ckmkarmun's Profile

今次黎到尖沙咀樓上cafe地點都要搵左一陣 位處既大廈比較舊 要搵店員禁掣先開到樓下個閘餐廳環境尚算舒適 係暗左小小梳化位都坐得舒服 周圍有少少乾花裝飾是次同朋友下午茶時段黎我叫左個忌廉三文魚貓耳朵貓耳朵裝住啲汁 啖啖三文魚味再熱啲會更好跟餐亦叫左個熱鮮奶焙茶中意茶果種甘甜味既會中意呢杯焙茶朋友叫左個多幾粒棉花糖既焙茶佢就麻麻地中意另外亦叫左個明太子蟹肉小法包上菜果陣法包已經凍凍地 所以有啲硬蟹肉應該係罐頭果種加埋明太子 感覺變得更加咸整體野食不算太出色服務方面 當時只有一人負責樓面所以即使果陣客人都吾算多隔離枱想落單搵極都搵吾到人評分: 5.5/10…Read More

好多人都黎The Murray呢度打卡，唔少人會選擇係樓下食下午茶，不過今次我就約埋閨密一齊去到頂層食下午茶！頂層空間感較大，光線充足好開揚，最適合黎影靚相啊！是日黎到都只係見到幾枱客人，另外有人包左長枱聚餐，成程食下午茶好舒服好寧靜。我地一行三人算細食，叫左一個Teaset，包兩杯野飲。我地叫左英式茶，無特別，但勝在可以三人share黎飲。值得一提既係啲餐具同張雲石枱，連個Teaset都係用雲石碟，好靚！所有野都係色彩繽紛，未食已經俾個賣相吸引！食物方面亦相當唔錯。我個人較中意個scone！我地叫左個Citrus同朱古力醬，order完之後係會有專人推住個餐車，係我地面前製作兩款醬。等食既時候，眼睛都享受緊烹調既過程。提起個醬，我特別中意Citrus，食起上黎清新啲、唔膩！鹹點同甜點各款都有特色。我偏向喜歡鹹點，味道濃郁。當中三文魚鬆餅口感好豐富，不錯！甜點主要係果味為主，有馬卡龍、撻、林明頓等等，一次試哂唔同款式既甜品！最後原本諗住食完個tea set就完結，點知侍應拎左個鳥籠出黎，請我地揀一隻復活蛋應下節，相當驚喜！如果夠幸運，可能會免費有香檳送…不過呢啲機會梗係吾屬於我地…我地抽到既係一張印有金句既幸運字條，但過程已經令大家好開心啊！總括黎講，有美食有靚景、有表演睇又有驚喜，真係唔止食一餐普通既下午茶！可能下次趁大時大節黎又再有唔同既驚喜啊！…Read More

今次其實係第二次再黎呢間文青小店。由太子地鐵站行去餐廳5分鐘都吾駛，店面係淺木色再加上少許植物，簡約清新，非常易認！記得上次黎係午飯時間，要係門口排一陣隊先有得食。今日再黎既時候大約下午4至5點，只見地下果層有兩三枱客人，所以一到就有位坐喇小店總共有兩層，樓下幾張細枱，牆身有唔少乾花擺設，幾舒服！樓上頗有特色，有幾張長枱，四周有啲寄賣既乾花擺設同小玩意，客人要坐榻榻米，小小日系既感覺！留意番，餐廳係自助點餐，叫野食要先落樓下，水同餐具都係要自己拎啊！呢度提供既餐點唔多，我叫番上次食過覺得好食既照燒三文魚茶泡飯湯底滲有茶香，仲有甜甜地既三文魚同蔥花味。三文魚輕輕燒過，帶有魚油香。飯既份量剛剛好，唔會過多，配埋三文魚一齊食，清新唔油膩！同行朋友叫左個牛油果蟹肉法式多士。整體食落都係清新健康既！Toppings份量都幾豐富，食落較為淡味，如果咸多啲啲會更佳。另外多士已經凍左，可能係最後一份。朋友叫完就即刻變為售罄嚕是次用餐無叫餐飲，單叫大約$48，跟餐大約加$20，感覺唔太抵。但整體好喜歡呢間小店，可以坐得耐傾下計，環境舒服，食物又唔錯啊！價錢: $158評分: 7.5/10IG: nomnom_piggieEmail: nomnom_piggie@gmail.com…Read More