Raye K's Profile

在網上看到推介，所以和友人去一嘗What The Food Cafe。到了立即發現真相與相片中的環境有一些距離，可能想像總比真相美。由於當時過了午餐時間，人不多，頗為清幽，所以不用BOOK（？）桌椅沒有特定款式，隨自己心意選擇。我們點了「蒲燒鰻魚蛋包飯」及「豬肋骨」。首先送來的餐包暖暖的，味道很好。至於主菜，個人覺得質素中等，蜜糖芥末味豬肋骨較為特別，但有一定辣，不吃辣的不要選，另，薯角量太少；鰻魚蛋包飯份量足，賣相一流，飯不是白飯，這是友人點的，她說OK好味。這個地方傾計HEA時間一流，舒適安靜，經過一頓飯後，好像得到治癒了:)。唯一不足，侍應們較沒精打彩，不是黑面，只是沒有表情，好像有點不開心。放眼廚房，洗碗姐姐正站著吃飯，為什麼不坐下呢？不能坐還是自己選擇不坐？人情味，對於食肆來說其實很重要。…Read More

二百幾蚊自助餐，仲有生蠔，諗住試下啦去到覺得環境都唔錯但係野食種類好少……的確係有啲失望……等生蠔要排好耐隊先放一盤出黎，仲要有殼碎極度失望……唔想食……估唔到連橙汁都要等……一有大家即刻出去排隊，我覺得咁樣唔係自助餐，亦是對客人不尊重。所以我唔會再去 …Read More

選擇這間餐廳的原因，是因為它的浪漫氣氛。我還在OPENRICE 聽說這裡的結他手可以為你唱生日歌，所以在眾多浪漫格調的食肆當中選擇了「Q Club」。這個地點真的不容易找到，進去後，我有點點被寧靜又高貴的環境嚇到，天花上的吊燈、牆上的佈置帶點歐式古代的味道及昏暗的燈光令我緊張起來，侍應會怎樣看待我們平平無奇的裝扮呢？餐牌來了，幸好是中英對照，而酒牌則是全英的，我們不喝酒，沒有問題。食物凡價錢不菲，例如主菜$400-$700不等。最後我們決定要「燒春雞拼薯蓉」及「蕃茄肉漿千層麵」，點餐時，侍應問我們要不要生蠔，他們真的很懂得推銷啊！我有禮地叫他們給我兩杯水，他問我要有汽還是沒有汽的，我說：「普通兩杯水」他說：「我們只有樽裝。」我便要了一餅樽裝水，盛惠二十五元正，可能高級餐廳是這樣吧！怎料後及後，鄰桌的一家人叫侍應提供一杯水，侍應竟然即叫即有，噢，這樣真的令我對他們的印象及禮貌大減！好了，談一談食物吧！加二十元的包：燒春雞的味道不錯，配上酸酸的汁，再加上入口即熔的薯蓉，我們吃得十分滋味！至於這個千層麵，給我的感覺一般，略嫌口感不夠軟，但芝士味十足，好肥啊！意想不到是這個甜品，真真正正的蘋果批內充滿果肉，既清甜又香口！香蕉味雪糕也令人讚不絕口，好美味呀！:)雖然這一餐比較貴，但是氣氛好、環境好，食物可以，有機會的話我還想再來呢！P.S. 最後結他人沒有出來，原來他只存在於星期一至四，有意試試的各位要注意啊！…Read More

經過看到新開張的餐廳，非常興奮！又去試食了！可能大家也想試試味道，門外非常多人，幸好我們人少較快有位店內十分光猛，又有數台 LCD MON 電視，一檯一椅都很清潔，因為新開張吧！環境很好。想不到食物種類很廣泛，有鐵板、小菜、炒粉麵飯、咖喱、海洋煲、海南雞、東洋定食、焗飯意粉……總有一款適合你。我最後選擇了土魷蒸肉餅和蠔仔炒蛋。大大碟的肉餅令人驚喜，兩人吃也可以，足料土魷，夠「潔實」的豬肉，不會很容易散開，好味啊！大大碟的蠔仔炒蛋同樣驚喜，炒得非常香，蠔仔好有鮮味，平常不是很多餐廳有這道菜，食過番尋味呀！還有正正常常的中湯。至於服務方面，待應不會自動加水，這是扣分的地方。 食物正！相信日後會常常光顧。…Read More

一直也沒有發覺這間餐廳的存在，可能是因為它的位置及裝修比較低調，今日一試帶給我驚喜，終於覺得粉嶺有令人滿意的西餐廳。店內環境幽暗，情侶們進晉晚餐一流。服務生的態度一般，有一位阿姐比較「熱情」，語氣好像跟你很熟，真奇怪。晚上有Set dinner提供，$50-1xx一個，價錢合理。我們才落單不久，餐包、食物很快陸續送來，效率真高。這個白汁天使麵外表非常吸引，簡直就像一流食府食譜的相片，事前沒有想過它會如此像樣，又加分了。三文魚扒ok，白汁也不太濃不太淡，呈水狀，如果可以「杰」一點會更好。味道ok，份量不多，吃下去剛剛好，輕輕淡淡，減肥中的女性可以試試。至於焗飯，新鮮滾熱，吃下去非常惹味，感覺到芝士在你的口內，吃的時候會拉出一條條芝士絲，非常棒！材料也十足！ 發現了這餐廳真好，我一定會再來試試其他菜式！…Read More

成餐黎講，味道幾好，可能係少吃多滋味掛。價錢唔平，所以唔會點到好盡。 牛、豬、雞，牛最正，唔怪得之叫「牛藏」。牛唔UN。 至於烏冬同饅魚飯，質素普通，但價錢仍然偏貴。 成晚最好咪係個日本蕃薯，好甜、細細粒，好想自己去超市買D 黎自己煮，睇下有無咁好味！ 哎呀，食左成晚都唔係好飽，如果佢係放題，你話幾好呢！話時話，點解有高質的牛打邊爐放題、但無燒高質牛的放題？搵到一定介紹俾大家！P.S.　服務生加茶速度強差人意………Read More

點左西冷牛扒飯定（$ 62）、豬扒司華力腸意粉（$ 61）、元貝炒飯（$ 5X）、。 首先係個西冷牛扒，係燒烤食o既牛扒黎o既……好薄…… 另外個豬扒肉質同味道都ok，但係d 意粉條條都唔過10cm，我無叫碎上喎…… 唯一係個炒飯都幾好味。以lee 價錢再加一，點計都係唔合格……我去連鎖店50 蚊食個鐵板好過啦！…Read More

LEE 次係出世以黎第一次入左壽司店唔想食壽司，迴轉上D壽司新鮮程度令人流汗：:( D 三文魚咁紅o既……又無乜白色紋……:( 條蟹柳睇落去好似膠咁啵……仲要來來去去都係o個幾碟……我竟然想唔食就走返出去……不過點都要試食食o既，之後係 MENU 叫左兩碟壽司：估唔到又幾好食喎～完全唔係迴轉上D 壽司黎o既，我望下隔離左右，個個都係落單叫，我懷疑迴轉上d 壽司究竟有無人食o既呢？唔通純粹做樣？哎也，簡直影響食慾……至於價錢，唔係平，都合理啦。兩碟加一：$3x建議大家食o既話唔駛坐迴轉位！落單好過！…Read More

突然好想好想食鋸扒，去大快活睇下有無啦。嘩，太好啦！有呀！有兩個選擇：$50/each我真係好好好鍾意鋸扒，熱辣辣最正！今次倒汁落去既時候雖然無「咋咋聲」，但係都夠熱o既～ 記得細細個o既時候去連鎖快餐店食鐵板餐，d 牛都係「un」到暈o既。咁多年之後，一切落去：嘩，正呀！咬埋落去：嘩，好正呀！牛扒一 d 都唔「un」，誇張 d 講根本就係入口即溶！好驚喜！ 豬扒都好夠林，但係唔「梅」。加多塊煙肉包住，都算幾有心思呀～ 司華力腸就唔駛講啦，大條！ 好想提一提個蒜容汁，真係有蒜容粒，真材實料好味道。但係唔好點太多呀，會太鹹。 成餐好正，真係食得好開心呀！今時今日咁o既價錢算係好好啦～P.S. 好多人都打邊爐，唔通又係好正？…Read More

好開心呀！今日又起元氣食sushi！粉嶺lee 間都係第一次去，竟然要等位啵！都可以話係粉嶺小數要等位的食店！佢新出左個「攞飛」系統，輸入埋電話的話，可以唔洗係門口等，行下街都得，因為差唔多有位會有電話通知你，唔錯！唔錯！嘻嘻，我最愛o既三文魚真係好好味！當然有食其他啦～食左八碟，突然見到隔離檯有炸蠔食，就有樣學樣叫個炸蠔sushi，仲加多個炸蝦天婦羅sushi 添！大約十分鐘，有得食啦！　熱辣辣炸蠔，好好味～最衰一大一細啦！　炸蝦都好大隻，又夠脆！兩碟價錢分別都係 $18 蚊，即係紅碟。就係想同同我一樣咁為食o既朋友仔講：唔好整係掛住食迴轉上面d sushi 呀！自己係menu 叫炸物系sushi 啦～弊，e+ 又好想食壽司啦 …Read More

三點幾走入金牌小龍，都有得食喎，唔通佢地無落場時間？一於少理，叫野食！好多種類：飯、麵、包、餃、中式糕點……價錢比其他食上海野的店鋪合理 好開心呀！（飲品就免啦，本身每人七蚊茶錢，其他飲品都好貴。）我同媽咪兩個人叫左五樣野：我個人覺得一般，唔太辣。好鍾意酸辣湯o既媽咪話 d 材料唔得，無豬紅，整係得豆腐絲、雲耳，全部都係好平o既材料。到lee 個擔擔麵，辣就岩岩好啦，不過唔夠鹹！但係都ok 啦！到左紅油抄手同餃子，掛住食，結果整係影到lee 幅相，你地就知幾好味啦！食得辣o既朋友仔一定要食下紅油抄手，好正，平時鐘意食辣o既我都覺得佢幾辣，一流！甜品，外型好吸引，食落鬆鬆地，唔太甜唔太淡，入面d 紅豆蓉，好味呀，重點係佢真係熱辣辣，咁先正！埋單lu，收錢個侍應多謝都無句……嘻嘻，好開心同媽咪食到餐舒適o既午飯 :)P.S. Sorry，我無試佢個小龍包。…Read More

聽講LEE間係「首爾Cafe」老闆開o既食店，就一於去試一試啦！先講餐廳環境，好寬敞，仲有LCD電視，算係唔錯啦。點知一睇個餐牌嚇死人，全部野食都好貴！前菜唔似「首爾Cafe」任加，再添要10 蚊一款其實間野咁貴，任加都無所謂啦，又唔食得你幾多……最後我地食左： 食豬肉o既時候的確幾似係韓國食到o既味道！同任燒質素好唔同！ 但係個薄餅真係無咩海鮮囉，餐牌寫明圖片只供參考，果然係真o既，但係唔係好值得參考……總結黎講，野食係OK，但係價錢太貴，如果想食韓國燒風味，可以一試，但係要預左貴！我個個waiter 點解同一老細兩間價錢差咁遠，佢話因為「首爾Cafe」d 菜色普通d，lee 咁特別d。之後，我都係去返「首爾Cafe」算啦P.S.　隔離檯食完，個侍應一邊抹檯，一邊噴清潔劑，咁我地仲洗食o既…… 不過有得食已經係一種幸福 :)…Read More