「良心」嘅味道，並唔係間間都有。
試咗佢哋嘅
蜜汁叉燒意粉茶餐，配炒蛋辣肉醬，仲有多士配煉奶，不過辣肉醬對我來講真係有啲辣，（可惜佢賣晒黑松露，下次一定會試），餐茶揀咗充滿香港情懷嘅熱奶茶。整體上我都好滿意，速度快，味道好，臨收工都招呼埋我地，感恩
感覺好香港，好地道，一定會再返嚟幫襯同支持！香港加油！龍門加油！
…Read More
！.上個星期，日日都超級熱
☀️，但係襯咁好天，梗係要去一間，可以感受到咁靚天氣嘅餐廳，享受下啦！
俾我搵到嘅呢間社企，Cafe 8，位於中環碼頭。先搵到「香港海事博物館」，然後沿着旁邊樓梯上一層，就會發現餐廳嘅入口！.正常行過碼頭嘅地面嗰層，係睇唔到佢嘅存在😂😂黎到呢度，完全感受到，用「平民價錢」就享受到「海洋風」嘅「高級渡假享受」！雖然人在香港，但感覺自己就好似去咗旅行一樣！完全滿足到我想渡假嘅需要，哈哈！
好似我咁鍾意「海洋」、「藍白希臘小島」感覺嘅朋友一定要黎！嘢食方面，我會推介「雞肉牛油果卷」！因為佢真係整得好香，送來嘅時候仲係熱辣辣，牛油果控一定唔可以錯過🥑.另外仲叫咗個「牛油果士多啤梨沙律」，美中不足嘅係，呢碟嘅牛油果好硬
希望下次嚟，佢會俾返啲熟啲嘅牛油果食客啦～.
小總結：簡簡單單食一餐，享受下休閑嘅一日！感受下好天氣同舒適嘅環境唔駛搭飛機，個人都即刻放鬆曬～咁樣嘅假期永遠都唔會嫌多，哈哈！.Ps. 服務員大概有一半係本地殘疾人士，有一半係外籍人士，感覺中西交融，合作得好和諧而且佢哋嘅服務絕對唔俾一般餐廳嘅差！Pps. 估唔到嘅係，其中一個服務員仲識流利嘅日文去招呼日本客人添一間有質素嘅社企可以營運到咁耐，絕對唔係冇原因！…Read More
好彩今次lunch終於試到「素食達人」開嘅呢間純素餐廳！Vegan原來都可以好多選擇！！！我哋喺度睇佢嘅lunch set（每份$98加一）都揀咗好耐，因為俾我哋預期嘅多選擇
（加上個人有少少選擇困難症～哈哈）。首先上餐湯，今日個湯係生薑南瓜湯！南瓜配生薑原來都幾特別，我幾鍾意！第一個餐終於嚟啦！係我想試嘅Pizza～「那波里芝士番茄薄餅」.睇落好似好細份，以為會唔夠食，但原來食到最後係會飽！哈哈！.啱啱開始多咗食素嘅我，發現原來「純素」嘅芝士都可以好香好好味！.另外一提，側面啲大大條嘅薯條，係原隻薯仔整出嚟，係我好鍾意嘅口感！另一份我哋叫咗嘅，係「黑芝麻忌廉醬珍珠筍意粉」！
第一次食黑芝麻味嘅意粉，甜甜地原來又幾得意喎！.有小驚喜嘅係，上面嗰幾舊橙色包住嘅，裏面原來就係珍珠筍！最後我哋叫咗「豆奶咖啡」用豆奶沖嘅咖啡，絕對唔比用牛奶沖嘅味道差！.最後最後，仲有幾好食嘅跟餐小甜品，朱古力啫喱杯！係完美嘅句號啊～科科.小總結：個set有餐湯有嘢飲有甜品，其實價錢都算合理，雖然主菜份量唔算大，但係夠飽，而且都幾好味，所以一定會再嚟幫襯，試吓佢其他菜式！
Ps. 要讚一下，店長嘅小貼心座位嘅下面有個小籃子，可以俾人放袋，唔使放喺背脊坐得唔舒服，或者要放地下整污糟…Read More
我見有人叫佢「灣仔後花園」，真係冇講錯！灣仔平日lunch hour人來人往，周圍都好迫好多人，但行到黎藍屋後面呢個位置，突然成個環境好幽靜，成個感覺好舒服，可能始終新開，人唔算好多，好彩唔使排隊就直接入得～入到去，仲要有個大窗對住園內景～🌳🌿可以一路食，一路感受埋藍屋嘅懷舊建築，加上今日好天氣！望住心情都好好多～我地二人行，分別叫左「五色薑黃飯」，同埋「素漢堡飯」！Lunch set 一份$48至58～我地仲加$10 叫左個湯～「五色薑黃飯」話明叫五色，真係好多顏色！細心d睇，佢仲要有好。多。種唔同嘅料！啱曬我呢d講求食得健康，食得平均嘅人！可能係因為佢好多種唔同嘅料，所以食落有唔同口感！加上薑黃飯嘅味道幾香，唔會只係普通白飯或者糙米飯咁冇咩味，幾特別每set仲會跟一杯羅漢果水，一小碟前菜凍豆腐！朋友叫左「素漢堡飯」，佢讚個漢堡汁好味！個湯都唔錯，下次會再嗌！今次整體而言，我非常滿意！好食，環境好，唔洗等，野食黎得快，員工服務態度都好好！一定會再黎如果要雞蛋裏挑骨頭嘅話，唯一少少唔方便嘅位係，入面位置唔算多（冇影到😓），大約14-15個位（未計室外嘅位，上圖），但地方有d窄有某d座位係，出入可能都要人地企起身去讓位，或者自己起身讓位俾人～有少少麻煩😅不過我可以接受～…Read More
