Ace~'s Profile

等了一年,哈,又到了在下的生日在下人緣都算不錯,不致於生日要獨自一個慶祝是晚,最好的朋友請在下到這一間餐廳食晚飯一年前,在下請他到隔壁的半島酒店chesa食第一餐飯,他便許下承諾,有一天會帶在下到這一餐廳,一年三個月了,承諾算守了ha 也許,開心的大概不是他會帶在下到這一星餐廳食飯,而是他没有把這個承諾忘記衷心感謝你,倘若閣下看到這篇食評的話我們七時半準時到逹,門面有點不濟事ha,一道木間,完全看不出是一間fine dining 餐廳的入口來到門口,還以為自己去錯了地方推開了木門後,也不是立刻有人來招呼...這方面似乎還有改善的空間~朋友是很細心的,訂了window seat, 看著window 外的香港夜景,還有那幻彩詠香江~為這一餐添上一份少少的喜悅,終究一餐好的飯不只是只滿足味覺而已坐下來,叫了一支sparkling water後, server BERNARD 便來到我門餐桌介紹他不是介紹menu, 而是介紹他們的ingredients~ 很特別他推來的木車,上面放了牛不同的部份,還有隻生猛的龍蝦ha,還有d vegetable好細心,好有耐心的逐一介紹,口感是如何,味道又是如何,點樣新鮮~haha聽了足足我估5 mins, 但其實我同朋友仔d 英文都係..ha 半桶水你話明晒佢講咩一定冇可能,又未至於一d都唔明...其實既然見我地咁既2個香港小朋友黎,都應該知道我地英文咩程道ha如果可以換個server 係可以講中文既介紹,我會更開心anyway,佢都好friendly,又nice,又有smile,唔似背書一輪嘴講晒出黎,也很不錯~接著便是睇menu,第一個感動位當server 給在送上menu 時,說了一聲happy birthday,然後我再望一望menu,上面是印了在下的大名: ace還寫著happy birthday....去過咁多間餐廳,實在没有餐廳可以做到呢個service說真的,一張menu幾毛子本錢,花不了一個餐廳多少銀兩,但就是這個心思我決定以後也會幫襯下去! 的確非常感動,thz, my friend!!! it is really touchingp.s. 張menu在下拿了去過膠~留為紀念接著到酒水了,一餐美食豈能無酒相伴,鋸扒應該配紅酒既但呢...我地2個都係呢方面冇咩硏究,人家說的那些"配合到天衣無縫"我倆暫應該未能領略到加上在下比較喜歡白酒,就叫了一支highfield, 2008 from new zealand, 因為比較甜,易入口同果香味比較重,啱晒我地ha 很多時自己覺得好飲就夠了,不用太執著別人那些黃金定律,什麼食物要配什麼酒大家條脷都不同,何以見得你覺得好飲的,我一定又要覺得好飲?傾左陣計,d野食都開始黎~第一道: onion bread這個包可真是享負盛名...真的大到無輪,我估直徑都有15cm到..皮是脆的,裏面是軟軟的,有點洋蔥味,應該還有些beacon味道是可以的,但點講都係大得濟...2個人如果把它食完,應該可以埋單走人了,是故大家都係淺嚐而已,好像有點浪費,基本上冇一枱客可以把它食晒如果可以把它弄小一點,或會更好,倘若客人覺得不夠,到時再添也就可以了始終浪費食物有點不是味兒第二道: lobster bisque味道夠濃,湯裏有一舊龍蝦肉湯也夠creamy,不會好似出面有d餐廳稀到水一樣不過,有點美中不足,也許落黑椒時有點重手辣了少少,朋友的那碗臨上時,也叫server再下了一點,相信會辣得濟第三道: jumbo lump crab cake, mustard mayonnaise sauce這裏的蟹餅也是不容錯過,吃過洲洲the steak house 的蟹餅,也不錯但似乎這裏更勝一籌蟹肉是無疑的新鮮,一整舊的,縱使是跟朋友share的,也很有滿足感蟹肉的鮮味配上那mayonnaise sauce, 更為惹味是一道不可多得的appertizer~第四道: ribeye steak, prime 及 第五道: porterhouse steak2 者都要了medium rare, 跟朋友仔一齊share先說ribeye, 跟洲際那個不相伯仲把肉切開後,可以清楚見到是十分juicy,肉汁夠晒~再看顏色,淡淡的粉紅色是没有偏差的medium rare而且都夠肥,旁邊的脂肪(肥膏)更是一絕,雖然是一樣可以引致心臟病的東西但其味道,香味實令在下及友人把健康飲食這四字拋到腦後一口一口放進口中,滿足感是也整塊扒的水準也是很高的,没有任何可批評的地方到到porterhouse, 相對是明顯有點不足雖說是medium rare, 但切開後,郤是生了一點,最裏頭的肉似還未煮過,當然只是少少部分估計因為是比ribeye這塊扒比較厚,難熟一點,郤用了同一的烹調時間~一塊T骨~ 左面是西冷,右面是牛柳個人比較喜歡西冷,味道也是不錯,再配少少的法式mustard, 又是一道高水準的菜式,遺憾是...真的是生了一點~第六道: sauteed fresh spinach & button mushrooms這是server推介的side dish,味道是ok的,尤其係磨菇,真的好大粒及很香真的未試過這size的mushroom但那spinach真的是普通了...没啥特色估計是因為吃過洲際steak house他們的黑松露薯蓉...我相信是咁多side dish之首,實在没有什麼可以跟它比下去..就是因為比較,這spinash and mushroom相形見拙了...但也不失為一個伴碟choice既~最後便是甜品,心太軟第二個感道位~ 不過shocking 多d~由一個server 拿著那cake, 上面有枝candle後面跟多5個servers, 勁大聲...真係堅大聲...係好大聲仲要一個我估係d男高音d朋友仔~ 6個人唱著生日歌...當時,餐廳是十分嘈吵的(是故在下在環境那一欄扣了一分)客人講野都幾大聲,就好像去了中式酒樓但呢首生日歌...令全場都靜了下來,望晒過黎我地張枱...真係全場人既目光focus 晒係我地度....在下真係odd 晒,shocked 晒...真的有點怕醜,不好意思~咁大個仔,未試過這樣聽生日歌...說實話的,差點兒感動得落下淚來...不像有些餐廳,hea唱到好似送殯咁.. (因為唱到咁不如唔好唱)佢地真係放過heart 黎唱,係聽到的,feel到的唱完後,吹完candle,有個server拿了部相機,幫在下同朋友仔合照~然後放到一個紙相架..(唔知係唔係咁叫)裏面除了有相,還有咁多servers 的簽名...真係多謝晒佢地!!!而那心太軟~的確很美味,很香很濃的朱古力味道出面那層蛋糕除了包著朱古力流漿,還有朋友仔的祝福同誠意配上了雲呢嗱ice cream, perfect match~但因為掛住影相,許願...溶了3分1 ha~ 但不打緊~因為真的很開心!p.s. 這個比較洲際steak house的chocolate fondant 好,因為這個size 剛剛好滿足晒味雷,而又不會因為太大而濟過濃...洲際那個有點大得不合比例~ha最後用2杯earl grey 作結...當消濟ma~因為真的實在很飽!~ 及十分滿足~ 服務~這樣的安排,怎可能不給十分?所有的server 都好有禮貌,又nice,又會笑住口面更唔會因為我地只係2個後生仔,著住t shirt 入去而睇唔起人點名讚揚 bernard~ 當日負責我地枱的server他真的很nice, 縱使佢應該唔識中文~全程用英文同我地溝通,我地唯有用半桶水的洋文應付ha, 但佢果一份善意同heart,是不會因為語言而減少的if you are Bernard and you can read this passage, i would like to make use of these few lines to give you a big thank. you really served us well and it is you that made my birthday meal cannot be more perfect. really thz!!!環境~decoration 是不錯的,view 也拿了滿分但如上面提及,真的是嘈了一點...也許就是因為這樣,我地餐廳食得無咁拘緊~不像法國餐廳可以放開懷抱去享受這一餐美食談話時也不用就住就住~抵食~由於是生日宴,詳細價錢不便公開食物連酒水連加一~大概是2400元對於朋友仔黎講,這不是一個小數目.但依然願花這一筆金錢在下真的非常感動!!! really thz!!没有了閣下,這生日飯不會這般好味,也不會這樣開心有你這個朋友跟在下周圍食,實夫復何求~期待下一城:這餐生日飯可未完唷ha還有下半場,on 3 月21~ 你我再相約於稻菊 @ 帝苑酒店到時再好好大吃一餐!…Read More

12 月30 日 同好朋友試呢間extreme 中菜, 為的係避開12月31日, 避開貴d既menu,避開人群~很久以前,黎幫襯過佢既lunch, 已經夠晒難忘份子料理la, 有趣既材料配搭, 而最難忘係佢地既鵝肝...當時埋單幾百, 已立志試佢地既dinner今日,如在下所願...因為朋友臨時有急事, booking要由29轉左30, 初頭book位時話要坐出面好彩最尾都安排到坐番餐廳入面, 因為同朋友仔都唔食煙, 驚出面有二手煙~hee餐廳係2樓, 搭lift上去, 一開門, 已經見到幅巨形星級大廚既相, 一個冇番咁上下自信既人都咁夠guts 做到...入到去, 一坐低,指定動作,俾人屈水, 就是但一樽distilled 吧, 反正sparkling 都不太討好...係呢度已經睇得出呢間餐廳係一間有良心既餐廳, 枝水收60蚊而已, 什麼panna(在下對水冇硏究,但都知貴極有限) 好過那洲際排房, 一枝evian 膠樽水..收在下過百,明屈明搶...當然它的扒也很有水準,只係從良心角度出發而已接著就係一位好風趣既server 介紹menu, 好gag地講出其實佢地餐廳得2個menu, 基本上唔駛點簡....係tasting menu 同christmax chef menu 我地簡左後者, 應下節嘛..,每位盛惠$1380order 完之後到酒...講真...在下係學生,真係俾得起餐飯..已經好叻仔...酒呢d..係咁易la,本身個menu 有wine paring...但每人另加$500 ...2個人..就成千銀...真的豪不起,bar tender 見到在下攞住個酒menu 睇ar睇...都自覺走過黎問駛唔駛幫手, 在下都唔怕魚咁同佢講...在下真係對酒冇咩硏究..真係唔識choose..話埋俾佢聽..成枝真係飲唔晒..2個學生...咁佢都好nice 介紹左一枝half bottle 既 foradori, 意大利的, 才300幾,match 番今日d 菜, 佢冇一sell就sell 最貴, sell 左中下價錢,在下真係好感動...因為唔係就好embarrassed..個情況,問佢推介,但如果佢推介最貴果d,在下又叫唔起,但又唔好意思唔叫,叫得佢推介就者係信佢... 所以呢枝酒你問點好味法,襯唔襯d食物,whether full body or fruity, 在下一概答唔到,但在下話到俾你聽, 真係好味, 因為枝酒係一位會從客人角度出發去choose 酒同唔係掛住掠客人銀兩既酒師推介~講左咁多無謂野,入正題: 前後total 15 道菜: 第一道: nitro strawberry champagne係一道真係好special, 真係好wow experience既前菜, 一d用strawberry 同champagne 整既cream 放落 一個 裝住 -196度既nitrogen 到將佢變成固體... 一路滾ar滾ar, 變左粒糖,成枱都係煙, 跟住server 叫在下用啖水濕下個口先,在下就係咁易飲啖,咁就出事,成粒放落口時,成粒糖即刻痴實晒個口, 同埋條脷...因為太凍既關係...我懷疑條脷係灼傷左少少,當然,過左2分鍾到,係完全冇晒事, 味道呢就...ok la, 唔特別..係食法特別者...食完之後,都叫朋友仔飲啖水飲大啖d, 濕番晒成個口, 佢冇中招..當然話ok好味la...難為在下做左白老鼠, 之後見到隔離枱食..仲要係lady first,果2個女仔..haha 放落口時隻眼大到..個嘴o到....第二道: oyster一道在下十分欣賞既菜, 用少少青檸汁加上生蠔,重點係d 薑蓉冰, server 介紹好似食緊白切雞點薑蓉, 但而家係生蠔,d薑蓉變左凍粒而已~ 成隻放落口, 生蠔味出晒黎,跟住係薑蓉,一個好特別既match, 但又真係幾好味~ 估不到~wow experience, 少少遺憾,朋友隻生蠔有d沙第三道: carviar魚子配d 西芹味泡泡, 仲有粒用鮑魚汁做既jelly....味道就ok la, 在下唔太識欣賞,粒jelly 都食唔到好濃既鮑魚味, 但d魚子都ok 既~ 俾個average la 呢道菜第四道: toro呢道菜好impressive, 因為話俾在下知魚生唔一定係點wasabi同豉油,一塊極度新鮮既油甘魚...上面有勁多塊金泊...(勁worry會中金屬毒), 點既係芝麻sauce,出奇地好味, 個芝麻sauce 酸酸地, 唔會掩左油甘魚既鮮味,反而令佢既鮮味再發揮得好d2種味唔係搶大家味,而係配合番大家, 一絕~ 俾個good 大廚 alvin第五道: iberico36睇個名根本唔知食咩~hah係用洋人火腿 (在下估係parma ham) 包住d korean 粉絲, 而d粉絲係用左法國mushroom浸左一日一夜...上面用左d用onion打成既泡泡(server係咁講)一啖放落口, 火腿味就夠晒,但d mushroom味呢就真係食極都食唔到ha但又真係幾好味既, 同朋友仔一致認同, 高級version 既中國炒面~haha第六道: 小籠包 上次黎食lunch 已經好想試,無奈緣慳一面, 今次另外order 的, 一道如假包換既份子料理一層好薄既衣包著d湯汁, 而湯汁係用小籠包既料做的,一放落口, pop一聲,d汁爆晒出黎,無疑,的確係怪怪地...但真係小籠包味,一道好得意既菜式~ 一讚當然, 味道係唔會追得上鼎泰豐本身都想試埋個"立"味飯雪糕(另一餐廳招牌菜)...無奈在下唔食'立'味...有人會話, 好地地正正常食番個小籠包未得law, 做咩鬼搞咁多野,搞咩份子料理,咪又係放落口道理好簡單, 有人著armani,有人著baleno, 冇話邊個對同錯it depends whether 有冇心去 追求~ strive for the best, strive for the innovation~食物係用黎飽肚, 但美食係用黎品嘗~ off 左topic tim...keep on~第七道: pea shoot個湯係用豆苗做成...真係exactly 豆苗味...都幾難接受,朋友仔就好似麻麻地接受到在下反而冇咩問題, 另外配上炸九肚魚~一啖湯, 一淡九肚魚~ 又係一個好新鮮既配搭第八道: duck egg先用豉油浸好d腸粉, 裏面包住成隻鴨蛋黃, 隔離有d yak cheese, 上面係一大堆黑松露~食時用spoon吉落中間,吉爆個蛋黃...雖然之後既賣相係幾核突...黃色一pat 野...但出奇好味, 蛋味加埋d cheese, 用腸粉索起晒d汁...好香cheese味, 又夠滑, 加上深愛既black truffle 味, 的確無得彈p.s. 呢間餐廳唔可以話係中式..基本上...因為佢地係用世界各國材料,日本和牛,外國黑松露, 配上中式既煮法, 就連米芝蓮一書都把它評為多國菜~ 不愧葉局長係頭條日報話係去到盡既中菜, 餐廳叫自己做extreme 中菜, 的確煮法令我們中國人都wow 一聲第九道: scallop一隻好新鮮既scallop , 半生熟, 上面係一層炸過既芝麻, 增加口感, 有2 隻sause 配番~一隻係香茅~ 估唔到會咁夾, 十分好味, 香茅味夠晒濃,夠突出,一食醒晒神,但又唔會遮晒scallop 新鮮既味道...而另一隻sauce就係唔記得左, 唔太outstanding另外配d 提子jelly~ 又係一道滿分既前菜~第十道: ocean trout三文魚, 用smoke的方法去整配上一隻好特別既sauce...server 講出黎我都o 左唔係點豉油,係...柑桔....呆了一呆...哈~食左一舊之後,在下同朋友仔都讚不住口,柑桔味俾到一種refresh,light 既味道, 配番重味既smoke salmon, 夾晒~伴菜有沙律,哈..用咸柑桔汁整既沙律,咸味唔係好濃,都ok好味道hee wow experience, 俾多個gd 大廚!!!!就係咁...一口氣完晒十道前菜.....keep on到主菜~第十一道: turkey其實呢個係congee 黎, 不過係火雞粥..當然,火雞味係食唔出的,上面又係一大堆黑松露所以個粥好香~hee, 粥底夠綿,但基本上係冇米...係一d好濃既粥水,算係咁,都好食但重點唔係個粥度....係中間...夾住塊鵝肝...之所以在下咁記得呢間餐廳...就係因為佢既鵝肝....食過好多間好既鵝肝, chesa, 秋田, 另外鴨肝spoon,amber,caprice, petrus, steakhouse真係冇一間做得好過bo innovation...有d就靠大塊,有d仲有根tim...有d唔夠肥...但bo,,,唔大塊, 一啖放落..基本上用條脷頂一頂...成舊唔見左...真係會滆左..絕無誇大成份, 真係肥到'入口即滆' ,呢個term 只可以用落呢度(係在下角度)!!!通常人地用多士黎襯番舊鵝肝,唔好咁肥,但呢d用一塊乾既油炸鬼, 又一個新嘗試,效果又不錯的,值得鼓勵 真係無誇張到~ 當然,再次一試難忘第十二道: M9和牛呢道菜用左中國sauce, 自制四川spicy sauce, 當然...spicy 既程度係好weak, 係咁易吊一吊味, 牛係用左日本和牛, 我估3-4成熟la, 因為入面仲係血紅色, 配左d'炒面'~ 一d炸薯絲~sause 冇咩特別, 薯絲都ok, 係個和牛,真係好好味, 唯一嫌唔夠肥ha但已經好過megu 果個so called 火焰牛肉了....第十三道: bo fried rice呢一道菜...係在下因為食完十二道之後..都唔夠飽時...問waiter的haha除左因為佢細碟..都因為在下大食haha在下同一個server講..在下幾worry 唔夠飽,介唔介意我額外order一個fried rice(名物之一)估唔到佢即刻同在下講~ no worry, 我送俾你地...在下同朋友仔即時odd 左...送?即刻感動晒...'lum"晒... 以前食過d餐廳...唔夠飽咪另外order law,真係一粒米都同你計到盡, 除左d 高級少少既日本餐廳會俾你白飯任tim 之外...呢間真係令在下感動, 講真,炒飯個cost最多咪幾十蚊,收得在下幾千蚊,根本係蚊同牛比,問題係一間餐廳有無heart去俾客人一個perfect既招待!!! 之前食過佢地既潮州欖菜炒飯, 已經覺得好好味,今次呢個係飛魚子炒飯, 更上一層樓~ 問佢地點整個飯, 佢話係將d飯放落雪櫃一日一夜先,但我覺唔止,係另外做過d手腳...佢地d炒飯粒粒分明, 夠晒硬身, 仲有少少飯焦~wow experience 再一次, 加埋d 脆卜卜既魚子~haha~ perfect match, 食埋呢碗飯都8成飽lu~ 淨係份心意都包晒la第十四道: christmas spirit這是一個3 款甜品黎的, 相中左手面係wild turkey icecream, 用左唔知咩咩火雞酒, 放落個雲呢拿ice cream, 好重酒味..淨係知ha中間係chestnut bread pudding with rum, rum酒加栗子面包布丁...一開始以為會好難食..因為食過幾令人反胃既bread pudding, 但呢間做得好好, 好似軟身d既西多士,加埋d 栗子,同rum 酒... 同朋友仔一致覺得係最好味既dessert右面係volka cranberry 既冰粒~ 真係略嫌酒味重左dd, d cranberry 味淨係睇到佢d顏色,味道真係食唔出...小插曲食完呢個, server 係枱上會放d一碗裝住洋紫荊花瓣同jasmine 香精, 再一次倒d -196度既nitrogen 入去, 又係成枱煙.... 但今次d煙係有jasmine香味la~好香ar...題外話,server 話~如果係一男一女黎,個男仔係應該吹d煙俾女仔haha 呢個叫jasmine kiss~hahaof coz...在下同朋友仔都係男孩子....唔好搵d咁既野黎搞第十五道: petit fours最後的中式甜品, 用一個籠裝住, 賣相滿分~有chocolate 煎堆, 拖肥糖, 有個椰子咩咩(唔記得)同埋一個...好得既marcaron~香茅味既marcaron...臨尾都要整番次wow experience, 好好味總括黎講, 呢一餐真係好特別,好唔好味就見仁見智, after all 大家條脷係唔一樣的,好唔好食唔會好客觀, 但在下見咁多喊面...9 個ar...out of 20幾個食評....特登用呢一大篇幅向大家推介呢一間咁有heart 既餐廳, 人家開餐廳唔係為你掠你水,而家分享其廚藝, 呢d餐廳係香港少之有少...食物一欄~ 滿分~服務:所有server 都係well trained, 特別有2個waiter, 介紹menu 時真係好pro, 想借呢度向佢地表達謝意, 為呢一餐綿上添花~ 佢地真係好自豪地介紹每一道菜, 會介紹用咩材料,點整,應該點食(一啖過定切開),用咩餐具,很有heart, 去過咁多間餐廳包括caprice, 都無法做到咁自豪~另外一個waitress, 哈哈, 好好笑容, 講野時都好似笑緊haha 俾到人一種好開心既感覺環境: 始終佢地用好靚既料,food cost應該都好高,d liquified nitrogen 應該都唔平, 應該大部分資金攞晒去食物度,無疑,個decor 同環境係比唔上d 5星酒店, 同埋都比較嘈, 始終餐廳比較細, 但咁先至似中菜既,有番d人氣~但d 廚師同waiter 既passion 已經令成個atmosphere 同environement攞足分~p.s. d 廚師,係手臂真係有'廚魔'2個字....真係寫個服字抵食:食得咁開心,炒飯都送埋,d料又咁靚...3500,值晒la!!!!!淨係食廚師d心思都值番晒係度為答謝呢間餐廳,決定來年拉大隊去食佢既lunch(一定多多幫襯)~同dinner(有銀兩的話)後記: 今次呢餐係在下向一個好朋友陪罪, 上次請佢食element 既megu...2千幾銀,但大失所望而回,無論食物同服務仲有很大的進步空間,無怪乎俾人踢出米芝蓮推介餐廳 希望呢餐朋友仔會滿意今次既題目為~ 為何摘星?以上咁大篇幅就係解釋點解一間咁有heart既餐廳可以摘下米芝蓮星..及想問下...點解一間咁有心既餐廳會係2009年俾評審團摘走左一粒米芝蓮星?...百思不得其解…Read More

幾個月前, 從周六的頭條日報葉局長的專欄得悉呢間餐廳提供正宗懷石料理, 而且大廚係前倫敦nobu 大廚加上自己一直對懷石料理很有興趣.終於的起心肝儲起錢來....要知道對於一個學生哥, 吃一頓懷石料理是多麼奢侈的事...其實都久聞港島香格里拉酒店的 灘萬日本料理都有懷石料理, 但相比呢間Wagyu Kaiseki Den (和牛懷石亭) 後者較有性格~ 全因呢間餐廳係冇任何a la carte, 一定係omakase (師傅一早安排好menu~)全間餐廳都係食同樣的食物book 了7 點半~ 準時到達, 甫坐下, 即開了一枝distilled water水就預左俾人屈, 不過價錢出奇地平~ 只係$48 一枝~ 菜是不用點的, 佳餚美酒, 食咁精緻的日本菜豈能不叫枝sakesake 有平有貴, 最top 果d 萬幾二萬, 學生哥...叫唔起跟住就到第二top, 係咁易睇一睇, around 6 千銀....都係叫唔起再落就係around 1千, 呢個price range 就啱晒~ 叫左枝 tutitatu 產自日本較北地區~ 中文名字記不起~其實仲有d 幾百....但餐飯都咁貴....唔爭在果俾多幾百未食, 先乾一杯~ 很易入口, 好香酒味, 而且甜度適中, 對於我同朋友仔呢d 對清酒知識的客人, 是一個不錯的choice~ thz bartender cyrus 的推介而且~ 仲有大概24隻清酒杯俾你choose, 花多眼亂~入正題:先付鮑魚, 龍蝦等等 (詳見menu)....with 木魚啫喱作為先付, 味道不濃, 同時使人開胃, 不過, 真的要細心品嚐才食得出海鮮的鮮味前菜toro 同茄子壽司toro 係熟的, 餐廰話係用超過25年 的豉油去醃製~ 的確很美味, 朋友仔十分欣賞反而在下更欣賞那茄子~ 很清爽, 香, 甜....連唔食茄子的在下都要俾個good佢吸物一個清湯, 底下係用hamo (waiter 話類似鰻魚) 做的肉丸, 用腐皮包著 上面再放著日本名物- 松茸待應話先食松茸, 再飲湯~ 我倆當然照做,很香, 很甜~ 而且味道也不錯以為日本只有面豉湯好味, 原來這松茸清湯更勝一籌~刺身有2 款刺身~先食 tai (鯛魚) waiter 教導 用鯛魚捲著葱及松茸, 再點少少醋~很新鮮~ 加埋松茸既香味~ perfect match~第2 款~ toro~ ...有2 件, 認真不得了一直唔明點解靚既toro 可以賣到咁貴, 幾百蚊一客食左呢2 塊, 明晒~ 厚切,很肥美, 放在口中, 根本唔駛咬, 等佢融化在口中, 香味充斥, 久久不散這才是刺身!!!~ 我認為呢2 塊toro 係我一生中暫時食過最好味的刺身十分不情願下, 才飲下sake, 把香味沖走~ 試埋個芋頭莖~ 没有什麼味道, 但出奇地爽, 大概是要為toro 調劑一下p.s. 懷石料理~ 除了味覺, 還有視覺, 除了所有器皿都很漂亮, 連食物擺設也一絲不苟還有懷石精髓:不時不食, 所有食物都最當造~ 故此, 每日的menu 也會轉的, depends on 師傅手上有邊d 靚既食材罷設也一樣,睇得出每一度菜都用左心思, 應該點放, 放d 咩配料, 比如在刺身上, 放著一小棵紫色的薰衣草~ 現在7 月, 這種花正開得燦爛~ 視覺上一大享受燒物海膽燒鱈場蟹腳~呢個又係重點..... 先試海膽...只有鮮甜, 無腥味可言蟹腳係放係炭爐燒, 再放入焗爐享用時再灑上少少海鹽~ oishi~ 當然....個人認為係北海道既生鱈場蟹腳更為鮮味不過, 今次呢個食法~ 又係另一種風味揚物天婦羅, 第一次係有雞肉天婦羅, 不錯...但如果講天婦羅, 似乎見城更上一層樓~主菜重頭戲~ 和牛~親眼見師傅用炭爐快速把各面燒熟, 務求鎖住肉汁端上黎時, 已切好4 條, for 食客一口一件~什麼醬汁也不用點, 就放進口輕輕咬就可以, 因為和牛都係脂肪徧多, 入口即融這容形詞最貼切不過~最外層係炭燒的, 接著是一小層脂肪, 中心係肉媲美當日在日本當地食的和牛~題外話: 佢地用既和牛, 唔係香港買的, 係搵人真係係日本hand carried 拎番黎所以比較多種類海膽黑松露飯整餐飯既靈魂~先將海膽同黑松露放落個瓦煲度煮然後上菜時, 先讓我地過一過目~ 再拿出半舊黑松露, 一片片刨落去最後再蓋上蓋, 焗大概五分鐘, 等黑松露既香氣滲入煲飯度食果陣時, 一打開蓋......又係不得了.....整輩子都未食過咁香既飯,連食了3 碗...把友人的都吃了~ (友人食量小, 吃了一碗就飽~ 對在下黎講係好事wakaka)最後的那碗, 連埋飯焦.....終於明白葉局長的盛讚是絕無誇大~ 海膽的鮮 加上 黑松露的香.....夫復何求!!!甘味(甜品)是一個凍的cappucino, 加了少少雪糕, 水果粒(應該係蜜瓜)因為見到師傅係度刮蜜瓜肉友人十分欣賞~ 同埋可以解滯食左比較油膩既和牛同飯, 吃一口這樣的甜品, 清一清~總括黎講, 今日終於見識到咩係懷石料理, 味道相當地道, 也屬一流水準, 滿分是少不了尤其係toro..同個飯...真的令小弟大開眼界~ 回味無窮~ oishi~環境 and 衛生餐廳唔大, 8 個bar 枱位, 一張4 人枱, 2 間貴賓房, 總共30 人禮拜二平日食....都可以full 晒 (好彩在下一個月前已訂了枱)證明呢間餐廳真係有番咁上下而且非常整潔~ 服務:呢樣真係值得一讚佢地係一個server 唔係servant ~佢地係黎招待你, 唔係服侍你很nice, 俾到一種好friendly 既感覺, 會搭下你膊頭,同你傾下閒計, 問下你d 野食o唔ok而且每上一道菜, 都會好細心話你聽呢道菜係咩黎, 點整, 應該點食, 俾到一種好pro 既感覺點名讚揚 kathy, cyrus 同一個日本姐姐侍應( 只係黎了香港3 個月, 便會講' 多多關照')也許在下比較鐘意被人當係friend 多過係客人, 大家有講有笑明知我地係學生哥, 唔會係d 咩大客, 唔會叫到d 咩靚酒, 唔會俾好多tips, 但完全無白鴿眼, 無話睇唔起, 一樣當你係貴賓, 遺憾的是很多大酒店也做不到還有一件事, 事源朋友有急事要打電話, 一傾就係10 分鐘, ignore 左在下(秋後算帳)侍應見我一個飲悶酒, 主動走上黎同你傾下計, 真的非常感動一班server令在下呢餐飯的確生色不少, 很感謝你們抵食:每個set 定價 $ 1680一枝sake $ 968水 $ 48 total = (1680 x 2 + 968 + 48) x 1.1 = $ 4813~ 連埋tips~ $ 4900貴就真係貴...但同一個咁重要既朋友食到咁美味既一餐, 再貴也值~今餐~ 在下係食之前一早埋左單~ 友人搶埋單失敗~ 下次先俾你請客吧p.s. 相影得唔好, 除左個人技術...仲因為無開閃光燈...呢d 地方食飯, 開大閃光燈黎影...似乎於禮不合, 同時都更加唔想影響其他食客相都係影到幾幅食物, 原因除左係唔想獻醜, 重點係呢餐飯只係為我好朋友而食, 無需同人交待hee~…Read More

很久已没有去呢間餐廳今日難得又約到朋友, 決定黎再食過之前食過佢個8 件自選sushi 的set lunch已經一直再想再番黎番尋味~由於在下同朋友11 點55 分已經到達, 順利成為第一枱客不過在下都有book 位架haha由於樂極忘形...食到一半先記得未影相, 有佢吧~ 今次就食物:今次在下叫左個 sushi set lunch ($130) 同一個 lunch box ($160)...正確名字唔記得, 大約咁上下先黎既係2 個蒸蛋, 不錯, 一貫水準跟住既係sushi set lunch有5 件sushi, 有3 文魚la, 吞拿魚la, 仲有3 件唔知係咩....淨係記得一件係黃色長條形...的確很新鮮, 而飯呢扼得夠實, 一定唔會一夾就散, 不錯~ 但在下想這是基本吧, 以呢間咁出名既餐廳黎講跟住有2 舊應該係飯團吧~ 同埋一舊腐皮sushi....應該係用黎飽肚之用...還未食到有何特別跟住再有個魚生飯....有三文魚子( 賣飛彿), 吞拿魚.....呢個冇得彈~ 尤其係三文魚子..大大粒, 卜卜脆, 無腥味~ 朋友仔都話夠晒新鮮 最後有3 粒提子.....無特別跟住再上係個lunch box刺身~ 有吞拿, 甜蝦, 仲有應該係希靈魚? 都係新鮮~講到天婦羅...呢度值得一讚, 2 只蝦, 2 條魷魚, 一舊南瓜, 仲有一條豆吧~真係估唔到, 炸完都食到蝦同魷既鮮味, 唔會只有脆既口感~ wow experience講真係在下食過咁多次最好味既天婦羅跟住應該係煮物吧, 2 舊好似東坡肉既物體...唔駛多講, 送飯一流一層皮, 一層肥膏, 一層肉, 回味無窮~ 仲有既係 2 塊魚(朋友仔食既係銀雪魚)同蛋.....因為放到最後先食....放涼了, 不過都不錯隨餐更附上一碗壽司飯~ 飽肚用....最後...仲有2 碗味噌湯, 朋友仔話太salty~ 可能在下比較口重, 覺得啱啱好~ hee~ 最終飲埋佢果碗2 個男孩子黎食....都飽到上心口.....邊個話日本野.貴夾唔飽~服務:成日會走黎睇下你杯茶見你飲完一啖, 會走過黎幫你斟番~ 杯茶唔會灘凍~當然, 去到大約12 點半到... 成間餐廳幾乎full house...斟茶次數當然少緊d...話晒得果3個waitress由booking果一刻, 已經好有禮貌入到去, 總會有個笑容掛係面上~不過...在下硬係形住間餐廳趕你走, 未食晒, 會收你d 野食(應該係無心之失) 同埋明知有碗飯係度, 都問我地要coffee 定 ice cream~ 不過明既, 呢間野實在太多客人~ 可原諒~環境, 衞生 日本餐廳, 企理, 坐得舒服枱同枱之間都夠分得開加上其他人客人質素都很高, 冇其他食客高談濶論, 各食客自得其樂~ 很開心地食過呢餐飯抵食在下覺得抵食既公式係 (食物+服務+衞生+環境)/價錢呢個5 分~ 算俾少左la~ 咁好味~一定擇日再黎~ …Read More

5月3日, 好朋友的生日翌日基本上都唔駛點諗就決定去呢度食, 質素從未下跌! 重要的係每次去都有進步, 有驚喜其實今次已經係第4 次黎架la, 之前果3 次, 每一次都超級滿意今次決定寫呢篇食評, 當係度公開多謝edmond 師傅, 俾左在下同朋友個咁難忘咁開心既夜晚知道edmond 師傅長期處於full booking state, 特登早成3個禮拜去book 佢!!臨去之前果日, 都特登打俾edmond 師傅話我會黎, book 埋佢, 果然再一次不負所望最後, 6 點半到場, 已經有幾枱食客, d 師傅都開始番晒黎, 一坐低, 同朋友仔都叫杯野飲~之前試過飲梅酒, 不過在下略嫌淡左少少, 唔夠酒味今次試左drinking list 第一樣, 好似係sake 加 lemon juice 咁上下, 可能個人對sake 情有獨鍾... 杯野真係無得彈... 溝左d juice 落去, 唔會好似淨飲清酒咁焯喉, 但清酒味一樣咁香...可惜...飲左大半杯之後已萌生醉意... (酒量淺) (sake + lemon juice $48) (梅酒 $ 48)跟住就叫套餐, 亦都係指定的, 唔駛多諗, 一個秋田套餐, 一個熊本套餐因為咁叫, 2 人可share 成隻lobster, 又可以試到鮑魚同銀雪魚~ 最好的配搭因為2 個餐既分別在於一個係俾鮑魚, 一個係俾銀雪魚 (秋田套餐 $488) (熊本套餐 $538)落完order , 坐係度同朋友傾下計~ 食住d 前菜...淨係d 前菜..已經無得頂正常食客會有 芽菜~ (朋友仔話好好味)仲有 個沙律 (舊番茄在下覺得好好味)同埋一碗 枝豆~ 但呢...熟客仔係唔同d 既, edmond 師傅見到在下, 送左個小食拼盤黎 有 類似三文魚既食物, 帶子裙邊, 蘿蔔...另外再送多碟 牛俐 同埋 炒煙肉蝦乾(咁上下)~ 淨係呢份誠意...都值得在下一黎再黎呢個餐廳既另一個特點就係: 次次不同, 次次有驚喜我食過3 次edmond 送既前菜(第一次去無的....) 每次食既野基本上都唔同, 新鮮感十足~ 食完前菜, 傾完一輪計~入正題~ edmond 師傅出場~ 一道道美食跟住上~第一道~ 龍蝦~新鮮不在話下...在下唔太喜歡食芝士焗龍蝦 or 上湯龍蝦可能我太弱...總係食唔出龍蝦味..但呢道菜...haha~ 用埋蝦頭裏面既龍蝦膏, 燒熟左隻蝦之後, 再撈d 膏上去食...好難唔惹味, 好難食唔出龍蝦味, 緊重要係....好難唔好味~論味道:一流~ 口感:一 流, 係爭在個煮法都的確幾殘忍... 約女孩子去食...可能要叫佢地迴避一下煮既過程, 不過於男孩子黎講.....只會係一次視覺享受~第二道~ 鮑魚本身我地order 果餐只有一隻鮑魚~ 隔離果枱客應該係order左2個熊本套餐, 有2 隻鮑魚~通常跟餐既鮑魚係細隻d 散叫果d 係大隻d但..hee~ 熟客~ 我地果一隻~ edmond 特登攞隻 散叫果d 俾我地~足足係跟餐果d 既2 倍~ 爽口彈牙就一定架la, 加埋d 牛油香味~ 係4餐裏面我食過最好味既鮑魚~wow experience~ 第三道~ 鵝肝多士今次edmond師傅特登choose 大塊d 我地4 個客人~大就夠大la~ 亦都夠肥美多汁~ 外脆內軟都做到係爭唔夠入味, 第一次黎食最好食 (會唔會係因為太大塊?)第四道~ 生蠔上次送左燒生蠔俾我地食~ 今次食過番尋味~特登叫多2 隻~ very juicy~ 朋友仔都讚不停口, 當然...tonkichi 既吉烈蠔更勝一籌~不過呢隻都十分滿意 (生蠔 $ 98 / 4 隻)第五道~ 銀雪魚真不好意思, 又係熟客關係, 師傅搵左個尾位話特別滑, 特別大份, 因為尾位唔賣, 留番俾員工超初都唔信~ 食左一啖, 唔到你唔信都係4 次去食最好味~ 香, 滑~ 再一次 wow experince第六道~ 澳洲和牛之前試過牛肩, 很好味, 但今次想轉下口味, 日本和牛要加成 $ 500 幾蚊...我呢d 學生哥..算吧..食住 $208 先...hee 計番起, 每人加 $ 100 蚊到~ 很抵一樣~ 師傅特登choose 最塊最靚既 (佢話~, 又唔知係邊個部位)但真係好好味, 肉汁鎖住係裏面, 加上本身隻牛應該夠肥, 連埋少少肥膏食落口~ 牛肉味爆登!一絕! (澳洲和牛 $208)第七道~ 龍蝦面豉湯用番之前個龍蝦頭去煲~你話會唔會唔好味.....每次在下飲到一滴都無剩~第八道~ 開心炒飯話明炒飯, 當然有蛋, 一講到蛋~ 蛋白寫字走唔甩~edmond 試左一次就得lu~ 朋友仔都非常欣賞~ 有時食飯呢~ 除左味覺要享受~ 視覺也不能虧待~蛋, 煙肉, 蝦乾, 魚子, 雜菜粒, 蒜粒, 加埋之前既牛筋粒當然la~ 又係師傅既show off 時間~ 整左既公仔出黎...第一次有手有腳, 之前都係得個頭不過呢..個頭同身有d 唔合比例law haha至於味道, 由於加埋d 牛粒~ 再一次 wow experience 第九道~ 焗菜通常係炒野菜, 但edmond師傅話知我食左咁多次炒菜, 特登整焗菜俾新野在下加上~ 更加慳水慳力~用鍚紙包住, 好香牛油味~ 再一讚!第十道~ 甜品例牌~ 綠茶雪糕~ 不過不失重點係: 上一次去食, 同定edmond 講下個月會同過生日朋友仔黎佢應承左在下~ 會送一樣home made dessert 俾在下同朋友仔結果~ 不負所望, 好好味, 加上親手整~ 誠意分爆棚~ 至於係咩黎~呢度唔公開~ 想試既就~hehe~ 打去book 位吧 (之前果d 食評, 呢個dessert 應該仲未露過面)p.s. edmond 仲送左2 杯香檳俾我地~ 當celebrate~ 感激萬分~總括黎講~ 食物一流~ 可以的話...我想俾食物果一欄6 分~到服務:個人認為~好既服務~ 會使食物更美味~edmond 師傅既服務唔駛多講,加上魔術表演, 還可要求什麼?黑色衫既係經理? 都很nice至於個waitress~ 認得在下lu~ 其實第二去已經認得很好笑容, 很有禮貌加上斟茶次數岩岩好~ 你總唔會發覺隻茶杯係吉既其他師傅都好nice~ 撞到正會同你打聲招呼, 仲有個師傅主動幫我地拎相機, 幫我同朋友仔同edmond 影幅合照咁好服務, 成餐飯食得超開心~ 令到d 野食更好味環境:一片和諧, 一片歡樂, 加上地方夠大, 唔會逼住逼住, 坐得特別舒服~加埋d decoration~ 一入門口會有幅相, 係d食客同 師傅們既留念合照~話咁快一個月, d 位爆晒lu~ 證明勁多客人haha 在下幅相也在其中, 零捨開心衛生: 標準~hee價錢: 咁既服務, 咁既質素, $1500 兩位~ 在下同朋友仔賺晒la!! 食足坐足人地3 個半鍾重點係... 呢3 個半鍾, 每一分鍾都係享受中~ 淨係呢份喜悅, 1500蚊已經抵到爛最後...再次多謝edmond 師傅我敢講, 天下間最好的鐵板燒師傅~ edmond 師傅, 捨你其誰? …Read More

就把人生第一篇食評獻俾呢間餐廳吧~棉登徑四大日本料理, 試過了見城, 利久庵, 不日就會試埋 旬菜富現在先說說 道 吧~間鋪講真...都幾唔顯眼, 呢埋係角落~ 唔係見城的話...都幾難搵到呢間野既存在都係多得openrice 吧~ 讓在下知道呢間野既存在~ 入到去, 算早gua, 我同朋友第係第一枱客問我想坐咩位, 當然係sushi bar ~ 睇下師傅點整野食個女waitress 開始介紹佢地個menu, 真係講得幾清楚每一款dish都同你慢慢講,足足2 分鐘, 多到在下都記唔到...不過都不打緊la, 反正目標都係個 omakase set 我都幾想知道, 得佢一個人, 倘若好彩(定唔好彩)成間餐廳full晒客人...個waitress點算好..點講... 最後叫左一個 omakase, 一個燒鯖魚定食本來好似有個$95 既 豬定食....好想試...但豬流感...放棄~一路等野食, 一路睇住師傅同佢徒弟整野食, 一路同身邊既朋友傾下計很喜歡呢一種悠閒講番食物:魚生(唔記得係咩魚lu), 不錯吧, 講真, 在下唔係好識分點為之好好, 就係覺得好味值得一讚既係佢既 山葵~ 口感好特別....親手磨? 跟住有好多小食: 自家制魷魚鬚, 茄子, 2塊燒魚, 溫泉蛋 (好好味), 薯仔沙律(朋友仔同我都一致覺得好好味)煮物 (唔記得有咩lu, 依稀記得有蓮藕同豚肉,豚肉很不錯)天婦羅~ 個人覺得冇咩特別, 可能都係個句, 唔知點先算好好~ 有碗白飯~ waitress 講明唔係sushi 飯, ok la~至於鯖魚, 點講好呢, 我個人prefer 一上枱時 條魚仲會識響 (d 油仲滾緊)呢度爭少少la...比起利久庵~ 都幾大條, 朋友仔都話唔錯~最後就係coffee or ice cream, 我地都choose 了後者,真可惜... 個人認為雪糕算係成餐飯既敗筆... 叫了綠茶雪糕...可能口味問題, 在下鍾意濃味d, 呢度實在太淡... 食不出綠茶味不過明白, waitress 都解釋成個餐都係師傅自家制, 如果連雪糕都自己整, 基本上無咩可能整體: 很滿意la再講環境:過多幾個月就開業14 年, 點都有d 殘舊既~係就係細左d, 20 個位唔夠~ 正常既, 全店得3丁友, 可以招呼到幾多個但起碼坐得舒舒服服wall 上仲有一首詩, 內容唔記得, 但每一句開頭都用左師傅既大名: 鷲澤道英 之後入左個日本人, 成間餐廳即刻充滿大和風味到服務:過於熱誠~個waitress...好似有好多偉論haha, 對時事很有意見~不過都算殷勤, 會留意住你杯茶, 你唔駛主動叫佢加茶~佢又同師傅開左個玩笑, 大家都笑左出黎, 師傅個樣其實幾cool 的, 但之後突然爆左句廣東話, 份外親切衛生:算係乾乾淨淨, 企企理理, 日本人作風吧~ 最後就係抵食:埋單$250 到, 比見城平, 比利久庵貴講真...抵唔抵呢家野見仁見智~ 但在下認為, 咁既質素, 咁既服務, 咁既價錢, 都算超值吧~一定會再黎~ 都會介紹俾朋友呢間餐廳~ 很值得親身一試~ 要明白~ '道' 是不能言說, 而係要體驗 …Read More