winshan的個人專頁

提前咗一日book檯，好彩唔多人，因疫情反覆都唔係好敢出外食飯，呢到係一個傾計好地方，叫咗三樣餸，兩個野飲😀 有「Iberico Pork Rack」，「Rosted Beer Chicken」half，「Spicy crayfish Spaghetti」，「Strawberry moktail」，意粉既話蝦都夠曬大隻足料 ，雖然話辣不過只係微微，不錯！個豬扒整到好似羊架咁，咁大塊，不過我就覺得有啲干身，好難咬，雞不錯，half有2隻，但就要等差唔多20分鐘，差啲餓死人🤣，野飲都係為咗chill啲，都唔錯～食曬之後真係非常飽！不過後來先知原來有2樓！…查看更多

啱黎到六點幾，人少少，有白色防板擋住每個位，食飯係會更安心既！係main course 同set dinner 諗咗好耐，但因為set dinner有扒食，所以都係揀咗$588 for2 既dinner會上咗碟廚師精選沙律，有蜜桃搭配菜，甜味中和咗蔬菜既苦味我地揀既前菜係：法式焗田螺配黑松露及日式芥末茨䇯 and 煎北海道帶子配波蘭汁田螺配合薯蓉，好夾喎又！帶子下面係白蘿蔔呀！ 估唔到帶子會配呢個，一齊食配合波蘭汁更加好食！冇咁dry不過上菜速度有啲慢， 呢個秘製龍蝦湯係同普通龍蝦湯唔同，聞起身有比較濃酒味，飲起身就比較淡酒味，比較特別我地叫咗medium-rare，配合蕃薯同薯仔，牛有牛筋，肥瘦均勻，唔錯，又夠入味免費餐飲甜品係雲呢啦奶凍和姜味雪糕，姜味雪糕真係第一次食，好特別，喉嚨好有姜味😂😂總體而言，如果想慢慢傾計，慢慢品賞美食，呢到係一個好既選擇…查看更多

疫情下依然可以安全食好野😀 一黎到門口就幫你check體溫，之後仲要用消毒噴霧噴曬雙手、全身先可以入去👍🏻 係座位到仲有好高既圍欄可以隔住隔離嗰枱，食得講得都放心好多，我地嗌咗一個韓式牛肉炒粉絲，由於我地諗住燒埋野，所以第二個就係牛牛板套餐，有厚切牛舌、安格斯西冷、韓式牛牛肋條、特級牛後腹、黑牛牛板腱、特級牛小排、嚴選一口牛，一個餐可以食曬七個部位，啱曬啲鍾意食唔同位既人，我最鍾意食牛板腱，又大塊又薄，牛肉味濃，牛小排都好唔錯！啲牛既脂肪分布都好平均，好有口感，又唔肥膩，而且最抵讚即係呢到既抽風系統做得好好，唔會有煙霧瀰漫，而且食完又冇味！至於炒粉絲，份量都ok，唔會黏成一舊，配上炒牛肉，味道都好夾，2個人食完都差唔多飽，不過就可以嗌多少少～…查看更多

一早聽朋友講農米莊好正，話啲湯冇放味精，好有益，但就聽講都好貴下，諗諗下覺得都係米線姐，唔洗食咁貴既，所以對農米莊有啲卻步但今次經過尖沙咀，經過見到30蚊米線喎！心諗咁米好抵食，雖然疫情關係都唔係好敢外出堂食，但見到人少少，決定入黎試下！我地嗌咗自選米線，鎹揀咗芝心丸唔知係咪自選米線既原因，我就覺得就咁食米線，味道淡咗啲朋友就話揀個特別啲既鎹，墨魚花枝丸，係黑色既份量都適中夠飽，因為知無味精湯底，所以飲曬啲湯，湯都夠味，好清甜，但可能配埋米線就有少少淡不過朋友就介紹其他湯底，話之前食雞湯，好好食，果然價錢同質素成正比，下次試一試貴啲既米線先…查看更多

真係食到一肚火！咁啱經過通菜街，見到有日本便當$50好似好平咁，就想黎試下，點知..我叫咗個滑蛋牛肉飯，男朋友就叫咗個鯖魚定食相就係咁既，而真實就係咁既就好似吉野家牛肉飯上面放咗個煎蛋，冇錯，係煎蛋唔係滑蛋...由於我真係好想食滑蛋，所以我就問咗店員，佢話滑蛋就係咁既啦，牛肉上面放雞蛋就係滑蛋既啦，仲話，想食生啲落單時同佢講要生啲呀嘛 心諗到我叫緊滑蛋牛肉飯，你叫我再同你講個蛋要生啲。。。呢個就係店員所講既滑蛋，蛋但都冇發過，熟曬，請問呢個唔係煎蛋，咁煎蛋又係咩呢？佢仲話我就係老闆，係咁既啦，碗飯係唔會退既啦..其實如果佢肯換一碗俾我地，再係咁既煎蛋，我地都冇野講，都係廚師既問題，但依家係態度既問題男朋友叫既呢個，佢話個魚好乾，乾到好似魚柳咁 全部定食最好食係個白飯🤷🏿‍♀️其實如果係食物質素問題都唔會咁嬲，依家係服務態度既更差既問題！…查看更多

諗住油尖旺人咁密集，疫情又越嚴峻，都係翻人少少而且座位位置間隔較大的餐廳食，想食芝士既野，第一時間就諗到薩莉亞其實一開始好驚薩莉亞既餐具唔乾淨，畢竟係放曬出黎，但呢間真係好耐冇食，唯有用滾水洗下，雖然唔知有冇效:(唉最鍾意食既雞肉多利亞貴咗2蚊，但都抵玩，好芝士味，又唔膩，搭配雞肉好夾之後叫咗溫泉蛋卡邦尼那意粉，吉穿蛋勞濃厚卡邦尼味既意粉，更好味，正！2個人叫咗8隻雞翼，唔知係咪冇叫辣味既原因，覺得佢比起以前差咗啲，除咗食落冇咁香之外，雞啲皮都冇以前滑之後就係隱藏menu芝士焗薯角，呢個係menu係冇架，濃濃芝士搭配煙肉同薯仔，好啱鍾意食芝士既我地，用薯仔去撈芝士食，好邪惡呀！😈但一啲都唔膩，想繼續食！19蚊咋食薩莉亞梗係唔少得Tabasco口味會更豐富總括而言，薩莉亞可以食好多唔同野，因為份量唔多，可以好豐富咁食唔同野，好正！啱曬啲唔鍾意口味單一既人…查看更多

近排個個都係屋企食，個個都驚外出出事，雖然我都好驚啲碗具洗唔乾淨，但由於太想食辣野，都係黎咗食米線！香港有好多米線店，但特別好食都係得幾間，呢間我覺得算係頭幾！呢個係金湯麻辣小鍋米線，叫咗豬軟骨，中辣，但其實食得辣既人應該會覺得中辣唔夠喉，所以我下次可以試一試大辣豬軟骨好淋，啲肉唔會好似其他米線舖咁乾，咬唔到，所以我最鍾意食貴川豬軟骨，真係好正朋友就叫咗招牌麻辣米線，佢叫小辣同豬頸肉，雖然豬頸肉都好好食好入味，瘦肥適中，都我都係最鍾意豬軟骨❤️兩個人嗌埋皮帶一齊食～叫咗香芋珍珠奶茶，味道都可以既，珍珠都有咬勁，整體正常，不過好多冰🧊…查看更多

今次為咗紀念紀念日去咗呢間食飯，呢間裝修好特別，一邊係啲人打VR高爾夫球，一邊又可以享用美食～今次嗌咗好多野食，諗住食餐好既！2個dinner set，前菜有蒜蓉包同湯，今次係大蒜蒜蓉湯，好好飲，不過份量就少左啲主菜我地都係叫咗肉！輕煎美國頂級西冷陪黑椒汁同輕煎澳洲放牧無骨羊架，甜品嗌咗雙重朱古力同布朗尼我地叫五成熟，啱啱好，好彩唔會太熟、難咬羊架有少少酥，但係正常既，配上汁食正好多，一啲都唔腥了！我地想食多啲菜所以叫咗個牛油果藜麥西柚沙律，見到好多藜麥，都幾包肚下仲有法式香草焗田螺，呢個好好食！仲有呢個黑松露薯條，重點係個醬！還有黑松露味，未食過咁野味既薯條🍟 好香，好特別兩個甜品甜度都啱啱好，分唔出勝負！加埋凍朱古力同熱柚子蜜，今次真係食到飽曬，好滿足！～…查看更多

睇到一堆麵係咪俾佢呃咗呢🤣 其實係雲吞麵黎架，本身都唔知呢間平時經過既店咁出名，點知嗰次見到好多外國人食，諗住check check咩來頭，原來來頭都不小，係米芝蓮餐廳，唔怪得咁多人食😂！叫咗個雲吞撈麵，本身以為冇湯，點知佢啲湯汁係分開上，一開始以為雲吞另外上，點知雲吞哩曬係入面，有成五六粒，個個都好大利器，好正！唔可以唔提既係佢既辣椒醬，一齊食真係好正！不過就真係貴咗少少豬手麵有成五舊豬手，其實都好正，因為我就唔鍾意豬手太肥膩既，豬手麵同雲吞麵唔同既係，呢個會有好似腩汁咁～上湯可以隨自己心意加，要再加多碗要5蚊…查看更多

其實之前已經想食好耐，今次咁啱見到冇人即刻入咗去😍，食咗限定既北海道極濃蝦湯撈麵同極濃雞白湯拉麵，雞白湯第一啖真係好驚喜，好似飲緊雞湯咁，真係好濃郁！未試過飲咁濃郁味既拉麵！🍜雞都好滑下🤤而蝦拉麵就好多蝦米，蝦都幾大隻，湯底都幾濃郁！不過我就鍾意雞白湯拉麵多啲😋 仲有豚肉，半熟流心蛋都好入味，拉麵質素同價格都成正比～ 而廚房就係日式開放式廚房，可以見到廚房好乾淨，啲師傅整緊拉麵同擺盤～態度都好好，幫我地不斷加水同幫我地開門～…查看更多

兩點嚟食，由於未到下午茶嘅時間，所以叫咗普通嘅嘢，聽講呢度嘅嘢食比較啱潮州人口味同比較特別所以就黎試吓由於想試吓呢度嘅湯就叫咗蚊飯同老鴨湯，飯就冇乜特別，但老鴨湯真係覺得營養豐富，鴨味夠，都唔錯好飲！叫咗蒲仙滷麵，呢個口感好特別，琳琳地，軟軟地，上面仲有好多青菜、蘿蔔、仲有啲豬肉，配料都好豐富味道好特別，加咗辣都唔算太辣，更加好食佢啲辣油好多芝麻仲叫咗蒲仙炒米粉，呢度嘅米粉好特別，因為佢真係好幼好幼，我真係未見過有呢啲米粉，唔知佢係點整出嚟嘅，呢度有蛋、有魷魚、有葱、有蘑菇、有青菜，配料都好豐富加辣油一流！熱檸蜜第一次見咁大杯嘅！…查看更多

已經10點幾，但仲同fd喺旺角行緊由於兩個人都唔想迫，想搵個地方傾下，所以我哋就搵咗一間Cafe去食下野傾吓計裝晒聖誕節嘅燈飾，入面仲有好多動漫嘅小裝飾，呢度應該係主要比一啲朋友嚟聚會，因為我見到佢好多小遊戲可以玩，一啲既桌遊～下次黎同朋友聚會都嚟呢度先！不過呢度就有個要求就係人人都要消費一杯嘢飲，但係呢度嘢飲價錢都頗高～我哋就叫咗飄香椰子汁，上面放咗一啲麥片，都算幾大杯嘅，不過味道就比較單一。呢杯桂圓紅棗茶都幾甜，不過就覺得比較養生，養生嘅朋友可以試吓嘅～之後就叫咗白汁香蒜蜆肉意粉，入面好多青椒同埋蘑菇都幾唔錯～但我最鍾意都係呢個擺設好特別嘅黑松露海鮮意大利飯，佢有海蝦，藍青口蜆肉同魷魚，黑松露味好濃郁我好鍾意因為我特別鍾意食黑松露！！…查看更多

已經唔係第一次嚟食啦，今次又黎到大埔覓食，由於已經10:30，附近都唔知有咩食，之前食過一鳴拉麵，所以對佢印象好好，諗住查查佢仲有冇開，點知真係仲有開！！所以呢個時間都嚟咗食拉麵叫咗個芫荽味嘅拉麵，成日覺得見到綠色嘅就覺得比較健康，我覺得呢個湯底好特別好好味而且湯底好濃郁所以好夠味！:)我就揀咗曲面，同埋辛辣醬揀咗三個，而且餸揀咗係豬軟骨，豬軟骨好林，湯底我就覺得唔係好夠辣，可能因為我比較食得辣仲叫咗唐揚炸雞，炸雞冇乜特別但係好細好易入口，同埋佢嘅醬搭配得好好食！水都係一如既往嘅冰檸檬水溫泉蛋真係好正雖然已經好夜，但係都仲有好多人仲食緊…查看更多

其實就好少會嚟九龍城食嘢，不過今次咁啱同朋友經過，所以就喺附近食一食下午茶！朋友就住九龍城嘅，佢介紹我食呢間，佢話呢間下午茶唔錯～下午茶就唔算多人，所以都有卡位坐，坐得都幾舒服，環境衛生都幾好我叫左芝士焗肉醬意粉，下午茶有嘢飲送，叫左熱檸水，但呢個有點失望，因為我覺得可以再入味少少，但係整體都可以嘅～性比價高但係呢個芝士焗豬扒飯就喜出望外，佢嘅飯好好味豬扒都焗得好好食熱朱古力都幾高質，唔係用水溝出嚟嘅味，都好濃郁…查看更多

好耐冇食啦好懷念呢個味道～今次嚟到旺角呢邊食，環境有少少擠迫而且好多人食，等左差唔多10幾分鐘嗌咗招牌火鴨翅～同碗仔翅好唔同，其實之前已經食過一次，係因為食過朋友一啖，覺得好特別，好好食，所以今次就嗌咗呢碗馳名碗仔翅梗係唔可以唔嗌啦！加埋辣味菜脯真係好好食啊不過就真係有啲辣，因為放多咗少少辣到就嚟噴火啦仲嗌咗黑白炸丸，有墨魚丸、牛丸、豬肉丸同蘑菇貢丸，除咗牛丸嘅外皮炸得有少少硬之外，其他都唔錯最後就係魚皮餃啦！本身就冇乜特別既，但佢啲汁就好够味，所以加埋食好正！…查看更多