不過今次我就約埋閨密一齊去到頂層食下午茶！
頂層空間感較大，光線充足好開揚，最適合黎影靚相啊！
是日黎到都只係見到幾枱客人，另外有人包左長枱聚餐，成程食下午茶好舒服好寧靜。
我地一行三人算細食，叫左一個Tea
set，包兩杯野飲。我地叫左英式茶，無特別，但勝在可以三人share黎飲。
2
值得一提既係啲餐具同張雲石枱，連個Tea
set都係用雲石碟，好靚！所有野都係色彩繽紛，未食已經俾個賣相吸引！
1
食物方面亦相當唔錯。我個人較中意個scone！
我地叫左個Citrus同朱古力醬，order完之後係會有專人推住個餐車，係我地面前製作兩款醬。
等食既時候，眼睛都享受緊烹調既過程。
提起個醬，我特別中意Citrus，食起上黎清新啲、唔膩！
鹹點同甜點各款都有特色。我偏向喜歡鹹點，味道濃郁。
當中三文魚鬆餅口感好豐富，不錯！
甜點主要係果味為主，有馬卡龍、撻、林明頓等等，一次試哂唔同款式既甜品！
最後原本諗住食完個tea set就完結，
點知侍應拎左個鳥籠出黎，請我地揀一隻復活蛋應下節，相當驚喜！
如果夠幸運，可能會免費有香檳送…
不過呢啲機會梗係吾屬於我地…
我地抽到既係一張印有金句既幸運字條，但過程已經令大家好開心啊！
總括黎講，有美食有靚景、有表演睇又有驚喜，真係唔止食一餐普通既下午茶！
可能下次趁大時大節黎又再有唔同既驚喜啊！
