Sunny Day $42
朋友叫左杯藻藍蛋白椰香鮮奶特飲，除咗有好靚嘅心形拉花之外仲有好多好靚嘅食用花，佢話味道都唔錯！
Chill Day $48
呢杯白桃乳酸特飲味道酸酸甜甜，非常之開胃，而且顏色非常之靚，用嚟打卡真係一流！
黑松露帶子蘑菇忌廉意大利麵$118
帶子大粒得嚟煎得啱啱好，而且意大利麵煮得軟硬度適中，味道幾濃味，同朋友都好快清哂！
蝦頭油櫻花蝦海鮮粒炒飯$118
呢個炒飯非常之有驚喜，除咗份量非常之多之外，亦都非常足料，真係有超級多海鮮，好似帶子、蝦粒等，仲要啲海鮮好鮮味，唔會係雪到無味果啲，而且炒飯都炒得好好，唔會太油太乾，所以極力推介！
總結，呢間餐廳地點方便，價錢又唔貴，性價比都幾高，有機會會再嚟食！
