ttfoodfood's Profile

好耐冇見一位朋友，想食餐好聚下，就揀咗呢間尖沙咀燒肉店！餐廳環境非常舒服，一坐低就有泡菜同小食供應！梅酒蕃茄前菜揀咗梅酒蕃茄，呢個整法都幾特別，而且個蕃茄好大好新鮮，加埋梅酒非常好食！芝士吉列鳥肶肉飯卷見到呢度嘅飯卷都好吸引，咁就揀咗呢個嚟試吓，估唔到燒肉店嘅飯卷都幾好食，飯卷上面仲有好多三文魚籽，果然落重本！鳥肶肉店員教鳥肶肉要放喺側邊燒先唔易燶，一碟有四大件，肉質好嫩滑，幾抵食！蘋果木煙燻松露和牛他他呢個和牛他他打卡真係一流，一打開個樽仲有啲煙噴出嚟，而且松露非常多，撈埋清新嘅蘋果，令個和牛他他變得更加好食！香蔥薄切牛舌牛舌超推介，超級好食，配埋啲蔥，味道好夾。和牛牛板腱店員非常細心指導話因為牛板腱非常薄，所以只要燒一邊就可以，同樣非常高質，油脂分佈啱啱好，好味！野菜組合野菜組合非常有驚喜，因為每樣蔬菜質素都非常之高，南瓜甜糯，番薯、粟米同翠玉瓜都非常之新鮮，估唔到燒野菜可以咁好食！總結，呢間燒肉店真係好高質，而且地點方便，非常推介！…Read More

同朋友去完油街，諗唔到食咩，又熱到流晒汗，咁啱經過遇見花蓮，見到menu都吸引同價錢唔貴，即刻衝入去。入面環境都幾闊落，冷氣好夠，坐得都舒服。嗌左個花蓮小食拼盤，臭臭鍋，蛋餅。個小食拼盤係九宮格，打卡一流。入面嘅鴨血同牛肚好入味，好正！番薯酥，鹽酥雞同魚塊炸得啱啱好，好香口，啲肉又嫩。臭臭鍋比我想像中大同足料，有好多塊肉同配料。對於唔太食得辣嘅人嚟講，小辣啱啱好。入面嘅血米糕同鵪鶉蛋，都非常好食。薯粉吸收晒啲湯汁, 勁惹味！蛋餅我哋就揀左芝士同肉鬆口味，個皮啱啱好，唔會太淋太硬。飲品台南鳳梨烏龍茶同鮮奶芋泥手工芋圓，兩杯飲品都大大杯，解喝一流！見到仲有其他唔同嘅選擇，等下次有機會再嚟試啦！…Read More

朋友生日，揀咗呢間任食火鍋嚟慶祝，120分鐘任飲任食先$298，仲有得任轉湯底，一於就試試！一嚟我哋就揀咗海虎蝦紅酒燴牛尾嘅湯底，個湯底超級足料，啲蝦仲要超級大隻，成隻手掌咁大，仲要好新鮮，勁鮮甜！除左有得打邊爐，仲有好多刺身、前菜食，刺身推介三文魚、甜蝦，份量上足又新鮮！拍青瓜同泰式鳳爪都好入味，味道一啲都唔差，見佢仲有串燒食，但因為已經太多選擇，所以都無揀到驚食唔晒！店員好好一早已經幫我哋叫咗一個牛肉拼盤，每款肉都好吸引咁，而且食落非常好食，極上牛肩嫩肉同封門柳肉質都非常好！食到咁上下，我哋轉左個藥膳鮮雞鍋，湯底同樣足料！火鍋配料選擇非常之多，叫咗唔少蔬菜，好似金菇、秋葵、蘿蔔等，樣樣都唔錯！出面有個雪櫃，有唔同類型嘅紙包同罐裝飲品可以揀，野飲都飲左幾包！總結呢間餐廳真係好抵食，性價比非常高，之後都會再同朋友嚟！…Read More

之前已經食過鑽石山間分店，嚟將軍澳揾朋友，一於試吓東港城呢間分店！呢間分店同樣好大間，而且啲位都佈置得好舒適，夜晚都有dinner menu!叫咗個炭燒美國封門柳伴薯條，個餐有配餐湯，南瓜湯味道非常濃郁，好味道！主菜嚟到發覺非常大份，因為用鐵板上嘅緣故，如果想再熟啲可以放上鐵板耐啲！封門柳有牛味，而且有好多件，岩哂2 個人share!個餐仲有配餐飲，我就揀左檸檬茶！我哋加咗個烤芝士肉丸伴自家制薯蓉，冇諗過份量咁大，啲芝士仲可以拉絲，非常好食！本身諗住留肚叫甜品，但係食完依兩樣嘢都已經好飽，唯有等下次嚟再叫過啦！…Read More

見時代廣場呢間餐廳做緊lulu pig 嘅主題，非常之得意，所以就嚟試下！一坐低，店員就拎咗啲前菜俾我哋食！溶化朱古力朋友揀咗呢杯溶化朱古力，除咗賣相非常吸引外，朋友話味道都非常之好，有好濃郁嘅朱古力味！濟州綠茶鮮奶 呢款飲品嘅綠茶同鮮奶嘅比例啱啱好，成日好驚啲飲品沖到好甜，但呢杯就絕對唔會！韓式炸雞 - 醬油蒜頭口味嚟到梗係要試吓佢哋嘅炸雞，醬油蒜頭口味真係好惹味，啲皮炸到好脆但入面嘅雞肉都好嫩滑，仲有薯條配埋，正！傳統紫菜包飯紫菜包飯有好多蘿蔔同埋青瓜絲，感覺非常清新，岩哂我！泡菜炒五花肉蛋包飯蛋包飯上枱嘅時候，店員會喺你面前切開，賣相真係好吸引呀，配合埋泡菜五花肉，味道又幾夾！烤朱古力棉花糖呢個甜品真係非常之邪惡，棉花糖烤到外脆內軟，加埋個威化餅底，真係好好食！今次真係食到非常之飽，下次先再試埋其他嘢食啦！…Read More

好耐無食韓燒嘞，見旺角呢間咁方便，一於嚟試！一坐低就有好多前菜送，樣樣都好吸引，店員話除咗沙律菜，其他都可以refill！平時我食韓燒最鍾意食燒豬皮，煙煙韌韌咁而且佢本身醃得好入味，超級好食，我同朋友仲一人叫咗杯檸檬梳打，味道酸酸甜甜，而且夠哂大杯，一路飲一路韓燒，真係一流！韓式紅蝦大大隻，好新鮮，肉質一流，好快比我哋清哂！特級牛肋骨嘅擺盤真係好吸引，而且仲有一隻紅蝦附送添，店員好貼心咁問使唔使幫我哋燒，不過因為牛肉都好快熟，所以我哋都係自己處理，燒完嘅牛肉真係非常Juicy，咬落去勁多肉汁，好味！食韓燒點可以冇五花腩，今次就真係要店員幫手了，店員好專業咁燒得非常之好，外皮燒到金黃色少少脆，剪嘅厚度都啱啱好，夾埋生菜同埋泡菜食真係好正！見叫得太多肉所以叫左個蒜蓉牛油金針菇，多蒜蓉嘅緣故所以非常惹味！朋友話好掛住韓國炸雞，所以雖然食到好飽，都照叫左，炸雞脆卜卜加埋薯條，今餐真係非常邪惡呀！…Read More

約咗朋友嚟上環呢間餐廳，地點非常之方便，地鐵站一上去就係，而且環境都幾靚感覺好舒服！Sunny Day $42朋友叫左杯藻藍蛋白椰香鮮奶特飲，除咗有好靚嘅心形拉花之外仲有好多好靚嘅食用花，佢話味道都唔錯！Chill Day $48呢杯白桃乳酸特飲味道酸酸甜甜，非常之開胃，而且顏色非常之靚，用嚟打卡真係一流！黑松露帶子蘑菇忌廉意大利麵$118 帶子大粒得嚟煎得啱啱好，而且意大利麵煮得軟硬度適中，味道幾濃味，同朋友都好快清哂！蝦頭油櫻花蝦海鮮粒炒飯$118 呢個炒飯非常之有驚喜，除咗份量非常之多之外，亦都非常足料，真係有超級多海鮮，好似帶子、蝦粒等，仲要啲海鮮好鮮味，唔會係雪到無味果啲，而且炒飯都炒得好好，唔會太油太乾，所以極力推介！總結，呢間餐廳地點方便，價錢又唔貴，性價比都幾高，有機會會再嚟食！…Read More

平時好少嚟太古食飯，知道而家做緊姆明主題就嚟試吓！餐廳整左好多姆明嘅裝飾，真係未食見到都心情大好！姆明冰雪探險 配 聖誕節餅乾$52呢杯椰子咖啡勁可愛，一嚟梗係要即刻打卡，朋友話味道都唔錯，仲要有塊好得意嘅聖誕樹餅乾！淘氣阿美的粉紅冬日$58我呢杯係士多啤梨加白朱古力同鮮奶，飲落唔會太甜，而且造型仲要超級靚，餅乾仲係阿美嘅樣，真係超級有誠意！史力奇的青醬大蝦意大利飯$98意大利飯非常濃味，飯粒都唔會煮得太硬或者太淋，好食！北歐芬蘭溫馨全日早餐$122全日早餐有三文魚、太陽蛋同姆明造型嘅pancake，打卡一流！粉紅冬日姆明谷梳乎厘$155雖然已經超級飽，但見到咁可愛又無理由唔叫，士多啤梨酸酸甜甜咁配梳乎厘就岩岩好，梳乎厘好鬆軟，而且份量好足，食完好滿足！…Read More

星期六同朋友嚟海港城行街，知呢間泰國餐廳有下午茶食就嚟試下！餐廳佈置到好啱打卡，好多地方都好靚，淨係個座位都有排影！坐低就有盤蝦片送比你食，仲有得refill tim，脆得嚟有蝦味又真係幾好食！Tea set 有好多款飲品可以揀，我哋揀咗茉莉花茶同玫瑰普洱綠茶，兩款茶都好好飲！Tea set 有咸有甜，而且每個人都有一set護膚品套裝送添！嚟到第一時間就係打卡，一盤係甜品，另一盤係用紫菜DIY包住唔同食物，有炸雞、五花肉、泡菜、青瓜等等！冬蔭蛋三文治初初以為係甜食，但原來係咸點嚟，味道又幾特別幾好食！鬆餅有原味同斑斕味，味道又幾特別！甜品款式夠多啱晒樣樣都鐘意試啲嘅朋友！呢間餐廳坐得幾舒服，下次嚟會試吓呢度嘅泰國菜！…Read More

約咗朋友喺荷里活廣場食飯，一於試吓呢間一直好想食嘅餐廳，淨係見到裝修都覺得好靚，入面嘅佈置都好有特色，店員安排咗我哋坐咗個好舒適嘅位置！見到晚餐Menu好多都好吸引，揀咗一個焗芝士松葉蟹蓋日式咖喱海鮮燴飯，除咗賣相靚之外，味道都非常之好！咖喱味非常濃郁，蟹膏好多，燴飯配埋洋蔥粒，非常有口感！跟餐嘅南瓜湯味道都唔錯，口感好濃郁，跟餐飲品加咗$15要柚子蘋果梳打，酸酸甜甜幾開胃！我哋仲跟餐要左個迷你芝士流心蛋燒南瓜伴脆皮單骨雞翼，雖然十級邪惡，但非常好食！雞翼炸到好脆，加埋流心蛋嘅汁非常好食，南瓜肉都非常甜，成個南瓜都比我清哂！呢間舖頭好出名食甜品，雖然已經好飽，但都忍唔住叫多個甜品食下，揀咗鑊仔麻糬雪山熱香餅，味道好好，為呢餐留咗個完美嘅句號！…Read More

朋友喺中環返工，又一向都知中環多嘢食，一於喺中環食飯，見呢間餐廳話所有材料都係新鮮同自製，所以就嚟試下！餐廳裝修都幾靚，成個環境都幾舒服！本身以為呢間淨係食waffle，點知原來都有好多嘢食，仲有埋低卡路里餐單同生酮飲食，pancake 又有得揀無麵粉，健康人士就至岩！紐西蘭草飼牛肉粒薯粒鑊仔 $93見到隔籬枱有人叫呢個就叫嚟試下，一上枱果然好香，牛肉粒又唔會炒到好硬，啲薯仔粒又整得好香口，加埋啲芝士，個配搭冇得輸，超級好食！三文魚扒蘆筍南瓜意大利飯 $168三文魚扒大大件，意大利飯好有口感，加埋啲菇、蘆筍同埋洋蔥，每一啖飯都有好多配料！鮮芒果士多啤梨窩夫 $95呢間咁出名食窩夫，一定要試吓，加咗$14轉班蘭窩夫，又真係幾好食，有好香嘅班蘭味！班蘭牛奶咖啡 $63雖然中環呢間分店咖啡任飲，但朋友想試啲特別啲，就叫左個班蘭牛奶咖啡試下，個色好靚，佢話味道都唔錯！總結，食物味道都唔錯，又坐得幾舒服，有機會都會再嚟！…Read More

一向知呢間餐廳好出名，但一直都冇機會食過，今日就一於去銅鑼灣試吓！入到去已經覺得好似去咗馬來西亞咁，個裝修好有特色！見到餐牌樣樣都好似好好食咁，樣樣都勁想試！檳城福建蝦麵（油麵）$66超級足料又有蝦，又有五花肉，仲有蛋，個配搭好好，而且個湯底好味得嚟又唔太辣，不錯！百吉爹肉骨茶（一字骨）$138肉骨茶係任添任飲，個湯超級濃味，完全真材實料，唔會係死鹹，一字骨有成四大件咁多，我同朋友一人兩件，食到超級飽！椰香咖央多士 $32嚟到呢度點可以唔試呢個咖央多士，見到個個必食，雖然超級邪惡，但係超級足料，麵包外皮烘到好脆，然後入面係好creamy 嘅牛油同咖央醬，真係好好食！椰汁斑蘭冰 $38呢度好多飲品都好特別，呢杯斑蘭冰除咗顏色靚，味道都有好清新嘅斑蘭味，入面仲有啲好似西米嘅粒粒，好有咬口，又唔會太甜，推介！而家冇得去旅行，得閒嚟食下馬來西亞嘢，當去咗旅行咁都唔錯，都會繼續再嚟試其他野！…Read More

之前已經留意到呢間餐廳，非常多打卡位，環境好靚而且地點夠晒方便，今日一於同朋友嚟試吓！我哋六點鬆啲到咗，因為早嚟所以唔多人，果然環境好靚，好多打卡位，而且食物選擇都幾多！鹽燒牛舌$98上枱嘅時候已經聞到好香，牛舌厚切但食落又唔硬，證明燒得啱啱好，調味都唔錯！曼克頓炸魚薯條 $88炸魚薯條上枱超級熱辣辣，魚柳炸到脆卜卜，但入面肉質都keep 住好嫩滑，薯條同樣超級脆，加埋嗰醬點住食，真係食到停唔到口！燒加拿大有骨豬架配沙律給薯仔 $188呢個豬架超級推介，因為冇煮到10成熟，所以肉質超嫩滑，仲要勁juicy，啲薯角都好好食！松露蘑菇意大利飯 $148呢個意大利飯超級creamy，飯嘅軟硬度適中，加埋啲沙律菜同蘑菇超級好食，勁快清晒！總結，呢間餐廳環境好靚，嘢食又好食加上地點亦都方便，之後都會再同朋友嚟！…Read More

冇得去旅行，喺香港都好難諗有咩做，之前見到D2 Place有間可以打高爾夫球嘅餐廳，覺得幾特別，一於今晚就黎試吓！坐低，餐廳職員就介紹而家有個$530嘅package 可以包一個小食拼盤+ 1個鐘頭任玩高爾夫球，因為我哋都唔算太肚餓於是就揀咗呢個package！小食拼盤可以揀五款，見到款款都幾吸引咁，一於就揀咗頭5個嚟試吓！豬五花串燒，肉質鮮嫩，味道唔錯！唔怪得叫珍寶珠雞翼，因為外型圓轆轆，個照燒汁又幾入味！ 牛油果墨西哥卷餅，份量啱啱好！食完職員就帶我哋去玩高爾夫球，因為我哋都未打過，佢仲好細心咁教我哋點樣玩！其實第一次玩，感覺都幾得意幾好玩，同埋原來要用打中個波都唔易，個姐姐仲不停鼓勵我哋話打到個波已經叫好叻，不過我哋見到隔離啲人打得好勁，都係一個幾難忘嘅體驗！總結，作為有一間餐廳，有得食仲有得玩，地點又方便，仲可以瘋狂打卡，都係一個值得嚟消磨時間同食嘢嘅地方！之後有機會都會再嚟！…Read More

呢間餐廳真係超級多人排隊，但由於之前已經見到啲網上圖片真係好靚，所以都決定排隊試試！濟州柑橘乳酪$68見到好多人都叫咗呢杯，因為個造型真係好特別，用嚟影相真係一流，飲落酸酸甜甜咁，幾開胃！隔離紅菜頭小食係坐低就會送嘅餐前小食！韓式朱古力泡泡$48造型又係無得輸，朋友話味道都唔錯，好濃朱古力味！傳統紫菜飯卷$72一向好鍾意食飯卷，我鍾意佢呢個飯卷超級多青瓜、超級多黃瓜，所以食落口感好好，夠清新！韓國蜆肉飯$125嚟到已經覺得個賣相好特別，但食落味道好好，個飯其實都有少少辣，但又真係幾惹味，加上蜆肉超級多，有種一直覺得辣但又一直想係咁食嘅感覺！醬油蒜頭無骨炸雞半份$108真正做到外面脆，入面肉質鮮嫩嘅感覺，加上個調味好惹味，所以真係食到停唔到口！附送嘅薯條仲要同樣炸到脆卜卜，一樣咁好食！水果忌廉三文治$62淨係個樣都超級靚，忍唔住幫佢瘋狂打卡，明明食到超級飽都忍唔住要叫，味道都唔錯！士多啤梨提拉米蘇$68個樣真係好可愛，酸酸甜甜嘅士多啤梨配埋落tiramisu 度，即刻感覺冇咁膩，個配搭都幾好！呢度嘅食物外型靚而且份量多，加上又真係幾好食，所以難怪咁多人排隊！有機會都會想再嚟食多次！…Read More