ivyivy629's Profile

今日行開鰂魚涌附近，諗住睇吓有咩食，見到一間新開嘅burger店，所以一試。雖然佢唔係喺主街，但係店面係藍色所以都幾易認到。舖嘅面積唔大，座位有8個左右。店員好親切咁介紹佢哋舖頭嘅漢堡包，其中一樣嘢好特別就係除咗你可以order正常嘅漢堡包，佢係有得揀帶有酒精嘅漢堡包。究竟咩係有酒精嘅漢堡包呢？就係一啲配菜例如酸瓜同埋椰菜係用指定嘅酒精預先醃制。咁既然係咁我哋就試咗一個 雙重芝士和牛漢堡嘅酒精版（whiskey burger)同埋牛脷芯漢堡。每個漢堡都可以加錢變做combo，其中包括有跟薯條或者係跟蕃薯條或者係nachos同埋一罐冇酒精嘅飲品。首先上枱嘅係牛脷芯漢堡，個漢堡撳落去嘅時候有空氣感但做到微脆口，讚👍牛舌嘅份量都唔少，大約有5至6片，好味嘅牛舌咬落去應該覺得係有少少軟身，呢一隻就唔係嗰個感覺但係味道都係正常嘅。但我覺得比較特別係除咗正常嘅蕃茄洋蔥配料之外佢竟然加咗京蔥，多咗種層次，我幾鍾意！至於個Whisky漢堡，塊牛肉食落Juicy，肉味不錯。食得出佢個青瓜同紫椰菜係有whisky嘅酒味，同成個漢堡包都好夾同埋因為有呢啲配菜而令到個油膩感減低。至於薯條都係正常不過就略嫌有少少乾身。見到個舖頭都係有幾個大男孩主理，感覺年青，加上佢播嘅歌都係自己喜歡嘅歌(mirror😍, callstar, 欣宜等）。雖然店面小，但係整個用餐感覺都好好，呢類型嘅小店絕對值得回頭再試。…Read More

因為住近東區，weekend有時唔想去好遠，就開始尋覓附近有冇好野食。發現最近柴灣多咗間樓上cafe, 地點其實唔近地鐵站，由柴灣地鐵站行過嚟都要起碼10分鐘。我地搵咗個星期日過去食lunch, 之後可以順便去埋小西灣DONKI。因為係星期日關係，本身工廈嗰正門落閘，心諗唔通間cafe冇開，但又見到餐廳易拉架係度，就打比餐廳問下，佢話假日正門會落閘，叫我地轉個灣係後面入車嗰邊入。上到去餐廳嗰層，門口光鮮，好容易搵到。以為呢個地方唔就腳，但係去到已經有八成滿，我哋好好彩窗邊嗰度有兩個位，可以望住過海食飯！佢地個lunch menu 有大約10款食物揀，可能係weekend, 只有單點，飲品另叫。我地二話不說叫咗fish and chip同beef burger, 再另外加咗杯cappuccino 同americano. Burger賣相不錯，塊牛肉食落係juicy唔太油，有驚喜😍而薯條係我最愛既fat chip！至於個fish and chip，望落去好似太脆口，但反而入面個魚肉好嫩口，d肉唔會死實實，不過始終魚味欠逢。而2杯咖啡都中規中矩。但望住呢個海景（雖然唔係維港😅），有種悠然自得既感覺，令到個人放鬆。題外話：我另一半話見到佢地既制服同店名都係菊，話唔通老闆係G-Dragon fans🤔…Read More

近排見到IG呢間餐廳很紅，話必需要排隊先可以試到，咁就趁平日過埋個lunch hour先試。去到既時候已經2:30，完全唔駛等位，但入面都有7成滿，呢個鐘數都算多人。lunch set由早上11點半開始至下午3點，選擇類別多，有湯面、乾面、飯同麻辣鴨血煲，價錢由$46至$76不等，除有指定伴菜外，lunch set包一杯免費飲品，凍冬瓜茶或者冷/熱紅茶。我地分別叫咗必點既紅燒牛肉面同麻辣鴨血煲，再追加一客鹽酥雞。先上麻辣鴨血煲，佢用一個小鐵鍋，下面有個小蠟燭熱住，香氣陣陣。鴨血煲可以跟飯或者冬粉，咁食得呢個，跟冬粉會惹味d。紅紅既湯底有至少7-8舊鴨血、2舊凍豆腐、切開一半既貢丸同少少菜，份量也不少。鴨血不是太煙韌嗰款，食落都有質感。至於其他配料也中規中矩。紅燒牛肉面我地揀咗濶面，類似刀削麵之類口感，而個湯有少少辣，加埋d酸菜更好。牛肉份量不少，有3-4舊，唔算好淋，但可以再入味啲。至於鹽酥雞反而有驚喜，即炸脆口重蒜蓉味！以呢個價錢亨用lunch, 算係抵食😬…Read More

Bookmark咗佢地中環店一段時間，見佢終於都開到嚟黃埔，咁梗係趁食飯時候去試。呢個漢堡店除咗食手打牛肉漢堡之外，當然要試佢地既「panger」。顧名思義就係pancake加burger，呢度你可以加$10轉用pancake取代麵包或者叫佢地指定既「panger」，例如煙肉蛋、豬柳蛋，就冇手打牛肉做餡。咁我第一次食就試咗佢哋嘅classic burger轉左pancake。呢度每款burger都係跟餐，包薯條同埋一罐飲品，大約$60-93不等。如果你唔想食基本薯條，你可以加錢轉例如$5薯角或者$8甜番薯。見到佢基本薯條都係我鐘意嘅粗薯條，所以我就冇特別轉。呢間舖頭係冇堂食，係外賣店。我今日平日1點到，由我來落order到拎走就大約等咗8分鐘。一打開個包，賣相不錯。Pancake厚身得黎好鬆軟，帶少少甜味，好好食！手打牛肉肉汁滿又唔會太乾，至於生菜同蕃茄都新鮮，讚！另外，面嗰個醬汁好似係淡口嘅芥辣醬，味道同整個包都好夾。而包薯條都幾大包，薯肉飽滿，好食😋我覺得以手打漢堡而言，呢間舖性價比好高，絕對值得回頭幫襯！…Read More

難得的一個星期日約咗呀妺食brunch, 好好彩一到就有位（平時經過實會見到有人排隊）。其實menu好簡單，主要有黎自5個地方名名的brunch, 包括倫敦、橫濱、香港、巴黎及加爾各答, 每款都有個別地方特色。而我地今次就揀咗倫敦同加爾各答, 另外叫咗杯cinnamon honey latte. 倫敦其實係燉牛面頰焗豆加煎蛋配香草麵。個醬就似肉醬意粉個蕃茄醬，牛面頰十分淋，同麵包一齊食味道唔算太咸！至於加爾各答就係牛油雞件配窩夫，聽落好普通，但佢既窩夫係用咗馬沙拉香料一齊整，好有印度風味。雞件唔算炸得油膩，不錯。杯咖啡都中規中矩，因為加咗玉桂，唔知點解同個馬沙拉窩夫好夾，整體更覺踏上一個異國旅程！…Read More

小西灣呢間本來看似不起眼的小餐館經常都有人在餐廳外等位或者等外賣，bookmark咗呢間一段時間，就趁一星期六要去藍灣半島DONKI 前試吓。大約一點到，咁啱有2個位，即入。餐廳室內真係蠻小的，約有16-18個位左右，裝修簡約。當日分別有周末單點及周末brunch。單點有意大利粉、意大利飯同蛋包飯，加$15升級有湯或沙律，另半價飲品。至於brunch有炸魚薯條、牛肉漢堡薯條同西冷牛扒等，加$15升級有湯或沙律，包一杯飲品。另一半話想食炸魚薯條，而我亦都邪惡地叫咗牛肉漢堡薯條，放假呀嘛😝先來飲品，我飲earl grey tea, 似係英國W某牌子的茶，不錯。而佢既即磨咖啡正正常常。主食的炸魚薯條上枱甚為分量十足，魚既脆漿不會太厚，魚肉都算厚生，薯條亦都係我地喜歡的粗薯，所有都係即炸👍而我的牛肉漢堡，包漲卜卜，有烘過，番茄生菜生鮮及有車打芝士做配料，主角牛肉有肉味，但略不夠juicy。呢間餐廳看得出是一間用心經營小店，性價比高，難怪咁多人支持。臨走前見到隔離嗰枱叫咗個豬扒蛋包飯，超吸引，值得回頭再試！…Read More

2021年第一餐揀咗呢間有意思的便當，起初以為冇堂食，只有外賣，但其實係可以係隔離舖坐底食。餐牌上有十多款便當選擇，由$58-$98不等。因為前一晚食得太多野，我地分別簡單點咗親子丼同滑蛋吉列豬扒丼。因為即叫即整，等咗大約5-10分鐘左右就有野食。一開盒感受到蛋既滑溜，配上一口熱既日本米同洋蔥雞肉，好滿足。唔好以為個盒好細，我同男朋友都食得飽！眼見呢間舖無論落order同廚房都係年輕人幫手，絕對值得支持！…Read More

終於都回歸喇，新舖係另一座工業大廈，好近舊舖，1分鐘距離左右。位於8樓既新舖，一出升降機轉左就會見到個霓虹光管招牌。諗住入去應該冇錯，點知嗰個位置係廚房加外賣自取，店員就帶我地去另一間房間。原來而家係用QR落餐加信用卡比＄，除咗送餐之外其他步驟都不經人手。堂食呢個房間係獨立房間，同隔離廚房係分開咗。男友當然點咗佢個招牌手打黑松露牛肉漢堡加薯條，而我就試意大利素菜蘆筍雲吞伴黑松露醬雜菌忌廉汁加溫泉蛋。另外我地叫咗2杯即磨咖啡。堂食位置嘅設計簡約，所有嘢都係自助形式包括餐具同埋有麥茶、熱水、室溫水供應。出餐時間好快，先上的意大利素菜蘆筍雲吞伴黑松露醬雜菌忌廉汁加溫泉蛋，賣相超靚，吉一吉隻溫泉蛋，好治愈😌個黑松露醬忌廉汁唔太杰身，但可以掛係每粒雲吞上面，好好味！我諗應該至少有10粒雲吞加埋意大利青瓜粒、蘆筍同雜菌伴在一起，十分飽肚！而個手打黑松露牛肉漢堡，麵包上台微脆，生菜番茄生鮮，有少少酸洋蔥連牛內一齊食，解油膩。牛內都有肉汁鎖住，如果可以煎到佢微焦嘅話就會更加好味，反而我又食唔到黑松露嘅味道。薯條亦係我喜歡的fat chip, 不錯！至於杯即磨咖啡就比較淡口。整體餐廳質素十分好，見到嗰啲外賣單都源源不絕，仲有佢有搞到會服務，咁高質的小店絕對值得幫襯💛…Read More

因為約咗係香港大學站附近試粧，咁就順便睇吓有咩cafe可以悠閑一下。一search其實都有好幾間，不過比呢到有唔同flavor既咖啡吸引，就試試。初頭見有幾個人等緊位，心諗星期四差唔多2點都咁多人，點知等咗5分鐘，就等到。店員見我一座低就話daily pasta 賣晒，可以試all day breakfast或者其他sandwich, 咁我二話不說就要咗份all day breakfast, 至於咖啡，我掙扎試tiramisu 定Irish, 見自己都偏愛Bailey, 就試試Irish coffee. 我留意到原來舖頭得一個人走全埸，所以需時出餐同咖啡。先上的all day breakfast, 賣相精緻，有芝士炒滑蛋、蘑菇、香腸、煙三文魚、沙律同牛角包。最好食係個蛋，有蛋香味之餘加上芝士，又炒得滑！略覺得牛角包太脆口，缺少酥的感覺。至於杯咖啡，特別喜歡佢個杯的設計，佢隻杯係2層設計，由上枱開始計起碼30分鐘後，杯咖啡keep住熱，讚👍杯咖啡偏濃味，我記得是不含酒精，但有陣陣Bailey 味，可否讓店主再解說一下？整頓牛餐好寫意，而臨走前同店主閒談，是有誠意的，值得再次到訪！…Read More

説實話，本來係想食呢間餐廳隔離間台灣野，奈何太多人等位，轉食越南野。一坐低見到個menu，竟然有5 courses meal in lunch，仲要有5款主菜揀，包括無骨雞黃薑飯、原隻軟殼蟹黃薑飯、Pho等，另外有2款小食，包括牙車快沙律或無骨鳳爪、椒鹽脆蛋魚柳或手撕雞檬紙卷; 餐湯（牛骨、雞湯或者加＄椰汁酸湯或蕃茄湯）同埋餐飲，$85至$138。其實有選擇困難症嘅人就慘🤣除咗個5 courses meal外，還有其他十幾款簡單lunch set, $46至$69。我男友就試5 courses meal，揀咗無骨雞黃薑飯、無骨鳳爪、手撕雞檬紙卷、牛骨湯及咸檸七。而我就簡單d，香茅豬併雞扒蕃茄湯檬配漏漏啡。雖然set係包飲品，但有d飲品要加＄。例如咸檸七同漏漏啡各自加$9。上枱每款食物份量十足。首先無骨雞嫰飯香、無骨鳳爪爽，而墊低沙律都好好味、手撕雞檬紙卷清新。至於我個香茅豬併雞扒蕃茄湯檬，湯底濃（偏甜），香茅豬同雞扒都好入味。杯漏漏啡真係有個簡單漏壺上枱，配埋煉奶，甜入心。真心覺得抵食夾大份，最緊要係好味💛…Read More

星期日想搵個地方食lunch, 行行下醒起尖東有一間想試既呢間cafe。其中一個想去原因係兩隻狗店主黑糖和糖妹會定時出現在不同分店，可惜嗰日唔係佢地既「上班時間」。大約1點左右到，等咗5分鐘就有位。除咗試佢地咖啡外，食物也看似不錯。我地揀咗carbonara意粉同熱熔吞拿魚芝士三文治，咖啡就點咗cappuccino 同americano。 先上carbonara意粉，望落已經非常creamy, 食落更係啖啖濃濃奶油味，加埋滿滿香口既煙肉碎粒，好味😋至於熱熔吞拿魚芝士三文治，用上我最愛既酸麵包，而芝士用上Swiss cheese 同cheddar cheese, 放入烤脆左既麵包，拉絲效果出晒，好好味！2款食物一d都冇令人失望，好滿足😌至於咖啡質素也不錯，亦係喜歡的nutty favour。呢間cafe絕對值得再試！…Read More

呢間bagel小店bookmark咗一段時間，終於搵咗平日過咗lunch time試吓。要到訪呢間舖有2個途徑，一係經商場入，或者可以係中環中心旁邊條小巷入，雖然牆身有店名既graffiti，但稍一不留神都見唔到。鋪入面座位不多，8-10個左右，我諗好多人都係買外賣多，或者舖面有幾個位置，方便🚬。望住個menu，見到最多人推介既pastrami bomb煙燻牛肉，不過我地最後都係叫咗smoked salmon煙三文魚同avocado & egg牛油果煎蛋（因為嗰日我唔想食生冷野，惟有揀冇沙律配料既avocado & egg bagel😬)。另外，當有唔同款式既bagel襯，例如plain, poppy, blueberry等同一款叫everything，顧名思義即係咩都有，poppy+sesame+sea salt+dried garlic，咁特別，梗係試呢款！2個bagel上枱唔算係爆配料款式，但食落係飽肚嘅。我好欣賞煙三文魚配上capers 酸豆，酸豆醃漬過，咸咸的，同三文魚好夾。聽講有研究話酸豆有益心臟和大腦運動。而個everything包，一而係poppy+sesame另外一面就sea salt+dried garlic, 咁樣既mix and match啱晒貪心的人😆而包食落唔算好紮實，唔需要咬到牙較攰但尚算煙韌。至於我個avocado & egg，牛油果+煎蛋反而唔係重點。入面嗰個Hummus鷹嘴豆泥是至係靈魂。鷹嘴豆泥起源於中東，營養密度高之餘亦含有豐富的蛋白質跟大量的膳食纖維，又一健康之選。另外，Hummus令成個包變得好有異族風情💃中環雖然有好幾間專食bagel嘅餐廳但係呢間都係不錯嘅選擇!…Read More

想試呢間鐵板三文治一段時間，趁K11而家做緊每晚5點後，指定餐廳買外賣滿$100減$50，就試吓。三文治配搭新頴，例如有款係拉麵叉燒鐵板三文治，味噌拉麵配上日式叉燒同溏心蛋。但我都係試過平實d，就係歐陸鐵板三文治，以普羅旺斯燉肉丸配芝士通心粉、薯餅及流心蛋。另外，叫咗個大size3日3夜自家手切薯條配黑蒜醬，2樣野加埋只需要$60。因為始終外賣返屋企食，三文治同薯條都淋咗，如果即場食應該好好多。先講三文治，有脆口薯餅、香濃既芝士通心粉加濃邊蛋（到我口時已不流心😛）同肉丸，有多重口感既沖撃，大滿足！而薯條外脆，裡面充滿薯蓉，係我喜歡既肥薯條😋喜歡試爆餡三文治既你可以試吓！…Read More

平日的一個夜晚，男友訂了呢間食阿根廷牛肉的餐廳食飯。餐廳不大，一入門口已經見到個開放式廚房，而我地被安排坐係一個角落。因為我地6點到，所以得我地一枱，包場食飯😝係多款頭盤入面，我地叫咗烤八爪魚同蝦肉白魚生粒；主菜就叫咗一份24安士連骨西冷，足夠2個人share食。先上八爪魚，份量不少，烤得好香，尚算有鮮味，但肉質偏「淋」。而蝦肉白魚生粒，重點不在於嗰d蝦肉白魚生，而係個汁十分醒神，酸酸的，加埋芫荽（當然你要喜歡芫荽），清新！主角到喇，西冷已經切好一片片，因為我地叫5成熟，上枱時肉帶粉紅，看來不錯。食落口，好嫩口，始終係阿根廷牛，肉味濃，但如果同我之前係中環嗰間阿根廷牛餐廳對比，嗰間肉味再出色d同再香口d。而貪心既我，都叫咗個甜品試，紅酒啤梨配朱古力雪糕，而為會好漏，但個啤梨食落好清新，幫我清清牛肉既油膩感。整體呢間都係一間值得幫襯既小餐館！…Read More

入夜後，長洲回復一種寧靜感，而今晚男友訂咗呢間小餐廳食晚飯。由碼頭行過嚟約5分鐘，係其中一條橫街內，遠處已經見到光亮既門面。餐廳大約有12個座位左右，計埋我地只有2枱客，接近包場😝餐牌有小吃、意粉、主食同甜品。男友一早已經諗到食咩，就係土製炸蛋、真卡邦尼意粉同慢煮豬扒。好可惜，炸蛋售罄😭，所以我地惟有轉叫松露炒蛋配薯餅。而男友當然有叫啤酒，出面少見既本地啤「Carbon Brew」，口感乾淨清脆，帶有穀物風味，不錯👍先上松露炒蛋配薯餅，薯餅係切絲煎薄身，少香口，而個炒蛋雖然唔係滑溜，但有蛋味加埋黑松露，冇得輸。至於個真卡邦尼意粉，店主表明要吃傳統卡邦尼意粉係唔加忌廉，因為吃的是蛋黃及芝士的味道，加忌廉把所有味道也蓋過了。上枱後先加芝士片，撈勻晒，試第一啖後覺得個蛋黃汁真係好香濃，每一條意粉都充滿蛋黃汁，而同樣做到creamy既效果！而慢煮豬扒如果我冇記錯係加拿大既豬，連骨煮，上枱見到已經切開一片片，嫩嫩既粉紅色，食落肉味夠同嫩口。而個邪惡薯蓉亦都好好食，並唔係開粉整個d假薯蓉。本身想試埋佢個焦糖燉蛋但係呢三樣嘢已經令我哋兩個超級滿足。如果大家入到黎長洲諗唔到食咩嘅，呢間小餐館都會係一個不錯嘅選擇！…Read More