！.
上個星期，日日都超級熱
☀️，但係襯咁好天，梗係要去一間，可以感受到咁靚天氣嘅餐廳，享受下啦！
俾我搵到嘅呢間社企，Cafe 8，位於中環碼頭。
先搵到「香港海事博物館」，然後沿着旁邊樓梯上一層，就會發現餐廳嘅入口！
.
正常行過碼頭嘅地面嗰層，係睇唔到佢嘅存在😂😂
黎到呢度，完全感受到，用「平民價錢」就享受到「海洋風」嘅「高級渡假享受」！
雖然人在香港，但感覺自己就好似去咗旅行一樣！完全滿足到我想渡假嘅需要，哈哈！
好似我咁鍾意「海洋」、「藍白希臘小島」感覺嘅朋友一定要黎！
嘢食方面，我會推介「雞肉牛油果卷」！
因為佢真係整得好香，送來嘅時候仲係熱辣辣，牛油果控一定唔可以錯過🥑.
另外仲叫咗個「牛油果士多啤梨沙律」，美中不足嘅係，呢碟嘅牛油果好硬
希望下次嚟，佢會俾返啲熟啲嘅牛油果食客啦～.
小總結：簡簡單單食一餐，享受下休閑嘅一日！感受下好天氣同舒適嘅環境
唔駛搭飛機，個人都即刻放鬆曬～咁樣嘅假期永遠都唔會嫌多，哈哈！.
Ps. 服務員大概有一半係本地殘疾人士，有一半係外籍人士，感覺中西交融，合作得好和諧
而且佢哋嘅服務絕對唔俾一般餐廳嘅差！Pps. 估唔到嘅係，其中一個服務員仲識流利嘅日文去招呼日本客人添
一間有質素嘅社企可以營運到咁耐，絕對唔係冇原因！
