April_Siu's Profile

最近好多朋友都去日本旅行，搞到我都心思思想食日本野，見駱駝漆有間新開嘅日本餐廳，就決定上嚟試下。依度星期六晚市都唔算太多人，崴餐廳裝修充滿日本風格，啱曬三五知己一齊上嚟食飯傾計。餐廳食物選擇超級豐富，壽司、丼飯、拉麵都有，連小食嘅選擇都好多。我見餐牌嘅壽司set幾吸引，就叫咗個壽司盛盒。我朋友唔食魚生，就叫咗個丼飯set。梅壽司盛盒套餐（$139）依個壽司set超抵食，有成12件壽司，仲要大部分都係魚生。魚生件件都好厚切，特別係個帶子壽司，超級厚身，而且好鮮甜。個set仲包咗個細沙律同雞肉棒串，個沙律超多蟹籽，個雞肉串啖啖肉，完全冇因為跟餐就送就hea 人，女仔食曬成個餐都幾飽下。鹽蔥燒牛肋肉丼（$86）依個飯係我朋友叫嘅，偷食咗佢一啖個牛肋肉，個牛肋肉好淋好香，有成五塊之餘每塊都幾大塊舊，加埋撈咗蛋黃嘅飯真係好好食。個餐除咗跟個麵豉湯同沙律之外，仲有兩個泡芙做甜品，真係好抵食。…Read More

好耐冇約朋友一齊食飯la!! 為咗可以同一班朋友傾耐d，我地簡咗嚟食放題。我地5個人嚟，簡咗兩款放題，一款係炸雞放題，另一款係人參雞湯，芝士紫菜蛋捲同芝士豬手任食。通常d放題都要全部戈簡同一個plan，依邊可以簡兩款，可以食多約樣野! 而且放題晚市都只係$138，仲可以食120分鐘，真係好抵。炸雞有5種口味，每件都專登切細細件咁，可以俾人試多幾件唔同口味。有d有醬嘅口味，食落都仲好脆口，我最鐘意薑蔥口味，好惹味。D芝士拉絲系列好適合打卡，樣樣都真係可以拉到絲。最驚喜係都係個人參雞湯，好多舊雞，d料好足，仲可以無限refill !又養生又好食。…Read More

今日又同朋友打邊爐la，今次簡咗嚟胡爐，貪佢夠就腳，點知一試，原來佢充滿驚喜。我地諗住養生d，所以湯底簡咗椰子雞湯。一開始以為就咁上個湯，點知原來係有專人即場幫我地炒香d雞同配料，然後再贊酒同點火，我忍唔住即刻打卡，之後見住佢將成個椰青嘅水倒入去，再加雞湯，一睇就知非常之足料。職員建議我地飲咗湯先，飲夠先再幫我地加湯打邊爐。個湯飲落好重椰青嘅香味，亦都足滿雞嘅鮮味，真係好好飲。醬料嘅選擇都算多，而且每枱都有個醬料架，唔駛出去同人逼。而打邊爐嘅料我地叫咗個大嘅牛拼盤、響鈴、黄金魚皮、蝦滑、黑毛豬、黑松露餃子黑柏葉同烏冬。響鈴同黄金魚皮都好出色，上枱果陣已經係熱辣辣，應該係即叫即整，兩樣都好食。黑毛豬嫩得嚟又有少少彈牙，份量都算多，唔錯。烏冬正正常常，幾彈牙，吸咗d湯嘅鮮味幾好食。拼盤份量超多，樣樣都好好食。最驚喜係牛舌芯同霜降牛柳粒。牛舌非常之淋，就算滾耐咗都唔會韌，係我暫時食過最好食嘅牛舌之一。至於牛柳粒，我係第一次打邊爐食佢，一開始仲驚會鞋，點知原來非常之淋，又重牛肉嘅香味，仲有d油香，好有驚喜。黑松露餃子好足料，用咗好多黑松露，好食。…Read More

一家人星期日唔想煮飯，於是揀左食放題！之前同朋友都食過幾次，次次都好滿足！所以今次帶屋企人去😆😆今次一樣，都係「大滿喜」呀！送菜速度快，員工nice，好多新款野食，自助吧都好多選擇！真係好有進步！一開波當然叫大量刺身🥳🥳🥳食完凍野，再飲番碗熱湯，暖暖胃先😚有人蔘雞湯同響螺湯揀！兩款都好滋味😭😭我媽話飲完雞湯精神左😂😂😂芝士年糕雖然膩，但我地都係會照order！邪惡就邪惡下啦😂我全家都係榴連迷，所以大推榴連炸彈！唔多講，去圖👇🏼隔住個mon都聞到榴連香😋浦燒鰻魚叫左兩round！食到咁上下開始要食番d蔬菜，個人推薦油麥菜！有蒜香🥰溫馨提示：消濟食物—-有機菠蘿燒！又甜又多汁！…Read More

今日又嚟到官塘嘅工廠區搵食，餐廳入面裝修到好靚。我地平日嚟食，一開始仲以為會冇咩人，點知坐到8點左右就發現就嚟坐滿咁濟。而且果日大約8點開始就有人嚟唱live，所以成個環境都幾chill。佢dinner set嘅選擇都幾多，最特別係佢有個pasta set，可以由意粉、醬汁到配搭都自己配搭，保證一定啱自己口味。我地最後揀咗一個pasre set、燒澳洲牛肉眼扒同一份炸魚薯條。 一坐底餐廳就上咗墨西哥薄脆，佢個醬非常好食，好惹味。炸魚薯條($68)依個小食份量超級多，個魚唔係普通茶餐廳見到嘅魚柳，佢係有連魚皮去炸，味道唔錯。田園沙律+是日餐湯(跟餐)個沙律有好大塊蕃茄，d菜幾新鮮，個醬都好幾食。我果日嘅是日餐湯係忌廉湯，味道唔錯，唔會好稀好水咁。燒澳洲牛肉眼扒配黑松露燒汁($238)我地叫咗7成熟，一上到嚟就睇得出真係燒，而唔係煎嘅。塊牛扒超級大塊，而且都算厚，食落好juice，亦都有牛味，好推介大家試下。薯蓉好滑，味道都唔錯。Pasta set ($138+$20)我地揀咗大啡菇+蕃茄醬+普通意大利粉嘅配搭，仲專登加$20要鮮蜆。我強烈推薦加蜆肉，因為個蜆真係非常之大粒，一上嚟我同男朋友都嚇親，因為出面d餐廳通常d蜆通常都係細細粒，而依到嘅蜆大得嚟冇沙，份量都算多，所以依$20好藉得加。菇嘅份量都多，成個意粉好好食。是日甜品(跟餐)我地食到嘅係朱古力慕絲蛋糕，朱古力味好濃，唔會死甜，份量啱啱好。依度員工嘅服務態度唔錯，d野一食完就已經即刻有人嚟收走，叫野食一舉手就而經有人走埋嚟，上菜都算快，抵讚。…Read More

好開心可以同爹哋媽咪試吓韓式小菜，今次我地點左依間鋪頭嘅鎮店之寶芝士奶奶雞，仲有泡菜水母、海鮮煎餅同埋鰻魚生菜包！奶奶雞啲肉質好實，雞肉爽滑可口！配埋粉皮墊底，好開胃！海鮮煎餅真係食到啖啖海鮮，配埋沙律醬味道好夾！ 鰻魚生菜包配上好多唔同嘅韓式配料，辣酸甜味一齊放入生菜入面一齊食，感覺同味道好清新又特別，初嘗韓式生菜包原來係咁樣！同平時食開嘅泰式生菜包真係爭好遠！餐廳格局好寧靜舒適，最適合同朋友屋企人一齊聚埋傾計！侍應哥哥都好好，有禮貌之餘又好主動幫我地！如果人少少一齊聚會，呢間餐廳一定係好推介！…Read More

今晚去左 Go Dutch Cafe 同朋友一齊食晚飯，第一眼望入去就好中意Cafe 既裝潢風格，俾人一種放鬆既感覺，特別係一入門口燈飾，真係好靚，睇得出好有心思佈置同設計。無論係同朋友仔聚餐定同男朋友仔拍拖食飯，呢度既氣氛都好適合👍🏻我地一坐底就嗌左野食杯野飲，等左冇幾耐就等到野飲，我嗌個杯蜜桃梳打，唔太甜又唔膩，唔錯😊之後就到野食，我地嗌左2個小食，蜜糖雞翼同日式炭燒雞串，兩款小食賣相可口，特別係蜜糖雞翼，就連我呢個唔太中意食雞翼既人都覺得值得再試。😋😋另外兩款主食，日式咖喱蝦天婦羅飯 同 白汁蘑菇煙肉意粉 都幾滋味，特別係白汁蘑菇煙肉意粉味道濃郁，份量足，真係好適合忙碌左成日既打工仔黎補充體力💪🏻！…Read More

之前上網見到好多人推薦依間cafe，見佢近男朋友屋企，於是就拉埋佢嚟試下。佢個menu都有幾多選擇，無論係野飲定食物。佢個menu嘅設計非常之有心思，一打開就有3D嘅立體圖案出現，好有驚喜。我地叫一個晚餐set同一個主菜share。依度嘅staff好親切同好留意到客人嘅需求，我同男朋友冇出聲，個staff主動俾隻碟仔我地分野食，服務好好。南瓜忌廉湯(跟餐）忌廉味比較重，入口好滑，我食個唔鐘意南瓜嘅人都覺得接受到，所以唔鐘意南瓜嘅人都可以試下。田園沙律(跟餐）沙律用咗胡麻醬，d菜都幾新鮮，份量唔會多都食唔落之後嘅野。卡邦尼意大利粉(套餐$123/單點$73）幾重芝士味，好creamy，煙肉嘅份量好多，但係又唔會過咸，意粉份量都算多。龍蝦湯海鮮意大利飯($78)我個人都幾鐘意龍蝦湯，見佢難得價錢唔算太貴，於是就叫咗佢。海鮮嘅份量都多，有蝦、帶子、蜆、魷魚同蟹柳，味道偏甜，飯嘅份量同樣都好多。藍莓雪糕(跟餐）好少可跟餐雪糕係藍莓味，食到有果肉，酸酸甜甜咁，幾清新。玫瑰朱古力(跟餐+$15）玫瑰味唔算好重，但係朱古力味就好重，唔係甜到膩果種，而係有少少黑朱古力味嘅感覺。…Read More

又係同姊妹們一個月一次嘅聚會。今次簡咗嚟長沙灣嘅Fifty fifty，貪佢近地鐵站之餘又唔會好似旺角咁多人，可以傾下計打下卡。Menu 主菜同飲品嘅選擇唔少，主打西餐。主菜加$20就會配埋餐湯、飲品同甜品。我覺得都幾值得加，因為個餐湯幾好飲，而且佢依邊嘅野飲好多都過$20，變相有賺。玫瑰水果茶 ($38/熱，$40/凍)蘋果同玫瑰味都幾重，唔會好甜，解渴得嚟仲好適合打卡。是日餐湯跟套餐配嘅，依個係黑松露磨菇湯，黑松露味幾重，飲得出係自己煮嘅磨菇湯，而唔係罐頭湯，因為有好多磨菇粒。小食拼盤($118/四人份)樣樣都係熱辣辣嘅，樣樣都好好食，最特別係佢地雞翼係單骨嘅，食起上嚟好方便。法式燒春雞配巴黎牛油汁 ($108/半隻)依個係我叫嘅，肉質嫩滑得嚟又juice，個皮好薄好脆。薯蓉好creamy，調味亦唔錯，幾推薦大家叫。是日甜品我簡咗雪糕，今日係朱古力味雪糕，好重朱古力味，有朱古力嘅野實好食。…Read More

一直以來都想嘗嘗椰子雞煲，聽聞天后的頭啖湯有得食，今日收工就嚟邊一邊～我地一行二人都叫左幾多野食😅包括三個肉類（食肉獸😛），兩個蔬菜同一個主食～椰子雞煲（半隻）：因為我地得兩個人，問左侍應兩個人半隻夠食就淨係要左半隻。雞煲好快就送左嚟，用砂煲裝住，所以熱得比較慢，但都好快有得食。雞係半熟，送上嚟煮多下就食得，唔會煲到老曬，好嫩滑👍🏻美國安格斯雪花牛肉（小）：安格斯牛嘅雪花紋好均勻，唔會太多油脂，食落帶小小椰子雞湯底嘅甜味，正！牛肩胛（小）：打邊爐點可以冇牛呢，所以我地又叫多個牛🤣牛肩胛較安格斯牛厚實彈牙，但兩隻牛都好好食😋西班牙黑豚肉片：唔知點解出面打邊爐食到嘅豚肉片總係咁大片😂可能係部位嘅問題？但食落都幾重肉味，就係太大片唔可以一口食曬😅娃娃菜：有切細到，唔係原塊上，比較易入口👍🏻經椰子雞湯煮過好清甜！金菇：次次打邊爐都必食！吸左湯底嘅味道後帶點甜味，不錯～芝士竹輪：好耐冇食芝士竹輪！一見到即刻order左，好好味但可惜有啲少，唔夠喉😂餐廳上菜好快，而且食材新鮮，下次可以再嚟。…Read More

今日同男朋友簡咗嚟依間餐廳食晚飯，貪佢環境夠chill又唔算好嘈，menu睇落又好似唔錯咁，幾吸引。有個特別位係餐廳有充電器可以借，有需要嘅人記住借嚟用la。依間餐廳主打pizza同pasta，所以pizza同pasta嘅種類都唔少，有d款式我連聽都未聽過，我同男朋友簡咗一款pizza同一款pasta，覺得兩樣食物嘅水準都好高。Uncle Wyman● Mechanical Engineering ($148/8吋)佢嘅menu完全表達曬成個pizza有嘅材料。芝士有拉絲嘅效果得嚟同雞肉茄子好match。雞肉唔會好乾好柴，而茄子烤到非常香口，超級好食。個餅底厚度啱啱好，唔會薄到好似食餅乾咁。Butter Linguine with fresh crab mushroom, prawns, crab meat and white truffle oil ($178)蝦肉彈牙，蟹肉嘅份量好多，唔駛就住食，食到最尾都仲食到蟹肉。由於有蟹肉同菇嘅關係，成碟意粉非常鮮甜惹味。有好多好多嘅蟹肉。…Read More

依間餐廳其實好耐之前已經嚟過，果陣已經覺得佢起官塘嚟講係屬於性價比較高嘅餐廳。官塘本身少韓式餐廳，性價比高嘅就更加少。今次同朋友再嚟，發現原來餐牌已經轉咗，加咗唔少新菜式。餐廳嘅人比我以前嚟果陣多咗好多，睇嚟佢起官塘愈嚟愈出名la。食物嘅款式都幾多，有沙律、炸雞、韓式拉麵、飯麵類嘅野食，連甜品都有好多款簡。我同朋友驚叫套餐會食唔曬，所以最後簡咗兩個主菜加一個小食。野菜炒粉絲($68)粉絲嘅份量多到嚇親我地，佢唔只係粉絲嘅份量多，連配料嘅份量都好多。配料有椰菜、翠玉瓜、冬菇、雞脾菇、秀珍菇……仲有d唔知叫咩名嘅菇😹所以食落味道同口感都好豐富。拉絲芝士香燒雞翼伴泡菜炒飯($78)依個完全係打卡必叫嘅野食，芝士嘅份量極多，可以瘋狂拉絲。炒飯唔會太辣，雞翼有四隻，加咗類似燒汁嘅醬煮，整體嚟講唔錯。炸雞Combo($68)叫果陣以為得炸雞同薯條，嚟到先知仲有炸年糕。炸雞嘅醬都幾辣，好有韓式嘅感覺。薯條預先撈咗蜜糖味嘅粉，好好食。年糕亦唔會炸到好硬，keep到煙韌嘅感覺。 …Read More

今日同姊妹們嚟依間cafe，貪佢地方闊落，可以坐低慢慢傾心事。依間cafe全層都係佢嘅。因為我地係萬聖節前幾日嚟嘅，所以Lift門一打開就見到好有萬聖節氣氛嘅裝潢，睇得出cafe好有心思。佢地嘅menu好大張，食物嘅選擇唔少，飲品嘅選擇就更多，花茶、沙冰、咖啡、台式飲品同特飲都有，每類都有唔少口味，係我暫時見過最多野飲揀嘅cafe。蜜糖芥末雞翼(左)、蒜香雞翼(右)（$63/6隻)兩種雞翼都非常香口好食，比較之下我鐘意蜜糖芥末雞翼多d，個醫甜甜地，好啱我口味。日式麻醬沙律($98)為咗減輕罪惡感而叫，蟹柳份量唔少，d菜都好新鮮，個份量適合兩至三個人share。鮮蝦蒜辣炒天使麵($125)意粉煮得幾好，唔會太淋，菇同蝦嘅份量都幾多，帶有少少辣味，唔會話好油，幾好食。 bbq汁燒豬肋骨配薯菜($148)見枱枱都叫，我地就決定跟風。一上嚟俾個份量嚇親，我地五個人，切完每人都分到兩三條。貌相好適合打卡，而味道都唔差，唔會焗好到乾，調味都唔錯，幾入味。不過多人叫會好d，唔怕食唔曬。…Read More

依間樓上cafe有種隱世嘅感覺，因為幢大廈嘅入口係起後巷入面。餐廳俾人嘅感覺好溫馨，尤其係因為老闆好friendly，會主動同客人傾下計。另外cafe仲提供咗好多款board game俾客人玩，可以話係總有一款啱你，老闆亦唔會話一見你食完野就想你快d走咁，一班人約嚟依邊食完野再玩就啱曬la。芝士薯條份量都幾多，雖然冇拉絲嘅效果，但係個醬好好食，似係芝士再加千島醬嘅感覺，唔會話好易膩。蜜糖雞翼食落口超級熱，應該係即叫即整，雞翼有炸過嘅感覺，加埋蜜糖，令人有種停唔到口嘅感覺。咖哩安格斯牛柳粒螺絲粉老闆特別提我地牛柳粒要襯熱食，如果唔係會變硬唔好食。我同朋友都感覺份碟意粉份量大得嚟又好食。拿破崙肉醬煙鴨胸意粉佢依邊嘅主食份量都好大，無論煙鴨胸定意粉嘅份量都好多，肉食得出有唔少蕃茄粒，性價比好高。水蜜桃梳打唔會死甜，飲到有好多果肉，幾好飲。朱古力特飲好濃朱古力味，朱古力迷必點。…Read More

今日同男朋友諗住去官塘海濱行下，所以就諗住起附近食d野先。知道星期六近官塘地鐵站嘅工廠區實會好多人，所以我地就諗住簡近牛頭角果邊嘅工廠區，同樣都係近海濱。起openrice見到依間餐廳裝修得幾chilli，我地又好耐冇食過burger，所以就簡咗依間餐廳。依度買野食係要先起cashier度俾錢，之後先再起入面拎野食，另外餐廳門口有2部自助售票機，方便客人買野食。餐廳起室外都有位，仲裝咗霓虹燈，打卡一流。睇完餐牌，我地簡咗茲味雞堡同美式之堡。滋味雞堡($58)個包用牛油烘過，非常香口，雞扒夠厚，亦都好juice。蕃茄切到勁厚身，加埋d菜，感覺非常fresh。美式之堡($60)牛肉肉汁豐富，咬開仲見到中間係帶少少粉紅， 唔會話整得太熟而變硬。加埋厚切蕃茄同燒烤醬，令成個包無甘漏。…Read More