒係有彈性嘅初頭以為係朱古力整體味道唔錯～同一個慕絲蛋糕 好似係蘋果味嚟有少少果凍層 同有一忽好似蘋果批咁食落又幾清新原來唔係千層嘅都幾好食Cappuccino 同花茶就正正常常 唔使介紹啦～下午茶真係一人一件都好夠飽仲要食1.5件，結果晚飯都食唔落😂勸大家想食蛋糕都要適可而止😂…Read More

每次經過the one都會見到呢間拉麵排晒長龍今日見早左食晚飯試下排啦 唔算太多人的時間都好在等左五六張就到我哋！諗住試佢嘅軟殼蟹拉麵好似幾吸引可惜埋到去店員話賣晒🥲唯有睇下次有無緣叫左個豬骨濃湯幼拉麵朋友就食粗硬的個人覺得幼麵係掛湯啲個湯都唔錯 幾湯厚唔敢飲太多怕好油舊腩肉非常厚身兼大塊呢👍🏻不過就脂肪較多中意肉質腍嘅朋友可以放心大大啖食啦肉上面紅色嘅唔知係咩少少辣 吊下個昧食親拉麵最中意落好多蒜但佢個湯好濃 可以酌量落啲試下就算拉麵胡椒同黑椒加左都幾好食的…Read More

八天堂其實唔止甜品好食🤩以前沙田一田分店執左好傷心好想食佢嘅卷蛋今次喺觀塘分店附近運動完就好想食雪糕🥲一向好中意佢啲卷蛋焙茶味好好食好有茶味今次同朋友一齊試下抹茶卷蛋新地滿足晒所有願望🥹又有雪糕又有卷蛋個底有啲啫喱同脆脆都好食正餐食咗三文魚茶漬飯份量都好夠女仔食 細細個的飯加左湯後三文魚會有少少咸 個茶湯好好味des無當泡飯咁成個倒落去食完個飯都倒左少少直接飲👍🏻餐仲有黑糖黃豆粉蕨餅🥲滿足的一餐…Read More

同朋友嚟打卡食下呢間玩味十足嘅餐廳一開始見到menu已經感覺熟口熟面好似係邊度見過咁朋友講我先知係呢間mamaday嘅friend嚟！同mamaday一樣都係裝修同餐牌都玩味十足而食物質素都唔錯人人都嗌嘅蟹肉擔擔飯叫得呢個名 都要跟隊嗌下啦🤣🤣上枱時嗅到幾香食落唔算勁重味 不過五個人食 一人一啖好快無🤣但係呢個未必係我會再想嗌嘅青咖哩海鮮pizza唔太食得出青咖哩味 佢嘅海鮮係魚塊嚟都幾新穎 以為都係一般蝦 魷魚之類Pizza味道脆度唔錯 仲有重重嘅芝士 夠邪惡Half的貧窮拼盤（唔記得名😂）Half即只有三款食材我哋揀左飯波 魷魚 薯條 算係普通嘅炸物拼盤 飯波幾得意冬蔭公意粉呢個好食 酸辣程度恰到好處唔少得必有嘅鮮蝦👍🏻仲叫左個豬手有雜果沙律伴碟 蘋果火龍果芒果乜都有啲個沙律汁好好食豬手比我想像中大盤肉質超腍 皮都食埋🤣當然唔小得甜品窩夫幾個味道都好吸引 最後我哋揀咗香蕉個窩夫入面係會有麻薯㗎❤️好好味楓糖同埋cream都唔會太肥膩嘅感覺有少少似熱香餅咁😂niceOverall我覺得好食過mamaday性價比都算高 多人食可以試到唔同嘢又抵食啲雖然繁忙時段只有90分鐘用餐但上菜嘅速度都唔算好慢又唔會太多人太迫可以接受的👍🏻…Read More

都係食個早餐 無乜要求沙爹牛麵正正常常牛肉都ok唔鞋奶茶偏茶味重 有啲似咖啡不過少左冰都好多冰！牛油多士就唔係好大塊大大pat牛油 要自己刮走少少煎蛋不過不失啦 燶邊係幾好食習慣掉埋落湯一次過食40蚊樓下食得飽就多偶爾邪惡一下…Read More

寫返個好評俾呢間小店同朋友約咗去觀塘聚下舊早前見有人介紹呢間嘢食唔錯就book咗位試吓當日因為超級大雨我哋成班人都遲到本來見留位15分鐘打俾餐廳佢哋都好好人話只要我哋嚟到就得啦小心啲😂😂到咗發覺唔係太多人可以坐耐少少第一輪先嗌咗啲小食當然要食菜先啦色彩繽紛 都有四五種唔同嘅蔬菜整得都幾香 勁快就食晒啲西蘭花同椰菜花😂炸雞睇落同食落都勁好味佢有個類似沙律醬不過我就冇點個雞皮好脆入面啲肉都好滑係大家至愛嘅黑松露薯條薯條都唔錯黑松露醬先係精華 俾我哋點到要refill🤣蕃茄羅勒大蝦意粉蝦都大大隻 唔算多但係個意粉就幾夠份量不過不失安格斯西冷俾我哋想像中大塊不過就有少少過熟我哋本身叫咗medium感覺似七成食落好有牛味不過就靭咗少少薯條又係我哋攞晒嚟點醬食後尾仲要多咗個炸蠔唔食蠔嘅朋友仲以為係雞翼😂炸得太靚仲叫咗一個芝士雞扒不過就冇影低呢個雞扒都係幾滑的 同埋唔係配飯係配芋絲都幾新穎好多道菜都會有配沙律菜又可以食到肉又可以食到菜都幾符合我哋主食同埋小食嘅質素都唔錯聽聞佢哋係會換餐牌可以下次再試吓其他又點少得甜品呢唔記得咗叫咩名兩個都係crepe一個係榛子香蕉朱古力嘅一個係有士多啤梨同香蕉上面嗰個係啲餡喺個皮入面個人來講比較鍾意上面個款口感同味道都比士多啤梨嗰個好今天來講呢間餐廳嘅食物質素都相當唔錯有啲期待佢仲會有啲咩嘅餐牌因為當日見佢嘅選擇唔算多但如果佢係會換新牌咁就合理佢哋就可以專心啲去做好一個Menu質素自然都唔會太參差環境亦都幾靚適合打卡另外叫主食加嘢飲係有半價嘅不過好多都係梳打類同埋Cafe基本都有嘅咖啡類不過夜晚就好少會飲啦 希望佢哋可以有更加多嘅選擇順帶一提員工全部都非常之有禮貌亦都睇得出佢哋有心想做好會問對食物有咩意見 有無需要改善嘅地方加上我哋坐足全晚 都好怕阻住佢哋收工😂😂但佢哋仲俾我哋揀歌添希望佢哋可以keep住呢個水準越做越好…Read More

餐廳的格局好有情調💫午餐時段同友人行過揀左食呢間幸好我哋唔係著得太casual無顯得格格不入軟殼蟹卡邦尼扁意粉 $108乜隻蟹咁精靈👀卡邦尼同軟殼蟹都係一個幾新穎嘅配搭 味道不錯溫泉蛋黑松露扁意粉 $108很香的黑松露加溫泉蛋無得輸的配搭 水牛城雞翼(+$78)洋甘菊蜂蜜雲呢拿茶(+$8)個杯好靚 好有西洋味洋甘菊味飲落幾舒服 好寧神餐廳食物性價比幾高份量恰到好處夜晚嚟應該更有氣氛呢喺呢頭可做live band 有大屏幕播片的餐廳應該都係只此一家仲遇見有人諮詢做婚禮場地添(⁎⁍̴̛ᴗ⁍̴̛⁎)…Read More

成日去尖沙咀都唔知有間野叫海 三碗麵早前係網上見有人介紹 都好想知佢有咩咁西利放假去左附近就諗住黎試 聽聞佢排隊要排幾個鐘都有D怯第一日唔好彩 撞正佢放假休店第二日再黎踫踫運氣佢開返鋪了 不過前一日休店老闆可能煲唔切個湯 一直都係度準備緊所以等佢開門都等左一個鐘多D好多人行過都望下我地到底等乜門都未開好在我地排到頭位呢!一開就有得入老闆都非常有禮不斷同入黎既客人講唔好意思其實都明白既 個湯未到應有水準 我諗以佢咁有原則應該都唔會過關唔好講咁多俾個麵黎食下先呢日得返兩種湯:蝦&胡椒豬骨 我地一人叫一個個牛係即燒 見佢逐碟燒上面再加左櫻花蝦醃得幾好食個湯先係精華 今日可能未係最好的水平但已經好好飲麵底係E麵 唔係拉麵 都幾特別蝦味好似比較掛湯兩個湯既味都好岩我地心水胡椒食到尾有點辣整體食物質素都無令我地失望漫長既等待總算無白費當然可以唔使等咁耐就更好啦不過佢等6個位 每個麵都用好多心機整要食到真係唔易 都欣賞老細有咁既堅持既我諗我地等左個幾鐘已經算好快大家都好識做食完就盡快離開俾下一位仲有一個湯底同牛堡未食到唔知下次幾時先可以有緣食到呢？…Read More